قصيدة ثورية باسم (ثورتنا سلمية)

بديناها من الدمازين

 تسقط بس
طلعنا وكنا ما خابفبن
تسقط بس
مرقنا وكنا …….  سلميين
ضد الحرامية

 تسقط بس
سلمناها وكنا جد  واثقين
انو الحديد ……… والنار
لابنكسر ………..  لا بلين
تسقط بس
في كل يوم ثورة من يومم
الاغبر ليعامم …… التلاتين
حقيقة الثورة من بدري
من تسع …………  وتمانين
تسقط بس
شذاذ افاق مرة ومرة يقولو
مندسين
ومرة  يقولو ديل عملاء
بتابعوا مجهولين

 تسقط بس
بريدك قبل ما اعرفك
من غنوها …. فنانيبن
انا ريدتي هي الثورة
وتجمع ….. مهنيين

تسقط بس
جرونا للعنف وكانوا هم
قاصدين
يا ترق منا الدماء
او يواصلو في
التمكين
تسقط بس
ما ردينا العنف بالعنف
وعلي الألم ……. صابرين
حانرد بكرة …… بالقانون
لو ننتظر ………. لسنين
تسقط بس
ثورة وعي ……. ودايما
نحن ………….. سباقبن
وحدتنا ……… والسلمية
هي لخلتنا  منتصربن
تسقط بس

حاربونا بالاعلام
وكان عثمان وود عباس بفسرولي
والثوار وود هباني يترسوا
ما خلو شارع ……….. وحي
والبمبان لو ما لاقا جردل مان
رفقة ……………… بترجعولي
والالحان الاء ودسيس … مان
والثوار يغنوها ….. ويرددولي
وايدك يا محمد راجياك في
الجنة تلوح ليك بالنصر وتلوحلي
سلام مصعب سلام غالب
وابوك يا رهف كواهم ……. كي
وفي الاعتقال بوشي الشجاع
وود قلبا  ………… وود الضى
كل الطلعو ديل شهداء وكل
النشطا ما فضلتم ……… شي
ادونا الامل في بكرة
بعد ما الدنيا  ………. مسختلي
كل الثورة كان سامح
وجوهرة في رويال ……..  بتعقدلي
ولو مسكنا الجايي يقتلنا بنسامحو
اخوي ومحسوب في النهاية علي
دي اخلاق من وين أنتو جبتوها
عليكم الله …………. وضحولي
صغارنا حافظين الهتافات
وبجروا فرحانبن …… يسمعولي
وكبارنا الكانوا بحمونا
ارجوك يا عم معاوية …… تغفر لي
ولو حماسنا قل …….. شوية
دم الشهداء ………….. بحدرلي
ومهما تعبنا ما بنرتاح
عبد العظيم …………….. قالي
وقلوب عطشانة للثورة
تصل الموكب قبل …….. رجلي
والموكب هو امالنا وفرحتنا
بفرح بيو ………….. وبفرحبي
حددنا مكانو ومسارو
قوم يا قاتل يلا ……….. دبرلي
توقيتو بساعة الثورة
مضبوط بزغرودة …. بتحركولي
وتنفجر الارض ثوار فداك
الروح يا بلدي بس انت ارضعلي
ثورة في كل الوطن
قبل المدن في …………. الصي
تشوف مليط قبل حلفا
وقبال كوستي ……….. ود شريفي
ماشين علي الحرية
ما معانا البخاف ………. والتي
عارفين وما خايفبن  في قناصة
وملثم ومدسوس جايي

يغدر بي

وحدنا الشعار حرية سلام وعدالة
ووحدنا الكفن هو ……… الزي
والموكب ذي الجرتق فيهو الضريرة الدم والذخيرة نغم والشهادة محي
ويرجف الفي ايدو سلاح والثوار
طاوبن الشوارع ………….. طي
جريح يتغابي العرفة في دمو وشهيد دموع امو بتلز في .. الحي
وكنداكة فجر بتصحي اطفالا
قومو الرجال برة وانتو نايمينلي
نسد في الفرقة ذي كرري
وزايدين في الشجاعة ….. شوي
اعظم ثورة في التاريخ
ما سواها قبلنا  …………. حي
شعب سلاحو سلمية وصدر عاري
بيتحدي الرصاص  ……… الحي
بدينا الشهداء بيماكور
وحدنا ما وقف في …….. قصي
ومطر وسمل والخير مع النمير
معاو محجوب وبابكر البداوي اللي
ولا نسيناك يا علي فضل ولا التاية
واخوان هزاع المسكنم  ….. عيني
شهدانا ما ماتوا عايشين مع الثوار
ختولي الوطن امانة في …. ايدي
وللبفكر يوم يحكمنا بالقوة
او يفرض ………….. سيادتو علي
دي بلد خلقوها للاحرار
اما حرية واما الأخرة  ….. ارحملي
وارض مروية بالسلمية وفي
الحارة بيكون دم الشباب …  الري

وصلناها القيادة كلما
ننزف الدم والدموع تضمدم الارادة
حددنا يوم ستة ابريل
يوم للفرحة ويوم ………. للسعادة
ذي ما سواها الشعب
من قبل بدمو تاني كررها .. واعادا
بذات الطبيب
وبنفس الدوا ومن نفس …. العيادة👩‍❤️‍👩👩‍❤️‍👩👩‍❤️‍👩👩‍❤️‍👩👩‍❤️‍👩👩‍❤️‍👩👩‍❤️‍👩👩‍❤️‍👩👩‍❤️‍👩
قالو لينا الجيش مسيس
ماشين لمنو ؟ ماشين ….. للابادة ؟
والجيش جيش السودان
انحيازو لشعبو دائما عندو  .. عادة
مهما سيسوه وبدلوه
هو رمز وحدتنا ورمز …. السيادة
الدهب ما بيعلوه الصدا
شوفوه كيف بلمع ……….. زيادة

ماشين للجامد حامد
نوارة الثورة ……………. وفؤادا
عارف البحمي في شعبو
بيادي في اعظم …………. عبادة
وعارف الروح ما بتروح
الا يحين ………………… ميعادا
نادوليهو الأسود
يعلمم الشجاعة لو عاوزة  استفادة

ماشين ليسامي البقول
ديل اخواني ما لمنصب او اشادة
بعد سحبوا السلاح عشان
يطفوا نار الثورة جواهو واتقادا
لكن ما سحبوا احلامو
في عدااة ونفسو الابية ومرادا
عشان قلبو الحديد وشان
صدقوا الشديد اختاروا ربنا للشهادة

ماشين للراكز  ود صديق رمز للثورة وعنادا
الدايرا تسقط بس  بكل ظلماتا .. وفسادا
والبمس الشعب بشعرة او للثورة عادا

محل رهيفة التنقد ولتروح الروح .. قصادا

جيشنا مليان كلو احرار جنود وضباط وقادة
ولاء للوطن ما لحزب او جماعات
او فرادا
يحمي حدودنا والدستور
وارواحم سلاحنا إذا ما الداع نادا
واسم الوظيفة الموت
عشان عيون شعبو …… وسوادا

صحي النوم يا ترس
كشة وعباس دقوا الجرس

وزارنا ملاك النصر بيهني
وهو في اجمل …….. فرس
ورجع الجنة للشهداء
ومعاهم ……………. جلس
قاليهم لقيت سما الثورة
محمية  بشهب رهيبة وحرس
الشهب هم ثوار الأرض
ودمكم هو ……….. الحرس
وارفع جناحك فوق التفتيش
بالذوق لي ثائر ……. همس
وخفضت جناح الذل من
الرحمة للشعب …. الكلسوالمسلمين تحت الشمس ساجدين
وكان الضل يسوع بتوب من محبة
منقي من …………….. الدنس
ويدعو أقرب ناس للمسلمين
اكونوا أولاد المسيح
للرب ……………….. التمس
وصبح وطن يسع الجميع
مفتاحو مرحب بالمودة
وتبا …………….. للهوس
يا رب هل دا نور الثورة
ام عود المسيح
علي الأمر بجد … التبس

القيادة سودانا المصغر لا  فيهو
قبلية لا قلبا حزين لا وجها عبس
والخير يجيك من كل مكان لاك
مشغول بالعندك لا خائف من فلس
لا فيهو قانون للتحلل
لا فيهو دجال …….. اختلس
وكل البلد دارفور والعنصري
ومغرور في السجن  … انحبس

وللببمسح في الجدارية
وقايل نفسو للمعلم ….. طمس
دي مرسومة في ذاتنا وفي جيناتنا
غرس جوانا خلاص ….. وانغرس
وكل جنين قبل اتولد بمشيمة
الثورة بيعيش وللوعي اتعلم درس
واي ثائر في أي مكان لا بد يعرف
مننا كيف السلم للظلم .. افترس

حانحميها ثورتنا بدمانا
مافينا ثائر ………. اتوجس
من أكبر كبير
لو بيمشي او ……… جلس
لي اصغر صغير
لا بهاب الموت لا منو … احترس
ولاخر قطرة من دم اخر
شهيد
لا عمرو ساوم لا ……. انتكس
ولاخر لحظة في الدنيا
ولاخر ……………… نفس

عندك خت ما عندك شيل
عشان نبني الوطن الجميل

في زول بيخت وهو المفروض يشيل
والبخت كل اللعندو برضو بيشوف
قليل
في ناس ختو ارواحم وختونا في
فتيل
دا الجيل الراكب راس والله اعظم
جيل
لا بخاف لا بتغشي لا بعرف
المستحيل
جابوها بالدم والدموع وبالنفس
الطويل
في الشارع من ديسمبر ما رجعوا
لي ابريل
لخصوا الثورة في هتاف هتاف واحد جليل
هتفوه في القيادة وكل البلد
بتشيل
وفي المسارح والمشارح وبيوت اشباح عديل
والظرفو ما بسمح يجينا وحار ببهو
الدليل
والناس البره البلد ودمعاتم
تسيل
بس في صوت جايي من هنااااااك
صافي … واصيل
لافت للنظر
وانبل من نبيل
قائد للهتاف
واجمل من جميل
متقل بالترس
ورافض اكون قتيل
يموت بكرامة
ابدا ما بعيش ذليل
لو ما جات المطالب
رافض للرحيل
دا صووووووت اخوانا
منتظرين …. في قاع النيل
منتظرين …. في قاع النيل
الشعب يهتف والاقدار
تميل
هتافنا الموحد
المدنية هي البديل
المدنية هي البديل