برلمانيون يطالبون بحظر دخول "الواقي الذكري" للبلاد.

فاحشة اكثر من دى — اولادهم وبناتهم شايلنو معاهم ذى كيس الصعود و احرموا اولادنا منه شوف التعنصر وصل وين

(قالوا الفايق الهم يزمه) أي حاجة عاملين ليها توم وشمار وماسكين لينا في مواضيع إنصرافية – أصلوا زمان ما كان في دين في السودان ؟ أنا مرات أسمع كلام غريب وأتعجب كأنوا عاوزين يدخلونا الإسلام من جديد – ويا ربي إسلامنا الكنا ماشين عليه كان خارم بارم – يا أخوانا أعملوا ورشة لحالة المواطن المعيشية والتعليمية والإقتصادية والصحية وشوفوا ليها حل بدل مواضيع هامشية – ربوا أولادكم صاح وإنتبهوا عليهم ما حيحتاجوا للواقي الذكري ولا حاجة – العفة تطلع من البيت والتربية وليس المنع علاج لهذه الأمور .

هو وصل اليوم ولاامس والله من زمني في السودان ببيعو في الصيدليات

الكلام ده من ضعف الوعظ والارشاد من الاسره

المشكلة ما منفصلة من مشاكل الدولة الكلية ومافى داعى ندفن راسنا فى الرمل ونعالج المشكلة فقط بجوانب عاطفية …!!! نعم التربية مهمة ودور الاسرة مهم ، لكن البيربى منو ؟؟؟ البيت كلو يطلع من الصباح للمغرب فى البحث عن حق الاكل والشراب ، حتى الناس إتنازلت عن التعليم والعلاج وغيرو من متطلبات الحياة

إذا كان الشاب والشابة عمرهم يحصل الاربعين وهم ما قادرين يتزوجو ، لا تقول لى عفة ولا تربية ما حتنفع لأنو الشخصيات ما واحدة وامكانية مقاومة الغرائز الطبيعية برضو ما واحدة ، إلا اذا كنا حننكر غرائزنا ، والدليل إنو الناس بتتكلم عن العفة والتربية والوعاظ بيعظو وناس شرطة امن المجتمع (جزء من الفساد والابتزاز) برضو شغالين جلد ، وشوفو الواقع بيمد لسانو ساخراً …!!!

المشكلة تحتاج لتحرك عملى وليس بالوعظ والآيات الدينية فقط من علماء السلطان البيتزوجو مثنى وثلاث واربع واحياناً خمسة (بعد طلاق واحدة) …!!!

بكندوم او بدون كندوم الشباب ديل مدورين …. وفيهم واحدين ما بيعرفو الكندوم زاتو …

عبط مبالغ فيهو هو ده قالو ليكم للحد من عمل الرزيلة ده يا حمار مانع حمل للذكور ولعلكم يا ما عندكم فهم استعمالو احسن من استعمال الموانع الحمل التي تضر بالنساء من ناحية صحية هو افضل

بعدماتمنعوالكندوم ياناس البرلمان اسرعوبعقدجلسه طارئه لزيادة مساحة دارالمايقوما

يا اخوانا يكون دايرينه  كوندوم اسلامي بنية  نكاح الامة و ما ملكت ايمانكم  
الdurex معمول بنية الرذيلة ….:lool:

مافي واقي من اللهف واللغف للجماعة ديل
برلمان سجمان الناس في شنو وهم في شنو كل مشاكل البلد تلخصت في واحد استعمل واقي ولا شات ضفاري

انتو يا برلمانيين السجم خلاااااااااااص يعني ده بقي كل همكم البلد مشاكلها بس في الكندوم؟؟؟؟ خلاص بقي أبقو رجال واتجهو للحل الأمثل اللهو تخفيض تكاليف المعيشه والزواج علشان الشباب يتزوج وممكن الشاب يدبل عااااااادي لو عملتو الحل ده ولا خايفين الشباب يسرق نظريتكم في تعداد الزواج .