حميدة: الضفادع غنية بالبروتينات ومحاربتها ليس من إختصاصي

ودوها اغاثة لغزة ان كانت غنية بالبروتينات والباقي صدروه للصين اما نحن السودانيين فقد تعودنا على لحوم الابقار والضان المصدرة اناثه لدول الخليج ولحم الجمل عندنا فيهو راي

قال غنية بالبروتين !! ياهو ده اللقيناه من مبارات الصينيين داير يأكلنا القعونجه !

يا بتاع الضفادع (الضفاضع) كما ورد. قرفتنا ولما قريت الخبر لزوجتي طرشت ثلاثاً. لكن بيني وبينكم قالوا الفرنسيين بياكلوا البتاعات دي عشان كده لغتهم كلها كواك نناك

تعالو هللو وكبرو …. هههههههههههه

جهزوا حالكم حتاكلوا ضفادع لما يبان لكم صاحب

بس الكيلو حيكون بى كم ؟؟

* الخراب و الفساد و الظلم و الفقر و المرض و القتل و التعذيب و التشريد الجماعى و الدوله السودانيه التى إنهارت: هذه هى مخرجات “المشروع الحضارى”المتوهم!!. إنها النتائج الطبيعيه المتوقعه لممارسات الهوس الدينى و الدجل والنفاق و الكذب و التدليس و الانانيه و اللؤم و سوء الخلق.
* فعن ماذا “يهمهم!” هؤلاء الأبالسه المجرمين, و اذنابهم من البلهاء و المتخلفين و الارزقيه!!!!.

فيها حلاة دين شوربة ولا ما كده ي معالي الضفادع الدستورية مو هيييييييييييك

ليك حق ما،،،تحاربهم
لو،،،الضفدع لبس نظاره بكون إنته.

هذا الرجل مشهور بقلة الادب قبل ان يأتى للسلطة
كما أنه معروف بإنتهازيته وأرائه غير الانسانية
و ما كان يحلم بمنصب فى حياته لولا أن التنظيم
العالمى الماسونى للأخوان المسلمين يصعد أسوا المجرمين
عن قصد لتدمير الدول الاسلامية وعقيدتها

اها الل8 فتخ لبكم باب خير اجمعوا كل ضفدع شارد وابعتوه فرنسا بتموت في شوربة الضفادع واهه يجيب عمله لدعم الخزينه بس اوعوا التماسيح يسبقوا الحومة الرسميه

أما عجائب أنت فعلاً يا عجااااااااااايب. رجل لا يدري ولا يدري أنه لا يدري فهو فقري.

من اليوم سوف تكون كنيتة / مامون قعونجة / رجل دجال ، هانت …. زول زيك يتحكم في مصير الشعب السوداني! ! ! ! ! هذا زمانك يامهازل فامرحي ….

قالوا في وزير صحة سوداني مشي الاسواق كلها وما لقي لحمة والناس يسالوا ياسيادة الوزير ما في لحمة ونحنا عندنا نقص حاد في البروتينات الوزير نشي البيت فكر ثم فكر وشاف البلد غرقان في الخريف والضفادع مليشيات في الشوارع ونام علي كدة جاهو في المنام ضفدع كبير سمين كرشتوا كبيرة وقال ليهو ياخ الناس تعبانة وملاقية لحم والخريف وصل هسي انا غني بالبروتين بعادل عجل دعول قاق..قاق عمك الوزير صحي من النوم مخلوع علي صوت قاق برة حوش بيتوا الزول الصباح طلع للناس قال وجدت الحل ضفادع ؟؟؟الناس استغربت قالوا الوزير دا جنا ضفادع شنوا قال ليهم الحل في الضفادع يعني قعونج ياناس بدل اللحمة الغالية تمشوا تصيدوها عشان دا ما اختصاصي ومنها القعونج يبقي قليل في البلد وصوت قاق قاق تقل الناس صدقت وبقت تقبض الضفادع حتي بقت الضفادع نادرة وسعر زاد وصل كيلو لحمة الضفادع الي 50او 60 بعد شوية الضفادع عدمت في السوق والخريف انتهي والناس جاتوا تقول ليهو قاق قاق يالوزير الحل شنوا الضفادع عدمت قال ليهم انتظروا الخريف الجاي !!!!

هوت دقتونا وشحتونا وضفدعتونا وغرقتونا ولبستونا مافاضل ليكم الا تقولوا خلقتونا ..استغفر الله

يا اخى دى ملئه بالبروطين

لماذا لم نصدرها لفرنسا ؟؟؟؟؟؟

ومع كل شحنة نودى سودانى وما يجى راجع ونسميهم مغتربين الضفادع

يا دكتور انت جابوك عشان تبيع مستشفى الخرطوم هى من اختصاصك

وله شنو

وين المشكلة الغريبة انو جماعة الانقاذ ديل صريحيين مع الشعب بس الناس ما عايزة تغيرهم – مثلا
– سرقات الاراضي عينك عينك وبالاثبات وعلي مستوي رئاسة الجمهورية وطلعت وثقائق تدلل علي ذلك وقالوا اشاعات والشعب صدق انها اشاعات وكذب عينو وصدق الكيزان
-السيول تجتاح مناطق واسعة من السودان وتتدمرها ونشرت وثائق تدلل علي سؤو التخطيط والمصارف كما هو واضح في كبري القوات المسلحة وقالوا الكيزان لا دا بس زيادة في الخير من السماء والشعب كذب عينو وصدق الكيزان
-الممارسات الشاذة للولاء والدستوريين بالصورة والفيديو والكيزان قالوا دي مؤامرات وبرضو الشعب صدق الكيزان وكذب عينو
-المؤتمر الوطني يزج بعمر البشير والكل يعرف انه رئيس صوري لا يفقه من العمل السياسي الا بمقدار فهموا في عمليات العظام وزي فهمي للغة الصينية وبرضوا الشعب صدق انوا مافي غير الزول المنتهي الصلاحية العقلية والجسمية للمرحلة القادمة
-الكورة السودانية مجرد شباب بتاعيين دافوري ومدربيين اقصي حاجة كان بيلعبوا سداسيات ولا علاقة لهم بالعلوم الرياضية وبرضوا الشعب صدق انوا عندنا كورة تستاهل اتصنم امام التلفزيون واتشاكل في اللعيبة
-الاخطاء الطبية بالكوم والامراض بالكوم والعلاج معدوم وبرضوا الشعب صدق انو دا ابتلاء من الله والحصار المضروب علي الحكومة السودانية
-اخيرا انتخابات في ظل انقسامات حتي علي نطاق الحزب الحاكم ومناطق مقفولة بسبب الحرب ومشرديين بسبب السيول والحرب وربع سكان السودان ضيوف علي دول العالم والبقية مكمميين اما بالاعتقالات او الاقصاء من الخدمة وبرضو الشعب صدق انوا دا استحقاق لابد منه .
اذا الشعب مهمتوا التصديق – فيجب ان يصدق البيتسويهوا كريت بظهر في جلدا
والضفاضع دي مرحلة الخريف دا وانشاء الله في ناس حيصدقوا ويبدو في اكلها – والنصيحة للنمل ان يهاجر حتي لا يقع في حلول حميدة لبرنامج الغذاء الصيفي

ايها الغير مامون بن حميدة ولست حميدا بما انك رجل استثمارى لدرجة الجشع وعدم الشبع افيدك علما بان الضفادع اشهى والذ وجبة للفرنسيين ولدول المستعمرات الفرنسية ولذلك وبما انك انسان لاضمير لك فيمكنك استخراجها من المياه الراكضة المتعفنة ولا تصرف على نظافتها قرشا وتصديرها مباشرة الى فرنسا واكيد الدول الافريقية لا تحتاج لضفادعنا لان لديها ما يكفيها من برك
وهكذا تكون ريحت الشعب السودانى المكلوم من تقة الضفادع وتجيك الدولارات والفرنكات بالردوم ولا تنسى نصيبى مقابل الاستشارة والمشورة اشترى به حقن ومعينات طبية للمستشفيات الهالكة اهلكك الله وما تحاول تغشنى وتاكل حقوقى عائد تصدير الضفادع كبير وانا ما بتغشى وبى ما بتقدر بى تتعشى انا حسكنيته عذرا يا حسكنيت سيد الاسم وعندى سى سى واخوته فى باريس ممكن اوكلهم لمتابعة الاستلام والتسليم وشراء المعدات الطبية وغاز من نوع البف باف بتاع ابوطيرة نرشكم به ان حاولتم اعتراض دفرة بص الثورة خصوصا ان د مريم الصادق قالت انه غاز اعصاب واكيد وبلا نقاش هى طبيا اشطر منك وشدو حيلكم يلا تصدير ضفادع الى باريس الطيرت رسينكم تطيروا ما تركوا

شوف بالله الافتراء و قلة الأدب دي
يعني عشان انت مرتاح و تاكل كل يوم في الطيبات
داير الناس التعبانة تاكل قعونج عشان فيها (بروتينات غنية)
الله ينعل ابو خاشك يا حرامي
دمرت الصحة و دمرت المستشفيات
و بقيت البلد كلها استثمار في صحة المواطن المسكين

هذا المتأسلم الماسوني مامون حميدة الأنطوانيتي لا يعرف أن أكل لحم الضفادع محرم عند المسلمين ولقد نهي الرسول صلى الله عليه وسلم عن قتلها ولدينا ثروة حيوانية وسمكية وجنبرية وجرادية كمان غنية بالبروتينات وهل تركت لنا مضارباتكم في الأسواق وجشعكم شيئا يسهل أكله …….. أيها المتغطرس

بسم الله الرحمن الرحيم

وَلَقَد أَرسَلنا إِلى أُمَمٍ مِن قَبلِكَ فَأَخَذناهُم بِالبَأساءِ وَالضَّرّاءِ لَعَلَّهُم يَتَضَرَّعونَ ﴿٤٢﴾ فَلَولا إِذ جاءَهُم بَأسُنا تَضَرَّعوا وَلـكِن قَسَت قُلوبُهُم وَزَيَّنَ لَهُمُ الشَّيطانُ ما كانوا يَعمَلونَ ﴿

“تعالو الساعة ستة هللوا وكبروا معانا ،عشان العربات تخش مناطقكم ”

“تعالو الساعة ستة هللوا وكبروا معانا ،عشان العربات تخش مناطقكم ”

“تعالو الساعة ستة هللوا وكبروا معانا ،عشان العربات تخش مناطقكم ”

المسئولين ديل كلهم بيتعاطو ولا شنو…..

يامامون قعونج يارمة الرمم .. السودانيين متعودين ومتربيين علي لحم العجالي والضأن .. وباين عليك مخلوع من كثرة اللغف والخم .. والمتاجره بألام أهل البلد .. ومنتظر في أي يوم الحساب … ويومكم قريب .. وخايف من العذاب .. قبحك الله ياجربوع

ياجماعة الراجل متعود من زمان على اكل الضفاضع والتحلية بالقورو والقدوقدو وكدا فلا تستغربوا دعوته لاكل الضفاضع .. ليكم يوم ياأرزقية يدوسكم الشعب بالجزم انتم ومابنيتم من المال المنهوب …

.

اهو دا مستوى وزراء البلد والحاله طبيب وكمان اسلامى

انا والله بقيت اقتنع شيئا فشيئا ان المشكلة فينا نحنا

كشعب اما انه غضب علينا الله جل جلاله وسلط علينا هؤلاء

اما اننا ملء الجبن قلوبنا والجنوع نفوسنا وارضينا

بالذل والهون والجزمة والشلوت وبكرة يدخلوا البيوت

ويغعلوا ما يحلوا لهم وليس ببعيد على هؤلاءو الشعب

لايسمع ولايرى ولايتكلم

بسم الله الرحمن الرحرحيم

اعزائي محرري الراكوبه بني وطني الكرام .. والاستاذه : نجاة ابوزيد السلام عليكم ورحمة الله .. لكم الود والاحترام .. الله يقرفوا يااختي نجاة مليون مره ..فاذا الثروه الحيوانيه ميزه تميز بها السودان .. ويدعوا طبيب الي ان الضفادع فيها بروتين ..
منتهي الاهانه .. والاحتقار ..لانسان السودان المسلم ..وانه والله لابتلاء عظيم ..لما لم يقل له اي من نواب برلمان الخرطوم اتقي الله ..نحن ممثلي بشر يقولون : (اهدنا السراط المستقيم سراط الذين انعمت عليهم ولا الضالين – صدق الله العظيم ).

– ياوطن .. طال الليل ..واتمددفيناالهم
– يريدونا ان نأكل ضفادع ونشرب دم ..
-وين الحلال ..وين الحرام ..وشيوخنارخم..
– يشربوا لبن وقارورة مويه وياكلوا لحم ..
– وناس تتلفت لاعلاج لاطعام لا مأوي وعيشه عدم
– الزمن الجاير خلانا نهاجر ياوطني الحاير ما تهتم..
– كل اول وليه آخر وما دوامه وباكر بعيشوا ندم.
ونلتقي حفظكم الله وحفظ اهلي ووطني من اللجوء الي اكل الضفادع ..والكلاب والقطط ..وكلها بروتين زي ما قال استاذنا البروفسور .. مأمون حميده ..وانا لا اتهكم .. انما اذكره بعام الرماده .. وكيف في زمن الاسلام الحق .. عاش امير المؤمنين ..وأسأل الله ان يقي اهلي حكام ومحكومين من اكل المحرمات علي المسلمين ويلهمهم وانا اولهم الي الحق والسراط المستقيم ..واذكر ان الأوطان لا تبني الا بالحق والعدل وتقوي الله واتباع اوامره واجتناب نواهيه ..رب اغفر وارحم وانت خير الراحمين..ونلتقي ..ان شاء الله والسودان وطن واهل في حال افضل واسعد.

بسم الله الر حمن الرحيم

اعزائي محرري الراكوبه بني وطني الكرام .. السلام عليكم .. لكم الحب والتقدير اكرمكم الله جميعا رددتم علي استاذنا البروفسور مأمون حميده .. ودافعتم عن كرامة الانساني السوداني ..وده العشم ..فالكلمه اقوي .. بلاغة ..من الحسام ..

ولننتهي احكي لكم نكته :

كنا صغار وطلقنا الفجراوي ونسير في الدربوق ( وهوطريق ضيق لمن لا يعرف الرطانه ) ويتوسط الدربوق حقل ذره .. كان الزمن بخير .. ومعاي ود خالتي ماسك حبل التور وانا جاري البقره وماشين فقال : شنوا كواريك القعونجات ده .. مع الفجريه .. قلت ليه ما عارف يمكن مديح قال لا لا: اظنه شافع قعونجه ينادي امه : قوققوق .. قوق قوق قوق ..

ترد عليه قوق قوقق قوقق .. قلت ليه يعني شنوا قال يمكن : يقول ليها يايمه شيليني … تقول ليه : شايله .. اخوك شايله اخوك ..قلت ليه مادمت تعرف تفسر لغة الضفادع اسألها ما اسم اخوه هذا؟ قام صاح ياقعونجه قواققوق قوا قوق قوق قوق.. فسمعنا ترد: اسمه مأواق حم اواق .. قوقوقوقووقوقوو,,… ما قوق قوق قوقوق .. لا فوق قوقوق لا فوق ..

وارجوا ان لايتطاول صاحب سلطه باهانة انسان فقير لكنه يؤمن بالله وصبر ويصبر ويحتسب ..