للمرة الالف نكرر ونعيد : لماذا البرهان الي الامارات .. وليس محمد بن زايد في الخرطوم؟!!

أخى بكرى تحية طيبة
التطبيع دا حكومة اسرائيل مع حكومة السودان ام حكومة اسرائيل مع شعب السودان
شعب السودان دا لن يطبع مع دولة الكيان ولو جاءت اسرائيل تستأجر مبنى لسفارة لن تجد الا يكون مبنى حكومى أو يسكنوا مع اهلهم الأمريكان فى سفارتهم فى سوبا ولو فى زول عمل دعوة لسفراء بقية الدول لن توجه الدعوة لسفير اسرائيل وسوف يشعر بالوحدة ويرجع لبلده ، هو البرهان عاوز يجارى ود زايد والسيسى ولكن السيسى وود زايد الأثنين ما عندهم شعب ، قبل ايام شفت تسجيل لشباب شايلين سلاح بمنطقة النيل الأبيض ومعهم المحامى الأرهابى ناجى مصطفى وهم يهددون الاسرائيلين ويقولوا ليهم تعالوا حبابكم عشرة وهم يرفعون الكلاشنكوف وبقول لناجى مصطفى انت محامى ما كان تظهر مع جمهرة بتاعت شباب خارج على القانون وانا اود ان اقول لو البرهان طبع وجاب اليهود لأرض السودان نحن سنكون ضدهم باسلوب حضارى لا نؤجر لهم بيوتنا ولو عندى بقالة ودخل يهودى لا ابيعه ولو لديه شىء يعرضه للبيع لا اشترى منه ولو عمل دعوة فى سفارته لا البى دعوته هو طبع مع البرهان مش مع الشعب يمشى يزور البرهان والبرهان يزوره وكفى لكن يا ناجى مصطفى ترفع السلاح وتهدد بقتل اليهود بكده ستعود بنا لمصاف دولة راعية للارهاب كما فعل الترابى والبشير لمان جابوا ارهابي العالم ورفعوا السلاح ويهددون كل من يختلف معهم ، ولعلمك الرسول ص لمان دخل مكة المكرمة كان بها كفار ومسيحين ويهود قال من دخل الكعبة فهو امن ومن دخل بيته فهو امن ومن دخل بيت ابوسفيان فهو امن ) ولم يقل من دخل فى دين الأسلام فهو امن وبفضل الله وبدون شقاق دخل الجميع فى دين الأسلام حين لمسوا حسن خلق الرسول ص ووالله يا ناجى مصطفى لو الرسالة دى كان جات لواحد فى اخلاقك كان عدد المسلمين لا يتجاوز ال 50 مسلم ( لو كنت فظا غليظ القلب لانفضوا من حولك ) ادب نفسك حسن خلقك لتكسب اكثر