إفتتاح مركز صحي سابا للوافدين بدنقلا

ما بيفهم كلامي دا الا الذين تجرعوا اوجاع الغربة والسبب عنوان هذا المقال الغير لائق بمواطن سوداني هجر من منزله نقول عليه وافد !!!!!!!!!!!!! اوجاع السفر الى وطنك هل يعلم السياسيين السودانيين بحجم الوجع والحمل الذي ظل على عاتق المغتربين تطلع من وطنك بتاشيرة خروج ورسوم ضرائب زكاة ودمغة جريح ودمغه سلام ودمغة حرب وصف وذل وبهدلة طالع ونازل انت في صالة القدوم للوطن تهم لتاشيرة الخروج والضرائب وباقي الرسوم واكثر حاجه مستفزة كرت السفر حق الخدمة الوطنية تدفع مبلغ حسب علاقتك 200 ، 150 والايصال دبل كيت ثابت 75 باقي المبلغ جغم والدبل كيت جغم ومع العلم ثروات تهرب بترول دهب صمغ الحرامية طبقات لاحظوا ابو خديجة في الحرب دي لبد فقط شاطر وفالح في ضربنا لو مثلا قلت تنزل ومعك مبلغ لقضاء الاجازة تهم للرجعه وجباية العهد التركي الانجليزي الضرائب الباهظة هذا مورث علينا ونحن اجدادنا طردوا المستعمر بهذا السبب وقصة مشهورة جدي الله يرحمه ونسنا بيها وقت كانوا شباب جلدوا ليهم واحد في المشروع وهو مرسل من قبل الخواجه لتحصيل الضرائب الغريبة الزول المرسل تركي غايتو التركي دا فجغوا فجغ وعهدنا 1917 تاني لا مستعمر ولا حكومة شقت ترعه يجي واحد مغفل يقول ليك ناس الشمالية ديل مرتاحين ماكلين السمينة ياخي نحن نشرب الموية من الجدول والغنم والبقر تشرب من الجدول وعلى بعد امتار من النيل والله اي صهريج حفر بالجهد الشعبي واي مدرسة بنيت بالجهد الشعبي واي مشفى بالجهد الشعبي قبل اسبوع فرضت علينا صيانة بيوت وبناء بيوت للمستشفى وثلثين الاراضي الزراعية باعوها للخلايجة تحت مسمى مستثمرين ……….. ياخي ما لقيت الا العنوان المقرف الغياظ دا في الخليج وافد في وطنا ياخي الناس تقول عاوزين نعرف هوية اي هوية ياخي نحن بنسال هل نحن لدى الدولة مواطنين ولا وافدين ما ممكن بالداخل يقال له وافد وبالخارج وافد او مهاجر او لوجوء سياسي او الخ…….