زي الحال ده يوم لا كان لا حصل..!!..إمام مسجد يدعو الناس للتوقف عن شراء الحليب..!ا

الله يرحمكم برحمتة منتظرين شنو لما تبيعو نفسكم

وين المظاهرات علي الحكومة الفاسدة دى ناس الانقاز بينقزو نفسهم وانتو تموتو وهم بس ( يوم بأسم النبئ تحكمك القبور)

خلاص يا شيخنا خلينا نقاطع الحليب و السكر والخبز والخضروات واللحوم وما نفكر اصلا في الفراخ والسمك !!!!!!!!!!!!!!!! بلا يخمك ومعاك امك ……….. يا اخوانااااااااااااا ناس الانقاذ ديل عملو شنو في الشعب المسكين ده ؟؟؟؟؟؟ ائمة المساجد ديل مافي واحد فيهم يقول البغله في الابريق ؟؟؟؟؟؟؟؟؟

ده ما بيحل مشكله عينك في الفيل وتطعن في ظله
ماهو دور الحكومه في مايحدث؟
خراب ودمار وتقتيل وتشريد وإغتصاب وبعد ذلك مطلوب مقاطعة السلع كفايه سذاجه وارحمو الناس ملت من سماع هذه الاسطوانه المشروخه

هذا الخطيب حتى لو كان كوز كلامه منطقى للاتى وركزوا معى:

اول شئ الشعب يهمه ان يعيش مبسوط حتى لو كان يحكمه الرئيس القذافى او بشار الاسد او خلافه , الشعب عاوز الاكل والشرب يكون فى متناول اليد ويكون له وسيلة مواصلات ميسرة وهذا يكفيهو.

تانى شئ الشعب فشل فى اسقاط الحكومة فأولى له ان يفكر فى طرق تانية لمصلحته هذا طبعآ اذا كان شعب نزيه ويرفض الانجراف وراء التملق والتكوزن.

ثالثآ هذه المقاطعة حصلت فى السعودية وهى دولة واسعة الثراء حيث قام سكانها بمقاطعة حليب المراعى تلك الشركة المعروفة عندما زادت اسعار منتجاتها وكانت حملة كبيرة فى الفيسبوك ادت الى ان تتراجع الشركة عن الزيادات وتلتها مقاطعة حتى للسيارات وغيرها.

من هنا انا اول شخص ادعو لتدشين موقع فى الفيسبوك وغيرها من المنتديات يدعو الى مقاطعة كل المنتجات الى حين تراجع الاسعار( صدقونى ما ح نجوع لانها هى ايام بسيطة وحتشوفوا الفرق)

حرام عليكم ياناس الاهلاك ……نسوانكم سمان واولادكم سمان

وملظلظين والغلابة لاحول لهم ولا قوة الا بالله العلي العظيم الذي سوف يجازيكم على

هذا الظلم ………………………….يا ناس ما تنسوا هادم اللذات وويلكم لمان يحل بكم أيها القطط السمان

الشعب هلكان لكن برضو جبان علشان خايف من زبانية الكيزان جماعة أبو العفين

أتقوا الله يا ناس الاهلاك

يوم الزحف ليس ببعيد مهماتجبرتم وسرقتم هذا مال حرام مولع نار وحارق للافئدة .

نعمة الخطيب ونعمة الخطبــة دا باين عليه من الجماعة القابضين ولو تذهب الى بيته الان تجد اشكالا من الحليب . عايز تحرم الناس وتتهنا انت وناس حكومتك البختشوا ماتـــــــــــــــــــــــــوا .

يا إمام مسجد الكباشي
هي لو بقت على اللبن هينة
أها الموية ذاتها وسخانة وبتقطع…نحاربها برضو؟؟:rolleyes: :rolleyes:
وبعدين اللبن بيطلبوه أطفالنا….أها ديل برضو نقاطعهم؟؟:eek: :eek:

اللبن معروف مزارعو وين؟
ومعروف الماسكينو منو؟
ومعروف إنتمائاتهم الحزبية؟
أمشي شوف مزارع المتعافي والخضر

خليك من الدُراب بتاع خطبتك دا….وقول كلمة حق في وجه سلطان جائر، مرة في حياتك
وللا الدرس كلكم كنتوا غايبين فيهو يا أئمة المساجد

عالم تخاف ما تختشيش

الحل شنو طيب حيرتونا لو قلنا ثورة تقولوا العواقب وخيمة ولو الجرايد كتبت أهو الجمل ماشي والكلب بينبح أنا غايتو شايف إنوا الزول يقوم يصفي نيتو مع الله ويتوضأ ويصلي ركعتين ويدعو في سجودة ، ونقوم نكرر العملية دى مرة كل يوم ونستمر كدة لما نشوف البيحصل شنو …. وأظنو ده إقتراح كويس بردو