من ضمنها جامعة النيلين ..إغلاق 112 جامعة تروج لشهادات وهمية في السعودية..ديوان المظالم ينظر حاليا في 20 شهادة دكتوراه مزورة لسعوديين
الرياض – أعلنت وزارة التعليم العالي إغلاق 112 جامعة ومكتبا وهميا خلال الأعوام الماضية تروج لشهادات غير معترف بها، وحملت وسائل الإعلام مسؤولية الترويج لتلك الجامعات والمكاتب من خلال الإعلانات الترويجية التي تضلل الطلاب السعوديين، وتدفعهم إلى الالتحاق بها.
وأعلن وكيل وزارة التعليم العالي للشؤون التعليمية الدكتور محمد العوهلي عزمهم التصدي لتلك الجامعات وإيقافها عند حدها، مشيرا إلى أن الوزارة كانت تعاني حتى عهد قريب من الدعايات الإعلانية التي تروج لها وسائل الإعلام «هذه الدعايات كانت تبث في الصحف، وبتضافر جهودنا مع وزارة الثقافة والإعلام تم القضاء عليها». مؤكدا على دور الإعلام وجميع القطاعات المعنية في إغلاق مثل هذه المكاتب التي وصفها بالدكاكين.
واعترف العوهلي بعدم وجود استراتيجية في التخطيط لقطاع التعليم في المملكة، مؤكدا أهمية إصلاح الضعف، وذلك من خلال مشاريع مشتركة بين التعليمين العام والعالي كمشروع «تطوير» الذي سيرى النور قريبا.
وحول الجامعات الأهلية، أوضح العوهلي أن الجامعات الأهلية والتعليم الأهلي اشترطت أن يكون غير ربحي، لكن في 2003 تغير هذا الأمر وأصبح مفتوحا حتى للجامعات غير الخيرية، مضيفا أن الوزارة لديها حاليا أكثر من 120 طلب ترخيص، وأكثر من %60 منها ربحي.
يشار إلى أن ديوان المظالم ينظر حاليا في 20 شهادة دكتوراه مزورة لسعوديين صدرت من جامعات وهمية تم إغلاقها أخيرا في المملكة ومنها جامعة كولومبس التي أغلق مكتبها في الرياض، وجامعة النيلين في السودان.
وكالات
وا فضيحتاه!
نحنا نمشى وين ولا وين؟
رأسمال الوحيد اللى ممكن السودانى يمرق بيهو من السودان هو الشهادة الأكاديمية وسمعة البلد فى التعليم … وخلاص بعد كدا .. تعليم وإنتهى
قبل كدا كانت فضيختنا مع الجامعات الأردنية اللى رفضت الإعتراف بالشهادات السودانية خصوصاً الماجستير والدكتوراه .. والليلة دور السعودية!
لكن السعوديين ليهم الحق … جامعة النيلين دى فيها فوضى وتسيب نحنا كسودانيين ما خافى علينا .. للأسف الموضوع وصل للخليج الفضيحة بقت بجلاجل
قبل كدا واحد سودانى مشى بريطانيا عشان يعمل ماستر .. كوز مبتعث بقروشنا نحنا ديل … مع بداية الدراسة الراجل طلع ما ناقش أبو الدو … الجماعة إضطروا يعملوا ليهو إعادة تأهيل أكاديمى .. وبعد التفحيص والتمحيص … قالوا للكوز … نحنا ما عندنا ليك أى دراسة ماستر لأننا ما معترفين بشهادتك الجامعية ذاتها!!
أما جامعة النيلين ففيها العجب العجاب!
فى الجامعة تلقى الناس واقفين شماعة فى القاعة والعدد النهائى للطلاب ما بيتعرف إلا مع تخريج الطلاب … ياخى جامعة النيلين دى من شدة إستسهالها للشهادات بتاعتها بقت معروضة للبيع كأى سلعة .. بتفتح مراكز كمبيوتر وبتروج وتبيع شهادة الدبلوم منها للى بيدفع رسوم الدورة التدريبية.. يعنى ممكن من الشارع تبقى طالب فى جامعة النيلين!
يا حليل جامعة القاهرة (فرع الخرطوم) قبل الأسلمة والسودنة
;(
غايتو السودان دا حجره ما غتس من هين
;( ;( ;(
"إنا لله وإن اليه راجعون"
بعد دا الواحد الا شهادة لا إله الله ومحمد رسول الله .
بلد أي حاجة فيها بينظام والله التزوير على كافة المستويات شهادةو بتكون موثقة من الجامعة والتعليم العالي والخاجية كمان …حرامية على كافة المستويات .
والله شاهد عيان تدفع أرنبين تاخذ دكتورا وتدفع حبة ونص تاخذ ماستر و البكلاريوس بي أرنب .. والثنوية بي سبعمائة ……………
ديل ناس الرقعة ,, بلد ترابها يتباع ما قلنا حاجة , الموية تتباع ماقلنا حاجة , شهادة تحبى فيها 17 أو 20 سنة وفي النهاية ياخذها واحد بي حفنة دراهم دا الخذي والعار للقيم والمثل .. يعني خلاص دي نهاية الامة لانو البعلمك القيم والمكارم هو حرامي , انتى حاتطلع ايه…………
يا رب يا رب يا رب ألطف بنا ,,,,,,,,,,
عصابة الإنقاذ وهم كبير عاشه الشعب السوداني في ظل عصابة الإنقاذ
في كل العالم توجد عصابات لديها بعض من القوانين
إلا عصابة الإنقاذ لا دستور لا قانون وفي جميع المجالات قتل – نهب – تزوير – إغتصاب وفي الاخير طبله وراقص
ما جامعة النيلين براها .. كل الجامعات السودانية
بتدي درجة الدكتوراة لكوادر الكيزان وتبعثهم للعمل كمنتدبين
في الجامعات الخليجية .. لانهم من كوادر النظام وبس ;(
اضيف فقط علي تعليق الاخوين ما ال اليه حالنا يقال درس الملك فهد بمدرسة الريفيه في الدويم وطلب بعد ذلك الحاقه بجامعة الخرطوم ورفض طلبه لانه لايحمل شهادة نجاح ثانويه ويقال كان ذلك سبب موقفه المتشدد ضد السودانيين ابان حرب الخليج الاولي وموقف حكومة السودان منها رفض للملك واليوم نبيعها لمن يدفع
:rolleyes: :lool: ;) جامعاتنا مشهودة لها فى العالم اجمع بالمهنية التعليمية العالية ….. ومن استغل اسم جامعة النيلين … قد يكون الامر نشاذا من قلة قليله عديمو الذمة ….. والحمد لله بلادنا تذخرا بالعديد من الجامعات المميزة …… ونعتذر عن نشاذا بعض المنتفعين وبالتأكيد الدولة غير مسئولة عن المزورين وهم فى كل الدنيا موجودون … علينا الحذر
انا من خريجي جامعة النيلين التي لا انتمي اليها سوي بالاسم المكتوب في شهادتي،فانا من طلاب الدفعة التي تم عندها تغيير اسم الجامعة من جامعة القاهرة فرع الخرطوم الي جامعة النيلين وكنت حينها في السنة الثانية في كلية الحقوق التي تم تحويلها الي كلية القانون وقد كنت من المعترضين علي هذا القرار السياسي الذي أضر بسمعة الجامعة وأضر بالطلاب من ناحية مجانية التعليم فقد كنت ادفع لرسوم الدراسة مبلغ
هؤلاء دمروا الوطن بأكمله 0 هؤلاء دمروا التعليم ودمروا الصحة ودمروا حتى الزراعة ماذا تبقى للسودان 0 دمروا ايضا الاخلاق والضمائر اختلفت شحصية السودانى قبل1989 وبعد 1989م باله انظر بتروا وارجع عشرين سنة وقارن بين التعليم والصحة والزراعة وحتى الاخلاق 0 حسبى الله حسبى الله منك يا عمر الجبان 0 ابك واصرخ وطنى الحبيب ماذا تبقى لك ؟؟؟؟
جامعة النيلين = جامعة القاهرة فرع الخرطوم سابقا والتي شرفت بالعمل بها لمدة سبع سنوات ، هل يكون هذا مصيرها بعد أن خرجت أجيال سودانية عظيمة تبوأت أعلى المناصب .
ياحليل السودان وناس السودان وجامعة القاهرة= جمال
وعن شهادات البكالوريوس فحدث ولاحرج … أعرف كثيراً من الإخوة الأميين تعرفوا أميين يعني شنو ناس ما
بتعرف تفك الخط وعندهم شهادات من النيلين سبحان الله وفي ناس خريجيين ثانوي ويحملون شهادات جامعية
وهذه الفئة منتشرة في السعودية بصورة غير عادية وهناك مروجين وسماسرة أعرفهم حق المعرفة يتقاضون
مبالغ كبيرة لأستخراج هذه الشهادات الموثقة من السفارة والخارجية والتعليم العالي والجامعة ( وكلها أختام
مزورة ) الحمد لله أننا تخرجنا من جامعة القاهرة فرع الخرطوم وليس النيلين صاحبة السمعة السيئة
وهذا إن دل على شي إنما يدل على أن معظم الكيزان يحملون شهادات عليا مزورة ليزاحمو بها أصحاب
الشهادات الأصلية ويضيقو عليهم فرص العمل كما ضيقوا عليهم الحياة المعيشية قاتلهم الله
الخزي والعار للكيزان
الخزي والعار للمنافقين
ولا نامت أعين الجبناء
وإن عدتم عدنا
ديل وهم ماناقشين اي حاجه غيرالاكل والنوم ماعندهم اي حاجه تعلم شنو البتعلموالسعوديين ديل وهم الله اداهم نعمه مابع رفه ليها واحدتقول ليهورقم جوالك اكون ماحافظو
الناس عاااااااااااارفة جامعة النيلين دى شنو وشهاداتها كيف ما عندها قيمة…
الناس كمان لما سموها
"جامعة النعلين"
وعشان عدد الطلاب الغير معقول برضو سموها
"جمهورية الصين الشعبية"
… ويا بلد ما غتس حجرك من هين
انتو ماشين للسهادات مالكم ؟؟؟
الجنسيه السودانيه بتتباع تحت تحت في جده بي 6 الف ريال وطالعه بصوره رسميه من القنصليه في الثعالبه ؟؟
وبعرف واحد سوري مشي بواسطه كوز للقنصليه وظبط في ظرف عشر دقائق جنسيه سودانيه رسمييييييييييييييه ومن جوه القنصليه ودفع 6 الف ريال واتخارج زل الما حصل حاجه …………….
انتو لو دخلتو جوه بطن الفسااااااااااااااد بتاع الكيزان دا بطنكم بططططططططططم