قصة عصيان

بسم الله الرحمن الرحيم

( 1 )
القصة ما دفتر حضور أو إنصراف
القصة فكرة عريضة حولها إلتفاف
وقناعة راسخة ..تشابك ايدي وإصطفاف
وشباب صحا..وتنادى حي على الفلاح..
لفتوا الشوارع والضفاف
خاصم عناوين الخنوع..ودع محطات الدموع…
تاوق بعيد ..زرع الأمل..بالثورة واصل للقطاف
واثق أكيد .. من كل خيار.. لا رجفة لا يوماً بخاف

( 2)
بي شير ولايك هز اركان النظام
بطلوعو لايف..يومي برفع في التمام
لى شعب عارف معدن الذهب الرغام
لا قال ده مين ؟..لا شك فيهو ولا اتهام
يكفيهو منو الفكرة والعزم الحديد والالتزام
اتلاشت الالوان .. بقت لون الغد المشرق دوام
حيوا معي هذا الشباب.. ولدنا.. يا هذا الهمام
يوم بكرة ليك.. والعهد ليك.. باكر في ايديك الزمام
(3 )
يا ايها الوطن المجرح في الفؤاد
يا راسفاً في قيد وظلم واضطهاد
من زيف جماعات الظلام ..الجاثمين فوق العباد
المرتشين ..متمكنين .. والوالغين في كل فساد
افتح ذراعيك للشموس .. وزع نشيدك في البلاد
حالفين شبابك يا وطن.. سيلم حيهدر في الميعاد
اتلملموا الناس النضاف.. عصيان ..ووقفة ..
مقاطعة.. سلمية .. وبيها حينالوا المراد

معمر حسن محمد نور
30/12/2016
[email][email protected][/email]