تورط موظفين في محلية جبل أولياء ببيع إغاثة متضرري الأمطار
الخرطوم:
عقدت محكمة جنايات حي النصر بمايو برئاسة القاضي محمد عثمان عبد الماجد أولى جلساتها في محاكمة (12) متهماً منهم موظفان في محلية جبل أولياء قطاع حي النصر وموظف بمنظمة الدعوة الإسلامية وسائقان وتجار، تجري محاكمتهم بتهم بيع مواد الإغاثة المتمثلة في دقيق وزيوت وأرز جلبت كإغاثة للمتضررين من السيول والأمطار التي ضربت المحلية العام الماضي.
وقال المحقق أثناء تلاوته محضر الاتهام إن المتهمين تصرفوا بالبيع والشراء في مواد إغاثة قامت الدولة بتوفيرها لنجدة المتضررين من الفيضانات في العام الماضي وشملت “400 ” جوال دقيق جوال صغير و” 623″ جوال أرز و” 623 ” جركانة زيت زنة (18) رطلاً و”311″ جوال دقيق وبعد أن تسلمها المتهمون من الجهات المختصة لتوزيعها وقاموا بوضعها داخل احد المخازن وقام أحد المتهمين ببيع جزء منها لبعض التجار وتوالت عملية البيع لبقية الكمية.
وتلا المتحري اقوال المتهين أمام المحكمة وشرح دور كل متهم منهم وأنكر بعضهم الأقوال وحددت جلسة أخرى للسير في اجراءات القضية.
الصيحة
بس هم السرقو اموال الاغاثة (والله شقي الحال يقع في القيد )
موضوع عادي كلهم حراميه …. البمسكوه ويحاكموا دا بكون عملها وراء الجماعه.. ما أداهم حقهم علشان كده بعاقبوه… وبعدين بطلعوا من السجن بقرار من الرئيس..
انا ماعارف تورط معناتا شنو ؟
دا ماتورط ولا حاجه دا اتفاق بين اللصوص من قبال تصل الاغاثه السودان
والبخرج عن الاتفاق بمعني ان يتصرف لحسابه بفضحوهوا ويشهدوا كلهم ضدو
وبعدين الصحف الفاشله والصحفيين الفاقد التروى يصيغوا الخبر علي انه تورط يعنى الزول كان لا ليهو
في الطور ولا في الطحين وكان شريف ونضيف وماشى عديل وبعدين الشيطان اغواهو
فقام لافح شوالين دقيق وباغة زيت وكيس لبن وداهم بيتم.
اعتقد ان كل موظفي وعمال الدوله حراميه ومرتشين والسبب معروف .