سفير السودان بأبوجا : “البشير” لم يهرب من نيجيريا خوفا من الملاحقة القضائية
أ ش أ
نفي السفير السوداني في العاصمة النيجيرية أبوجا الدكتور تاج السر محجوب، الأنباء التي نشرتها وسائل اعلام نيجيرية وعالمية حول هروب الرئيس السوداني عمر حسن البشير اثناء وجوده منذ يومين في العاصمة النيجيرية أبوجا، خوفا من اعتقاله لتسليميه الي محكمة الجنايات الدولية بتهم ارتكاب جرائم حرب في دارفور.
وقال السفير السوداني – في تصريحات لمراسل وكالة أنباء الشرق الاوسط بابوجا اليوم الأربعاء، ان الرئيس البشير لم يهرب وأنه حضر أنشطة قمة الإتحاد الأفريقي حول الإيدز والملاريا بأبوجا، والتقي العديد من الزعماء الأفارقة علي هامشها.
وحول عدم القاء رئيس السودان كلمة له في القمة اثناء انعقادها، قال السفير السوداني ان الرئيس كان يجتمع مع رئيس وزراء اثيوبيا هيلي مريام ديسالين عندما اتي دور السودان لإلقاء الكلمة, وانتقد بشدة وسائل الإعلام ومنظمات المجتمع المدني لتركيزها علي الرئيس البشير وتجاهلها لرئيس كينيا اهورو كينياتا المتهم أيضا في قضايا جرائم حرب في بلاده من قبل محكمة الجنايات الدولية.
وأشاد بموقف الحكومة النيجيرية التي أكدت التزامها بقرار الإتحاد الأفريقي بعدم التعرض للبشير، الذي اتهمته محكمة الجنايات الدولية بارتكاب جرائم حرب في دارفور منذ أعوام وهو ما نفاه البشير بشدة.
كانت مجموعات حقوق انسان نيجيرية قد قالت انها رفعت دعوة قضائية في المحكمة العليا بأبوجا ضد الرئيس السوداني اثناء وجوده في العاصمة النيجيرية ابوجا للقبض عليه وتسلميه الي محكمة الجنايات الدولية.
هههههههههه تبرير أفظع من الذنب … هو البشير راح للمؤتمر أم راح لمقابلة الرئيس الأثيوبي؟ غايتو سفراء عينة ليس لهم شبيه في سفراء دول العالم. الواضح البشير هرب وانقطع نفسه وهو داخل الطائرة ولما وصل مطار الخرطوم قام بتبديل ملابسه لأنه فعلها وأصابه إسهال من الخوف .
http://www.youtube.com/watch?v=5zM73JGyv8M
مع كامل استيائنا علي اشياء كثيرة حدثت في عهد عبود ومنها اغراق حلفا وايضا مع اعتراضنا علي اي حكم عسكري لكن الرابط ده كل مااتفرج عليهو بأشعر بالحزن والأسي علي حال بلدنا الكان عظيم وتقزم الان في عهد الانقاذ………..رئيس جمهورية الناس ساكينو زي السارق ليهو جزم من جامع هههههههههه والله شر البلية مايضحك
السفير السوداني مسكين يحاول يكذب على نفسه والقراء لتقليل حجم الدمار والكارثة, كل هذا من اجل سفاح دارفور.المصيبة كلاهما في الفضيحة مشتركان,والجميل ان الممثلين لا زالوا يراهنون على تصديق المشاهد.إن الجبان لا يستحق أن يناضل من أجله أحد.
ههههههههههههههه
واللهعليكم حالة يا كيزان السجم ولسع والله لو هريتو في لاباساتكم ما حنخليكم ..يا رمم يا اعفن خلق الله
قال رئيس وزراء اثيوبيا قال ؟؟هو اقرب اثيوبيا ولا نيجيريا ؟؟1 لو داير يقالب رئيس وزراء اثيوبيا ما يمشي ليهو من كسلا قريييييب هنا ..هههههههههههههه هاي هاي هايييييي محن الكيزان ولسع العرض مستمر
البشير مستحيل يتقبض
ولا هم عايزين يقبضوهو بالجد
لانو رئيس مناسب للغربيين
………………….
………………….
هو بسوي شنو ممكن يهدد بيهو الغرب
ده ممكن ابيعا كلها عشان يقعد رئيس
في احسن من ده رئيس عند الغرب
هييي أنا الجعلى ،،، شغل الأجداد لا ينساه الأحفاد ،،، بس لزوم ( الجرى دا ما حقى ) كان يلقى الكلمة ثم يهرب
ده سفير ولا صوارمي …؟؟؟
ماقلتا الروح واحدة ياالبشير ماكان تركز وأنتا زول رئيس دولة من حقك تمشي لندن وباريس وهولييود وعارفنك رجل ماساهل ممكن تمشي هولندا وتغشي لاهاي ولا لسه عندك أمل تاكل عيش زيادة وتاني حاتتجول في السودان دا وبس ؟ حرام عليك ياأوكامبو
كذااااااااب يا سفير الإنقاذ ، كل الحضور كانوا شهود على (هروب) الرقاص بشة ، الزول (إتخارج) سرعة سرعة لان البوليس الدولي كان ( قانص) ليهو .
الراجل ده لو عاقل اسلم نفسه قبل ان تجيهو الطامة الكبرى وبعدين الزول ده جاته السعادة فى بيتو وقام بطردها لانه شاف الحصل للقذافى وهى اكبر عظة ولو مشى لاهاى احسن يمسك سبحتو وادور استغفار لكن المكتولة ما بتسمع الصايحة والله يا الرقاص فى ناس حالفين ليك رقيص وفركة قرمصيص وتسمع كلام خالك المشاتر ده بملا خشمك رماد وفى رواية سيوة اما وداد بابكر ما عندها مشكلة وخطابها بالكوم امسك من نافع وانزل مدلى وكر عليك يا ابراهيم شمس الدين
عمك يا كب الزوغة يا
تلقاهو قام بنمرة 5
وحول عدم القاء رئيس السودان كلمة له في القمة اثناء انعقادها، قال السفير السوداني ان الرئيس كان يجتمع مع رئيس وزراء اثيوبيا هيلي مريام ديسالين عندما اتي دور السودان لإلقاء الكلمة, وانتقد بشدة وسائل الإعلام ومنظمات المجتمع المدني لتركيزها علي الرئيس البشير وتجاهلها لرئيس كينيا اهورو كينياتا المتهم أيضا في قضايا جرائم حرب في بلاده من قبل محكمة الجنايات الدولية.
اين رجال البروتكول دولة لديها خطاب مجدول ويجتمع رئيسها هذ خرق فاضح للعمل المراسمي بل اهانة للجميع ومادخل الرئيس الكيني بعمر المطلوب اولا خلط الاوراق لا يفيد لو سلم الرئيس الكيني هل البشير يفعلها
عليكم الله دا كلام دبلوماسي دا : قال لما جا دور السودان الرئيس كان مجتمع(( بيتونس)) مع هايلي ماريام ….يعني الشغلانة كيري ما عارف وقت القاء خطابه متين حتى ….من اين يأتون بهؤلاء الاستتفزازيين ؟؟ ديل لانهم غنم فاكرين انه الناس كلهم مثلهم.
بعدين شنو حكاية المعرصة دي (( انتوا ما شايفيني الا انا براي ؟ ما ياهو داك كينياتا بتاع كينيا معاي )) يعني انا واخوي الكاشف انا ما براي سفاح …. يا سيحان الله .. مهزلة والله .
لا حول ولا قوة الا بالله العلى العظيم وحسبنا الله ونعم الوكيل يا جماعة دى دبلوماسية تمثلنا
بالله عليكم ان سافر وفد كورة قدم او وفد كشافة او وفد لاى منشط
لمؤتمر واعلنوا فى جدول الاعمال او اجندتها عن كلمة رئيس الوفدوحددوا زمنها هل يتخلف رئيس
الوفد عن القاء كلمته بسبب اجتماع جانبى خاص بعلاقات خارج نطاق موضوع واجندة المؤتمر ؟؟؟هل
ممكن ادونا راسنا طيرتوا راسنا وان كان رئيس الوفد ماهو فاهم الشغلانة فرضا انت يا سفير
الهنا والسرور ولا الخموم السافروا معاه و قبله وبعده ما فى واحد عارف ابسط قواعد واصول
المؤتمرات ووزير خارجيتنا الايام دى الخريف على الابواب مشغول برفع اسعار الاسمنت واحتكاره
غايتوا يا السفير اريتك لو ما نطقت بكلمة وصميت خشمك ووضعت الخمسة فى الاثنين ان شاء الله
يلحقوك عصمت شخيروف او يسلطوا عليك بوكو اسلام خجلتونا الله يخجلكم
اقترح قبل التعيين الانتكاسى للسفراء بالتعيين او سفر الوفود للمؤتمرات ان يتلقوا كورسات
عند الراكوبيين والله يطلعوا تمام التمام ويمثلونا ويرفعوا راسنا لكن الجداد يمتنع
ناس الراكوبة ما بدربوهم شعلهم ده ما سمعوا بيه قبال كدى
ورمضان كبير وسحور طيب
للسفير العوقة الكذاب. رئيس كينيا ما عليهو أمر قبض زي الرقاص الجبان. رئيس كينيا قالها مرارا بأنو مستعد للتعاون مع المحكمة الجنائية و أهو نائبو أسع بيتحاكم عادي. ياخي قولوا للرقاص الجبان الجراي ده و سفيره الكضاب ناس أبو قردة مشوا لاهاي و جو زي الترتيب براءة يعني نعتبرهم أرجل من الرقاصة؟؟ ها ها
— قبيل جده عندما شرد وعرد تجاه اثيوبيا وهو الان يعرد ويختفي بالجلوس مع رئيس وزراء اثيوبيا ويطنش عن كلمة السودان الرسمية الحرق بيها وقود الشعب السودانى في مشوار من هنا الى ابوجا بالطائرة الرئاسية — ايه حكاية اثيوبيا دي الناس دي اصلهم حبش ولا شنو؟
ههههههه قال اجتماع مع رئيس وزراء اثيوبيا!!!! دا تصريح بالله تقولوا يا سفير الهنا…معناها انك ما بتعرف برتكول ولا بتعرف تقرأ حتى….كلمة السودان دى جات كدا فجأة بدون ترتيب وما مكتوبة فى أجندة المؤتمر؟!! وقت الرئيس قاعد ينضم مع الحبشى مافى زول فيكم لكزو قال ليهو “هه قوم دورك جا”…طيب دا كله عرفناه أعتذرتوا للناس المستنية كلمة البشير قولتوا ليهم شنو؟ ماشى وبجى حسة…ربنا يفضحكم وينتقم منكم فى هذه الدنيا قبل الآخرة ببركة هذا الشهر الكريم…اللهم آمين!
ههههههههههههههه و الله بالغتوا عديل. بتكون دى مؤامرة صهيونية امبريالية لتشويه صورة رئيسنا المفدى.بعدين السفير ده ذكرنى الكورنجية قال شنو (وانتقد بشدة وسائل الإعلام ومنظمات المجتمع المدني لتركيزها علي الرئيس البشير وتجاهلها لرئيس كينيا اهورو كينياتا المتهم أيضا في قضايا جرائم حرب في بلاده من قبل محكمة الجنايات الدولية) زي واحد هلالابى يقول لمريخابى (انتو الحكم يرضو اداكم قون تسلل و كمان ضربة جزاء وهمية,ليه صحافتكم ما اتكلمت عنهم). الله يرحمك يا سودان
بروفسور تاج السر محجوب قارب عمره الثمانون سنة فيما رجع عقله سبعين سنة للوراء…نوع من الناس كلما زاد عمرا زاد انبطاحاوقلة عقل
وانتقد بشدة(اللي هو السفير) وسائل الإعلام ومنظمات المجتمع المدني لتركيزها علي الرئيس البشير وتجاهلها لرئيس كينيا اهورو كينياتا ((المتهم أيضا)) في قضايا جرائم حرب في بلاده من قبل محكمة الجنايات الدولية.
———————————-
يعني سعادتك معترف عديل بس زعلان أنهم ركزوا على زولك و خلو التاني بالرغم من انهم في الهوا سوا..!!!
اللهم أرفع عنا البلاء ..
اثيوبيا اقرب من نجيريا
كلام لا يدخل العقل ! البشير سافر ليجتمع مع رئيس اثيوبيا بنيجيريا ! خصوصا وهو يعلم ان عليه القاء خطاب باسم السودان ! غايتو يا سفير السودان جيت تكحلها عميتها !
المحيرني الشلاقه لبشبش شنو !؟ والسفر لزومه شنو ؟ الامور وآضحه الامريكان والانجليز اكتفوا من الرجل ومن موضوع التمدد الاسلامي ولم يتبقي لهم اليوم غير بشبش وفي تقديري سيقبض عليه في أقرب فرصه بس في انتظار كيفية القبض عليه وهل ستكون بواسطة الجبهة الثوريه او بواسطة سلفاكير او باعتراض طائرته عندما يكون مسافرا ؟
وتأكدوا اتضح لهذه العصابه ان يومهم قد حان وسوف يمنعون بشبش من السفر لاي منطقه حتي لود مدني
ونحن منتظرين نضحك ونردد قبضوه قبضوه
بس انشاء يكون كان لابس بمبص pumpus ما فضحنا قدام النيجيرين وتانى فى اى سفريه لازم يكون لابس كويس.
كضااااااااااااااااااااااب الجعلي بتاعك عمل يـــــــــــــــــــــــع
* أخواتي البنات (الجري) ده ما حقي.. حقي المشنقة والمدفع أب ثكلي!
* الجنيات (الجروا) سابوا عروضهم هملوا!
* (تجري جري الوحوش)!
* جري يجري جريا علي وزن كب الزوقه لان كان هناك زنقة منيله بستين نيله .
البشير من زمن الجيش مسمنو فرفيرة اسألو دفعتو قالو لو اتذنق في أي حاجة بقد سلك والعهدة علي الراوي
يا جماعه السفير لازم يقول كدا.. عاوزنو يفقد المنصب ؟؟ دى آخر فرصه بعد تقلدو امانة ألأستراتيجيه اللى كانت قرنيه وتقلصت الى ربع قىنيه ثم الى خمسيه و فشلت واصبحت اى كلام ..ولحقت امّات طه
كونو الرئيس ما يكون فى الجلسه اللى ماشى مخصوص يتكلم فيها عن ألأيدز والملاريا والبعوض دى ذاتا علطه السفير..It is a Scandal; Somebody ought to lose his job forit الرئيس ألأثيوبى كان ممكن يقابل البشير بعد القاء الخطاب حسب البروتوكول وبرنامج المؤتمر .. ما يكون سعادة السفير عايز يدمغ القائمين على تنظيم المؤتمر انهم ما” ناقشين” وما عارفين شغلن.. طيب نجى معاك ..ما كان ممكن البشير يطلب او ينتظر اعادة جدولة موعد القاء الخطاب . لاانت طلبت اعادة الجدوله ولا وزير الخارجيه قام بالمهمه .. اذا خطاب السودان ما صرورى وما هميه ..الرئيس والوفد مشو ليه من اساسو؟ كان يوكلوالسفير والحكومه توفر المال والوقت وتحفظ ماء الوجه.. ايهما اهم للمؤتمر: يلقى البشير الخطاب امام المؤتمرين ولآ يجتمع بالرئيس ألأثيوبى؟ وايه الموضوع ألأهم من موضوع المؤتمر اللى هو اساسا ماشى لحضورو .. يعنى ما ضرورى يلقى الخطاب ولا ينتظر البيان الختامى!!
سعادة السفير: احسن تخارج نفسك وترجع بسرعه قبل ما تلقى منتجع “ام سنط” حصل مشروع الجزيره كان ما لحق حبوبات والى الجزيره (ام وعمات وخالات جدّو “طه”).. .
انتو أثيوبيا دى بقو يمشوا ليها عن طريق ني(جريا) ؟!!
Jonathan Gooluck is a bad luck fo Nigeria and doom to Africa May God curse his regime.
ليتك ما نطقت بكلمة يا سفير الهناء بالله دا كلام يدخل الراس يعني رئيسكم ما عارف موعد القاء خطاب السودان ؟ وهل هو مسافر عشان يقابل مريام وبعدين مالك ومال رئيس كينيا ما تخليك في المصيبة التي تمثلها في نيجريا
هو ذاته في كلمته حيقول شنو؟ أنحنا الايدز والملاريا والغيرغان وابو فرار اغتصبنا وشبع مننا!!!!
لاتتعب نفسك حضرة السفير بالبحث عن مبررات لعملية يفرون التي قام بها البشير ماهي واضحة كد سلك رئاسي .
واحد اسمه مجدي عبدالعزيز أحد الحراس الشخصيين للهارب الكبير يكتب في السوداني نفي أن يكون الرئيس قد جرى….!!!!!.
بالله
يعني ان معقول تقول كلام غير كده..؟؟
انت حرس الرئيس الراقص الجاري الهارب الكبير.
أوكى أنحنا لسع فيها إذا هو فعلاً ما خايف خليهو يرجع لنيجيريا عشان يُسكت الناس , و أنحنا بنتبرع ليهو بالتذكرة .
العصفورة قالت شوفى عينى
جارى وعاضى الجلابية من طرفها هو فى الاول ومن خلفة ابو ريالة يناهد
والشمطة حصلت بين اعضاء الوفد :
الزول دا ما قلنا لية ما فى داعى للبهدلة دى والخرخرة خلينا فى بلدنا
وشيل الحال وشماتّ ناس الراكوبة
تعيش وتشوف غيرها
العرق دساس …. جدو المك نمر عملها قبل كدة … (فمن شابه جده فما ظلم) …. اقترح ان يسمو شارع باسمو في الخرطوم وان يكون اتجاه الحركة فيه من الغرب للشرق …. ذي شارع جدو (المك نمر) من الشمال للجنوب …
ما دام ما عايز يقول كلمة في المؤتمر , طيب مشى لى شنو ؟ …
منو القال ليكم انا كبيت الزوغه ؟ افو انا الجعلى اب صلب انا اخوكى يا ام جعبات انا كنت بلعب سبق مع رئيس وزراء اثيوبيا حتى انا سبقتوا للخرطوم
هذا هو الخبر الذي نقلته قناة السودان بمناسبة القمة الإفريقية ….
ولك أن تنظر للوفد المرافق لسيادته !!!
الشريف مبسوط مني *** وعشان كدا قام هربني
الخبر :
(انطلقت (الاثنين 15 يوليو)بالعاصمة النيجيرية ابوجا اعمال قمة الإتحاد الإفريقي حول الأيدز والسل والملاريا بمشاركة السودان بوفد رفيع المستوى يقوده المشير عمر البشير رئيس الجمهورية ويضم الفريق بكري حسن صالح وزير رئاسة الجمهورية وعلى كرتي وزير الخارجية وبحر ادريس أبوقردة وزير الصحة .
ودعا كل من رئيس مفوضية الإتحاد الإفريقي ورئيس نيجيريا وممثل الأمين العام للأمم المتحدة ورئيس الإتحاد الإفريقي لدي مخاطبتهم الجلسة الإفتتاحية إلي ضرورة بذل الجهود وتنسيق ورفع مقدرات التمويل لمحاربة امراض الأيدز والسل والملاريا وتخليص القارة من هذه الأمراض التي قالوا انها اقعدت بالدول الإفريقية عن التقدم والتطور .
وسيصدر عن القمة اعلان خاص حول الأمراض الثلاثة واجراءات ابوجا حول القضاء عليها بإفريقيا بحلول عام 2030م .
وتناقش القمة عدة تقارير اهمها تقرير عام 2013م نداء ابوجا للعمل الدولي المتسارع لمكافحة الإيدز والسل والملاريا وتقرير حول الوضع الصحي للأمهات والأطفال حديثي الولادة ومن ثم تختتم جلسات القمة باجازة القرارات والتوصيات التي قدمها المجلس الوزاري الذي سبق القمة .)
لقد قزموا البلد ….يا خسارتك يالسودان
ميَة نطَة ولا بعبوص .
كيق ماهرب وهو ما حضر جلسة واحدة في الموتمر ولما جاوا موعد كلمته حصلوه مش موجود وهو لو ماناوي يشارك في داعي للسفر والتنطيط في بلاد العالم وياجماعة دي قروش الشعب التعبان طيارة خاصة ووفد ونثريات ولانه مافي مسالة والمال السائب بعلم السرقة.
تاج السر محجوب (السر بكش) كما كُنانلقبه ونحن طُلاب بالسنة الأولى في خورطقت الثانوية، كُل مؤهلاته الفهلوة وإجادة اللُغة الإنجليزية ولهذا السبب عينوه في وفد مفاوضات نيفاشا. ثُم لأنه أبوالكلام الإستراتيجي، منحوه منصب مسئول التخطيط الإستراتيجي، ثُم سفيراً وهو على أعتاب الثمانين!!. “فهذه دولة الولاء والتمكين وطُظ في الكفاءة والمصداقية وإحترام الذات.
كُنت من المُتشككين في جدوى المحمكمة الجنائية الدولية بعد مهادنة الإتحاد الغفريقي وتساهل المجتمع الدولي، ولكن هذه البهدلة لوحدها تجعلني اقتنع بفائدتها.
سلام
مهدي
بشبش ده العارفنو عنو بعصر الفراش لحد ما الناس ترفع وكمان بصلي المغرب وعندو رأي في انه يصلي معاهو العشا دحين المرة دي مبدر لي شنو؟
اذا كان المتحدث مجنون يا سفير الهناء ان المستمع عاقل وكلامك ده والله طفل بتاع روضة وحضانه مابيقع له ياخ احترم مهنتك قول الصاح او اخرس مثل أنعام الخارجية البقت فضيحة
هسى فى داعى للبشتنة دى. حسب ماورد فى الاذاعات الاجنبية ان هنالك اتفاق تم بين الحكومة النجيرية
والرئيس السودانى على عدم تسليمه للمحكمة الجنائية .. حتى مغادرته للنجيريا … وان المؤتمرين
استأءو من وجود البشير المطلوب للمحكمة الجنائية … واعتذرو عن حضور المؤتمر . بالاضافة الى منظمات المجتمع المدنى التى رفعت دعوة مستعجلةللمحمكة العليا فى نيجيريا ..فكانت الصفقة التى حفظت لنيجيريا ماء وجهها مع المؤتمرين .
ان يجلس البشيركأنه غير موجود وان ولا يقدم خطابه المعد سلفا لهذه المناسبة وان يكون اول المغادرين بحراسة سلاح الجو النيجيرى . فألتزم البشير وعمل نفسه كان مشغول
بهايلى مريم .. كما وضح لنا الجهبز الكبير سفيرنا فى ابوجا .. والله مهزلة عشان شنو ماشى تبشتن فى نفسك ..والله زعلتنا شديد. وزى ما قالوا اهلنا ابوك دا ابوك لوكلب ابوك .وانت رئيسنا مابنقبل ليك البشتنة خليك معانا افضل .
ما في داعي رئيس دولة يتجهجة كدى معقول رئيس والرؤساء في انتظاره يهرب للمغادرة لان هنالك معلومات تفيد بإمكانية القبض علية نقلها الية الرئيس الاثيوبي
ماقلتو نوبة
يفترض يلتقى بالرئيس الاثيوبى بالاديس ابابا لست فى نيجيريا هذا كلام الطفل لا يصدقة.
يا استاذ عليوة اقصد يا استاذ تاج السر … من يغنى للعروس ؟؟؟؟؟
بشة هرب بالرقصة قلب
الموضوع بختصار بدون لف ودوران البشير نفسة وحكومتة ما كا نو متوقيعين ان فى خباسة منتظراهم من محكمة نجيريا العلياء با التوقيف حتى ريئس انجيريا لا يقدر وقف التوقيف لان طالع من المحكمة العلياء لاكن الناس العقلاء فى نجيرياء قبل ما يصدر التوقيف اخرجو البشير من الاجواء النجيرية المهم حصل خير بس اعمل حسابك المرة القادمة حا يكون فيها تفجير الى طيارتك
ولكم خالص الشكر
أسألوا شيوخ الانقاذ عن حكم كذبة السفير الثمانينى فى شهر رمضان ، وعن حكم هروب الرئيس من إلقاء كلمته أمام الرؤساء الأفارقة ؟ .. الشيوخ دول ما كانوا بيفتوا فى أشياء تافهة لا تهم الشعب السودانى . لماذا سكتوا عن قول الحق فى أمر جلل ؟ .
طيارة وهيلمانة على حساب الشعب لماذا ؟ .
“نفي السفير السوداني في العاصمة النيجيرية أبوجا الدكتور تاج السر محجوب، الأنباء التي نشرتها وسائل اعلام نيجيرية وعالمية حول هروب الرئيس السوداني عمر حسن البشير اثناء وجوده منذ يومين في العاصمة النيجيرية أبوجا، خوفا من اعتقاله لتسليميه الي محكمة الجنايات الدولية بتهم ارتكاب جرائم حرب في دارفور.”
يا عيب الشوم، ياااااا عيب الشوم؛ أها نودي وشنا وين ولا وين بعد دا كمان: هل دا رئيس وللسودان ذاتو، يا جماعة….. “زايغ”، وا..وا…”كابي البيرق”!!! معقوولة دي؟ يعني دا “نمر” علينا وفي الحروب “دجاجة” ساكت، بتقوم جارية ساي، مع أول هشة، وكما معاها: كاك..كاااك …كااااااك!!! بالله دي عمله تعملها يا “وسخ”، يا “جبان” يا “منحط”؛ وكما وين في دار “فلالا..لاته”، وسفيرك جاي يقول شنوا!! هو دا سفير دا ولا طفل !!! اخجلوا يا جبناء يا منحطين ، يا كضابين يا عواليق: دي هيبة بلد هيبة وطن، تستوجب الدم!! آخرتها بقيتوا تهربوا وكمان بالطيارات يا ملاطيش؟؟ إختشوا، احتشموا، واصطفلوا من وشنا يا كلاب: علي الطلاق مشكلة دماء الفور اللي هدرتوها دي حتخليكم تكلوا نفسكم وتتجاروا في كل اتجاه ومن “هشة” نسمة..عبرة للغاشي والماشي …أخ .. تف … أخ .. تف…أخ!!! وإنت يا “أبكريشه” ..”شراب الشري” …”سففاف التمباك”…السفير.. ولا السفرجي .. ولا منو ما عارف….ماكفاك مهانة، وبهدلة.. ولا انتوا كلكم ما عندكم احساس “أصلا” ونهائي… كفاك تعال…ما تعمل أضان جلد…اتذكر شلة الشرى ..والوسكي…أيام زمان …وناس علي.. وناس فتحي.. تعال راجع من أبوجا يا راجل …و بلاش، بلاش…بلاش …كفاية..وبطل “كضب”! بتسوي شنو هناك!
قالوا الراجل لحقوهو بالطيارة الرئاسية جنب الحدود التشادية ..
البشير ما دايرين يقبضوه حالاً.. لكين دايرين يتفرجو في الجريه دي بس ..؟؟..
الجواب من عنوانو ..عند الاستقبال استفبله وفد السودان الذي سافر في المقدمة بالاضافة لمن يمثلون السودان في نيجيريا .
رئيس وفد ورئيس دولة يتهرب من حضور الجلسات والقاء كلمة الدولة و (يفك البيرك) ..؟؟..كانت هنالك فعلا مساع جادة لإستخراج اذن عاجل لإلقاء القبض عليه ولكنها ما كانت ستتم لأسباب عديدة.
طيب ما كان يصبر شوية ويكمل المشوار لنهاية المؤتمر طالما مش خائف! ما أصلوا مشي لبلد أجداده وأعمامه الهوسا وكان ممكن يحموه عادي بشوية بوكو حرام وبعض العصابات الهناك مع جيرانهم الجنجويد البجيبهم من مورتانيا وتشاد وغيره. ليه ما كان يمشي وزير الصحة مع وفد متخصص يفهم في مجال تلك الامراض ? لأنو هو الذي قتل الاصحاء قبل تلك الامراض الذي هو أحد أكبر اسباب انتشارها برفعه الدعم عن وزارة الصحة بتوجيه كل الميزانية للأمن والدفاع لحماية المجرمين أمثاله ومن تبعه من المنافقين والدجالين والمنتفعين المنتفقين كروشهم!!! فهو اكيد مشي بنفسه عشان يجيب شوية الكجور زيادة لأنو العنده قرب ينتهي وخاصة بعد الجهجهة العملته ليهم الجبهة الثورية – وبرطو ما بخلصهم من الهجمة والجبهة باذن الله.
لاشك تتفقون معي احبتي بان الاخ البشير رمز الدولة ويجب المحافظة عليه ولاسيما ان هيئة علماء السودان اصدرت فتوة بتحريم سفر الاخ الوالد البشير
خلينا نرفع ضغط الرواكيبنجية
يا اخوانا ما تظلموا “الراجل” كل مافي الموضوع انو الريس اجتمع مع رئيس اثيوبيا في نيجريا وتناول اللقاء كل المواضيع التي ستثار في قمة نيجريا لذلك رأى الريس انو مافي داعي لوجوده هناك؟؟ اهه رايكم شنو يا السادة/ قراء الراكوبة في المكنة دي؟ مش “مقسمة” أكتر من مكنة السفير “البليد في الكضب” دا؟؟ حقوا نتبادل أنا ابقى السفير وهو يبقى “ابو الريش”
يا جماعة البشير ده رئيس بوركينا فاسو ولا رئيس السودان؟
وطيب!! فرحانين كده ليه؟
لو ما عاجبكم قووا ضراعكم وأقلعوها كان بالصندوق وكان بالبندقية!!
ويا دار ما دخلك شر لكن هذه المسخرة لا بتودي لا بتجيب
وكيف ما تكونوا يولى عليكم
بالله ده تبرير يقول ليه ما يهتموا على رئيس كينيا … اناداير اعرف اشكال التصريحات دى بيجيبوها من وين؟ وبعدين مفروض بعد ده الرئيس يختشى على دمو طالما جابت ليها مطاردات
اصلو الجرى ده حقكم من زماااان
بقت عليكم جرى و كذب ؟؟!!!!!!!!!!
حارقاني قولة قومة نمر من شندي
يقولو قوم تقوم قومة ود سعد من المتمة
الجماعة ديل سراع للقومة ..
قال التاريخ واليوم قومة عمر من نيجيريا
لو ما رمضان .. كان فى كلام تانى
امر غريب ان لا يزال البشير بعيدا من يد العدالة الدولية بعد كل ما ارتكبه من جرائم لا تحتاج دليلا الا اذا كان وجود الارض واشمس والقمر بحاجة لدليل..
الاغرب ان لا يتولى السودانيين امر محاكمته بانفسهم بثورة شعبية او اعتصامات مليونية تشمل كل المدن والقرى او حتى توقيعات على نهج تمرد المصرية رغم ان السودانيين سباقين الى الثورة على الظالمين قبل ان يعرف الكون ما يسمى ربيعا عربيا..
الخيار الثاني واجب اخلاقى على كل ذي ضمير ما دامت اصوات كثيرة بالحق او بالباطل ترفض محاكم سوداني خارج السودان .. وما دام كثير من الاغبياء يتهمون الجنائية الدولية باستهداف الافارقة .. اليس الافارقة هم من قتلو شعوبهم ؟؟ اليس الافارقة هم من فشلو في نيل جائزة مو ابراهيم اكثر من مرة وما اكثر هذه الجائزة اغراء بعد اداء الواجب تخيلوا… تؤدي واجبك وتاخذ جائزة ونقول لا شكر على واجب في انفصام شخصية واضح…
ثم ان البشير عربي وليس افريقي مما يجعله غير مشكول باستهداف الافارقة الرؤساء لو صح ان الجنائية ضد الافارقة .. ام هو المكاء والتصدية ؟؟؟
خلاصة القول يجب تسليم البشير واعوانه وان طال الزمن فالجرائم تلك لا تسقط بالتقادم
وجود البشير على رأس حكومة السودان يفسر تعيين السر محجوب سفير للسودان لاهذا يستحق رئاسة بلد كالسودان ولا السر محجوب يصلح لرئاسة زريبة بصل فى الرهد . والسودان شبع فضائح وبهدله وعلى امضفاير ان تقود الرسن لازالة الوسخ لانه الرجال فى السودان ماتوا وشبعوا موت .
( امضفاير قودي الرسن واهتفي فاليحى الوطن)
الاستاذة نجاة أبوزيد
سلام
يا زولة هوي لسر بكش” ليس زميلي وإنما أستاذي في حورطقت، كان رئيساً لشعبة اللغة الإنجليزية وأنا طالب بالسنة الأولى.
الحمد لله لا زلنا شباباً في القلب والعقل.
مهدي