شاب ينتحر شنقاً بعد أن حصبته والدة محبوبته بالحجارة

من الحب ما قتل
ياناس ما تنغشو ساي قالو اثنان لا يعشقان الفقير المدقع و الملك الجبار/ اسع اي سوداني فقير مدقع و البقومن ليه ريشات شوية يبقى زي الملك الجبار
و بيني و بينكن البنات السودانيات ديل زاتهن لو الواحدة حبوها كيف كيف يوم يعرسوها تتجنن

مجنون ليلى

روميو مات الباقي جوليت

لاحولة ولاقوة الاباالله دا كلو عشان بت يشنق نفسو الماذة لبنات من قلتين

ناس مساكين وسذج جدا ،الواحد ماعارف السبب وراء معاناتو ،وعاملين فيها شطار ومفتحين ،تلقا الواحد يخاف من مجرد التعليق على الاحداث والكلام ضد الحكومة في وسائل التواصل وفي الونسات. وبعتبر نفسو اذكى من الناس البتكلمو ضد النظام لأنو في نظرو ديل (عوراء) بعرضو نفسهم للمشاكل.
وصاحبنا (المفتح) يتكلم في الكورة والفنانيين ، او في الحب والنسوان عامل فيها عاشق وكدا ! وينغمس في غيبوبتو الدخل نفسو فيها بارادتو لغاية ما يتفاجأ يوم بالحقيقة قدامو.
في الحقيقة انت مجرد شخص بائس.. حقير.. حثالة ، ينفرو منك الناس لانك فقير وفلسان ماقادر تساعد نفسك ناهيك عن مساعدة الاخرين، لو في بنت حلوة يجي يخطفها كلب جربان من الكيزان لانو عندو المال ،فالنسوان ما بحبن الفقراء ويحتقرن كل فقير حتى لو كان شريف، لانو نسوانا متخفات جدا وماعليهن لوم ، خلي أي كوز عفن عندو قروش كسبها بالفساد وممارسة الجريمة المنظمة_ الاتجار في الممنوعات والتهريب وغسيل الاموال وجلب السلع الفاسدة والمغشوشة والرشاوي واستغلال نفوذو وغيرها من وسائل الكسب الخلتهم عندهم مليارات.
لو اتقدم واحد من ديل لبت حيدوهو طوالي لانو مامهم مصدر مالو ،المهم هو عندو بيت وقروش وعربية فارهة تزغلل عيون النسوان!
لازم تعرف انو انت لو عايز تعيش كريم ومحترم ومقبول اجتماعيا ،الخطوة الاولى هي الاطاحة بالنظام دا .
الكلام دا انا مابقولو ليكم لاني عندي منفعة شخصية او حزبية انا مامتحزب بالمرة لكن الاطاحة بالنظام تخليني في خندق واحد مع كل معارض وثائر.
اطيحوا بالنظام وردوا الاعتبار لنفسكم وارجعوا بشر زي ماكنتو ، لانو النظام دا خلاكم مجرد حيوانات والله

رحمه الله ولكنه اهبل

الدنيا تهينك والزمان يورييك وعدم القرش يفرقك من بنات وادييك والزول الفسل لا تسوي دخرييك

السبب الضغوط المعيشيه و الضعف .لكن لا حب ولا غيره. ياريت الناس تنمي روح الايمان والخوف من الله . بس الملفت كتر اللفاظ مثل محبوبته وعشيقته .دا الشجع كل واحد فاكر نفسه قيس والله قيس لو عاش في السودان ساعه لغاب العشق والحب عن قلبه للابد.خليكم واقعييين البيموت في الوهم بفقد الدنيا والاخره وهو الخسران.

قال المسمى نفسه (((انا))) ياريت الناس تنمى روح الايمان والخوف من الله ؟! معقول الكلام القريتو دا ما مصدقة لأنو قبل كدا لما كتبت عن ما قال الله انبرى لى ونبزنى كعادته وكأنه هو بس البعرف الله ! واذا انت بتنمى روح الايمان والخوف من الله فيك ليه دائما بس مترصدنى لوحدى بالنبز والشتائم والاساءات كعادتك معى وبدون سبب معاك ؟ وياريتو نبز عادى نبزك لى كلو فاحش وبذىء ووقح وما بشبهنى ومس كرامتى كامرأة محترمة جدا جدا ولكنه بشبه صاحبه الكتبه … كلو مسجل فى صحيفة اعمالك يوم تتطاير الصحائف ستجد جزاءك بما ظلمتنى به عند ربى الذى لا يظلم عنده أحد …

أم البنت امرأة عاقلة حكيمة لأنها أدركت أن الشاب مهووس لا يصـلح للزواج حتى ولو بالغ في حب البنت لأن الحياة الزوجية ليست كلها حب وهـيام لهذا قررت صـرفه عن بنتها المراهقة..
حسنا فعلت هذه المرأة الحازمة الحكيمة وهي طبعا ليست مسئولة عن انتحار الشاب..

المسكين فاكر الانتحار بتجلو، للحابين لا تسيروا في نفس الطريق أكيد الفرقة ككانت لخبر للولد وللبنت

المدعو (((عوضية))) اقصد المدعو (((انا))) اولا ما تخاطبنى باختى لأنى ما بتشرف تكون اخوى واخوى ما بشبهك … حرقتك شديد مواجهتى ليك بتناقضاتك … وعارفااااااها كلمة نبذ وهى كلمة عامية ممكن اكتبا بايى شكل ودرس العصر محتاج ليهو انت كان اعلمك و يقومك شويه من البتعمل فيهو دا ! ومعاك حق تشوف شتايمك الوقحة البذيئة لى عادية لأنها من طبيعة بيئتك الوضيعة … اها بقيت ما بظهر ليك كتير فى الراكوبة يلا فتش ليك فريسة غيرى كانت دائمة وفش فيها امراضك واحقادك كان بتقدر … ولا فلاحتك كانت فينى انا بس ! هههههههههه قال عوضية قال !