اماني موسي هلال تكشف تفاصيل خطبتها من الرئيس التشادي : فخورة بأبي..ولم يجبرني أحد علي هذه الزيجة.‎. ولا أظن أن والدي بحاجة لأموال ليبيعني كما يقولون ، فأنا لست سلعة.

هذا اللقاء سيكون لة مابعدة واعتقد انة جاء فى الوقت المناسب ونسال الله ان يوفق بنتنا امانى الى مافية الخير وبما انها استاخرت الله كما جاء فى اللقاء فنسال الله لهم التوفيق والسداد وحقو لاننسى انو دة زواج على سنة الله ورسولة فالاولى ان ندعو لهذو الزيجة بالتوفيق والنجاح بغض النظر من هو الزوج او من هى الزوجة وهذة الزوجة هى سودانية مننا وفينا يجب جمعينا ان نفرح لزواجها ونسال الله ان يوفقها وانشاء الله بالرفاة والبنين والف مبروك امانى وربنا يتمه بالخير

انا بستغرب بان الفتاة العشرينية من عمرها تتزوج من الرجل فوق الستينيات وتكونة سيدة اولة فى تشاد وغد يموت الراجلها ولن تجد هزها مرة اخرى.

حقيقة نحن في العصر الحجرى فتاة جامعية تتزوج بهده الطريقة وتستخير في امر رئيس لا تعرفه
يا اهل الكهف افيقوا

كل الموضوع نفاق في نفاف وكدب ،،، لقد تمت تربية الأبناء على الكدب والنفاق
وكما قلت من قبل من هو موسى هلال ومن هو دبى كلاهما مجرمين في حقوق الكثيرين
بلا قبيلة بلا لمة

قالت كل فتاة بابيها معجبة ؟؟؟؟؟؟؟؟ جميل وأبوك دا لامن كان قائد الجنجويد وبقتل في الزرقة كنت وين ؟؟؟؟؟؟
طيب ما هو مؤهل ابوك العلمي والسياسي الذي يؤهله لمساعد رئيس جمهورية غير قتله للناس في دارفور وجلب محاميد النيجر وتشاد ووطنهم في أرض القبائل الفوراوية ……. ختاما مصير أبوك مربوط بكرسي البشير متى ما زال الكرسي ابوك يذهب لاهاي بالتونسية وانت وأخوانك مصيركم ومصير قصر ابوك سيكون داخلية لطلبة الجامعات بعد مصادرته وارجاع اموال الشعب السوداني أقول ليك كدي كدي حار أخير ليك الزغاوي ابو سبعين عام ممكن يحميك لو برضو ناسو ما قلبوا عليه الطاولة لأنه البشير من اوصله للكرسي وبزوال كرسي البشير سيزول كرسي دبي أبو عيالك يا السمحة ولا أقول ليك ما عندك زميل من الرباط من اولاد الانقاذ ابوه مليان قروش ولا برضو الطين في طينه يا أختي اطلعي من السياسة وشوفي ليك ود حلال تعيشي معاه بلا دبي بلا وطني وشكلك دا أحسن ليك الامير ود الصادق المهدي مساعد الحلة والله العظيم دا برضو البشير يلحقه أمات طه وبسوقوا معاه لاهاي الحجل بالرجل سوقني معاك يا بت الناس عيشي شهر شهرين ما أكثر من كدا والعجاجة والكتاحة هابة على الانقاذ من كل الجهات الله يعينك نسوي ليك شنو ابوك غلط وخطيبك خطر وكمان أخوك الله يستر ما يكون في كشف الـ300 المطلوبين الظهروا مع الفريق الدابي دم حملة القرآن لا يضيع هدرا

شاهدت أبوك في التسعينات في قناة الجزيرة وفرسه الجربان والطفل المعلق التمائم في رقبته والمقابلة كانت في راكوبة تحت شجرة وما كانت في قصر سوبا شرق والحال تغيرت بعد صدور المذكرة المصيبة والبشير جاب ابوك الخرطوم لحمايته من الاختطاف الذي تعرض له احمد هرون زميله في الجنجويدة وقتل البشر نجى باعجوبة في المشاعر المقدسة اثناء فريضة الحج لذا البشير خاف على نفسة وشكل حماية لابوك وبنى ليه هذا القصر والمثل بقول ( نبيح الكلب خوفا على ضنبه )

يا جماعة الخير لبت دى خلوها تعرس الدايره وكفايه وجع راس

خلاص خليتو كلمة المحاميد وبدلتوها برزيقات !!!

هنده 100% اماني برضو 100%

والله عالم غريب
قول تم تزويج كل تشاد بي قبيلة المحاميد وقبيلة المحاميد بتشاد المشكلة وين ونحن نضرر شنو من الحاصل
الغريبة ياناس بتخلقو بطولا ت لناس من غير سبب
نحن مشكلة اكبر من زواج

اقسم بالله لو كانت لي بنت مثلك وفي عمرك لو تقدم لها رجل في سن هذا الادريس لما فكرت ولو لحظة حتى ولو كان رئيس دولة وله من المال والجاه والسلطة والنسب والحسب.
ولأسباب كتثيرة: رجل يتشيري ويغير في النساء كانهن من ممتلكاته الخاصة بطريقة انها اعتبرها ليست من سمة الرؤوساء العاقلين[ فمرة ملكة جمال تشاد ومرة من دولة مجاورة ومرة زيجة زيي مثل هذه ليست فيها استقرار نفسي ولا كيمياء بين الزوجين إلا أن يطلق عليك زوجة الرئيس أو زوجة الرئيس التشادي السابقة.
شخص لا تجلس معها زوجة لفترة وجيزة حتى تم تغييرها باخرى ** هل هي عادة عند هذا الرئيس أم انها النساء عنده سلعة.
والغريب انو الخطيب كما قرأت امس هنا في مقال بان بعض اهله واقاربه نصحوه بان يترك امر هذه الزيجة لانها سوف تجره لمشاكل و.. و…..
واخيرا وليس اخيراً [ قولي لعل خيرا لعله خيرا] وتمنياتنا لكل بحياة سعيدة مع من يقدره لكل الله سبحانه وتعالى

الغريب شنو فى الموضوع ولا اول ولا اخر زواج مصالح فى الزمن الاغبر دا

أخوانه نقيب وملازم جنجويدى .. أو مايسمى حرس الحدود ..

بالله عليكم الله مشاكل السودان وقفت على هذه النفاهات وين الفقر والجوع والتقتيل والتشريد واسعباد من ولدتهم امهانهم احرار اللهم عليك باهل ثوره الفظاس وارينا فيهم يوما اسودا كيوم اهل الفيل وثورة الاحرار قادمه لا محال

قلت سابقا ان اغلب المعلقين لايعرفون ما الموضوع المقابلة كانت في زمن ولااعرفلم نشرت الان وتوجد تعليقات بتاريخ اليوم وامس و قبله والموضوع قد الغي برمته .. نعم الغي الزواج من اساسه بعد ان تدخلت بعض الاسر المؤثرة على ادريس دبي واقنعته ببالابتعاد عن هذه الزيجة فابي العروس مطالب للجنائية وقطعا سياتي لزيارة تشاد لزيارة ابنته او لاتمام مراسم الزواج وحينها لا نعرف كيف نتصرف ولا نريد ان نكون في مواجهة مع العالم بسبب شخصية لا حصانة لها كالبشير ..
وارجعوا تاني وفتشوا الشمارات كويس

يا اخوانا البت امانى قالت استخارة الله وما زالت تستخيره يعنى لم تحدد رايها بعد ولا شك ان استخارتها لله فيها فايده عظيمه لها واولها تاجيل الزيجه وحتما ان الله لم يخزلها ابدا طالما انها مؤمنه باستخارته

يا جماعه دي بيت شيخ موسي هلال السيرتو معروف بالقتل كل شي ممكن المحيرني البنت اماني بتقول انها ما مجبوره وانها استخارت ؟؟ طبعا لتجميل الوضع ولا كيف ؟ !!!! السؤال كيف يجوز لانسانه مسلمه وبتادي كل اوقات صلاتها في وقتها وحتي تقيم الليل !!! ترضي تكوني الزوجه الخامسه هل يجوز فى الاسلام ان يزوج الرجل خمسة ولا دي من افتاء الشيخ مويسي ؟

با جماعة زعلانين لي كل عشان البت المسكينة دايرة تزوج ادريس دبي يبقي عمرو سبعين ولا مائة انتو المحرقكم شنو ما عندكم موضوع

يا ناس اخجلو شابكننا امانى موسى هلال امانى امانى امانى دبى دبى دبى دبى عرس عرس
والبلد كلها حروب وفساد وظلم دى موضوع دى
بنت عشرنية شاغل الدنيا كلها

انا ما رزيقى لكن بس ارى كلمة رزيقات دى شامله كل القبيله فالاحسن تزيلوا كلمة رزيقات او يكون بعض الرزيقات لان اغلب الرزيقات ما من هذا الرجل ولم يرضيهم ما قام به هذا لرجل السافل كما نجد الرزيقات جذء منهم فى جماعة خليل ابراهيم وجذء منهم فى المجموعات الاخرى وكلمة جنجويد ليس رزيقات وحدهم بل يشمل كل القبائل العربيه فى دارفور

أماني موسي هلال ..

السؤال المهم:

أين وكيف عرف دبي إبنة موسى هلال؟؟ وهو كرئيس حركته محدودة وهي مقيمة بالخرطوم؟؟

وكيف عرف أنه ستوافق بدليل أنه لا يمكن له كرئيس أن يقطع هذا المشوار ويكون في أنظار الناس ليجئ لها وترفضه وتديهو شاكوش رئاسي. فلابد أنه كان (متكتك) الأمر معها .
يكون بالفيس بوك؟؟
:confused: