المتهمون في قضية فساد وزارة العمل يفجِّرون مفاجآت
الخرطوم: فوزية ضحية
فجر المتهمون في قضية التجاوزات المالية بوزارة العمل أمس عند استجوابهم بواسطة محكمة المال العام، فجروا تفاصيل خطيرة في القضية، وأنكروا تماماً أقوالهم المدونة في يومية التحري والاعتراف القضائي، وقالوا إنها «محرَّفة»، وكشف المتهم الأول هاشم ميرغني مدير الموارد البشرية بالوزارة، عن وجود خلافات بينه ووزيرة العمل السابقة إشراقة سيد، وأشار إلى رفض الوزيرة ووزير الدولة أحمد كرمنو، طلب وزير المالية السابق علي محمود بشأن إخلاء مكاتبهم ببرج الاتصالات نسبة لإيجارها الباهظ الثمن والذي يصل إلى نحو «6» مليارات جنيه في الشهر. ولفت إلى أن الحوافز التي صرفها، حوافز متراكمة تم تأجيل صرفها لعدم وجود سيولة بالوزارة، وأنه أخذ «21» حافزاً لسبعة أشهر.موضحاً تضرره من وزيرة العمل لإشانتها سمعته والتشهير به، بجانب فتحها بلاغاً سابقاً في مواجهته لدى نيابه المال العام، وتم شطبه لعدم كفاية الأدلة، وأضاف قائلاً: «وزيرة العمل فصلتني وقالت لي بي علاقاتي حأخليكم لافين صينية من محكمة لي محكمة». وأكد المتهم الثاني مدير عام الشؤون المالية والإدارية بالوزارة صديق جمعة، وجود خلافات بين وزارتي المالية والعمل، وأخرى بينه وبعض الوزراء، وأنه قام برفع إيرادات الوزارة من مليار إلى «60» ملياراً، وتم تحفيزه بمبلغ «80» ألف جنيه، مبيناً أنه تم استجوابه كشاهد اتهام في القضية، وأنه ليست له علاقة بوكالة الوفاق. بينما كشف المتهم الثالث آدم حمد وجود تشوهات بملفات العاملين بوزارة العمل لمخالفتها للقانون، ولفت إلى أن إدارة الاستخدام الخارجي بالوزارة عبارة عن أسواق، كما أن الخلافات بين وكيل وزارة العمل السابق ووزارة المالية نتج عنها طرد موظفي المالية من وزارة العمل، كما أنه قام بإيقاف وكالة الوفاق التابعة لوزارة العمل وسحب الرخصة منها لمخالفتها القانون.
الانتباهة
كلنا لصوص يا صاحبى
ايجار المكتب قلت كم ؟ 6 شنو ..؟ يا مفترية يا إشراقة زغاريد سمحة انت وسمح كرمنو 6 مليار فى الشهر ونحن جعانين وخفايا وعربيا يا تربية الجوع الله يكسر ظهرك وظهر كرمنوا شخصيا ميالة لصديق كلام المتهم ده إشراقة دى ما بتغسل دى بتزغرد للمجرمين وكمان وسط الرجال
كلهم حرامية … تحاسبوا منو وتخلوا منو … من هاشم ميرغني لي إشراقة ولغاية أحمد كُر منِّو!
يا أخوانا منه كثير ، لم يتم موعد الحساب ، حاولوا لم الشمل أولاً وبعدين نبحث في من سطى على أموال الشعب ونبحث عن محاسبته كل شئ موجود ومحسوب والناس جمعوا الأدلة ومنتظرين لحظة الوفاق أولاً في لم الشمل ومن ثم ننطلق .
حوافز ثمانين مليون جنيه لشخص واحد فقط ترى كم مثل هذا الشخص في الوزارات الاخرى بينما يفترش تلاميذ المدارس الارض ويموت الآلاف من اجل جرعة علاج يأتي مثل الدعي و يقول انه استحق ذلك بالرغم من هذا هو واجبه الذي عين من اجله.
انتوا الحكاية شنوا كل مسئول ماسك ليهو فضيحة للمشئول الأكبر منو … تفجير مفاجئات ساى بتاع مكتبر الوالي حق الأراضي قتل قبل ما يفجر كذالك بتاع شركة الاقطان
قال 21 حافز في 7 اشهر يعني في الشهر الواحد بياخد 3 حوافز ،، دي كيف دي
هذا ما يسمى بالنصب الطبقي الموظف الصغير شايف المسئول الأكبر منو حرامي لذلك هو سوف يسرق وكبير اللصوص لن يحاسبه
كل قضية فساد فى وزارة أو أى مرفق حكومى تؤكد لنا مدى سفاهةونزالة من تولى أمر السودان …لك الله ياوطن..
سؤال ياجماعة مكاتب ناس إشراقة وكرمنو دى مِؤجرة بى 6 مليار فى الشهر… فى الخرطوم المدينة المليانة قمامة دى!!!! ولا فى منهاتن؟؟؟….
ايجار شهرين يبني برج في الخرطوم … مال السحت حمانا الله وحق الشعب السوداني ده صعب وبظهر في الدنيا قبل الاخره لو يعلمون
لك الله ياسودان من اين اتى هؤلاء
6 مليون بالجديد و6 مليار بالقديم برضه مبلغ خرافى لايجار مكاتب فى شهر واحد وكان ممكن يحل مشاكل كتيرة مثلا وجبات مجانية للطلبة كتب مقاعد ادوية الخ الخ وناس اشراقة ممكن يقعدوا فى مكاتب عادية او حتى كونتينرات مكيفة كمان يبدو ان ناس الانقاذ ما شغالين بالمواطن شغلة!!!!
فى الدستور الامريكى او وثيقة الاستقلال المهم مذكور انه لابد من تقليص الحكومة اما عندنا هنا فتكبير الحكومة وهى اصلا ما بتعمل حاجة للمواطن من تعليم اساسى وصحة اساسية بالمجان هى الحاجة الحاصلة!!
عرفتوا ليه انه الدول الديمقراطية والخواجات متطورين ونحنا هنا عندك حلقوم كبير واجهزة امن تبطش بمعارضيك وانت مرتاح فى معيشتك ومن كله المواطن ما مهم!!!
كسرة:انتو القروش البتتمتع بيها الحكومة والدستوريين والوزراء وكل هذه الهلمة جايبنها من بيوت اماتهم او آبائهم ولا من قروش الدولة والمواطن وبعد ده كله يزدروا ويقلوا ادبهم على المواطن واصلا وكلو كلو ما يختشوا وهم ما يسوو جزمة قديمة ولا زول يراقبهم او ينتقدهم او حتى يسأل عن قروشه وضرايبه البيدفعها بتمشى وين الخ الخ مفروض مافى ديمقراطية وتمثيل حقيقى للمواطن مفروض مافى زول يدفع اى ضريبة او جباية هذا فى الدول المحترمة وليس فى الدول التى تحكم بالعواليق !!!
معقولة إيجار مكاتب بي 6 مليار.يا ترى المشروع الحضاري المقصود بيهوا مشروع تدمير السودان ولاشنو ولي صالح منو ؟
نحن البقينا لافين صينيه وما فاهمين حاجه – مين الظالم ومين المظلوم – غايتو جنس غايتو
نحن البقينا لافين صينيه وما فاهمين حاجه – مين الظالم ومين المظلوم – غايتو جنس غايتو