انقطاع الكهرباء يصيب الحياة بالشلل في الخرطوم ومدن أخرى

ليس من المفترض ان تؤدي عملية إدخال محول الى كل هذا بل من المفترض أن عملية خروج محول جهد عالي و ذي قدرة كبيرة أن يؤدي الى قطع التيار عن الخظوظ المغذاة منه فقط

الجماعة في الشركة عارفين جهل غالبية الشعب بهذه التقنية فعاوزين يخمونا. من الواضح أن هناك خللا ما, لم يفصح عنه

نحنا ما بنقدر نجزم من خلال الحصل بالامس هل ماقيل لنا صحيح ام لا؟
لضعف الخبرة والمعرفة بالمجال الكهربائي ولكن من خلال المجهود البائن والظاهر لشركة الكهرباء في تقليل انقطاع الكهرباء بالسودان بنسبة عاااااااااااالية جدا
نقول ليهم الف الحمد لله على السلامة وحاليا الكهرباء ورغم هذا العطل المذكور اعلاه تعمل بصورة ممتازة والحمد لله. ;)

فى سنار تسبب انتحار ضب -لانو زهج من الانقاذ ووعودها الكاذبة- من قطع التيار لمدة 3 ايام يعنى قطعة امس دى اكيد بيكون فى تمساح حاول الانتحار ولا يكون الرجل النجس الببول على روحو مسؤول شؤون التاصيل احمد على الامام اقنع البشكير وقال ليهو تعال ولو لساعات بس نرجع ونذكر ايام الرسول والصحابة

اتخيل انو ليبيا الدائره فيها الخرب لمده ستة اشهر ولم ينقطع عنها التيار الكهربائى وهنا لمجرد ادخال محول تنقطع الكهرباء عن السودان كلو … يعنى ممكن نفر واحد بس يقطع كهربة السودان كلو بلمسة زر بس

عجيب أمر ما يجري في حياتنا وسلوكنا وظروف معيشتنا من شحٍّ في الغذاء ونحن المرشحون من قِبَل خبراء العالم أجمعين بأننا سلة غذاء العالم ، ونشكو من إنقطاع الماء في موسم السيول والفيضانات في بلد حبا الله عاصمته المثلثة بثلاثةِ أنهار تنساب في أرضه ، ونشكو من الأوبئة الفتاكة ، وأمراض المناطق المتخلِّفة ، وتشهد لنا الدنيا بأنه قد خرجت من رحم هذا البلد زمرةٌ من أفضل الكفاءات الطبية ، و نتذمر من إنقطاع الكهرباء ونحن نتبجح بأننا من خلال سدِّ مروي الذي بسبب تباهينا به أنشأنا وزارة للسدود والكهرباء ، نتبجح بأننا سوف نصِّدرالكهرباء للدول المجاورة . قال جلَّ ثناؤه ( لا يُغيِّر الله ما بقومٍ حتَّى يُغيِّروا ما بأنفسهم ) صدق الله العظيم . وقيمًا قال الشاعر المتنبي :

ولم أرَ في عيوبِ النَّاس شيئًا * كنقصِ القادرين على التمام

كويس طلع محول ما ضب معتد سنار مع انو الضب دا حاجة معروفة شي بلحمو وعضمو وفيهو روح لكن لي يوم الليلة لا الشعب السوداني ولا شعوب العالم ما عارفين المقصود بالهناية والبتاع البرر بيهم عبد الرحيم محمد حسين حريق محطة بري الحرارية الرجل لم يستحي ابدا عندما برر للحريف بان ( الهناية طارت في البتاع ) واتحرقت المحطة !!!!! في زول عرف الهناية شنو والبتاع ياتو ؟؟

مامشلولين خلقة بلا يخم الحكومة قال ضب قال والله الضب ياهو البشير بي جاعورتو لمن فتح سد مروي ربنا يفتح راسو وقعد يتفاخر ويفوشر انحنا السد عملناهو ليكم كانو جايب المولدات من حوش بانقا ولا من جيب ابوه والناس سير سير يابشكير

أنا قاعد في السعودية ما بنعرف حاجة اسمها كهربا قطعت في بلد ما فيها سدود ولا غيره
كنت قبل أيام في مصر بلد مافيها حكومة ولا أمن ولا شيء وفوضى متناهية رغم ذلك مافيش مشكلة في الكهربا ولا الموية ولا الغاز ولا شيء
حكومة فاشلة الله يقلعها
وين مروي والرد الرد السد السد