ربيع عبد العاطي : الحكومة لم تحرض على(التظاهر) والخرطوم آمنة ولا توجد بها(جثث)لخواجات

صح يا عبدالعاطى لا توجد جثث لخواجات لانكم متخصصين فى قتل شعبكم فقط و الذى تملا دمائه ايديكم و تغطى جثثهم كل بقاع الوطن…نعم انتم اجبن من ان تحاربوا المصريين او الاحباش او غيرهم لكنكم متخصصون فى محاربة واراقة دماء بنى جلدتكم…توجد جثث سودانيين فقط و هم ليسوا بنى ادميين فلا يجب على الخواجات الخوف

يا ناس الراكوبة حرام عليكم، ثلاث أيام وراء بعض تجيبوا لينا صورة الجان دا، يا أخ دا الموقع ذاتو تلقاه بئن من ظراطه على الخلق، ماذا تريد منا هذه الحكومة، ألم يقل وزير المالية أمس بأن الميزانية تمول بالكامل من الجمارك والضرائب المفروضة على الشعب،، غيروا الصورة، على الأقل يوم جيبوا صورة كمال عبيد وبعده الكاروري وبعده الولد الشقي المعجزة، وبعده، أبو قجة … الصنم الذي هدمه سيدنا علي بن أبي طالب عند فتح مكة، وبعدين أول الأسبوع جيبوا لينا الزول دا أقصد المارد،، على الحكومة أن تخشى ردة فعل الشعب السوداني،، وهذا تحذير لها.

حسه الفرق بين السجم دا والشيطان شنو قبح الله وجهك ايها الحاقد المنافق

هل اخذ الاذن من الموتمر الوطني الذي قال لايمثله عند مناظرته مع القراي……
ام ان لسانه اصبح طالق…….
ام لعب الادوار………..

كان فى عصر الخميس شريط اعلان يقول :يهيب المجلس الأعلى للتصوف بالمصلين الخروج عقب صلاه الجمعه والتجمع بميدان أبوجنزير من ثم التوجه نحو السفاره الألمانيه والبريطانيه والاميركيه طيب العمل الاعلان دا منو؟ والمجلس الأعلى للتصوف دا شنو؟وبعدين انتو عندكم كم جسم هلامى يمكن ان يجمع الغوغاء ليه ماظهر فى الاعلان غير مجلس التصوف؟ول خايفين الاعلان رسميا عن جهه تدعو للتظاهروبعدين تدعون الناس للتظاهر وتقتلوهم؟ أم فتح عليهم المارينز المتمركز فى سطوح السفاره النار؟

طبعا الحكومة لا علاقة لها ابدا بهذه المظاهرات و تكون عندها علاقة بيها كيف و المتظاهرين تم نقلهم ببصات الوالي و الجميع يعلم انها بصات لا علاقة لها بالحكومة و حتى البكاسي اياها الكانت بتنقل المصلين من امام المساجد علاقتها شنو بالحكومة و اوعكم كمان تربطو الامن بالحكومة دي تبقى سابقة ما سبقكم عليها احد من قبل اذ لا علاقة البتة بين الامن و حتى الحزب بالحكومة فكدي شوفو الناس ديل جو من وين مش يمكن يكونو اجانب زي كل المظاهرات السابقة مش برضو كان عاملينها الاجانب ولا شنو

((الخرطوم من أكثر العواصم الأفريقية أمناً، واصفاً الحديث عن سحب واشنطن لرعاياها إلى كينيا بأنه مجرد التفاف على الحقائق والواقع، لافتاً النظر إلى امتلاء ثلاجات الموتى في بعض الأقطار الأفريقية بالجثث من الخواجات والأوربيين، ))

هكذا صرّح مسئول لا مسئول فى المؤتمر الوطنى إسو ربيع عبد العاطى …..عـجـايـب يـا أولاد !!!!!

عـن أى بلد إفريقى يتحدث هذا المعتوه العيى….. بأن ثلاجات مشرحات عواصمها مليئه بجثث الخواجات والأوربيين و الأمريكان و ما سمعنا بها فى الإعلام العالمى ؟؟؟؟ و اللا دى زى قنبلة الدخل القومى للفرد فى السودان 1800 دولار شهريا!!!! دا يوم ابراهيم خليل دخل امدرمان بقواته كان نائم ؟؟؟ و لما الجنوبيين هاجوا يوم مقتل جون قرنق و إستباحوا العاصمه وين كان الأمان اللا مثيل له فى العواصم الإفريقيه المزعوم دا ؟؟؟؟ ألم يرتدع هذا المتخلف مما يحشر نفسه فيه ؟؟؟ أنتو المؤتمر الوطنى دا بقت زريبه أم عماره من غير بواب ؟؟؟ و كل من هب و دب طالع لينا بتصريحات و كلها نشاز فى وزن قائلها !!!!! و يا السموك بدر الدين ابراهيم و قلت إنت الناطق الرسمى للمؤتمر الوطنى مش قلت ربيع…. هذا المسخره لا يمثلكم و لا صفة له ؟؟؟ طيّب مالكم فاكينوا كده بدون قيد ؟؟؟ لو غلبكم بلغوا ناس العصبيه فى كوبر هم ممكن يقدروا عليهو … وللخبير الوطنى السابق ده … و الما هو لا خبير و لا وطنى حاليا نقول ليهو و الله وصلونا لسوبا ببصات الوالى و بإعتراف مسئولى الشرطه فى بيان رسمى لا مغلاطه حوله ذكروا بأنه مات 3 مواطنين دهسا بسيارات الشرطه…… و عمدا و بسبق الإصرار و الترصد…. اها رايك شنو ؟؟؟؟

صحيح إن بعض ثلاجات الموتي في بعض الدول الأفريقية ملسئة بالجث و الصحيح أيضا أن الجبانات و المقابر الجماعية مليئة بكثرة في كل مدينة و كل قرية و كل فريق في دارفور الحبيبة منذ العام 2003 و حتي تاريخه لا لذنب إقترفوه سوي أنهم قالوا (لا) للمؤتمر اللاوطني فما رأيك يا بوق الأنجاس ؟؟؟؟