جلد طالبة جامعية سرقت لابتوب
امدرمان- إيمان
أصدرت محكمة جنايات دار السلام برئاسة مولانا سليمان خالد موسى حكما بالجلد (50) جلدة على طالبة جامعية أدانتها بموجب المادة (174) من القانون الجنائي لسرقتها جهاز لابتوب من منزل بمنطقة أم درمان وجاء قرارها مراعاة لظروفها الدراسية بعد أن تنازل الشاكي عن حقه الخاص، وحسب الاتهام تشير الوقائع إلى أن المدانة تمكنت من سرقة جهاز لابتوب اثناء وجودها داخل منزل مناسبة بالمنطقة إلا أنه تم ضبطها وبحوزتها الجهاز واقتيدت للقسم للتحقيق وعند اكتمال التحريات وجهت لها النيابة التهمة وأحالت البلاغ للمحكمة التي أصدرت قرارها عليها بالجلد (50) جلدة
اليوم التالي
التوسع في عقوبة الجلد ,,,, إذلااااااال
الجلد ليس العقوبة المناسبة في السرقات
********* ال 50 جلدة لزوم شنو ؟؟ ************** ياربي تكون كانت سكرانة جلدوها 40 ************** و عشان سرقت جلدوها 10 *************** اجمالي عدد الجلدات 50 سوط ********** احكام ما انزل الله بها من سلطان *********
الجلد ما يزيد عن 10 عند المالكيه في الاحكام غير المنصوص عليها. اللابتوب بي كم؟؟
اى حاجة فى السودان بقى يودوها القسم ..و الشرطة و القضاء ما فالحين الا لجنس زى ده . ما كان فى واحد كبير فى المناسبة دى يدى الطالبة دى كفين و يسوقها بيت ابوها و يوريهم الحصل من بتهم ..و لا فقه السترة ده ما يستخدمهو الا لناس المؤتمر الوطنى.. و قال الشاكى اتنازل عن حقه ..بعد شنو …هاذى طالبة يعنى تكون لسه قاصر و ما تدرك من الدنيا شى .سبحان الله ..و كيف دايرين تتقدموا بطريقتكم دى ..و قال 50جلدة ..و الله الحقو يجلدوه هو القاضى ده ..اللى ما شطب البلاغ و اده البت نهرتين و قال ليه روحى .
ياحليلها يكون نفسها في لابتوب محتاجه ليهو وأهلها ماقدرو يجيبوا ليها حرام عليك ياسيد الابتوب مدام لقيتو كان تشيلوا منها وخلاص وتسترها بدل تضيع مستقبلها وتدخلها أقسام البوليس
والله حرام يحكموا على طالبة ب50جلدة-ياخي انهروها وشاكلوها ووعوها فقط بدون عقاب-ولو في انسان قاضل وكريم يشتري لها لاب توب وثابو عندالله -والله نحن مادارين ثواب الله؟؟؟؟؟
يا جماعة استروا على العرض .
لعن الله الحوجة ….. المجتمع هو الجريمة
قضاء بائس اليسرق لابتوب يتعاقب واليسرق مليارات يسرح ويمرح الهلاك قريب
البت دايرة تدخل فيس حراااام
الغريب دا الحال الوصلنا ليهوا مع عصابة السجم و الرماد دى ربنا يورينا فيهم يوم أسود مثل يوم عاد و ثمود
صحيت بالمؤذن وحالتك تحزن
مرقت وسرقت الوبال
معكز ملكز بسيخة ونعال
مكتف ملتف بأغلظ حبال
وغيرك بخزن جميع الغلال
يسرق ويهرب جمال
باسمه اللواري تهد الكباري تباري الجبال
سيادته يتدبر شئونه الأماسي
يرش الحديقة ويرص الكراسي
ما بين الغواني ورنين الخماسي
تعاين تشوفه تقول دبلوماسي
يمضي ويرضي ويهدي المحال
كمان لو تلاحظ صديقه المحافظ
وقالوا الملاحظ عيونه الجواحظ تباري الريال
حليلك بتسرق سفنجة وملاية
وغيرك بيسرق خروف السماية
وفى واحد لو تصدق بيسرق ولاية
ودا أصل الحكاية وضروري النضال
ضروري النضال
______________
التحية ل((شاعر الشعب ـ الأستاذ محجوب شريف))
قال نبينا الكريم صلى الله عليه وسلم: «إنما أهلك الذين قبلكم، أنهم كانوا إذا سرق فيهم الشريف تركوه، وإذا سرق فيهم الضعيف أقاموا عليه الحد» [رواه البخاري].. مع العلم أن الشاكي تنازل عن حقه الخاص رأفة بها
ورونى محلها وين طلاق ارسل ليها واحد ؟ البت محتاجة ليهو