حديث المدينة
رفع الغبن..!!
عثمان ميرغني
يوم الثلاثاء الماضي.. زارني في مكتبي الدكتور الطيب إبراهيم محمد خير (الطيب سيخة).. وربما لأنه يدرك أن الأسئلة السياسية ستكون حاضرة وجاهزة في مثل هذه الزيارة.. أمعن في الحديث بصورة متصلة لا فراغات فيها (ولا حتى شولة) عن موضوع رسالته للدكتوراة التي ستناقش قريباً.. وعندما وصل السطر الأخير من حديثه -بعد أكثر من ساعة- نهض وهو يردد في حزم: (مع السلامة).. والعبارة تعني.. لا أسئلة في السياسة ولا حتى مجرد (ونسة).. زيارة د. الطيب إبراهيم حالت دون مشاركتي في المؤتمر الصحفي الذي عقده والي الخرطوم د. عبد الرحمن الخضر في مكتبه.. لإعلان قرارات اقتصادية مهمة.. قرأت بعد ذلك القرارات من محضر الخبر الذي حملته إلينا مندوبة الصحفية “مزدلفة دكام”.. التي حضرت المؤتمر الصحفي.. في اليوم التالي دهشت للغاية من مانشيت رئيسي في الزميلة (ألوان) منسوب لوالي الخرطوم يقول: (الماعندو قدرة المعيشة في الخرطوم.. يمشي الولايات) أو هكذا لأني أكتبه من الذاكرة.. الخبر صادم للغاية.. شحذت قلمي للرد على الوالي.. لكني آثرت أن أستوثق أكثر.. فسألت مندوبة الصحيفة عن حقيقة تصريح الوالي.. فوجئت برواية مختلفة للغاية.. قالت مندوبتنا إن الوالي كان يروي حكاية قديمة خلال زيارته لمخطط سكن شعبي في أطراف الخرطوم.. فطالبه سكان الحي أن يمنحهم قطع أرض مجاناً.. رد عليهم الوالي بأن الخرطوم لا تحتمل منح قطع أرض مجاناً.. والذي لا يستطيع امتلاك قطعة أرض في الخرطوم.. قد يستطيع امتلاكها في الولايات.. لأنها أقل سعراً هناك.. المانشيت الذي ظهر في الزميلة ألوان منح الإحساس بأن الوالي يقصد بأن الذي لا يستطيع العيش في الخرطوم.. أي تحمل تكاليف المعيشة اليومية فعليه الرحيل للولايات.. وبديهي ألاّ يكون ذلك المقصود في حديثه.. لأن الخرطوم أرخص من الولايات في كل شيء عدا الأراضي.. من المؤكد أن والي الخرطوم لحقه أذى جسيم من نشر الحديث بتلك الصورة.. ويزيد ذلك الأذى أنه عندما روى القصة نبه الحضور أنها (Off Record) أي ليست للنشر.. والقاعدة الصحفية أن مصدر المعلومات هو الذي يفيد طريقة وأسلوب نشرها.. فمن حق مصدر المعلومات مثلاً.. أن يطلب حجب اسمه (Do not quote me) وهنا يظهر الخبر متبوعاً بعبارة (صرح مصدر فضل حجب اسمه).. أو أن يطلب عدم نشر المعلومة بالكامل والاستفادة منها في التحليل فقط.. تقديري الخاص.. وأقولها بكل صراحة أن والي الخرطوم دفع ثمناً باهظاً لخطأ لم يرتكبه.. فالعبارة انتشرت بين مجالس الناس ونجحت في تكوين رأي عام مصدوم ومستفز بها إلى أقصى درجة.. ومع ذلك.. صدقوني المشكلة ليست في الغبن الذي وقع على الوالي.. بل في الحاجة الملحة لإعادة تقييم الطريقة التي تتعامل بها الحكومة مع الإعلام.. ترفيع الإحساس بالإعلام وتنمية الخطاب الرسمي وتطويره بالصورة التي لا تجعله يطلق نيراناً صديقة.. ففي تقديري أن الحكومة عموماً تعتبر الإعلام مجرد كلام والسلام.. لا يتطلب تخطيطاً أو خبراء.. ومن هنا دائماً تأتي الكوارث.. سأشرح الفكرة في مقال كامل غداً بإذن الله..
التيار
ياخي أمشي شوف ليك موبايلات صلحها
ومين قالك الولايات ارخص! جبت الكلام ده من وين! رجعت للكشك تاني! وبعدين ده والي ولا مستشار اراضي! الظاهر الزول ده صحبك شديد!
جزاك الله خيرا يا هذا برفعك الغبن عن الوالى المسكين فمن يرفع الغبن عن الشعب
بالمناسبة يا عثمان بيه حصل شنو في موضوع الظروف الماشي تفتح بيها بلاغات
كلام مسئول منه امام الله
انا سمعت تصريح ود الخضر قبل ما يطلع في الوان واستفزاني جدا ااااااااااااااجداااااا
في نشرة الشروق الساعة 9 مساءا
أها يا انت كذااااااااااااب
يا مندوبتكم كذااااااااابة
ورينا الكذاب فيكم منو
بس لثقة فيك افتكر بتك هي (كسارة ثلج)
الطيب سيخة دا عمل الماجستير متين و بعدين دكتوراه في شنو . المعروف أن الطيب سيخة طبيب بشري و لا غير لي حاجة تانيها بعدم غيروا ليه مخه.
والله حيرنا دفاعك المبطن وواضح عن الانقاذ
بيقول ركيب سرجين وقيع ومساك دربين ضهيب
فدحين امسك درب واضح يا عثمان
…….. غايتو اكتر كاتب ينال على راسه فى الراكوبة
انت
اهبش راسك يا ود ميرغنى
فيهو كم فلقة
……….. انا لله ياخى منك
ظهرت على حقيقتك يا عثمان ؟؟
و لا صحي الوالي دا ما صاحبك
كان نسيت بزكرك
ما دا الوالي الذي لا يظلم عنده احــــــــــــــــد
و الـــــمـــــــــــا رجــــــــــــع للزول كشــــــــــــــكو
و اولادو الطـــــــــــــــشو
و بكره ما ح تكتب حاجة عن الموضوع دا
و اتحـــــــــــــــــــــداك
سؤال يا صاحب ود الخدر هذا الخبر له اكثر من ثلاثة ايام لماذا لم تكذبه دا اذا كنت بتكلم عن لسان حال المكتب التنفيذى للوالى والسؤال التانى لماذا لم يكذب الخبر المكتب الاعلامى للوالى ولماذا لم يكذبه بقية زملائك ممثلى الصحف الاخرى والله العظيم حيرتنا عديل يا ود ميرغنى تفلق وتداوى ماسك العصاية من النص وبرضو دا ما بحلك ارجى الراجيك
ود ميرغني والله انت والوالي بتاعك وحكومتك دي ربنا يسالكم في حق الشعب المسكين ده (تبت يداك يامنفعجي يابتاع المصالح)
سيان الامر يا عثمات ….قالها لنازحين او ناس سكن شعبى……المهم قالها وتانى رددها…….وبعدين تعال………انت الوالى دا قصتك معاه شنو؟؟؟؟؟؟والله شككتنا عديل كدة!!!!!استغفر الله استغفرالله…………….الوالى خليهو يدافع عن نفسه بنفسه………امشى شوف بلاغك فى بتاع الدلوكة وبرىء نفسك من تهمة استلام الاموال التى الصقها بك قبل ان يلصق بك تهمة اشد بشاعة
بعد ما قلنا الراجل اعتدل وتوازن "حليمة رجعت لي قديمة "
ما يهدف اليه المقال مدفوع الاتعاب .:mad:
الغريب ان وزير الثقافة الولائي اعترف بمقولة الوالي ولكن ذكر انها فهمت خطأ
وانت نفسك قلت ان الوا لي قالها ولكن ليس للنشر اى تناقض هذا يا ( عثمان شخيت )
اعترف بعدم مهنيتك لتفويت حضور مؤتمر صحفى مهم للوالي وايكال المهمة لصحفية ربما تكون قليلة التجربة وبارك لصحيفة الوان المقدرة علي صنع الاخبار
واخيرا نطلب منك ان تعتذر للقراء وان تطالب الوالي ( الذي لايظلم عنده احد ) ايضا بالاعتذار
بمناسبة السفاح الطيب سيخة…سمعنا أشاعة أنو طاشي شبكة …. ممكن تشرح لينا موضوع الدكتوراة بتاعتو !!!!! بعدين نورنا ينورك الله بلاغك ضد الطيب مصطفي وصل وين ؟؟؟؟ ما تقول لينا الأجاويد الأفاضل جو بالليل بالكروزر المكندش وعلى رأسهم الوالي الذي لايظلم في بابه أحد !!!!!!! ;( ;( ;(
والله انا سمعتها باذني الماقدر يعيش في الخرطوم يرحل
عزيزي عثمان ميرغني
اتمني صادقا قيامك بزيارة منزل الزميل سمير بلال في امبدة لتقديم واجب العزاء لبناته المكلومات بفقده والمفجوعات بالظلم الذي حل بوالدهم وفصله من الخدمة رغم حصوله علي ارفع الدرجات العلمية في الاقتصاد الزراعي ورغم اسهاماته الكبيرة والمعتبرة في تدريب الخريجين الجدد وتركة لاصدارات رفيعة عن مشكل الزراعة في السودان وتجسيده لقيم عطاء رفيعة
لكن اصحابك ياعثمان حبسوه في بيوت اشباحهم وطردوه من الخدمة في ريعان شبابه ومات
فقيرا معدما لايجد حتي حبوب الاولين لمعالجة مرض السكري
وبعدين تعال ياعثمان وحدثني عن سيحة وود الخضر رغم احترامي لعلاقة الزمالة التي ربطتني بهم كزميل دراسة غير مسيس في جامعة الخرطوم
طالب اولا برفع الغبن ورد الاعتبار للراحل سمير بلال عليه الرحمة
لكن لقيتك منافق وجبان
كل رواية ذكرت عنك صحيحه
لى صديق يعمل فى تجارة القطن فى خور ابو حبل كان لديهم مشكله مع الوالى
وذكر انهم المزارعين وضعوا مبلغ من المال وتم تسليمه لصاحب العمود ودافع دفاع مستميت حتى حلوا المشكلله
يعنى اعمدتك كلها اسكراتشات مدفوعة القيم
كم دفع لك صاحبك
مسكين الشعب كل من يقولوا ده موسى يطلع فرعون
:mad: :mad: :mad: :mad:
يادجال ..الوالي ده مش عندو مستشار صحفي ؟؟ .. خليهو يمشي صحيفة ألوان ويطلب منها كتابة مانشيت بنفس حجم الحروف تكذب الخبر ..أو يفتح بلاغ إشانة سمعة ..إنت مالك حشرك شنو ؟؟؟؟؟؟؟؟؟؟أخخخخخخخخخخخخخخخخخخخخخخخخخخخخخخ
""أمعن في الحديث بصورة متصلة لا فراغات فيها (ولا حتى شولة) عن موضوع رسالته للدكتوراة التي ستناقش قريباً.. وعندما وصل السطر الأخير من حديثه -بعد أكثر من ساعة- نهض وهو يردد في حزم: (مع السلامة)..
اهو كده انت اكدت انو سيخة فكت منو 100%
مالك ومال الوالى يا باشمهندس ولماذا تندفع بالدفاع عنه وتقوله ما قال ومالم يقل أترك الكلام للوالى واذا هو لم يقل هذا الكلام لماذا لا ينفيه شخصيا ويقطع بذلك قول كل شخص نقل عنه الكلام فنرجو منك الابتعاد عن هذه الاقاويل وهذه الرواشــة وخليك فى موضوعك المهم ثانيا ياخى سيخة دا قالوا صواميلو حلجت وبقى فى عزلة من الناس وظهرت عليه اثار الظلم والعذاب الذى مارسه ضــد المواطنين ايام الانقاذ الاولى نرجوك كلمنا عنه بالتفصيل وانشاءالله ظلم العباد دا فعلا يكون ظهر فى صحته واخلاقه . يمهــل ولا يهمــل ايها المنافقيـــن .
( بت ابوها ) احدى المعلقات اعتزلت القراءة لك ، والسبب وضح تذبذب مواقفك . وتحوّلك بسرعة من جانب لاخر بدون حتى اشارة ، وكدا حتعمل حادث يا استاذ . بل وسوف تُتّهم فى ذمتك . اذا لم تتهم فى عدم ثباتك ولا اقول تادبا رجولتك . فاذا لم تكن قادرا ومقتنعا بالموضوع حتكتبه ليـــــــــــــــــــــــــــــــــــــه !؟ وعشقك للوالى بقى مكشــــــــــــــــــــــــــــــــــوف . يا ريت يعينك على ( راجل ) الانتباهة والرجال مواقف .
فى الحقيقة المعلقين ليهم حق ياعثمان الرجل يملك مكتب اعلامى قدر صحيفتك الشلاقة ليك شنو ولا اظنك يوم تبوظة ويوم تصلح حكمة والله وحكاية
ارجو من الساده المعلقين إعتماد اوراق عثمان ميرغنى (كمصحح رسمى لاخطاء جلاوزة النظام) بدرجة كبير منافقين!!والرجل حريص على إبراز نفسه كشخصية هامة ،وأنه محور إهتمام الشخصيات الهامة حسب إعتقاده ،ولا اريد أن أعلق على موضوعه وخاصة أن افراد فيلق الراكوبة لم يقصروا معه!!وقاموا بالواجب وأكتر،ولكنى قررت الاضراب عن الطعام لحين معرفة سر الزيارة الغامضة التى قام بها الطيب سيخه لمكتب عثمان ميرغنى !!ويبدو أن ابو عفان متشوق (لعلقة ساخنه) او ربما إنتهاك عرض من رجال آمن النظام وخاصة انه سجل على نفسه سابقة لم يسبقه عليه احد بمهاجمته لاحد افراد العائلة المالكة واحد المرشحين القويين فى حال غياب المشير00ولا أدرى إذا كان (الخال الرئاسى او أحد حواريه بيفكر فى الانا بفكر فيه ؟!!) تبقى مصيبة 00فمثلا أنا لا أستطيع ان اتخيل أن ارى الطيب سيخه يقود إنفلابا ويسعى لكسب الدعم من أمثال ابو عفان وزعيط ومعيط وخاصة ان البلد ما عاد يحتمل وجود طيب سيخة آخر لفتره أخرى0
دكتوراه فى بنت لبون ام فى انقطاع دم الحيض والنفاس
ومادا يستفيد الشعب السودانى من دكتوراه الطيب سيخة
بالتاكيد انها ليست فى مجاله وهو الطب وشبع نسيانا فيه ولن يقدر على ممارسته
فمن يعمل على ازهاق الارواح لن يقدر ان يعمل على احيائها
سئمنا وشبعنا من رسائل الدكتوراه فى زمن المشروع الحضارى وكلها لم تحل ضائقة اقتصادية او تحقق امنا
اما الوالى فكما قال كبيرهم فقلبه ابدا من لسانه
يا عثمان افندى ……….و الله الليله بقيت محامى لصاحبك الوالى ود الخدر ….الما بنظلم عندو احد ……و…..المارجع للزول الما انتحر…… كشكو…… و…… اولادو الطشو ( مع الاعتذار للاخوة القراء لانو الجمله دى بقت متلازمه لكلمة صاحبك الوالى ود الخدر الخ …)و محامى ايه يا بتاع ……..انت طلعت محامى أى كلام و فاشل …..الله يزلك اكتر من كده و بالتأكيييييد كل القراء عرفوا انك قابض !!!!! بامارة ايه ؟؟؟ تتذكر برضو المؤتمر الصحفى للوالى فى مكتبو لما كان عايز يشرح المخطط الجديد لولاية الخرطوم و لما انت قلت رأى لم يعجبو رد عليك بعنف و قسوة امام زملاءك و قال ليك ( شنو حكايتك يا عثمان مش انت فى اللجنه الوضعت المخطط ده و كنت انا بديكم حقكم و انت بالذات كنت بديك زياده كلما تعوز ؟؟؟) …………أرجوك ارجع لاحد تعليقاتى على كلامك النفاقى لصاحبك………………………… وهى………..
يا عثمان افندى …..إتقى الله……خاف الله …..اداك الفرصه تكون شئ لكن للاسف بقيت لا شئ!!!
انا كم مرة قلت ليك و الله العظيم انت ما بتنفع تكتب فى الجرايد لكنك و بجهالة كثيفه تكتب ترهات مؤلمة للقراء….. و المشكلة انو ناس الانقاذ الطرش ديل جابوك تطبل ليهم لكن شوف إنك جايب ليهم المذمة…. حتى صاحبك الوالى ود الخدر الما بنظلم عندو احد انت جبت ليهو الهوا…… أكيد قريت تعليقات كل القراء لمقالك السابق و المقاله دى ………..الجميع زى المتفقين و ضد مقالاتك السمجه دى و افتكر لو انت شخص واعى و سوى و فى حاله طبيعيه كان فى إنشا الله واحد ايّدك فى أفكارك….. يا عثمان نصيحتى ليك تمشى تقابل طبيب نفسانى يساعدك تستعيد توازنك قبل فوات الاوان…….
بسم الله الرحمن الرحيم
عثمان مرغنى
اسفى عليك
بقيت ملطشه …
شكلك بقى باااااايخ جدآ … وسلم لى على الوالى وقول ليهو
خلاص الشعب قنع منكم ومن الخرطوم وطاشين طشه جماعيه .. بس ما زى
حقت اولاد صاحب الكشك .. وافهما انت بمعرفتك
ايه ده ياكوز كلمات بالتنجليزي اوف ريكورد و دونت كوت مي ما اصلها هي واضحة باالعربي يعني دي كمان فلسفة كوزانية؟ خليك علي قدر حالك في كتاب عمالقه عندهم شهادات عظيمه في اللغة الانجليزية وعندما يكتبوا بالعربي ما بيدخلوا كلمة واحدة بالتنجليزي علي العموم انا محتار فيكم يا كيزان حسين خوجلي يسب ويلعن في الوالي وانت تحاول الدفاع عنه واضح انها مصالح شخصية ليس للشعب ناقة فيهاولا جمل>الكلمه دي بالذات ممكن تترجمهابالتنجليزي<
اولا يا سيد /عثمان ميرغني …. فيما يخص مصدر الخبر من ناحية ظهور اسمه او إخفاءه او ظهور
المعلومة في الوقت الحالي او حجبها من النشر , هذه الجزئية لا تنطبق على صاحبك (ودالخضر) !!!!!!!
لانه ببساطة قام بدعوة الصحفيين لمؤتمر صحفي (وهذا بشهادتك انت) !!!!! والمؤتمر الصحفي كما هو
معروف كله واجب النشر ( صاحبه ومكانه وزمانه ومايرد فيه من معلومات ) ؟؟؟؟؟
بالمناسبة … زكرتني صاحبك الاخر ( بابكر حنين ) ؟؟؟؟؟؟ !!!!
حين قام بسؤال الاستاذ المحترم جدا السيد /محمد ابراهيم نقد (مرشح الحزب الشيوعي السوداني) لرئاسة
الجمهورية .. عن رأيه بصراحة عن من سيفوز في الانتخابات الرئاسية ؟؟؟؟؟؟
فاجاب السيد نفد : بان السيد/عمر البشير سيفوز ومن الجولة الاولى !!! لان كل الامكانيات مسخرة له
سوا كانت امكانيات حزبه او امكانيات الدولة ذات نفسها !!!!!!!!!!!!!!!!!!!!!!!!!!!!!!!!!!!!!!!!!!!!!!!!
(كل هذا الكلام دار في إطار دردشة قبل بداية منبر سونا )
ثم ياتي صاحبك ( بابكر حنين ) اثناء بث الحلقة على الهواء ويقول للسيد / نقد : انت قلت بعضمة لسانك
أن الرئيس / عمر البشير سيفوز برئاسة الجمهورية !!!! فلماذا تشارك في السباق الرئاسي ؟؟؟؟؟؟
فبالله عليك ياسيد / عثمان .. ايهما غير القابل للنشر ؟ حديث السيد / نقد خارج المنبر ؟؟؟؟؟؟؟؟؟؟؟؟؟؟؟؟
ام حديث صاحبك الوالي داخل مؤتمره الصحفي ؟؟؟؟؟؟؟؟؟؟؟؟؟؟؟!!!!!!!!!!!!!!!!.