بورتسودان: عبدالقادر باكاش
كشف وزير البترول في حكومة جنوب السودان فوت كانق كول عن شراء جنوب السودان قطعة ارض تصل مساحتها 12 ألف متر مربع في ميناء جيبوتي لتسهيل تصدير النفط الخام وواردات البضائع إلى الجنوب.
وقال فوت في مؤتمر استثمار النفط والطاقة لعام 2022 في جوبا تحت شعار “بوابة طاقة شرق إفريقيا”، الثلاثاء: “لقد استخدمنا بورتسودان ومومباسا فقط ولكن مؤخرًا قررنا الذهاب إلى جيبوتي، وبينما أتحدث إليكم، حصلنا على أرض في جيبوتي تصل مساحتها 12 ألف مترمربع لغرض تصدير النفط الخام للبلاد وكذلك لاستيراد البضائع”.
و أفتتح المؤتمر الذي استمر يومين النائب الأول للرئيس د. ريك مشار وتضمن كلمات من كلٍ من وزير البترول فوت كانق شول، ووزير التعدين مارتن قاما أبوتشا، ووزير الطاقة والموارد الطبيعية في دولة جيبوتي، يونس علي جيدي.
وكانت الحكومة السودانية وشركتا “بتروناس” الماليزية و”ongc” الهندية قد وقعت فبراير الماضي على اتفاقية لنقل النفط الخام المنتج من جانب الشركتين العاملتين في جنوب السودان إلى الموانئ السودانية على البحر الأحمر لغرض تصديرها، وتنص على نقل 13 ألف برميل يومياً، قابلة للزيادة، من النفط المستخرج من حقل “سارجاث” في جنوب السودان علي ان تحصل بموجب ذلك الحكومة السودانية على مبلغ 13 دولاراً مقابل نقل كل برميل من النفط الخام المنتج من الحقل.
السوداني
ده نتيجة قفل الميناء لمدة شهر من قبل البجا و التهديد بقفله في مرة تحدث مشاكل سياسية دون النظر العواقب ..كذلك كل شركات الشحن تتجه لموانئ بديلة آمنة مستقرة و ذات إجراءات سريعة ..
يعني خط البترول هذا سيعبر من شمال غرب دولة جنوب السودان الى اثيوبيا ومن اثيوبيا الى اريتريا ومن ثم للتصدير؟! يعني بدل يدفعوا ثلاثة عشر دولار للسودان ارخص ليهم يدفعوا لاثيوبيا واريتريا؟ هو اصلو بترول جنوب السودان ده قدر شنو ويبدو ان جنوب السودان ملئ بالتماسيح مثله ومثل شمال السودان.
سلام
فرق بين ارتريا وجيبوتي
طبعا الحكايه صعبه ومكلفه لكن بكون عندهم عبارات للتصدير، المسافه من غدار يا الي جمبيلا 200 كيلو ومن جمبيلا الي جبيوتي حوالي 1000 تقريبا هي أقرب من عداريل بورتسودان لكن فقط في السودان خط جاهز، لكن ممكن يلقوا الصينين يمولوا المشروع لسنين طويله
صادميم انت اي جغرافيا درستها في المدرسه. جببوتي أصبح بعد ارتريا…..ارجع مدرسة بسرعة ايها التلميذ…..تعلم شوية جغرافيا. بس تفضل بعدين عن الكتابة
إنت مالك ده ما موضوعك
اها يا ست الشاي والعوض الخ …رايكم شنو ؟!!!! رايكم شنو في الخساره الماديه والمعنوية العظيمه دي ؟
المسافة بين حقول الجنوب وحيبوتي وبورتسودان ممكن تكون متساوية ولكن تختلف في التكلفة .. العبور عبر اثيوبيا ينتج عنه دفع رسوم لدولتين ، لاثيوبيا صاحبة الارض بالاضافة الى رسوم دولة جيبوتي من ناحية ثانية الارض الاثيوبيه مرتفعة جدا وذلك يقف سدا في عملية الانسياب مالم يدعم باجهزة ضخ كبيره .. اثيوبيا غير مستقره في غربها وشرقها .. بالنسبة للسودان الارض منبسطه والانحدار من الجنوب للشمال يساعد في انخفاض تكلفة الانسياب زياده على كذه الخط جاهز والاهم من كده الانابيب تعبر دولة واحده هي السودان .
التكنولوجيا سهلت كل شي فلو استعرضت الخريطة امامك تجد انو جيبوتي ابعد والافضل يكون عن طريق كينيا ، لكن شكل الجنوبين فيهم بقايا من تفكير أهل الشمال .