قرار وزاري بتشكيل لجنة الدفع الالكتروني لالتزامات المغتربين المالية
(سونا)
اصدر الأستاذ جمال محمود إبراهيم وزير الدولة بوزارة مجلس الوزراء ، المشرف على جهاز تنظيم شئون السودانيين بالخارج ورئيس مجلس إدارة الجهاز قراراً بتشكيل لجنة لإعداد تصور وتنفيذ برنامج الدفع الالكتروني للالتزامات المالية ورسوم المغتربين ، على أن تضطلع اللجنة بمهام إعداد تصور متكامل لبرنامج الدفع الالكتروني للالتزامات المالية ورسوم المغتربين ، وتحديد معيناته من ربط شبكى وبرمجيات ، هذا فضلاً عن إعداد تصور لبرنامج تحصيل متأخرات المغتربين .
وأبان الدكتور كرار التهامي ، الأمين العام لجهاز المغتربين فى تصريح صحفى أن تشكيل اللجنة يأتي في إطار خطة الجهاز لتبسيط الإجراءات ومواكبة التطورات التقنية بما يسهم في اختصار الوقت والجهد وتيسير التعامل المالي بين المغتربين والجهاز .
وأكد أن الدفع الالكتروني سيحقق نتائج ايجابية ونقلة نوعية في التعامل بين المغتربين والجهاز .
الجدير بالذكر أن اللجنة يترأسها الأستاذ مجدي حسن ياسين ، وزير الدولة بوزارة المالية والاقتصاد الوطني ، والدكتور كرار التهامي ، الأمين العام لجهاز المغتربين رئيساً مناوباً ، وعضوية الأستاذ عبد اللطيف إبراهيم مدير إدارة تقنية المعلومات بجهاز المغتربين ، وممثلون لبنك فيصل الاسلامى السوداني وبنك السودان والشركة السودانية للخدمات المصرفية .
يعني بدل البحث عن سبل التخلص من هذه الجبايات ، بتبحثوا عن وسائل تطوير جبايتها ،،، الله لا كسبكم .
الكمبيوتر دا بيعرفوا ليهو بس فى الدفع؟؟
وياريت لو شغلهم صاح
بكرة يقولوا ليك .. قروشك دى ماظاهرة لينا فى الكمبيوتر
تدفع يعنى تدفع
********* الدفع اللاكتروني ********* و الجداد اللاكتروني ******* و التصويت اللاكتروني ******** المغتربين جاكم بلا ******** و معاه بنك فيصل كمان ******** يا جماعة انتو كرار التهامي دا لا بفوت ولا بموت ******* الكيزان خلاص اتقفلت عليهم بره و جوه ******* عندهم اخر كرت ***** اسمو ***** المغتربين *********
ياخي المغتربين ديل طفشوا خلوا ليكم البلد بي حاااااااالها برضو ما عايزين تريحوهم ؟ !!! اها تاني الجية زاتا خليناها لا اجازة لا كلام فارغ .
(وأكد أن الدفع الالكتروني )حكومة ادفع طول حياتك ولا مره واحده خذ حسبي الله ونعم الوكيل
ان كنتم تريدون نقله نوعية للمغتربين الغوا الالتزامات المالية عن كاهل المغترب الذى لا يقاسمكم فى دواء ولا سكر ولا بنزين ولا غاز ولا خبز …الا يحتاج منكم دعما مقدرا نظير تركه الوطن الحبيب ويجاهد نيران الغربة والتشتت الفكرى والاجتماعى ……….يمكن اقتراحنا دا يلقى مكان جملة مفيدة فى خطاب البشير
شوفو يا المغتربين ماتدفعوا ولا هلله عشان يشيلوها اولادهم لماليزيا
كمان بقى للمغتربين وزير دولة ولجنه ودراسات ؟؟؟؟؟؟
بالله ماذا قدمتم للمغترب ؟؟؟؟؟؟
ندفع الضرائب تارة باسم المساهمة وزكاة وخدمات ومناصرة من 40 سنةكتر خيره نميري كان ادانا جزء كاعفاء جمارك .
ابلغ من العمر 67 سنة وادفع ضرائب وزكاة وخدمات ( لا ادري ما هي الخدمات التي تقدمهالنا الحكومة)وابنائي درسوا بالعملة الصعبة جداجدا وبعد كل هذا لا تامين صحي لا ارض بسعر رمزي زي بقية المواطنين!!!!!!! غاية خليها على الله لجنه في لجنه والضحية هو المغترب
كتمتتتتتت والله يستررررررررر
ديل كلهم حرامية . بلوا راسكم للحلاقة (قرقاش ) يا مغتربين . كرار التهامي الغواصة لابد من ازاحته من هذا المنصب. يتمتع بقروش المغتربين ولم يجلب لهم غير الدفع . لماذا لا تحل مشكلة ابناء المغتربين مع الجامعات السودانية . لماذا لا تساعد المغتربين في ادخال اثاث منازلهم للسودان ولماذ ولماذا . بس تعرف للسف والله . انشاء الله ياتي عليكم بالساحق والماحق .
رغم ان الأمر لا يخلو من العايب هنا وهناك عودتنا عليها هذه الحكومة وانعدام الثقة بيننا وبينها، إلا اننا نستطيع الان أن نشيد بهذه المبادرة ويا ريت كمان مش الدفع الالكتروني بس تأشيرة الخروج الالكترونية واجراءات السفر الالكترونية والجمارك الالكترونية الخ…… وأعترف لأول مرة اني أقول لكم جزاكم الله خير على هذه المبادرة ونتمنى أن ترى النور غريبا……. (عشان تعرفوا نحن مش دائما بنشتم) …
الضرائب عاد جيد لى…..بنظام الالكترونيات جيد لى
في اول صفحة بالجـواز الامريكي مكتـوب :(حامل هذه الجواز تحت حماية الولايات المتحدة الامريكية فوق اي ارض وتحت اي سماء )
وفي اول صفحة بالجواز الكندي مكتوب : نحرك اسطولنا من اجلك و ما زال يكتب بـ الجواز السوداني :
عند فقدان الجواز تدفع غرامة مالية..
الخدمة الوحيدة البيقدموها للمغترب هى السماح له بدخول السودان ولاخروج الا بعد دفع الذكاة الخدمات التاشيرات حتى الورقة المطلوب تعبيتها تدفع عليها رسوم وان لم تدفع لا خروج ولايهمهم انت وعيالك فى داهية هذا غير رسوم السفارة والتى لا نهاية لها رسوم اضافة تجديد رسوم توكيل وابسط مراجعة سفارة لابد ان تدفع ورسوم مخيفة ونحن الوحيدون فى الجاليات المطلوب منا الدفع فى كل شى وبدون اى مقابل اوخدمة حتى سفارتنا تجدها الوحيدة من بين السفارات تضج بالحركة والزحمة على شى مخجل…
طيب طالموا انكم فالحين و من الجيل الالكتروني ورونا الكترونيا وين بتمشي قروش المغتربين ده
أين تذهب الأموال التي تؤخذ من المغتربين ؟ نريد موقعا على النت يبين مقدار الاموال المحصلة و قنوات صرفها و بالتحديث الالي الالكتروني أي اخبار مسار اموال المغتربين و عرقهم لحظة بلحظة
نحن السودان ما جاينو يا موتمرجية …تركناهو ليكم عديل لا بندفع ضرائب ولا رسوم لا الكترونيا ولا باي طريقة اخري ….إيرادات المغتربين مشت وين عملتو بيها شنو …عمارات واستثمارات في ماليزيا والمواطن الغلبان ما استفاد أي شيء…بس فلاحتكم في المغترب البقرة الحلوب بترضعو منها صباح ومساء وبمزاجكم دون ان تقدموا ليها أي مقابل …
الله يقطع أيام الإنقاذ وكل ما يقف مع الانقاذ
طبعا اللجان المكونة وفروعها كل رواتبها وامتيازتها وحوافزها حتضاف للدفع الالكتروني وتكون من عرق المغتربين
هولائي فنانين في الجبايات اذا كان صاجب الكارو و الدرداقة (اي الحمال) ما سلم منهم يسلم منهم المغترب هذا افقار ممنهج
الحكومة الالكترونية تجربة أثبتت نجاحها فى كافة الدول المحترمة لمواطنيها وهى علاج فعال لفساد الموظفين ضعاف النفوس جماعة افهم اللعب الله لابارك فيهم وبالتالى تضمن ورود المال لخزينة الدولة وتختصر الوقت والجهد من قبل المراجعين والموظفين على حد سواء فلذا ندعو الحكومة لبلورة الرؤى والأفكار البناءة فى علم ادارة الاعمال خاصة لكى ينصلح حال دوائرنا الحكومية ويمنع كل شكل من اشكال الفساد المالى والادارى أسوة بالدول المتقدمة….
عارفين للدفع وبس ,,, لم أر ى أى خدمة وأنا مغترب (15) سنه
كرار التهامى ….أحى انا من الراجل العامل زى فتيل البنسلين دا …الله يجازيك ويشحتفك شحتفة بت أسماعين ………
أخواني فلنظر بحكمة لهذه الخطوة
المغتربون يعانون مرتين : من الرسوم والكيفية التي يتم بها التحصيل
الآن الحكومة بصدد تذليل مشكلة الكيفية, عليه يجب ألا نعاند أنفسنا برفض الفكرة والمطالبة بإلغاء الرسوم والكل يدرك أن ذلك غير ممكن خاصة في الظرف الراهن ويجب أن تستمر المطالبة بالإلغاء أو تقديم حوافز حقيقية للمغترب . وإلى أن يتحقق ذلك فالأفضل أن نشارك بالرأي في الكيفية الجديدة والتي يجب أن تكون ساهلة ومتاحة للكل مما يعني أن تكون النوافذ كثيرة بنوك/ صرافات البنوك/ الأنترنت وأن تشمل جميع الخدمات من ضرائب وزكاة وخدمات ورسوم الجوازات (إصدار جواز- تجديد جواز- تأشيرة خروج) على أن يتوجه المغترب بعد سداده هذه الرسوم على المطار لختم جوازه عند السفر والأهم ألا تحدث مفاجآت عند السفر ولا نقبل إطلاقاً أي سبب لتأخير السفر طالما تم تسديد جميع هذه الرسوم
ولتقليل مراجعة المغتربين لمكاتب الجهاز نأمل أن يسمح النظام المطبق بمرونة في الدفع بنسبة معينة للمتأخرات.
وبالله التوفيق
بلا التروني بلا لمة وهو نحن الان بندفع في المغتربين وبسجلوها في الكمبيوتر ولمن نرجع يقولوا ليك جيب الايصال والا تعتبر ما دفعت وانا السنه الماضي حصل لي نفس الموقف وبعدين بياخدوا مننا زكاة هو منو القال ليهم نحن قروشنا بتم عليها الحول وبتم النصاب يا نصابين حسبنا الله ونعم الوكيل فيكم
تدفعوا ورجولكم في رأسكم بله لمه معاكم
ياهو ده الفالحين فيه
وين حق تعليم أولادنا كمواطنين؟
وين الخدمات والتسهيلات التي وعدتم بها من قبل؟
سيبك من ده كله وين المعاملة الكريمة؟
طبعا الكلام طلع صاح بعد ما لفو ودورو .. طبعا مافي طريقة لغش المغترب هذه المرة ولكن مجلس الوزراء نهرهم وهددهم برفدهم … رجعوا ومسحوا وجوههم بالمرقة وقالوها عديل … طيب ماكنتوا تقولوها عديل من البداية … صحيح ناس تخاف ماتختشيش … اذا كنت انا كذاب وروني الحوافز والتسهيلات للمغتربين وينا الاتكلمتو عنها … اهو انا الكذاب ولاانتم الكذابين …. وين حل مشكلة تعليم اولاد المغتربين … وين استيعاب العايدين .. وين وزارة المغتربين … يااخوانا عيب عليكم كبار وجلابيب فارفقة وقدوة سيئة .. هو المابخلي الاجيال الجديدة اخلاقا فاسدة شنوا غير القدوة الفاسدة الكذابة تكذب نهارا جهارا وتغش نهارا جهارا ولاتستحي علي خلقتها … تف ويخصي علي هذا الكذب والغش والاخلاق الوسخة …