نمل سكر

نمل 🐜 سكر

السبت ٢٦/٨/٢٠١٧

🔴 تم استعادته خلال خمسه دقايق : اختراق موقع الاتصالات بعد عشره الاف محاوله.

🔨🐜 الله اكبر والحمد لله الما فجروه.

🔴 الصين تعفي ١٦٠ مليون يوان من الديون.

🔨🐜 من (الديون) الشرقيه؟.وبالنسبه لباقي اليوان نعمل ليه صيوان ولا الحنك شنو؟.

🔴 والي شمال دارفور : موسى هلال مواطن عادي وقواتنا قادره على فرض الامن

🔨🐜 الحمد لله موسى هلال طلع مواطن عادي يعني ما مواطن بيغادي ولا بيعادي.

🔴 غندور زيارة نائب رئيس الدولة الصيني للسودان تؤكد استراتيجية العلاقه بين البلدين

🔨🐜 واين موقع عوض الجاز من الاستراتيجيه دي؟.

🔴 الاستثمارات السعوديه تتصدر الاستثمارات الاجنبيه بولاية نهر النيل.

🔨🐜 وبهذه المناسبه نحي قواتنا المرابطه بارض اليمن السعيد.

🔴 تعاون سوداني بولندي في مجال المعادن.

🔨🐜 كدي اول ورونا غربال شركة سبرين الروسيه خبره شنو؟؟؟.

🔴 منحه صينيه ب٥٠٠ مليوان يوان واعفاء جزء من الديون.

🔨🐜 الله يستر من الحاويات ديك بتاعة جرادل البوهيه اياها.

🔴 الرياض : نتشرف باستضافة اسر شهداء الجيش السوداني باليمن.

🔨🐜 يوووخ ابشرو انتو بس تمنو ونحن عند الخدمه يا طويل العمر.

🔴 ترتيبات لسن قانون يلزم الدوله بتعويض ضحايا السيول والامطار.

🔨🐜 وانا بقترح سن حاجه اسمها (دمغة) السيول علشان التعويضات وكدا.

🔴 بدء حملة رش بالطائرات لمكافحة البعوض والذباب بالخرطوم.

🔨🐜 وبالمره كووومان لو رشيتو معاكم الفاسدين بالبلد تكونو عملتو فينا خير كتير.

🐜 نمله صغيره🐜

😷 اغاني تمجيد المناطق والقبائل في المناسبات تحير.

يا انتو بالله عودو لاغانينا الزمان البتتكلم عن قيمنا واخلاقنا.هسه عليكم الله اغنية (ست البيت) عيبها شنو؟.

✍🏼 خالد الضبياني
[email][email protected][/email]