البشير يمنح مصر 2 مليون متر لمنطقة صناعية
اتفق الرئيسان السوداني عمر البشير والمصري الدكتور محمد مرسي، مساء الخميس، على رفع تمثيل تمثيل اللجنة المشتركة بين الجانبين لمستوى الرؤساء من أجل ترقية علاقات البلدين وتعزيزها، ومنح البشير مصر قطعة أرض صناعية بمساحة مليوني متر مربع.
وأكد البشير في كلمة ألقاها في جلسة المباحثات المشتركة حرص بلاده التام ودعمها الكامل لاستقرار مصر واستعداده لتسخير كافة مقدراته البشرية والمادية لتحقيقه.
كما أكد حرص بلاده كذلك على بناء علاقات استراتيجية مع مصر تقوم على أرضية صلبة من التفاهمات والاتفاقيات والآليات المشتركة الفاعلة تمكنهما من مواجهة التحديات وتجاوز الصعوبات الماثلة.
وقال الرئيس البشير”إن ما يعتري مصر يضار منه السودان”، مشيراً إلى تطلع السودان لأن تستعيد مصر أدوارها الإيجابية والفاعلة في المنطقة بعد أن أصابها الركود لفترة طويلة خدمة لمصلحتها ولمصلحة دول المنطقة.
دور مع جوبا
وأضاف البشير أن السودان يتطلع كذلك إلى دور إيجابي لمصر في جنوب السودان ودور مصري إيجابي في المحافل الدولية والإقليمية.
وأعلن في ختام كلمته عن تصديقه بمساحة أرض لتكون منطقة صناعية للصناعات المصرية وقام بتقديم خريطة تشمل الأرض التي تبلغ مساحتها مليوني متر مربع في المنطقة الصناعية جوار (مصفاة الجيلي) شمال العاصمة الخرطوم، معرباً عن الأمل في أن يبدأ مشوار التعاون في تنفيذها.
ومن جانبه أكد الرئيس مرسي أن مصر تسعى إلى وجود تعامل اقتصادي حقيقي بين مصر والسودان، في كافة المجالات؛ لتحقيق آمال الشعبين.
وقال إن الظروف التي تمر بها مصر عقب ثورة “25 يناير”، وسعي الشعب المصري لتحقيق العدالة الاجتماعية، لم يشغلها عن هموم ومشكلات عالمها وإخوانها العرب.
وأعلن أن بلاده ستسعى لفتح حوار بين جوبا والخرطوم للوصول لعلاقات قوية ووثيقة بين الجانبين، مؤكداً أن مصر ستواصل دورها الداعم للسودان ودورها المساند للسودان وجنوب السودان بما يسهم في تعزيز التعاون والسلام بين البلدين.
وأشار إلى أن مصر ستسعى لدمج مختلف الحركات الدارفورية في اتفاقية السلام فضلاً عن دعم مصر لمؤتمر إعادة دارفور، المقرر عقده بالدوحة الشهر الجاري.
شبكة الشروق
وجعى عليك يا بلد .. صراااحه عندنا اغبي رئيس فى العالم ودي حقيقه وكل يوم بثبت لينا كده غبي وغباهو ليهو بووخ .. قطعه ارض بلميونى متر وكمان فى الجيلى ياخى مصر عندها شنو اى صناعه مصرية معروفه لا ترقى للمستوى يعنى بالعربي كلام فااارغ ياخى ديل ما لاقين ياكلو .. بلا يخمك كرهتونا مع انو الواحد فينا قاعد بعيد منكم ..
دى دولة ولا كوتشينة توزع فيها كدة
اين المقابل وماذا يستفيد المواطن
السودانى من كل هذه التوزيعات
اذا اضيفت هذه المساحةالى الاراضي الزراعية في الشمال و الوسط الي مساحة حلايب و الشلاتين و ابو رماد الي مساحات شمال حلفا و مصائد السمك من البحيرة داخل السودان يكون مجموع المنحة كم مليار متر مربع؟ في حب يا “أخوانا” أكتتر من كده؟
أعلن في ختام كلمته عن تصديقه بمساحة أرض لتكون منطقة صناعية للصناعات المصرية وقام بتقديم خريطة تشمل الأرض التي تبلغ مساحتها مليوني متر مربع في المنطقة الصناعية جوار (مصفاة الجيلي) شمال العاصمة الخرطوم، معرباً عن الأمل في أن يبدأ مشوار التعاون في تنفيذها.
ياجماعة الخير اليس فيكم من رجل رشيد ؟
الزول ده حيكمل السودان الفضل .. يقسم ويتنازل ويمنح فى الأراضى السودانية كأنها خقت الوالد ..
الحقوا الباقى من السودان
حلايب ماكفاية ولا شنو؟؟؟؟؟؟
2 مليون متر مربع مره واحده مقابل ايه ؟ رئيسنا ده ماواعي ولا شنو ؟
بختك يا ام الدنيا حلايب +2مليون متر في قلب السودان ما فيش حد زيكم في الكرم يا سودانيين
ده شنو العوارة دي. مرة عربات ومرة بقر وهسع أراضي لمنطقة صناعية. السياسة مصالح متبادلة قل لينا جبت لينا شنو. كان تدخل حلايب. فرصة
ايوة ما حق ابوك السودان و كدة وزع كما تشاء وارقص بمؤخرتك و هز الاعطاف و الارداف ما الشبع بيعمل اكثر من كدة ايوة كدة صح ….. اعطي و امنح و كمااان اعمل حاجات تانية …. و الله العظيم ما عارف اقول شنو ……
ده واحد عوير يقسم فى اراضى البلد التقول وارثه من جدو ده كلام مرلغى على الحكومه المصرية ان تعى وتعرف انو هذا الرئيس معتوه وليس لديه الحق ىف منح شبر من ارض السودان لاى حد وان نظامه نظام انقلابى وسارق للسطة ومابنى على باطل فهو باطل كل الاجراءات التى يقوم بها هذا النظام ستلغى بجرة قلم واحده فى يوم من الايام وقريبا ان شاء الله الاخوة فى مصر يعرفوا كيف يصطادوا فى المياه العكره وهم يعرفون جيدا ان نظام البشير هو نفس نظام مبارك الذى اطاحوا به فعليهم بالترجل والاتعاد من التعامل مع هذا النظام وبالذات فى الامور الوطنية التى تهم الشعب السودانى لان الشعب لن يتركها ولن يترك هذا النظام كما فعلتم مع مبارك سنفعل مع البشير وعملائه من الخونه والمرتشين ………
افشل رئيس والله ما اديهم متر واحد تعرف يعنى ايه 2مليون متر يعنى توطين عشره مليون مصرى بالسودان يارئيس يا فاشل جميع الدول فى العالم تربط الاستثمارات بخدمه ابنائها بحيث تكون العماله بنسبه لا تقل عن 75%
الله يرحمك يا جعفر نميرى
مصنع الدقون والدلاليك الوطنى للرقص الشرعى
الاراضي دي حقت ابو اهلك !!
يا ناس الجيلي اي مصري يجيكم اكلوهو حي و خلي الرقاص دا ينفعهم
ملايين السودانيين لا يجدون 100 متر للسكن و انا منهم و تقعد انت توزع في اراضي البلد زي لحم الكرامة
لعنة الله عليك في جميع المذاهب و خصيصا المذهب المالكي مذهب غالبية اهل السودان
دولة الجنوب تستحق ايضا هدية مماثلة للخمسة الف راس بقر لمصر ومصر لا تستحق الاراضي لان استثمار الاراضي يحتاج الي دولة لديها(CAPITAL MARKET) وفاقد الشئ لا يعطيه ولو اهديت تلك الاراضي لقطر مثلا وطلب من مصر المشاركة بعمالتها لكان خيرا للجميع——– عوارتنا عينة!
2مليون متر يعني دي 2 الف كلو ولا شنو يا جماعة؟
رجع حلايب وشلاتين وابو رماد وبعدين اتكرم من ارض ابوك يا عرور بلد بقت ملطشة وشعب استحمر عقله منكم لله ياكيزان ياعواليف
ارخي لي الحبل
المصريين يطلقون على أي سوداني اسم عصمان وليس على رطانة الشمال فقط ، لماذا نعطيهم 2 مليون متر مربع . حراااااااام
صار البشير لا ينظر للأمور إلا من زاوية بقاء نظامه وسلامته الشخصية ثم من بعد ذلك فليذهب كل السودان وليست حلايب والفشقة وشمال وادي حلفا للجحيم!!
قيل فى المصريين . صغارهم اذكياء وكبارهم اغبياء. رجالهم طروب ونساءهم لعوب . يجمعهم الطرب ويفرقهم ضرب العصا.ليه يا ريسنا تتجود باشياء لاتخصك . سبحانك اللهم وبحمدك اشهد ان لا اله الا انت استغفرك واتوب اليك
من لا يملك يعطي من لا يستحق. أين المعاملة بالمثل؟ للحقيقة الصادق المهدي والترابي كان تعاملهم مع مصر سليما, فالأول في زمن الديمقراطية الثالثة والثاني في عهد الإنقاذ بالحد من التغلغل ألاستخباراتي للمصريين بتجفيف جامعة القاهرة فرع الخرطوم والبعثات التعليمية المصرية الهشة التي كانت تفرخ أنصاف متعلمين.
متى يتعلم السياسي في السودان ويبعد نفسه قصر النظر السياسي تجاه تعامله مع الغير؟
عطاء من لا يملك لمن لا يستحق :
مليوتين متر للصناعة المصرية ومن قبلهم مليوتين فدان للزراعة لمصر وابقار وعربات للاعبين ، هو بدون هباتكم ده بيقولوا السودان جزء من مصر وبعضعم يقولوا مافيش حاجه اسمها السودان
Ya Salfa, Ya Natinyaho ,Ya Obama Aoooooook abomorowaaaaa, albasher ,the dancer, sold all my country to save him self from the court, oro roook , Alhagonaaaaaaaaaaa, he is dying and he want to take all of us with him, oro rooooook, Alkaizan alhalab wa al black building their colony on our land, oro roook.
مرسي زاتو ماسورة 2مليون متر مربع ده بيساوي بلك واحد ابو 500متر دي تبرع ده كبر رقم بس
يعني كان قبل مايديهو 2 مليون متر دي كان يقول ليهو اطلعو لينا من حلايب والمنطقه دي سوداااااااااانيه على الاقل ولاشنو؟!!
ياجماعه الراجل بينفذ في شروط ولد محمد علي باشا لمن جا شندي ايام المك نمر..
واللة انكم تفكيركم سطحي وهل المصريين بالسذاجة دي حيدرسو المشروع مليون مرة ويمكن مايوافقو لانهم محتاجين للمشروع دي مدينة صناعية يعني مصانع وبنية تحتية ضخمة وايدي عاملة وفنادق وموضوع كبير يعني ريسكم ذكي لكن المصريين اذكي ولو وافق المصريين حتكون وين وسط صحراء اتحولت لمدينة صناعية كم شياب حيشتغل وميناء ونقل وطرق الخ في النهاية مستفيد السودان بكل المقاييس يعني المصريين هم احوج لذلك وحتفشوهم بجانب تعليقاتكم الغير مسئولة
اللعن ابو البنقو الخلاك تعمل فينا كده ويا مصريين نوعدكم انو ما بتتهنوا بارضنا ان شاء الله ولا 200 سنت
صبرا صبرا ال ياسر فيوم النهوض قادم قادم وستثورين يا بلادى و ترفرف اجنحتك عاليا عاليا
اما انت ايها الرئيس الكيشة فستسقط فى صفحات التاريخ السود و سيذكرك التاريخ بانك من جلب العار و البلاء و التمزيق و افساد العبادو تحريف و تحوير النصوص الدينية لمأرب اخرى اما بالنسبة لنا شعبك الذى جوعته و هجرته و طاردته و وأدت احلامه بالنسبة لنا انت لم تكن سوى كابوس ثقيل ثقيل استيقظنا منه
للأسف أموال الشعب السوداني بأيدي السفهاء وعمر البشير أكبر سفيه ….
يعني سلفاكير اعطا المصريين ويجي البشير طوالي يدي المصريين 2مليون متر يعني كده اشترو السودان كله ببلاش جنوب وشمال ماشاء الله.. يعني كده باقي الشعب بقا زي الاجانب .. لا رئيس صاحب واجب فعلا
ياخي دي بلد ولاكوتشينه شغال بتوزع فيها كده بي مزاجك؟؟!
كل مسؤول مصرى ولا خليجى يجى السودان البشير يديهو ارض استثمارية وكأن السودان ملك ابوهو
يا جماعة البشير دا عايز حجر عديل أكيد الرجل دا ما طبيعي مش كفاية على مصر حلايب بأهلها تاني كمان البشير يمنح مصر 2 مليون متر لمنطقة!!!!!!!!!!!!!!!!!!!.