طالب مزارعو الحدود الشرقية بالقضارف الدولة بحماية اراضيهم من هجمات المليشيات والمزارعين الاثيوبيين .
ودعا المزارع مصعب محمد صالح احد مزارعي الشريط الحدودي مع اثيوبيا ، الى ضرورة تسليح المزارعين علي الشريط الحدودي لحماية اراضيهم .
وكشف مصعب خلال لقاء والي القضارف مع مزارعي ولاية القضارف حول تحديات الموسم الزراعي اليوم عن تحركات اثيوبية علي الشريط الحدودي بأكثر من (200) تراكتور زراعي تقوم توزيع الاراضي السودانية بمناطق ام ديسا وسندس بالفشقة الصغري للمزارعين الاثيوبيين.
ونادي ديوان الزكاة بتخصيص جعل من جباية المزارعين التي تبلغ (18) تريليون لدعم الاجهزة الامنية علي الشريط الحدودي لحماية المزارعين واكد قدرة المزارعين علي حماية اراضيهم.
طيب والشاويش القال حررالفشقة دا كلو كان كضب ساي؟
وييييين الجيش؟؟؟
قلنا ليهم الحبش بيدحلبوا ويقول ليك زيارة لمسؤلين من اقليم امهرا لمدينة القضارف لبحث سبل التعاون وما عارف شنو ديل بيعلموا جس نبض وشغل تجسس عشان عايزين يجو يغزو الفشقة قلنا استعدوا وسلحوا قبايل الحدود تدافع عن الارض ومحاصيلهم الحبش ما حينقرعوا من الفشقة لانهم عندهم اعتقادجازم انها ارضهم وما مفروض يتنازلوا عنها فما قدام الجيش الا يملا ضراعو ويستعين بتسليح كل الاهالي في منطقة الفشقة ليدعموا الجيش وما يكونوا لقمة سائغة لميليشات الحبش يظهروا يملوهم جبخانه لامن الجيش يحصلهم والا قولوا وداعا لمنطقة الفشقة للابد
اين الحقيقه ؟ ودا كلام شنو ….حررنا الفشقه ولا ما حررناها
و الله الحبش ديل دايرين البل !! معقول العواليق ديل يدخلو و شنو موقفك يا برهان و يا حميدتى
الحبش ديل دايرين البل !! شنو موقفك يا برهان و حميدتى ،، في الحبش العواليق يدخلو يسمسرو و يبيعو ما لا يملكون
بكل قوة قوة أديس جوة