هضربات المشير في الرمق الأخير
لما خلاص ضاقت و الكلام دخل الحوش
و عجز الهمبول و المسطول و المربوش
و الخزانة خاوية ما فيها أي قروش
لي رواتب الجنجويد السموها جيوش
و البلد اصبحت جوعانة عادمة البوش
يمين و شمال تلفت مشيرنا المهبوش
رجع لادارة جهاز امنو صلاح قوش
و قال لو بصراحة دون اي رتوش
أنا رجعت ليك و انت انس الشاكوش
انت سندي و في غيرك كنت مغشوش
طلع كل ولاهم عشان يملوها كروش
داير حجاب من الثورات البتهد عروش
كل ما تنازلنا لامريكا دايما هي بتهوش
قسمت أرضنا و ذلت عرضنا المفروش
ولما لجأنا لي حماية بوتن طلع حنكوش
من نشرو تفاصيل اجتماعنا أنا مدهوش
أزمة معيشية و جنائية تكالبت علي وحوش
ياللا بيوت أشباحك أملا البلد دي نعوش
انت عارف واجبك ما بوصوك ي قوش
