… شوارعية …/ قصيدة
#خربشة_برلومية:
… شوارعية …
سلمية سلمية … يا شباب
سلمية سلمية … احزاب
سلمية سلمية … طلاب
سلمية سلمية … يا شعب
سلمية سلمية … لا خراب
سلمية سلمية … والثورة شعبية
سلمية سلمية … والطلعة دغرية
سلمية سلمية … والرجعة مأبية
سلمية سلمية … والروح حماسية
سلمية سلمية … ضد الحرامية
سلمية سلمية … ضد حكم العواطلية
… حرية حرية …
قدددام شوارعية وهتافنا سلمية
رافعين شعارتنا ومطلبنا حرية
زمن السكات فرتق وارواحنا ثورية
مارقين علي الشارع وقلناها علنية
… ثورية ثورية …
في وحدتنا مخرجنا من ضيق مأزقنا
لو حزب او حركة طلع كوادرك برا
تحشد تكون في الشارع
تدعم حراك الشعب
وواحد نقوود الركب
بثورة شعبية تسقط نظام النهب
ثورة جماهيرنا بتعيد موازينا
كل الفئات تنحاز للثورة خيار الشعب
لو شرطي او عسكر خالف واحمي الشعب
اختار طريق الصح اهتف وقول حرية
وجه سلاحك عكس غطي الشوارعية
الهتفوا سلمية في وش الحرامية
لمتين تطاطي الرأس وماهيتك كم مية
حق عيشة ما عندك وشغال بطاقية
ماشفنا عربيتك وبتمشي كدرية
زيك وزي كدا وحياتنا فقرية
والضابط الأمرك حساباتو بنكية
قاعد في كندشتو وامورو مقضية
وانت الشقي التعبان مزنوق تفك بمبان
وتعادي في الثوار مع انو هم اخيار
تضرب رصاصك حي في صدر بني السودان
تقتل تطيع الأمر وتخالف الدستور
فكر يا زول اصحي ما تبقي جند مأمور
انت البتحمي الشعب في دولة القانون
وفي طلعت شوارعنا حامينا بالدستور
جيش الوطن لو مات فيه الشريف والزين
قطر الوطن دور افضل تكونوا حضور
عمر الشوارع حرة ومحال في يوم حتخون
كل الشعب برا نطلع كتار ونثور
ثورة كرامة شعب رافض لحكم الذل
في كل ولاياتنا تطلع صفوف العز
نبداها من كسلا والزفة في الخرطوم
…
سلمية سلمية … والثورة شعبية
سلمية سلمية … وطلعتنا دغرية
الورح حماسية … ضد الحرامية
… حرية حرية …
قدددام شوارعية وهتافنا سلمية
رافعين شعارتنا ومطلبنا حرية
زمن السكات فرتق وارواحنا ثورية
مارقين علي الشارع وقلناها علنية
…
.
.
بريسدينت مصعب البرلوم
(15/ يناير/ 2018)
.
.
.
#احمي_نفسك_حرر_وطنك
#الشوارع_لا_تخون … الشارع هو الحل … وبكرة الناس تكون قرريبة #16يناير الموكب …
… يتبع
… والثورة مستمرة …
