مأمون حميدة يغادر جلسة تشريعي الخرطوم غاضباً
الخرطوم: عازة بوعوف
غادر وزير الصحة الولائي مأمون حميدة جلسة مجلس تشريعي الخرطوم غاضباً بعد أن قدم انتقادات للنواب اعتبرها رئيس المجلس محمد الشيخ مدني انتقاصاً من هيبة المجلس بقوله: “يا بروف ما عندك أي سلطة تنتقد أداءنا علق على التقرير فقط “الشئ الذي رفضه حميدة وامتنع عن التعليق “بقوله: لو ما عندي سلطة تعليق ما عندي كلام”، وبعد ذلك غادر الجلسة، وفي الوقت ذاته شن النواب هجوماً على وزير الصحة وقالوا إنه تهكم عليهم واستخفَّ وأساء للمجلس ووصفوه بالمعتد برأيه ولا يتقبل النقد مشيرين الى أن المجلس سلطة تشريعية فوق الجميع. وشهدت جلسة التشريعي أمس مشادات كلامية، وملاسنات وتبادل انتقادات عنيفة وغير مسبوقة بين رئيس المجلس ومأمون حميدة من خلال الانتقادات الساخطة للنواب ووصفهم لردوده بالـ(البايخة) على خلفية ردود مأمون حميدة على مداولات الأعضاء وقوله: “لو أي شخص قريبو مات بمستشفى دا شئ شخصي وما بنتقص من أداء وزراته “مضيفاً: “يجب أن تتحققوا من الحقائق، ونوه حميدة الى أنه يفرق بين الناس في إشارة للنواب بقوله: “أنا بقسم الناس مجموعتين مجموعة تقف معنا ومجموعة كتبت لها بيدي وما ردوا وأنا فتحت ليكم أبواب الوزارة وتلك المجموعة لم ترد على الخطابات والذين ردوا أصبحت أعرف أسرهم “وأضاف: “البمسك يدنا بشغلنا والما بمسكها ما يسألنا ” “ودا شغلكم إنتو مقصرين ما في زول طرق باب الوزارة ونحن ما وقفنا معاه ومشينا دايرنو “وفي تلك الأثناء تقدم البرلماني عصام ماهر بنقطة نظام حول عدم قانونية انتقاد حميدة للمجلس، استجاب لها رئيس المجلس بمخاطبته حميدة “يا بروف ما عندك أي سلطة تنتقد أداءنا، علق على التقرير فقط” أعقبها حميدة بامتناع عن التعليق مضيفاً: ” إذا أنا بحصر نفسي في التقرير كلامي ما في لييهو داعي” وحمل أوراقه وغادر الجلسة.
الجريدة
رااااااااااااااجل يا مامون حميده
عفارم ليك
تشريعي شنو وكلام فارغ شنو؟؟؟؟؟
ديل ناس سوق ساي وما فاهمين طظ من سبحان الله.
انت في حاجة ماسة لدورة سنتين علي الاقل لمهارات فن التخاطب وادب الحديث وبعدها تعود للعمل الوزاري ولو تقدمت بإستقالتك يكون خير وبركة ياحلاوة لكوم
حميدة تفرعن من زمان وزادت فرعتنتو دعم الرئيس له في خطابه الأخير حيث بصم له على العشرة حتى يمكنه من تدمير المستشفيات ولذلك قدم إلى مجلس العاطلين المسمى بالتشريعي وفرد لهم عضلاته
في 60 هو المعاه .
دكتاتور بروف
أ هو.
حكومة والسلام.
وزير صحه وعندو مستشفى خاص وجامعه خاصه
تجاره ومناصب الاثنين فى جيبو, عفارم عليهو, عشان نحن شعب وهم
في العالم المتحضر المرء مادام دخل معترك السياسه وترك التدريس فلا يخاطب بالبروف او باي صفه ازيد من مستر فلان.
هذا الفرعون أتعود على الأساءة والأستبداد والتهكم على كل من حوله فما غريب عليه هذا التصرف الهمجى ومغادرة الجلسة السؤال هل سيمر هذا التصرف مرور الكرام ام ستكون هناك مسألة ومحاسبة على هذا التصرف العشوائى
نحن نقدر كل مجهودات البروف مامون حميدة ووالله لو رجع ل عياداته الزمان يكشف على المرضى ويكتب لهم العلاج يكون احسن ونحن كموطنين نحتاجه كطبيب متميز وهذاافضل من ان يكون وزيرا بسبب كبر سنه وهو جدير بالاحترام والتقدير لما قدمه للموطنين وممكن كذلك ان يكون مستشارا لوزارة الصحة بدلا من وزير والله يا بروف خفف على نفسك شويه وابعد نفسك من مكان المشاكل .
عفارم عليك البروف بفتكركم ناس جهلة وتمومة جرتق وما عندكم سلطة ،، لو شجعان كونوا لوبي تشريعي ضدوا واقيلوه من الوزارة ،، او يكون الاسلوب الاتكلم بيهو معاكم هو ما تستحقونه،، يلا يا تشريعي
السيد/ مامون حميدة صدره ضيق وفكره كذلك ضيق رجل متعصب على طول وعيونه لا ترى إلا الرأسمالية أصحاب الكروش الكبيرة وعريضة عايز يبيع كل المستشفيات الحكومية عشان المستشفيات الخاصة تعرف تشتغل ومنها مستشفى الزيتونة رغم أن العلاج حتى في
المستشفيات العامة أصبح بالقروش … السيد/ مأمون حميدة يمثل الرأسمالية في أقبح صورها..
إن شاء الله يكون (حرد العشاء)
والله ياجماعة الخير انا مافاهم اى حاجة من المكتوب عن البروف بتاع الصحة دا هو زعلان لماذا ؟ هل فى مريض فى مستشفى الزيتونة مات واللا الحاصل شنو يجماعة ؟ تشريعى الخرطوم دا ما لقى ليهو شارع يشرعوا اى ينظفوا ديل مش عمال النظافة المفروض يشرعوا اى ينظفوا شوارع الخرطوم ولا انا غلطان يجماعة وبعدين ناس نظافة شوارع الخرطوم ديل مش المفروض يحسنوا كنس الشوارع بدل الزعل المتبادل وبعدين البروف دا ماقاعديساعد اسرهم المريضة بالتدواى بالزيتونة مجانا ولا معليش ديل دون المقام لانهم كناسين شوارع ساكت والله حيرتونى معاكم الله يجازيكم
كلام بروف مامون حميدة صح ميه ميه,كيف وزير و ما عندو سلطة التعليق …كلام ينم عن دكتاتورية و تعالي…بعض اعضاء المجلس يعتبرون المجلس سلطة الهية…لا يسال عن ما يفعل….لا معقب لحكمه,اذا لم يتسع صدر المجلس لتعليقات وزير دستوري فلمن يتسع؟للمواطن الغلبان؟
يا جماعه مش معناها الراجل طبيب يعنى شرط يكون بيفهم فى الإداره أو الوزاره .
دي مشكلة المثقفين و المتعلمين فى السودان و المناصب , دايرين يكونوا فى رأس كل حاجه و أي حاجه … طبيب + وزير + تاجر + عضو مجلس “إدارات” شركات و مؤسسات + مستشفيات + ……… الخ ؟
ياخي الواحد لو سمع ناس السودان دايرين “إبـلـيـس” يقول ليهم “أنا”.
مهما تحاول وتسال من الصعب ان تجد خصله نبيله لمامون حميده
مامون حميدة وما ادراك ما مامون حميضة ..
كليه الاقتصاد والعلوم السياسية بجامعتة تكلفة الدراسة فيها اربعة الف دولار امريكى
قلنا مش مشكله ندفع بما يعادلها لحضرته ..
تخيلوا طلبها كاش دولار يصدم دولار ..
هل هومستثمر اتى لبلادنا من بلد الدولار ..
اليس للبلد عمله وطنيه نعترف بها ..
هل هو ملائكى الضبغة ونحن اولاد بلد مهان ..
السلطة والثروة والفساد يتجسم فى هذا المخلوق الكريه خلقة واخلاق ..
هذا الشخص الخطأ في المكان الخطأ وهذا جاء الوزارة لينتفع وانتفع بعد كده مش يمرق من الجلسة حقو يديكم بالبر طوس لان المستشفى حقو على ارض أوقاف وما يسدد كهربة الجامعة كان اسع ماعا رف المهم هذا شخص وصولي ليس الا ولا يشبه الكيزان حتى لأنو ديك مقددين اما هو فهو غربال
خروج المك نمر من شندى
مأمون حميدة يتخيل أنه يتعامل مع طلاب في مرحلة الأساس…بالرغم من أنه كان أستاذاً جامعياً يُفترض أنه كان يتعامل مع طلاب ناضجين!!!
قطر عجيب يودي ما يجيب
عجبنى ليك عثبال تغادر الحكومة مقالا وليس مستقيلا
اتلوموا معاهو ؟؟
يعني هو تلميد في معهد سكينة ؟؟؟ عشان يقولوا ليهو اتكلم في شنو وخلي شنو ؟؟؟
دا وزير وعامل ليهو جامعة كاملة ومستشفي كااااملة غير استاز مشارك ،،، بس عشان يتكلم بي راحتوا ؟؟؟
هو كتر خيروا وقت جاء يتكلم كمان انتوا لاقين كلاموا دا ؟؟؟؟
اتكلم اتكلم يا خالي الحروف …
وقت اصلوا المشاكل كلها بقيت في تتكلم في شنو وتخلي شنو ؟
مشاكل الوطن والصحة والتعليم والتنظير كلها اتحلت وبقينا فى مغالطة اولاد الاساس دي ،،، وممارسة دور الالفة والجلاد والضحية …
وقت ما يتكلم حميدة اللي حي يتكلم منو ؟؟؟؟
معليش يا دكتور امسحها للشعب دا فى لصقتو …. وتعال اتكلم في صحة وعافية
وكلنا اضان صاغية
….
المجلس التشريعي كيزان منتظرين ظروف الجلسات والحوافز اما مامون حميدة فهو انتهازي يمثل الراسماليه الغزره المستفيده من سرقة الكيزان وتضيف الحياة علي الناس جامعات خاصة ومستشفيات خاصة واسعار تلائم السارقين والنهابين والسودان اصبح شركات وبعدين يعني شنو بروفيسور هو اي بروف نختوا فوق راسنا يعني احسن منه بتاع الورنيش الموظفين الصباح بستفيدوا منه والعامه
واحد حرامي قذر اتشاكل مع منافقين يعني شنو
يعني المجلس أحس بكلام البروف بعدما اتكلم فيهم ولحقهم راس السوط … ده حالو منذ تولي الوزارة … الحمد لله ما قال ليكم أكلو ضفادع .. لسه … التقيل قدام .. ما فيش زول يقدر عليهو حتي الوالي بخاف منو … والدليل مر الشكوي من المرضي والمواطنين بنقل المستشفيات الي الأطراف والتأييد من الرئيس شخصياُ.. وزير ولائي لكن بماكينة رئيس جمهورية .. عالم وهم .. أعوذ بالله منكم ومنه
ياخى لا تشريعى لا يحزنون ديل عاوزين يقبضوا بتاع العيديةوبس ديل زى الحبشيات، هو كلام البوف الحيوانات دى بتفهموا !!! ؟؟؟؟؟
كلام بلدي سوقي ..و مأمون حميده . وجلوسه على كرسي وزارة الصحة ظلم لجميع الكفاءات
السودانية . وصدقوني هو أسوأ وزير يمر على وزارة الصحة ونسبة كراهيته من الشعب
السوداني 90% . سبحان الله كل الشعب يكرهه .
وهو بإختصار تاجر جامعات ومستشفيات . وإفهموها بقي . لا يهمه الشعب السوداني أبداً
وهو أيضاً حاقد على الشعب السوداني ويكره الشعب بنسبة 199%
ولا أدري لماذا يصر عمر البشير على : مأمون حميده ( واللمبي ) عبدالرحيم محمد حسين
وزير الدفاع على منصبيهما .
قالوا والدة عمر قالت ليهو كان شلت عبدالرحيم دا من منصبوا ما عافيه منك . على
ذمة الراوي .
اللهم لا تمحنا ولا تبلينا … ورحم الله السودان …
يا رب الفرج … بس واحد : راضع من لبن أمو يهمه شعب السودان وأرض السودان.
يا رب ….
بس حزين للوضع السيئ اللي نحن فيه …