مادبو يشيد بغندور ويثمن عودة الصادق المهدى
الخرطوم (سونا)- اشاد د.ابراهيم مادبورئيس حزب (السودان انا ) ببروفيسور ابراهيم غندور وزير الخارجية الذي وصفه بأنه بدأ يضع السودان على طريق حقيقي وواضح اعاد للسودان مجده بعد سلسلة من وزراء الخارجية العظام السابقين , متمنيا ان يظل فى موقعه وزيرا للخارجية .
وحدد مادبو في تصريحات له نهار اليوم فى برنامج (مؤتمر اذاعى) باذاعة ام درمان التحديات الخاصة بالمجتمع الدولى حيث يدور حولها صراع دولى وهى ( المياه- الاراضى – البترول – المعادن) مضيفا بأن السودان يمتلك هذه العناصر ولاشبيه له فى العالم .
ودعا مادبو الى ان المنفذين لمخرجات الحوار فى المجالات المختلفة لابد ان يكونوا من افضل الناس , مشيرا الى ان استمرار الحرب يعتبر من التحديات التى تواجه تنفيذ المخرجات والتى وصفها ب(الدور السالب للمعارضة) منبها الى جهود تبذل الان لاقناع الذين لم يلتحقوا ان يصلوا بالحجة وبالمخرجات وبما يتم تنفيذه
واعلن مادبو ان الصادق المهدى مقتنع تماما بالحوار وما خرج منه ولكنه يريد ان يكون له اسهامه ودوره فيه فلابد من اعطائه الفرصة ليكون له ذلك .مشيرا الى دعم المجتمع الدولى للحوار الوطنى الذى بدأ متشككا في بدايات الحوار الا انه الان اصبح مقتنعا بجدواه وانه السبيل الوحيد لحل كافة قضايا الوطن الرئيسة .
مادبو مرنق ليهو لوزارة بعد هذا التطبيل.
قرف يقرفك يا متملق يا ارزقى انت السودان بتعرف ليهو شنو السودان انا كمان سويتو حقك كلكم انتهازيين وبتاعين مصالح كمان عايز تقول لينا الحلبى غندور زى وزراء الخارجية العظام امثال جمال محمد احمد ومحمد ميرغنى مبروك وغيرهم من الذين كانت تفتخر بهم المنابر والمحافل الدولية وكلامك ده عايز ليك منصب فى الكمسيبة القادمة وما فى داعى لتكسير التلج وانت زول شايب على اعتاب القبر
السودان انا
السودان الفضل يا اب سنون مكسرة ؟؟؟؟؟؟
ليه كده يا شيخ مادبو ياحفيد الكرام؟ الكلاب ديل مافيهم اي واحد يرجى منه خير.
والله عيب راجل كبير في السن دي يكسر تلج للدرجة دي؟؟؟؟؟ من الذي انهي دارفور وخربها وبهدلها ؟ لو ما عارف اسأل المتعافي لو ما قالك ان الحركة الاسلامية اعتمدت على سياسة فرق تسد القبلية في دارفور .. وكردفان حتى تكون لها الكبرياء والسيادة…
والله لو لي كلامك دا اخير تنضم للمؤتمر الوطني وتقفل الحزب بتاعك ويفترض تتكلم عن حزبك واهدافه ومراميه وتوجه كلام لقاعدتك (لو عند قاعدة) والظاهر عليك انت وحزبك من جماعة المؤلفة قلوبهم والاحزاب الكرتونية التي هي خصما على السودان.. مالك ومال غندور والصادق شوف نفسك وحزب ومؤتمرك العام
قال (اشاد د.ابراهيم مادبورئيس حزب (السودان انا ) ببروفيسور ابراهيم غندور وزير الخارجية الذي وصفه بأنه بدأ يضع السودان على طريق حقيقي)
قلنا:
طيب منو الخرب السودان غير جماعة غندور قاعد 15 سنة رئيس لاتحاد العمال حتى غطس حجر العمال؟؟
ايه يا عمي مادبو
الجماعة نسوك في مصروف الشهر دا ولا شنو يعني.
كسير في كبار العمر مذلة.
ابراهيم مادبو ارجع لرشدك.انا لا ارى داعى لاهانه نفسك الى هذا المدى.ياخى لو الجماعة ديل الى هذه اللحظة يبتزوا فيك بملفات وتجاوزات سلطة دارفور الانتقالية فخليك كما نهار ومسار واترك التصريحات التى تهينك وتهين من خلفك كثر.( سبحان اللة).
ايه يا عمي مادبو
الجماعة نسوك في مصروف الشهر دا ولا شنو يعني.
كسير في كبار العمر مذلة.
ابراهيم مادبو ارجع لرشدك.انا لا ارى داعى لاهانه نفسك الى هذا المدى.ياخى لو الجماعة ديل الى هذه اللحظة يبتزوا فيك بملفات وتجاوزات سلطة دارفور الانتقالية فخليك كما نهار ومسار واترك التصريحات التى تهينك وتهين من خلفك كثر.( سبحان اللة).