هاجم الايقاد والاتحاد الافريقي ومجلس الامن ..غازي: خارطة الطريق الأفريقية «خبيثة ومريبة».. الطاهر : قادرون على تطويع قرار مجلس الامن بنزع «ألغامه واسنانه السامة»

شوف الجقلبة بدت القرار ما زال تحذيري .. طيب إنتوا قبل يومين مش إشتكيتوا لمجلس الأمن “الظالم غير الديمقراطي الذي يتحكم فبه 5 دول”؟؟

وبعدين الإيقاد مش هي الوسيط الرئيسي في إتفاقيات نيفاشا .. أم كان الإنقاذ مخطئ في وساطتها أيضاً .. وكيف يكون حاكم السودان نظام لا يعرف يعمل إلا الأخطاء ؟؟ أعطينا الجنوب الإستقلال بالخطأ .. عقدنا إتفاقية نيفاشا بالخطأ .. سلحنا الجنجويد في دارفور بالخطأ …

ستتوالى الهزائم السياسية والدبلماسية طالما ان السياسة الخارجية تدار بعقليات بليدة ومتحجرة ومع ذلك متغطرسة مثل كرتي ومصطفى عثمان اسماعيل وقطبي المهدي وكمال حقنة, هذا طبعاً اضافة للعيوب الأخرى التي جعلت البلد كلها رهينة في يد بضع أشخاص يتصرفون فيها تصرف المالك في ملكه، وانفراد حزب بمقدرات أمة كاملة جعلها نهباً لأعضائه ومحاسيبه. ستتوالى عليكم الهزائم وستنتهون في المشانق والسجون وستصفى وتصادر كل الأموال والأملاك التي نهبتموها على مدى 23 سنة

يا ناس هوي الجماعة قالوا الروووووب عديل كدة ومابنفع مع سوزان رايس قبل يومين ولي تلاتة ايام هجيج الرئيس بي هجليج وماادراك ما هجليج صرح السيد بشبش بان لاتفواض مع حشرات الجنوب والبلد دي الاتكون لواحد فيهم وبس ومادرين نفط الجنوب وخليهم اشاءللة ينفعهم……………………………….?///////////////
لاكن الجديد الشديد الليلة بعد ماطلعت بت رايس دي وقالت للجماعة هوي ورفعت حاجبها الايمن بترجعوا للمفاوضات في خلال 48 ساعة ومافي زول يقول بغم ولي عندي ليكم كلام تاني ……؟ الجماعة واللة رقدوا موية وظهر واحد من ناس الجنوب وقال طوالي انحنا موافقين يابت رايس واصلا ماكان عندنا مشكلة في التفاوض بس الجماعة ديل مامحترمين وجودنا وانت بعينك شايفة بشبش بيقول لينا حشرات قمذت لية وقالت لية اسكت انا عندي كلام مع بشبش وجماعتة ؟؟ طبعا هنا الدرب دخل في الموية وبشبش ماعارف يقول شنو قبل كدا قال ناس مجلس الامن يبلو قراراتهم ويشربوها موية لاكن المرة دي مابقدر لانة الصين ذاتها ورسيا ذاتها موافقين علي كلام بت رايس دي هي الرئيسة وكل في الكل وبشبش مالقي ليهو طريقة كلام الهيجان والقرارات الارتجالية ديك كلها راحت ومن امس بيشرب في موية كلامة القالة وسمعة كل العالم عبر الفضائيات والليلة الصباح اخر جك بتاع قرار شربة وقال للعبيد ود مروح قول ليهم انحنا موافقين علي المفاوضات مع حشرات الجنوب ؟؟؟ طيب ياجماعة البيجلس ويتفاوض مع الحشرات يكون مين؟؟؟؟ الاجابة غدا

والله غازي حيرتنا تفتكر الفصل السابع دا الفصل السابع الابتدائي اعقلوا و تعقلوا و بلاش لف و دوران و الكلام دخل الحوش و الايقاد انتو صتعتوها عندما كانت تقف معكم و الحين شن جده خلاص يوم الحساب اقترب ما عارف انت حا تمشي تركيا ولا بتقعدفي السودان الله يرحمك يا قرنق

العب سياسة العب حرب العب بارواح البشر والله اهل السودان ارواحهم رخيصة . كل عمرنا قضيناه حرب قتل موت ولما جاء الفرج جاء معه الموت ايضا . والغريب ادعاء الوطنية في قطر لايوفر لك اقل اقل اقل حد من الكرامة . فهمونا يا بشر شيء من الحاصل

ما طار طائرٌ وارتفع إلأ كما طار وقع …نهايتو.
خلوا الرقيص….الناس ماتوا البرقصكم شنو؟

يا اخوانا بطني بالحيل مغصتني وبقـت طامـة
من كضب الكيزان وبياناتهم الفطيرة وماهامة
قالو القرار بننزع الغامو وأسنانو السـامة
شاحد الله الكريم تجيهم صاقعة وتجيهم طـامـة

((((مثلاً عن موضوع النفط الذى هو علاقة تجارية بين بلدين، وبالتالى ليس من حق الإتحاد الأفريقي ولا مجلس الأمن ولا أية قوة في الدنيا أن تجبر جنوب السودان على أن تصدّر نفطها عبر السودان، إن لم تكن ترغب في ذلك، والعكس صحيح بالنسبة للسودان. وزاد «لا يصح أن تصادر حقوق شعب السودان أو جنوب السودان بشأن هذا الموضوع»)))

شوفو النفاق .. ملف النفط دا من زمان بيد الوسيط الأفريقي .. وقدم مقترحات للحل أكثر من مرة .. ما هو الجديد.. الجماعة ديل ما عندهم أي سياسة للحل فقط .. لديهم خطط كاملة لخلق الأزمات والصراعات وجهجهةالشعبين

دولة الجنوب التى لم تكمل عامها الاول اشطر سياسيا من جماعتنا الفى الحكم ليهم 23 سنه ..هم جماعتنا ديل فاضين من السرقه!!!!!

ماذا يضير الشاة من سلخ بعد ذبحها اصلا السودان تحت الحصار من عشرات السنين دعوهم يفعلوا ما يشاؤا ولكن لا يجب ان نطاطا رؤوسنا لهم فليحصل ما يحصل السودان تحت الحصار فقر بطاله فساد حروب مستمره وهذا قدرنا

غازى فيلسوف الانقاذ , تفتقت عبقريته الدبلوماسية عن منطق غاية فى البساطة وهو من ليس معنا فهو ضدنا , المنظمات الدولية يا سيادة الفيلسوف ليس ملزمة أن تطرب فقط للمزمار الذى تعزفون عليه.

أقتبس ….

((هاجم الايقاد والاتحاد الافريقي ومجلس الامن .. غازي: خارطة الطريق الأفريقية «خبيثة ومريبة»..)) وهاجم غازي مجلس الامن الدولي واعتبره مؤسسة غير ديمقراطية لانها تقوم على ارادة 5 دول بينما تلغي ارادة عالم بأكمله، وتعتبر ان قراراتها منزلة من السماء.
ووجه انتقادا لمنظمة الايقاد وقال انها تفتقد لشروط الوساطة لانها غير متخصصة في حل النزاعات،))
ورفض مروح (أن يكون لمنظمة الايقاد دور في الوساطة بين السودان وجنوب السودان، لجهة ان بعض دول الإيقاد ليست محايدة في الخلاف بين السودان وجنوب السودان)،

((واتهم رئيس الهيئة البرلمانية لنواب الحزب الحاكم -اللى هو غازى صلاح الدين زاتو -، مجلس السلم والأمن باتخاذ مواقف مناصرة لحكومة الجنوب وقال انه احال القضية لمجلس الامن في طبق من ذهب، مشيرا الى ان مصالح الجنوب تقف في اولويات جدول اعماله بينما يتجاهل قضية السودان الاولى))

الناس ديل دايرين شنو ؟؟؟
هل زى ما قال لا فض فوه رئيس برلمان الخج ….((من جانبه، اعتبر رئيس الهيئة التشريعية، احمد ابراهيم الطاهر، قرار الاحالة لمجلس الامن الدولي ظاهره ناعم الشكل وباطنه مليئ بالمطبات، مشيرا الى قدرة السودان على تطويعه بنزع «ألغامه واسنانه السامة»))……

طيب كدى ورونا فلاحتكم كيف … و أنا متأكد إنو الشرعية الدوليه البنعرفا ديك و الجربنا قراراتها فى مسألة دارفور رغم الطلاقات و العنتريات الفارغه و على جثتى و الكلام المن النوع ده عرفنا كيف بتنبطحوا…… بل و تشدوا فتحة شرجكم للآخر …. أهى سوزان راييس بتقول (( أن القرار الذي صاغته بلادها وحمل رقم« 2046 » كان واضحا في مطالبة الطرفين بالوقف الفوري لجميع الأعمال العدائية، كما أنه خاطب ما هو ملح في الوقت الحالي بينهما، خاصة ما يتعلق بالتزام الجانبين بوضع حد للأعمال العدائية».
وأضافت رايس في تعليقات للصحفيين عقب اعتماد قرار مجلس الأمن القرار« 2046 »أن القرار كان واضحا أنه في حالة عدم امتثال الطرفين أو عدم امتثال أي منهما لمتطلبات القرار، فسوف يجتمع المجلس وينظر في فرض عقوبات، وذلك بموجب المادة 41 من الفصل السابع من ميثاق الأمم المتحدة».

)) ……أهو خمّـوا و صـرّوا يا حـوش…

والله يا غازي انت انظف ناس في الكلاب ديل

وحرام تنتمي لعصابة مجرمة وعديمة وطنية مثل العصابة دي

الله يهديك يا غازي