إرجاء محاكمة سيدة متهمة بقتل جارها ضرباً بـ (الكف)
الخرطوم – منى ميرغني
أرجأت محكمة الأزهري الجنائية جلستها في محاكمة سيدة متهمة بقتل جارها بضربه كفاً، وحددت جلسة أخرى لمواصلة سماع الاتهام. وبحسب الاتهام فإن المتهمة كانت قد تركت في منزلها مبلغ (30) جنيهاً تحت (الفرش)، وعند عودتها من الحمام لم تجد المبلغ ولا المرحوم، فتعقبته إلى وكر لبيع الخمر، فوجدته هناك، ونشبت بينهما مشاجرة امتدت للعراك بالأيدي، وعندها عاجلته المتهمة بالكف ليسقط المرحوم مغشياً عليه، ثم مفارقاً الحياة، وعليه كانت إجراءات البلاغ وتقديم المتهم للمحاكمة.
المجهر
ده كف طيب (بنيتها) كيف إ
القصة غريبة شوية ..
معقول القصة دي في الخرطوم ؟؟
رجل يدخل منزل امرأة ويأخذ قروش من تحت الفرش ؟؟..
وتحضر هي وتتبع أثره ؟؟
وتجده في انداية ؟؟
وتضربه كف ؟؟
ويموت من ضربة كف ؟؟
أفو عليك ،،، دي مره ضكره ،،، ما عليها شئ ،،، قتل غير عمد ،،، بعدين دي ممكن الاستفادة منها في القوات النظامية فرع النساء ،،، ربع أو نص كف منها تركب ذي ناس هندوسه التونسية هواء
ده كفها ولاكف عفريت ….
دا الكف الواحد دا ولا حاجة تانية.. والله دا إلا كان كان كف 3×3[كف وبنية وشلوت] ما عرفنا هل المراة من طراز المصارع[البيج شو] أم [مارك هنري] ولا الزول دا داير ليهو سبب بس
دي مدربة جون سينا
يا معلمممممممممم ده كف عفريت
راجل خيبان ساكت….موته أرحم
إنها أم الكبائر تفعل بالناس الافاعيل وحسب اعتقادي الكف ماهو سبب الوفاة أو سبب غير مباشر
كان ورتني بتدي الكف بي ياتو صايد
الموت حق وربنا يرحمو، بس الولية دي شوفو لينا بتها نعرسا لانو نوعيتها دي بتأخد حقها بايدا! يعني الاولاد حا يقدرو ياخدو حقهم من جوووووة عين الكيزان وما شاااابه، شوفو لينا العنوان.
لو الطب الشرعي عندنا سليم سيثبت ان الجريمة ليس جريمة قتل لا عمد ولا غير عمد لانه لايوجد في الدنيا كف بيقتل بني ادم ولا دجاجة حتى …اكيد المرحوم مات بصدمة او ذبحة او سكتة .لا يوجد دافع للقتل ولا يوجد دافع للجريمة وكل الناس دي قاعدة تتكفت مافي زول مات ولا اتجرح حتى …لو القصة بس كف المراة براءة
بالله الكف بقى بكتل ليهو راجل ومن مره كمان. وشابكننا نقتلع نظام البشير ونقتلع ….الفار الحفار . غلطان نافع البقول لينا ألحسو كوعكم دا مفروض يقول لينا ألحسوا طيـ…. ذاتو
قلتم سيدة وفي مضمون انها لحقت بالمقتول حتى وصلت الى وكر الخمور البلدية وفعلت فعلتها وارى ان وصفها بسيدة فيه تجني على السيدات
دى لو مديرة مدرسه كان نص البنات فى مقابر فاروق
عافي منها بت رجال والله تاخد حقها بيدها
والله اخير من قطع الاعضاء التناسلية موت موت *** مين فيكم يا رجالة يستطع ان يعيش بدون رصيد **لحدي الان انا مرعوب من اعمال ايدهن الدموية السابقة التي تمت بدون رحمة او شفقة
حليل الباع عنقريبو وقام بليلو
وتقديم المتهم للمحاكمة.
لاحظوا آخر الخبر أصبحت ( المتهم )