جبل البركل يعتبر ثاني مرفق سياحي في العالم
(سونا)- أكد الدكتور عمر حسن عمر نائب رئيس اللجنة العليا لمهرجان الدولي لجبل البركل للتراث العالمى بانه ثاني مرفق سياحي في العالم جاء ذلك خلال المؤتمر الصحفي الذي انعقد ظهر امس بقاعة مفوضية العون الإنساني داعيا كافة ولايات السودان لتشريف المهرجان الدولي لجبل البركل. واشار إلى أن جبل البركل ليس مقتصراً علي الولاية الشمالية وأبنائها فحسب بقدر إنها عاصمة دولة نبته وتشمل كل السودان مضيفا إلى أن المشاركة ستكون عربية وأفريقية بمشاركة دولة قطر وليبيا وتشاد وأثيوبيا مناشدا السيد رئيس الجمهورية والسيد النائب الأول والوزراء وكافة أبناء السودان السخيين لدعم المهرجان . والجدير بالذكر أن برنامج المهرجان يشتمل علي فقرات متنوعة منها مسرح علي الهواء مباشرة وسوق للمواد الغذائية بأسعار متوازنة ويستمر المهرجان لمدة سبعة أيام وانطلاقته ستكون خلال الأشهر القادمة
ثاني مرفق سياحي في العالم يتحول الى (سوق الجمعة) لبيع المواد الغذائية؟
ثاني مرفق سياحي فى (العالم) .. ياجماعة الخير الحاجة دي ما واسعة شوية !!!
خلوهو عاشر واحد مثلا عشان مافى زول حيسال من التسعة القبليهو ..لكن التاني طوالي دى محرجة
شوية .ولا كيف يا عمر حسن عمر !!!
يعنى بعد جبل فوجى اليابانى ( ياخ قد)
اذا كان هو ثاني مرفق سياحي في العالم معناه جبال الانقسنا في المركز الاول وجبل مره في المركز سالب الاول
يا جماعه السنجك اعزروه شكلو كدا طارت لو مريسي في راسو الما فيه مخ ده
الحكومة الإنقاذ المفروض ما تتكلم نهائي عن التاريخ ولا الأثار … هي تعتبر بداية التاريخ في السودان مع دخول العرب للسودان… ولغت ف جميع المراحل الداراسيةكل ما يتعلق بـ تاريخ السودان ما قبل الميلاد وما بعده.
وذلك محاولة منهم لطمس الهوية الغير عربية في السودان.
تاريخنا النوبي تتحدث عن نفسها وأفشلت كل المحاولات لطمسها
البركل : جبل طلعو موسى ـــ هكذا يعتقد ابو قرون لذلك يجب ان يكون اول المدعويين
كلام غير منطقي
يأخي ماتخجل وكمان ثاني عالميأ جبت كلامك دي من وين يعني جبل البركل الاخبش دا افضل من جبال كلمنجارو والا من table mountain الموجود في مدينة كيب تاون ونصفها في داخل المحيط الهندي ولا افضل جبل مرة والله انت شكلك كدا ما عندك اي علاقة بالسياحه كمان دايرين دجل في السياحه والله ايامك يازمن امرهي
يا دكتور عمر إنت لو ما بتحترم نفسك أقل شئ إحترم عقول الناس…بديك مجموعه من الجبال أللى بزوروها ملايين الناس كل عام على سبيل المثال لا الحصر وورينا موقع جبلك القاطعوا من راسك ده الكم….وأبدأ ليك بسيد الجبال:
(1) جبل الرحمه
(2) جبل الجودى
(3) جبل الزيتون
(4) جبل أفرست
(5) جبل كلمنجارو
(6) جبال الأنديز
(7) جبال الروكى
(8) جبال المائده
(9) جبال الألب
(10) جبال أطلس الصحراويه
لو أى حاجه عندنا الأكبر فى العالم حال البلد ما بكون مايل كده.
افهمو يا شباب من الناحية التاريخية و كان الجبل يتم فيه تنصيب ملوك مملكة نبنة الفراعنة السود يعنى قبل 7 الف سنة كان بة نشاط تاريخى ..طيب لما انتو تبخسو اشيائكم الغريب يقول شنو اقرو التاريخ يا شباب دا تاريخ بلدكم و كل الحضارة الفرعونية الموجودة فى مصر هى حضارة سودانية بحتة بالدليل و الربهان الذى يخفية المصرين و جبل البركل جزء اساسى من الحضارة الفرعونية السودانية.
دى قوووووووووووووويه بجد,
لكن وللأسف الإهمال الذى يعشعش فوق موروثنا الثقافى
دمر واجهة البلد السياحية, لدينا معالم أثرية تحتاج
لخبرة جيل المنفى الذى رأى بأم عينه مدى إهتمام الأخر
بإرثه الحضارى, عل غيرته تثور عليه ليهتم بالأهم.
انا شخصيا زرت الجبل في الحقيقة هو صغير جدا ولكن به آثار منحوتات كثيرة ومعبد منحوت من صخوره على سفح الجبل (به الوجوه التي أخافت الزين في رواية الزين للطيب صالح) وصف من منحوتات كباش وصف مكون من حوالى سبعة اهرامات صغيرة بعضها بحالة جيدة… الرجل لم يفصح عن سبب اطلاق كلمى تاني وما هو المرفق السياحي الأول لكن أظنه يقصد من حيث القدم التاريخي ربما يكون الثاني؟؟ على العموم هنالك دراسات تؤكد مكانة الجبل الدينية في عهود الفراعنة مثل تهرقا وبعانخي..
اكتر حاجه مضيعه السودانيين وح توديهم في 60 داهيه ان شاء الله هي حقدهم على اجزاء من بلدهم بس لانهم ما منها …ياخ اتطورو شويه فاضحننا محل ما نمشي …وجبل البركل ما محتاج تقييم من زول كفايه تاريخو وتقييم الخواجات (الناس البتفهم)…..وبالنسبه للناس البتتكلم عن جبال هم اصلا ما شافوها ولا ح يشوفوها ..اعرفو جبالكم في الاول بعدين اقشرو باسماء الجبال الجديده عليكم دي