(صائدو) بنات الشهادة العربية…ملء الجيـوب… بـ(وجع القلوب)…!!!

هههههههههههههههه مغتربين بتاع ايه يا عمك هو في مغترب عندو قروش الناس قاعدة بالسنين عطالة هنا والشغال 20 سنة معظمهم ما عندهم بيوت في السودان والواحد يجي شاب وفي 10 سنين يلقي شعرو شاب — المغتربين فئة مظلووومة تعطي ولا تاخذ وفي النهاية يستلفو عشان يقرو ولادهم في السودان كدي هسة بس سؤال منو فيكم الجاهو مغترب وجاب ليهو هدية معاه مغتربين السبعينات والثمانينات هم الذين تغربو بحق ونالو ما نالو من النعم ولكن الان لا تصنفو المغترب في خانة المرتاح ماديا والله ظروف اغلبهم تغنيك عن السؤال

هوووى ما كل بنات الشهادات ساهلات و يقدروا الشباب يغشوهن … احكى لكم الحكاية هاذى .. واحدة بعد ما قبلوها بالجامعة بالسودان … جات الاجازة و قالت لابوها ..يا بابا انا بحب واحد زميلى … و عايز يخطبنى …ابوها سألها الولد ده من وين و ابوه منو و اهله وين وووووو …البنت طلعت ما تعرف شى … و المشكلة ان امها واقفة معاها … المهم الاب ما كذب … بعد ما سفر البنت للجامعة ..قام نزل السودان وراها … و قال لو الولد طلع ود ناس و الله اعرسها ليهو … بعد كام يوم قابل الولد على انفراد و ساله ساكن وين و انت اهللك منو و الذى منو ..المهم عرف ان الولد ما عنده شى و عايش الدور حبكان بس … قام اخذ بنته من يدها و مشوا بيت الولد ..الولد اول ما شاف البنت قال ليها الجابك شنو ..و انت و ابوك تتجسسوا علينا و كلام فارغ كتير ..المهم ابو البنت اصر انو يقابل ابوه ..ز طبعا عرفوا الحكاية و الرواية و طلع ان الولد كان بيحلم انو يعيش على قفا البنت و ابوها … قام الرجال ما قصر و ساق بنته معاهو … و رجع قدم ليها بجامعة بالامارات و قال ليها لو عايزة تحبى ..حبى من جنس زى ديل …انا ما ناقص اصرف عليكى من المهد الى اللحد انتى و راجلك و عيالك .

لأن الأخلاق في السودان دخلت نفقاً مظلماً ولأن التربية الأصيلة أصحبت مثل لبن الطير فلا غرابة أن تجد شاباً سودانياً لايعرف عن تاريخ بلده شيئا تقبل نفسه أن يعيش على ما يناله من طالبة بل وتجده حريصا على ذلك ويعده من الفهلوة والذكاء وما درى أنه رجل فاقد النخوة والرجولة الحقة التي كانت إلى عهد قريب في السودان تتجلى في أبهى صورها عندما يقوم الرجل والطالب من مقعده في المواصلات العامة للمرأة أي كان عمرها أو شكلها ، لقد وصلنا لمرحلة لا يلقي فيها الإنسان بالاً لما يدخل جوفه من الطعام والشراب أهو حلال أم حرام أهو بحق أم بباطل وإذا كان هذا هو حال هذا الوطن فماذا نرجو ممن تربى في مثل هذه الحال ، وإلى أين ذاهب هذا الوطن ، هذا الانحدار في الأخلاق لن يتوقف مالم تراجع الناس علاقتها مع ربها فتصلحها بطاعة أمره واجتناب نهيه لفيصلح ما بينها وبين حكامها ويولي عليهم أهل الصلاح والمصيبة الكبرى في السودان ما به من ظلم وأوله الشرك بالله الذي هو أشد أنواع الظلم فوالله لن ينصلح حال الأمة وهي في مثل هذا الحال من الشرك وعبادة القباب والأضرحة ، التوحيد سفينة النجاة والفوز في الدنيا والأخرة احملوا هم الأخرة ينفرج لكم هم الدنيا

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه والله هم ابكي وهم اضحك يا جماعه صح الكلاام دا هههههههههههههههههههههههههههههههه بنات الشهادة العربية حنيناااااااااااااااااااااااااات و
طيبات شديد الواحدة بتجي مغمدة ماعارفة اي شئ لكن مع مرور الزمن بتندرش في السودان وبتعرف الدنيا ماشة كيف وبتنعدل تمام دا لو ما لمت ليها في واحد غشاها وشال شرفها وهنا بتبقي الكارثة ولو حصل كدا يبقي منها العوض وعليها العوض بدل ترجع لاهلا بي شهادة جامعية حاترجع لي اهلا بي طفل ياجماعه والله نرجع للقران وسنة نبينا محمد صلي الله عليه وسلم مابنضل ولا بنتعب والله استر اعراضنا وابنائنا ويثيت خطانا

بالله يعني نحن الزمن دة كلو كان بدقِّسوا فينا !

بالحق .يعني صبايا الشهادة العربية عايزات يدّردحوا في الدنيا دي مجاناً
يعني هن كان رأس مالهن أياها قريشاتن ديل ومكياج و(قُصة الشعر)
بسوي ليها شنو( سندويشت) وكباية عصير كان برّت بيهم ود البلد
هو أصلاً ريقه نشف يعلم فيها في الكلام
ويتحمّل في طبزاتها ويصلّح في الخراب
القرش كان ماخدمك .. وصلح حالك وأسعد الحوليك
شين طعمه.

دي الكعوبية الأباها المهدي

يخس على الرجل الذى يتطلع لمال زميلته لكى تصرف عليه فى الكافتريا مثل هذا الرجل احسن موته من حياته وهذا التصرف من بعض

شباب الجامعات يقودهم للأتكاليه على الغير وعندما يتخرج لا يستطيع العمل لأنه تعود على التسول ويصبح خريج نتسول ،أعوذبالله

من شباب متسول