تظاهرة في كندا من أجل المعتقلات والمعتقلين

ياخوانا انتو وصلتو لحدي كندا ..دايرين بالسودان دا شنو تاني؟ اتجدعو وابنو مستقبلكم وانسو السودان الدوله الفاشله الما قدمت ليكم ايي حاجه في اي يوم من الايام ..لا قبل الكيزان ولا خلال وجود الكيزان …و حتي بعد ما يغورو الكيزان برضو ما حتقدم ليكم حاجه!!

الوطن ليس بالضروره المكان الذي ولدت فيهو او المكان الاتولد فيهو ابوك او ولدت فيهو امك….الوطن هو اي مكان يوفر ليك الامان والعيشه بكرامه و يعطيك حقوق كمواطن و تقدر تبني فيهو مستقبل.

لو كان الواحد بقدر يختار يتولد وين انا متاكد ما كان في ايي واحد من ال40 مليون سوداني اختار السودان..ولا حتي البشير و عبد الرحيم و الترابي والمهدي….

انسو السودان ..العمر قصير و مافي زمن نضيعو في الدول المتخلفه دي…

مخطأ من يظن بأن السودانيين فى دول الشتات قد استمرؤ الحيات بعيدآ عن هموم ومشاكل السودان, نحن ننوم ونصحى على المأساة التى تطاولت منذ حدوث الانقلاب الأسود قبل ربع قرن من الزمان.
إن الأوطان لا تحدها حدود جغرافية لكنها تعيش فى وجدان الأنسان, نحن لا نرجو جزاء من أحد ولا شكرا.
ونحن وأن كنا من مواطنين كندا هذا البلد العظيم وإن ابنائنا قد شبو فى هذا البلد وتعلموا وتقلدوا من المناصب المرموقة ماكانت لتتوفر لهم فى السودان الا أن جذورهم نبتت فى اطيب تربة كانت تسمى السودان.
سوف نخرج فى الموكب تضامنآ مع ابنائنا واخواننا داخل القطر الممسكين على جمر القضية فى الداخل وهم باذن الله منتصرون.
عاش السودان حرآ سليمآ والهزيمة لقوى الظلام.
أبوأحمد