الإسكودا وجمال الوالي ..!!!
بالمنطق
الإسكودا وجمال الوالي ..!!!
صلاح الدين عووضه
[email][email protected][/email]
* صاحب هذه الزاوية ليس كما الحطيئة لا يُجيد سوى الذم والنقد والهجاء حسبما يصفه البعض..
* فهو قادر على أن يقول لمن أحسن أحسنت شريطة أن لا يكون المحسن هذا ذا (مال!!) أو (منصب!!) أو (دائن!!)..
* واليوم إذ يفعل صاحب هذه الزاوية – فإنما يفعل بحذر مع تنبيه الى انه لا يرجو (مقابلاً!!) من الذين ترد الإشارة اليهم…
* فشركة سكودا -على سبيل المثال – هي في مقام الدائن لكاتب هذه السطور بما أنه لديه سيارة بالأقساط منها..
* وقبل أيام تعرضت السيارة هذه لحادث (عجيب!!) كان الفضل في نجاة صاحبها – من بعد الله – لمتانة هذا النوع من العربات الألمانية..
* فهي تكاد تكون (مصفحة!!) تماماً كما تشير الى ذلك إعلاناتها التي تصفها بـ (الصخرة)..
* وعلى الرغم من (صلابة!!) هذه السيارات – في مفارقة عجيبة – فإن بنك النيل الأزرق المشرق الذي يضطلع بمهمة التعاملات المالية يجنح الى (مرونة!!) تكفلها (روح) اللوائح والضوابط والقوانين فضلاً عن الدماثة، والأدب، والتهذيب…
* والآن إذ أشدنا بـ (دائن!!) فإن الأمر ينتهي عند هذا الحد يا شركة سكودا، ويا بنك النيل الأزرق المشرق..
* ونشيد الآن بـ (ذي مال!!) في سياق الحذر نفسه..
* والقصة تبدأ بمهاتفات تُبدي تبرماً من بعض ما يُكتب في الصفحة الرياضية لصحيفتنا هذه عن مجلس جمال الوالي..
* ورغم أن صاحب هذه الزاوية ليس هو رئيس التحرير إلا أن نفراً من أعضاء القيادة المريخية الحالية يصرون على بثه شكواهم بحسبانه (مريخياً) في الصحيفة ربما..
* ونقاشات مع كلٍّ من جمال الكيماوي ومصطفى الحاج والزميل (الرادار) – عدلان يوسف -تفضي الى مكالمة هاتفية مع رئيس النادي نفسه قبل يومين..
* ومما قاله كاتب هذه السطور لجمال الوالي هذا أنه بذل في سبيل المريخ – مادياً – ما لم يسبقه عليه أحد من رؤساء هذا النادي من قبل..
* ويكفي شاهداً على ذلك استاد المريخ الذي اضحى مفخرة للسودانيين قاطبة وليس أنصار الأحمر وحسب..
* وجلسة تجمع بين صاحب هذه الزاوية والمدير العام للـ (الجريدة) – بعد ذلك – يقول فيها الثاني هذا أنه لابد من توخي (العدل!!) تمشياً مع السياسة التحريرية للصحيفة..
* وهذا كل ما نقدر على الإشارة إليه من الجلسة المذكورة مع الأخ عوض محمد عوض..
* ولا يقدح ذلكم كله شيئاً من الجهد المقدر الذي يبذله الزملاء بالقسم الرياضي لهذه الصحيفة وعلى رأسهم الزميل عمر ادريس..
* والآن إذا أشدنا بـ (ذي مال!!)؛ فإن الأمر ينتهي عند هذا الحد يا جمال الوالي..
* وجمال الوالي هذا – للعلم – هو الذي قلنا له من قبل – خلال قضية نشر بيننا وبينه – أن رأس مالنا في هذه الدنيا هو (قلمنا!!) في مقابل رأس ماله هو المتمثل في ما أنعم الله عليه به من (مال!!)..
* وما نريد أن نخلص إليه في خاتمة كلمتنا هذه أننا لسنا مثل الحطيئة لا نُحسن سوى أن نبصر المساويء دون المحاسن..
* ولكن زماننا هذا الذي نعيشه يجعلنا نخشى أن يقال فينا ما يُقال في الآخرين..
* فهناك من (يمدح!!)، ثم يراه الناس ممتطياً صهوة فارهة من الفارهات..
* وهناك من (يُثني!!)، ثم يراه الناس (مشطباً) سراية من السرايات..
* وهناك من (يُشيد!!)، ثم يراه الناس (ملازماً الكبار!!) في سفرة من السفريات..
* وهناك من (يكسر ثلجاً) ، ثم يراه الناس (مُكسراً!!) لعلائق قديمة من العلاقات..
* والحمد لله أن الاسكودا ليس مما يجود به جمال الوالي رغم إنها أكثر متانةً..
* ثم إنها بالأقساط والوالي لا (يُقسِّط!!!!).
يا عووضة باللهي خليهم في قيهم يعمهون
وكفارة وسلامتك والف اسكودا كرامتك اعمل حسابك المرة الجاية الناس ديل ما حيصدموك باين عليها دي عملية تحزير عشان تمشي علي العجين متلخبطوش
واسكاجلو من القرية 14
جمال الوالي هذا من أين له هذه الأموال وما هو تاريخه أهو من أبناء الرأسمالية المعروفين بالسودان أنه خزعبله من من خزعبلات المؤتمر الوثني وكلها قروش حرام وكل قرش حرام يذهب من حيث أتى أنها قروش تمشي للاعبين الكورة واللهو أنه الحرام نسأل الله أن يدمر الانقاذ التي أظهرت لنا الطفييلين وااصحاب النفوس الضعيفة وجمال الوالي تاريخه معروف من الألف إلى الياء
جميع اموال جمال الوالي هي اموال المتمر الوطني الفاسد
لاول مرة اقول لك استاذ عووضة الليلة ما عندك موضوع كان احسن ما تكتب خالص # فقد عودتنا بالروائع فلا نرضى منك الا الرائع المفيد وربنا يوفقك
كثرة مساوئ الإنقاذ تجعل الشخص لا يرى ذرات محاسنها لذلك لا عليك يا ود عووضة …
ليه ماخذ الأمر بالحساسية الزائدة دي … هو جات عليك أنت بس .. ما الناس دي كلها من الكسير لما انبرشوا
بس انت ما تكتر المحلبية … قال اسكودا قال ؟؟ والله أفشل عربية ….
قال بورسودان عرب لكن عربها تقال
يشكروا في جبيت ما شافو بيت المال
لا تقتات من موائد الكيزان فانهم لئام
ان شاء الله شرك مقسم فوق مصنع سكر النيل الابيض و الدقشم الما بشبهوا دييييييييييييييييك بتاعة الليل عيناها بس السودانيه
يا أستاذنا الكريم الظاهر عليك ماشي الماسورة برااك وبي رجلييييك .. اولاً يا حبيبنا الناس ديل ما تمشي ليهم ولا تشرب شاييهم ولا تاكل كيكم .. لأنهم عاملين زي الغولة حقة فاطنة السمحه.. البياكل من عصيدتا بتكسر ومايقدر يقوم تاني وببقى لقمة مدنكلة للغولة الما بتشبع .. شوف براك ناس المرضي ومبارك الفاضل ومناوي واروك طون ومضوي الترابي و بقية الضحايا هل قامت ليهم قايمة؟
تانياً يا حبيبنا الإسكودا زااااتا ما المانية ولا شيتين .. دي عربية شيكية شيوعية حمرا .. اشترتا الفولكسواجن سنة الفين لكن لسه بتطقطق في الشيك ..
أنا كلمتك وانت على كيفك يا زول
لمتانة هذا النوع من العربات الألمانية.
الزميل/ صلاح الدين عووضه
فقط للمعلومية/السيارة اشكودة تشيكية الصنع
مع تحياتي G.F براغ
شوف يا صلاح عووضة، اليوم عملت لي احباط.
اولآ اسكودا دى انا كنت فاكر انها نوع من اكلات الفنادق الخمسة نجوم
وكنت فاكر انه انك اتعزمت اسكودا بالبيض او اسكودا بالطماطم مع
الولد جمال الوالى.المهم الحمد لله على السلامة وان شاء الله شركة النيل
الازرق المشرق تعطيك عربية اسكودا اوكتافيا هدية للدعاية العملتها
لعرباتها .
ثانيآ الرجاء ان تبتعد عن ناس جمال الوالى ومريخ وهلال الما منها
فايدة دى واذا جمال الوالى ضرب ليك تلفون فما تكلمنا عشان الحكاية
دى بتقلل من مقدارك ولن ترفع الولد الوالى وفى نهاية الأمر حيغشوك
ويأكلوك اسكودا بالبيض زي ما اكلوا وغشوا ابليس ذاته.
تكسير تلج بالواضح بالرغم من اجتهادك بالنفى
بس ما تتحسس الموضوع عادى زى الزبادى
ولك فى احمد البلال ابوحلاقيم صديق المسئولين اسوة
فعلا الاشكودا وليس اسكودا با لسين كما هو شائع , هى سيارة شيكية وليست المانية , بس عووضة ما يقوم يقولينا : انا بركبة وانتو اعرفو اسمها, هههههههههههههههههههه.
شوف يا صلاح عوووووضة ما تقول لي عملتها ظاهرة ظهورية زي الجماعة ديلاك و علي كده نحن حنختك في الكنب مع الجماعة اياهم حتي اشعار اخر…ياخي في حاجات اهم من الاسكودا من فضلكم ركزوا معانا شوية ….اصبري يا بلد المطر جاي…
الوالي لا يقسّط لكنه ينقّط
اووووده ولد دده ه ه
ود عووضة .. مسكاقمي
لكن لقيتك كمية من كسير التلج
عافيه لقو
Topicless
بالمناسبة اللأسكودا صناعة تشيكية و ليست المانية ، الظاهر العربية دي و قعت ليك في يانصيب! ، مع عاطر تحياتي
الاستاذ عووضه
اتمني ان يكون في واحد هكر اخترق حسابك وقام بكتابة هذا المقال الرخيص
تخريمة:
اتمنى ذالد
تضامن جبرا:
اخبار خط هيثرو شنو؟؟
هل يعلم السراج ان جمال الوالي يأكل اموال الناس بالباطل
ان لم تكن تعلم فاسمع او فلنقل اقرأ هذه الحكاية
في شهر يونيو من عام 2009 استأجر نادي المريخ منزلا في نمرة اتنين بالخرطوم لاستخدامه مقرا للمكتب التنفيذي للنادي ممثلا ب متوكل احمد علي عضو مجلس ادارة النادي
البيت ده يا السراج تم دفع ايجار تلاتة شهور مقدما عند توقيع العقد و كانت هذه المرة الاولى التي يسدد فيها الايجار في موعده حيث لم يتم التسديد الا متاخرا لثلاثة او اربعة شهور حتي شهر ديسمبر عام 2010 حيث استدعى متوكل احمد علي صاحب المنزل و اخطره بان النادي قرر ان يتخلى عن ايجار المنزل لانهم حا ينقلو المكتب التنفيذي الى مقر النادي بامدرمان و طلب من صاحب المنزل يديهم مهلة اربعة ايام حتى يوم اربعة يناير 2011 لينقلو عفشهم.
ده ما تم يا السراج لان السيد متوكل و مجلس ادارته رجعو في كلامهم و ما سددو اي ايجار الى شهر مارس 2011 بعد ما تدخل سكرتير النادي في الوقت داك جعفر قريش فاتسددت اجرة اربعة شهور في ابريل بعدعا اتسددت اجرة مايو و يونيو لترجع حليمة لحراميتها القديمة و التي ما زالت مستمرة حتى اليوم يعني بالعربي كده جمال الوالي و ناديهو ما دافعين ايجار عشرة شهور
و تقول لي اسودا و ما عارف شنو ياخي دي ما قروش المسكين ده و مساكين تانيين اكيد
و تعال شوف التسويف و التزوير حتى في المحاكم
اها ده بقولو عليهو شنو غير اكل اموال الناس بالباطل
لكل حصان كبوة ولكل فارس هفوة ولكل كاتب شطحة!لككككككككككككككككككككككككن احبطتنا بس ما يهمك نشوفك بكرة اكيد بكرة فى المليان
يا عووضة المقال ده كتبوا ليك المهندس عثمان ميرغنى؟ فى ذمتك تنقدا ما تنسدا؟
بما ان لك سيارة بالاقساط منها- الاسكودا – فأنت في مقام ( المدين لها ) وليس الدائن ..
وبعدين دي شكلها دعاية لي عربيتك الظاهر ناوي تبيعها !!!!
الحاصل شنو هسه …….