عبدالقادر ابوشورة : الألقاب ما بتصنع نجوم ولو احمد الصادق إمبراطور وردي يكون شنو..!!
*الخرطوم:تفاؤل العامري
هدد الشاعر محمد عبدالقادر ابوشورة الفنان الشاب شريف الفحيل باللجوء للقضاء في حال عدم توقفه عن ترديد أغنية (عاطفة وحنان) التي تغني بها الفنان محمد ميرغني وقال أن الفحيل ظل يردد العمل ويتكسب من ورائه دون الرجوع اليه ، من جهة أخري سخر ابوشورة من الألقاب التي تطلق علي الفنانين الشباب قائلا: (الألقاب لا تصنع نجوماً وإذا كان احمد الصادق إمبراطوراً فماذا يكون الراحل محمد عثمان وردي الذي رفد مكتبة الغناء السوداني بأجمل الأعمال).
وفي إفادات حزينة ضمن سياق حوار ينشر بالداخل قال ابوشورة أن رحيل رفيقة دربه الراحلة سارة كان بمثابة الصدمة التي أدخلته في دوامة من الأحزان يصعب الفكاك منها، كاشفاً عن قصة حب عنيفة ربطت بينهما ليتم من بعد ذلك الارتباط ،وقلل ابوشورة من العلاقات العاطفية التي تربط بين الشباب قائلا:(حب الزمن دا ضياع وقت) ورثي عبدالقادر الراحلة في عمل مرثية استهلها متسائلاً :
أنعيك كيف ..وارثيك كيف **وسيل الدموع ..غمر الحروف
عشت العمر ..جنبك ربيع **ظلاً ظليل ..وقلباً عطوف
سيرتك معاي في كل حين **نسمات دعاش بالطيب تطوف
بستانا كان ..زاهي ونضير **والبشريات ..دانيات قطوف
فنون
من اجل لصوص الدجاج عزفنا من الاستماع لكل فنان وكل اغنية *** لو في مكانك
شارلي شابلن
امشى اتعلم كيف تلبس ثم حاول ان تغنى… والله بدلة عجية وغريبة يامان
فيها ايه لو غناها؟؟؟؟ بالعكس دا نقل بالاغنيه للاجيال الحديثه!! وأنا متأكد أن 80% من طلاب الجامعات الان ما عارفين انو الاغنيه غناها محمد ميرغني وأن شاعرها أبو شورة!!!
وبعدين كل الفنانين أصحاب الاغنيه الحديثه مثل الكاشف وابراهيم عوض وحسن عطيه وغيرهم تغنو باغاني الحقيبه ( وهي أعظم درر عرفها الشعب السوداني)!!!
بس أنا أعلم تماما انو للشاعر حقوق ادبيه( وبالاحري حقوق ماديه) يجب مراعاتها@ خاصه في ظل الفلس والارتفاع الجنوني للاسعار في ظل حكومة الجوع والفساد والافساد!!
عموماعمنا أبو شورة دا محتاج لي ضحاكات بسيطه والامور بتتحلا ان شاء الله!!
أتمني أن لايحرمنا من ترديد الفحيل لهذه الاغنية!!
والله يا بريجاوي قربت تقتلني من الضحك والله صحي شارلي شابلن بس فاقد ليه نعال قدومها طويل
ده حق من حقوقو طالما هو صاحب النص وبعدين اصلا شريف دا شوه الغنا وما أضاف للغنا اي حاجة فأحسن اشوف ليهو اي حاجة غير موضوع الغنا دا وارحمنا
وقالوا فنان
والله صحي فحيل.
عرفنا داك شارلي شابلن…المعاهو ديل منو؟ صحيل و صحويل؟؟
الطيور على أشكالها تقع
والله حقيقة لله الاثنتين عسل ونحن نحبهم بالجد حب فني حب اغنياتي حب من الله الي الله
البنتين جميلات وفنانات بس هذا الفحل الجابوا منو هنا ….. يابوشورة دع الفحيل
يرجعك للماضي التليد ودعة يرددها بدل ان تندثر وتضيع مع من ضاع من الاغنيات الخالدة
التي ضاعت في مكتبة الاغاني و عششيها الغراب والتراب غني يافحيل ودعك من ابو شورة
واتركة في احزانة لفراق عشرة عمرة وطال ما انت فقدت حبيبتك ما المانع ان فقدت
اغنية او اغنيتين وجعلت الرجال يترزق بها وخليك من فلسفتك الفارغة حقتي وحقتي
اغنيتك ملك للشغب السوداني انت استلمت عليها زمان ثمنها ( هي بيت اجار ) طالع
ماكل نازل ماكل منشار انت ؟؟؟؟
اللهم لا تبلينا جنس مرض
شوف واقف كيف فى نصهن…. تقول مزنوق
بعدين الزول دا لا فنان ولا حاجة …. بس فايتنا بعدم الخجلة
البنات عشره على عشره بس الزول ده الحاصل على شنو سكران مسطول اهبل ما بعرف بلبس وبعدين دى بدله شنو ياخى والله الواحد ما يعرف يقول شنو
ناس حاقدين ساكت على الولد وهو مشروع فنان قادم ان شاء الله وبالتوفيق يا فحيل
وحاول راضى عمنا ابوشورة وكل شئ بمشى يا ولدنا
الله يرحمك يا الحوت خليت الدنيا فحيل و بعد شوية فنجيط
زي ودالطهور قايتو اشبة الزول المرسوم في الخلال ههههههه
الزول ده عايش على عرق الفنانين التانين قاعد يقلدلى فى اغانى الاستاذ حمد الريح والاستاذ محمد ميرغنى