الخرطوم : اتهام رجل بقتل زوجته لسكبها (ماء الحمام) داخل المنزل!
الخرطوم ــ رانية بشير صالح
أوقفت شرطة قسم اليرموك رجلا اتهمته بقتل زوجته أثر نقاش دار بينهما حول سكبها ماء استحمام بمنزل جيرانها وأثناءها استل سكينا وسدد لها طعنة وأعقبها بضربة عصا أودت بحياتها وذلك بمنطقة أنقولا جنوبي الخرطوم.
وتعود التفاصيل إلى بلاغ تلقاه قسم الشرطة بالمنطقة أفاد فيه الشاكي بأن الزوج المتهم قام بطعن زوجته داخل منزلهم، وتم اتخاذ إجراءات أولية وتحرك فريق مسرح الحادث إلى المنزل وقاموا برسمه كروكياً وتحريز السكين والعصا أدوات الجريمة ونقلت المجني عليها لمستشفى بشائر؛ حيث أفاد الطبيب بوفاتها وأمر بتحويل الجثمان للمشرحة للكشف عليه بواسطة الطبيب الشرعي لتحديد أسباب الوفاة وتم تدوين بلاغ في مواجهة الزوج المتهم تحت طائلة المادة (130) المتعلقة بالقتل العمد. وباشرت الشرطة تحريات معه ليقر بضربه زوجته أثناء نقاش بينهما. ومازالت الشرطة توالي تحرياتها مع المتهم لإكمال ملف البلاغ تمهيداً لتحويله الى النيابة.
الاهرام اليوم
ياي فظيع الراجل ده !!!!! وليه ما عندهم سيفون ولا شنو ؟؟؟ افيدونا
و الله أصبحت هذه الأمور شي عادي كأنك بتشرب في كوز مويه( ما كوز معفن)
قتل … طعن … ضرب …أجهضت … ماتت أثناء الإجهاض … ضرب أخوه !!!!!!!!!
البلد دي ماشه وين بعد ده ؟؟؟؟
التركيبة السكانية أتغيرت ولا الحاصل شنو ؟؟
طولو بالكم لا داعي للغضب الحاد
صيام الايام البيض 13,14,15, من الشهر العربي يشيل الغضب لا تتاخروا
ربنا يرحمها انشاء الله …الاخ (حنكوش) تكلم بخير او اصمت. يقولو ليك المرة ماتت تقول ما عندهم سايفون ! سبحان الله
يا مصطفي ابوقصيصه انا ما قلت حاجه غلط ،، لو كان في سيفون ما كان حصل ده ولا شنو ؟؟ وبعدين انت زعلان مالك ؟؟ اش عليك يا انت !!!!! انت جعلي ولا شنو ؟؟؟ بس ما تكون من حوش بانقا هههههههههه
الله يرحم المرة ويغفر ليها
الى المعلق ( حنكوش ) الله يهدينا ويهديك يااخوي
الراجل بقول ليك ساكن في انقولا ! تعرف أنقولا دي وين ؟
وبعدين يجيب السيفون من وين ؟ إنت قايلو ده من ناس المؤتمرحرام100ال100
ديل الواحد فيهم ماقادر ياكل وزهجات من البلد كلها وظروفو زي الزفت
والواحد حمامو طشت وجردل والرئيس يسرق في المليارات
وناس قدو قدو يجلدو في البنات
والقاضي يتلو في الايات
وعلماء السودان عاملين طناشات
والفات الفات
في جيبو تسعة مليارات
والحيطة وقعت علينا
والطين جلبط كرعينا
وعمي علي بياع الزين