أخبار السودان
جلاء الأزهري تدعو سلفا ومشار إلى التفاوض بمنزل أبيها في أم درمان
الخرطوم – حسن محمد علي
دعت جلاء إسماعيل الأزهري رئيسة الحزب الاتحادي الموحد سلفاكير ميارديت رئيس حكومة جنوب السودان ورياك مشار نائبه السابق إلى التفاوض بمنزل الزعيم إسماعيل الأزهري في أم درمان وقالت خلال احتفال حزبها بذكرى الاستقلال أمس : “أدعو سلفا ومشار للجلوس إلى طاولة مستديرة هنا في منزل الزعيم الأزهري حتى نثبت للعالم أننا كسودانيين قادرون على حل مشاكلنا هنا في أم درمان وليس في أي مدينة أخرى”، ووصفت جلاء الاتحاديين المشاركين في الحكومة بأنهم مجرد ديكور ودعت إلى تشكيل حكومة انتقالية تشرف على تحول ديمقراطي حقيقي لا يخلط الدولة بالحزب كما يحدث حاليا ووجهت انتقادات عنيفة إلى الحكومة واعتبرت الإصلاح الذي يجري حاليا مسرحية.
اليوم التالي
هلكتونا وهلكتو السودان الوطن انتو بتفتكرو هذه السياسة ورثة من اجدادكم روحو بلاهى خلو اهل السودان فى حالهم بلا ازهرى بلا نيلة هو سبب الكوارث اتخزنا استغلالنا قبل سن المراهقة لذلك حتى الان لم ننضج من سن البلوغ بسبب الازهرى وحزب الامة والحزب الاتحادى انتم سبب هلاكنا الى الممات
انت تستحقين كل الإحترام والإجلال.. فعلاً امدرمان القومية مكان مناسب لحل كل قضايانا سواء فرقاء الجنوب او الشمال..
انت لسع بيتفتكرى انو سلفاكير ومشار سودانيين؟ علم طمش
عفارم عليك يا زعيمة يا بنت الزعيم … اين انت يا مريم بنت الصادق من هذه الزعيمة ؟
افرقنعوا..بلا لمه..
من هذذذه ..الجلاء..
هؤلاء ليسوا عالم طمش. نحن نحن طمش. يا اخي دا موضوع ينشروه لينا في الراكوبة؟؟؟؟؟؟؟ يا اخي هناك عقليات غريبة جدا. الواحد يكتب له موضوع عجيب مثلا (انقلاب كارو حمار وسط السوق الشعبي. ظهور كديس ابيض في المايقومة. نافع ياتي للاحتفال بجلابية غبشاء)؟؟؟؟ ماذا تقول وماذا نقول يا اخي اذا اصبحنا بهذه الدرجة
أزهري دةزاتو كان ديكتاتوري ، بلا زعيم بلا لمة ،، البلد دي كان فيها زعيم واحد حريص عليها ، و صعد بقدميه للمشنقة مبتسماً ، الأستاذ محمود محمد طه
ماذا يعني الأزهري للجنوبين؟
والله يا بلا لمة شكل إنقاذي عفن زيك وزي غازي سليمان ياوسخ كمان داير تتكلم عن الازهري وشكلك كده ما عارف آى حاجة يا وهم