جاء فى الصحف تصريحاً للسفير على يوسف يحتج على مجرد تصريحات للسفير الامريكى فى لقاء مع الصحفى عثمان ميرغنى وقال ان هناك تجاوزات من السفارات والبعثات للأعراف الدبلوماسيه
وتم استدعاء السفير لإبلاغه بالاحتجاج ياعلى عيب تقول كلام زى دا انتوا بالذات الذين كنتم فى البعثه فى نيويورك وانا حاضر عهدكم هناك انتوا بالذات آخر من يتكلم عن الأعراف اعراف شنو ؟ . وتجاوزات شنو ؟ ياخى انتوا كنتم نشطين سياسيا عديل وانتوا دبلوماسيين وكان منكم من كان وراء تكوين تنظيم الاخوان المسلمين السودانيين فى نيويورك وكان فيه زميلك الدبلوماسى سليمان عبدالتواب ويا على يوسف أعراف شنو وانت وزميلك سراج حامد ممثل الدفاع عن عمر البشير ابعدتم لماذا من نيويورك ؟ . اليس لاتهامكم بادخال متفجرات لداخل الامم المتحدة بعربة السفارة الدبلوماسية ؟؟ وتقول لى أعراف دبلوماسية وتحتجوا على مجرد تصريحات صحفية؟؟ وياخى من ادخل الشيخ عمر عبد الرحمن لنيويورك بجواز سفر دبلوماسى سودانى؟ وحوكم عمر عبد الرحمن بالسجن ٢٠ عاماً وهو بجواز سفره الدبلوماسى السودانى وتتكلم عن أعراف دبلوماسية !! بعدين ياخى الخارجية السودانية دى بالذات ماتتكلم عن أعراف ياخى فى نيويورك مش تم ابعاد ٢ دبلوماسيين واحد فيهم كان يمشى المترو يلتصق بالنساء الأمريكيات !!! فتم قبضه وابعاده والآخر ذهب لبار (وقابض) امريكية وجابت له البوليس وابعد وهؤلاء لم يحاكموا للحصانة الدبلوماسية ودا كله كان فى عهد دولتكم الاسلاميه (لعنة الله على دولتكم) وتتكلم لى عن أعراف دبلوماسية وأعراف دبلوماسية دى كانت زمن ناس جمال محمد احمد وابراهيم طه أيوب ولكن بعد الانقاذ انتهى كل شئ فالتزموا الصمت ويأسفير ياامريكى لماذا لا تحققون مع الدبلوماسيين الذين كانوا متورطين فى ادخال المتفجرات لداخل الامم المتحدة وكذلك اشتركوا فى تفجير نفق جرسى والقانون الامريكى ليس فيه تقادم ام انكم تخافون الاخوان المسلمين السودانيين وصدقنى كلما خفتم منهم تجاسروا عليكم .
اول مرة اعرف ان علي يوسف “علي باسكت” تم ابعاده من نيويورك مع سراج الدين حامد يوسف
امريكا ياستاذ موجودين كلنا فيها ونعلم عملاء المنظمات سواقين التاكسى والذين كانوا يكتبون التقارير الكاذبة عن حكومة الانقاذ مثل عمر قمر الدين اما ماتكتبه انت كله اكاذيب . ونعلم ماهى وظيفتك فى نيويورك ومن انت ؟ وما هو حزبك ؟ وكيف اتيت الى الولايات المتحدى .
ياخى مفروض لو راجل وشجاع تتكلم طوالى عن عملاء المنظمات لكن العمل ماعيب والزول يكون منتمى لحزب دا عيبه شنو العيب انه الزول يكون كوز زيك كده ودا واضح من تعليقك
ما دام انت تدافع عن الانقاذ بالله عليك ورينا انت ذاتك جيت امريكا دي كيف لانك انقاذي و كان الافضل لك المشاركة في وليمة نهب السودان بواسطة لصوص الاسلام السياسي او انت هنا لتنفيذ مهمة اختراق المعارضة السودانية ،،،، و مرسل من جهاز الامن السوداني و اعطيت ورق من تنظيمكم الاجرامي لتسهيل قبول طلبك كلاجئ سياسي في هذه البلد ،،،،
شكرا علي استاذ علي هذا المقال الذي يكشف الوجه القبيح للدبلوماسية الكيزانية وقصة الدبلوماسي الذي قبض عليه فى بار يعاكس الناس معروفة فعلا للجميع شكرا يا استاذ محمد الحسن اكشفوا هؤلاء المجرمين للشعب السودانى
كان ردك يااستاذ يكون موضوعى انا مابعرفك ولا بعرفه لكن اللجوء للشتائم دا اسلوب الكيزان والمفلسين والشغل مهما كان لو الزول شغال خدام ويكسب حلال مابشتموه بشغله يشتم الزول البياكل حرام ويأكل اموال الناس زى الكيزان
عليهو العوض ومنو العوض في اولاد السودان.. اتعلموا من اليهود احسن.