نمل سكر: تعليقات على عناوين صحف الأثنين 28 أغسطس

نمل 🐜 سكر
“”””””””””””””””””

الاثنين 28 /8 /2017

🔴 اجندة مفاوضات الآليه والحركه واختيار الحلو رئيسا.

🔨🐜 اكثر من 15 سنه لا قلبتو الحكومه ولا اتفقتو بالله ادونا الزيت.

🔴 رئيس البرلمان : قبلنا اعتذار الشعبي.

🔨🐜 اعتذار عن الفات المشكله البسكت كمال عمر شنو.

🔴 البشير: تأثرنا بالأوضاع في ليبيا ولا نحمل أجنده ضد شعبها.

🔨🐜 ولا كووومان ساهمنا في تحرير الكفرة وطرابلس من قبضة القذافي.

🔴 نائب الرئيس : shoot to” kill”لرافضي تسليم السلاح.

🔨🐜 اها قصرنا بالانجليزي قلناها ليكم.انجليزي دا ولا ما انجليزي؟.

🔴 السعوديه تعلن تسخير كافة الامكانيات لخدمة اسر شهداء اليمن.

🔨🐜 هذا لا يسوى شئ امام حمايتهم لصفاقة ابناءكم وسبهلليتهم.

🔴 استطلاع لحزب الامه : 70% بينهم اسلاميبن ومجاهدين يؤيدون التطبيع مع اسرائيل.

🔨🐜 والحكومه ذاااتها كانت لقت طريقه ما بتابا الجيهه. غايتو انا مع التطبيع والتطبيق.

🔴 الرئاسه : سماح مشروط للهايسات لنقل الركاب عبر الولايات.

🔨🐜 ممتاز لكن كلمة مشروط دي اكيييد من وراها دفع رسوم.

🔴 علي محمود : اهالي مروي تضررو من قيام السد.

🔨🐜 دا كلام يا بتاع (البيتزا) النضم دا كان تقوله لما كنت جوووه الحكومه علشان يوروك كتاب.

🔴 ضبط حالات غش في امتحان القيد الصحفي.

🔨🐜 الغشو ديل الا يكونو اردنيين. عموما لو سودانيين يجب منعهم ممارسة مهنة الصحافه.

🔴 حزب التحرير ينتقد عدم محاسبة مبارك على تصريحاته بشأن التطبيع مع اسرائيل.

🔨🐜 ابردو شويه يا ناس التحرير الزول دا ما كفر ولا نقل كفرا.

🔴 النائب الاول يؤكد حرص الدوله على تيسير الزواج.

🔨🐜القبل الزواج ساهل يا ريس المشكله بعد الزواج فبالله ساعدونا في الحته دي.

🔴 البرلمان يتبرأ من الوساطه بين الحكومه وموسى هلال.

🔨🐜 موسى هلال جاي عليه الدور بجمع السلاح باعتباره من “اللوردات”.

🔴 المعارضه : لا تراجع عن تغيير النظام.

🔨🐜 في المشمش يا معارضه 27 سنه والجماعه وانتو قاعدين.غايتو الا تكونو قاصدين تغيير النظام المحاسبي.

🔴 المستهلك : اسعار الخراف بالخرطوم غير حقيقيه.

🔨🐜 طيب ادونا الخراف الحقيقيه وباسعارها الحقيقيه علشان نعرف نضحي.

🐜 نمله مقلوبه 🐜

😱 ظاهرة ردم الظلط دي قويه كيف واول مره تلاقيني.

الطبيعي ان الردميه تاتي قبل الاسفلت لكن عندنا جنب المستشفى التركي بالكلاكله عكس.يوووخ كان ممكن نرفع الظلط بعفريته ونحشر الردميه وبعداك ننزله.

✍🏼 خالد الضبياني
[email][email protected][/email]