بكري حسن صالح : رفع العقوبات زاد من العوائق الاقتصادية
قضى مسؤول رفيع في الحكومة السودانية، يوم الاربعاء، على الآمال الشعبية بتحسن حالة الاقتصاد عقب رفع العقوبات الامريكية، بقوله إن رفع العقوبات زاد من العوائق الاقتصادية.
وقال النائب الاول للبشير، رئيس الوزراء القومي، بكري حسن صالح، أمام البرلمان، إن رفع العقوبات زاد العوائق ولم يفرش لنا بساط احمر لمرور الاقتصاد، لوجود ديون على البلاد وعدم رفع اسم السودان من قائمة الدول الراعية للإرهاب.
وفشلت الحكومة السودانية في استثمار القرار الامريكي الأخير لرفع قيمة الجنيه السوداني مقابل الدولار، وبعد تحسن جزئي عاد الدولار ليصل في اسعار التداول لقرابة 22 جنيهاً سودانياً.
واقر صالح بفشل المشروعات الاقتصادية خلال الفترة السابقة، وقال بوجود حاجة ماسة لاستحداث مدرسة جديدة قادرة على احداث استقرار اقتصادي.
لكنه لم يعلن ما اذا كانت حكومته على استعداد لابعاد الطاقم الاقتصادي الذي تسبب في الازمة.
وعقب خسارة الخرطوم لثلثي انتاجها النفطي بانفصال الجنوب في العام 2011 اطلقت الحكومة خططاً لتدارك الاقتصاد شملت رفع الدعم عن سلع رئيسة، ولكن بعد خمس سنوات فإنه لا نتيجة تذكر بخلاف تدهور الحالة المعيشية للسودانيين.
وتوعدت الحكومة برفع كافة حزم الدعم في موازنة العام 2018 وتوجيه جلّ مبالغ الميزانية لقطاع الأمن والدفاع.
وزراءنا سمان و مترهلين ومن الكراسي الوثيره تغلبم القومه حصل سمعتم ان وزير الماليه فارق كندشه مكتبه لتفقد سوق خضار او أي مرقف في مجال اختصاصه؟ سيطول انتظاركم
وزراءنا سمان و مترهلين ومن الكراسي الوثيره تغلبم القومه حصل سمعتم ان وزير الماليه فارق كندشه مكتبه لتفقد سوق خضار او أي مرقف في مجال اختصاصه؟ سيطول انتظاركم
قطعت جهيزة قول كل خطيب!يعنى هل سعد باشا كان محق..لمّا قالها.. مافى فايده!
*اذا سيادة النائب الاول ورئيس الوزرا قال..خلاص مسلسل العقوبات انتهى..ليه الشعب السودانى قاعد صاحى.. ! موش خلاص يقوم ينوم! لحد ما يبدا المسلسل التانى ..الديون الباهظه وبقاء اسم السودا على قائمة الدول الراعيه للارهاب! ودا يبدو انه مسلسل طويييييل! لا بد ليه من مروقات! برفع كافة حزم الدعم وشد الاحزمه .. 2020 هى الحل! مافى حل غيرها! وبلّه الغائب يكون فى حِل! موش هو قالها من الاول تصفرج على 31! تصفرج دى طبعن قصد بيها بداية جديده!
يعني ياريت لو ما رفعوا العقوبات ولا شنو ؟؟؟؟؟؟؟؟
أنا ما فاهم.
رفع العقوبات زاد العوائق الاقتصادية كيف يا رئيس الوزراء ولا أنت بتقول كده لأنك شارب ليك سيجارة حمراء كاربة ؟؟؟
يا أخوانا شوفوا لينا حل مع البنقو المنتشر في البلد دي.
بالغت يا بكوري.
والله الواحد لو بلبع كل المخدرات الفي الحاوية المهربة ديك ما يقول جنس كلامك ده.
كيف يحل الأمن اقتصاديا فهل فشلت العقول ومن المتعنت ومن هو السبب في هذه الحروب والفساد إذا لم تذهب هذه العقول الفاشله كلها فليس هناك حل جذري والمشكله واضحه يعرفها خمار بخيت قبل غنماية بخيته اذهبوا غير مأسوف عليكم
فشلت الحكومة في: –
1. رفع قيمة الجنيه السوداني مقابل الدولار
2. المشروعات الاقتصادية خلال الفترة السابقة
3. حكومته على استعداد لابعاد الطاقم الاقتصادي الذي تسبب في الأزمة واستبدالها بمدرسة جديدة قادرة على إحداث استقرار اقتصادي
4. تدهور الحالة المعيشية للسودانيين
5. وجود ديون على البلاد
كما تقرر رفع كافة حزم الدعم في موازنة العام 2018 وتوجيه جلّ مبالغ الميزانية لقطاع الأمن والدفاع بدلا من الفقراء والمساكين والمضطهدين
السؤال
الا يجب على الحكومة ان تستقيل ام ماذا
جابها ليكم من الآخر كده. يعني يا جماعة ما تصنو اضنينا برفع العقوبات أصلا هي لم تكن السبب في فشلنا نحن أصلا فاشلين ولو رفعوا عن كل العقوبات سنظل فاشلين لأن شعارنا الفساد والتمكين وما بنقدر نعيش برا الموية (اقصد برا السلطة) أقصد السلطة اقصد سلطة البصل والنبق والعواسة.
(وتوعدت الحكومة برفع كافة حزم الدعم في موازنة العام 2018 وتوجيه جلّ مبالغ الميزانية لقطاع الأمن والدفاع)
لا حول ولاقوة إلا بالله العلي العظيم أيها السوداني المسكين الفقير أنت مذبوح أصلا لكن ما تبقى للحكومة هو التمثيل بجثتك
بقوله إن رفع العقوبات زاد من العوائق الاقتصادية.
العوائق الإقتصادية سببها الذين تسببوا فى الحصار والحظر ووضع السودان فى قائمة الدول الراعية للإرهاب وفى سبيل الإبقاء على العوائق لديهم استعداد بقطع العلاقات مع امريكا مرة اخرى
وامريكا لديها الإستعداد للتعاون لأقصى درجة ولكن العوائق الحقيقية كامنة فى عقلية النظام واعوانه الداخليين
كما هو متوفع ,,,, النغمة الجديدة خلاص طلعت وهي وجود ديون علي السودان ووجود سم السودان ضمن الدول الراعية للارهاب.
ح يلوكو النغمة دي تاني الي ان يأذن الله …
هو بقصد ما كفايه يرفعو العقوبات مفروض يدونا قروش كتيره و يجو يصلحو البلد وبعدين يدونا ليها جاهزه وبارده ولا مافي فايده
دا كلام غريب وخطير با بكري صالح ، الطاقم الاقتصادي فاشل والحكومة أيضا فاشلة ومن يتولون دفة الاقتصاد اجهل ناس استقطبوا طاقم اقتصادي لا لون سياسي له وهناك فطاحلة في الاقتصاد موجودين بالجامعات السودانية أتوا بهم واسالوا عنهم وهم من اكفاء أبناء السودان في مجال الاقتصاد وهم علماء في الاقتصاد وكانوا يعملون مستشاريين اقتصاديين على مستوى العالم ابحثوا عنهم واعطوهم كل الحريات لكي يصلحوا اقتصاد البلد بمعرفتهم الخاصة واتركوا الامر عليهم دون تدخل الحكومة في تطبيق أي حزم يتلون تطبيقها لاصلاح الحال .
بكري صالح انتم فشلتم اتركوا مقاعدكم جميعا حكومة ووزراءً لمن هو اكفأ منكم لإنقاذ من تبقى من وطن ومواطن ؟
بعدين ما تعقلوا فشلكم على المواطن ؟ انتم غادروا غير ماسوف عليكم كحكومة وأحزاب وانتم سبب دمار الوطن بمن فيه ؟
الاميين معزوريين المشكلة في المتعلمين من الشعب السوداني شنو كان بتعني ليهم رفع العقوبات هل كانت تعني ان امريكا ح تضخ مليارات الدولارات في البنك المركزي السوداني ما عافية وصحة الاقتصاد معروفة انتاج و تصدير بعدين الدولار مش وصل 22 جنيه لا 22الف جنيه لان دي القيمة الحقيقية لعملتنا فالارقام الفي العملة دي ارقام مضغوطة عشان ما يجي واحد يقوليك جنيهنا ذي الجنيه المصري لا الجنيه المصري بعادل 1250 جنيه سوداني
المطلوب موش تغيير الطاقم الاقتصادي ولكن معاقبة كل من تسبب في العقوبات الاقتصادية على السودان وكل من كان سبب في دخول السودان قائمة الدول الراعية للأرهاب واولهم على عثمان محمد طه والزبير محمد الحسن وكل اعضاء الحركة الإسلامية النافذين بما فيهم قطبي المهدي ومحاكمة الترابي في قبره واصدار قرار بشأنه..
هؤلاء سببوا الاذى والالم لكل السودانيين وتضررنا مع عمايلهم مع العلم انهم قاعدين يبرطعوا حتى الان من وظيفة الى وظيفة ومن صحيفة الى صحيفة كانهم ليسوا هم السبب في الالم الذي يعاني منه الشعب
نعم (السودان في حاجة ماسة لاستحداث مدرسة جديدة قادرة على احداث استقرار اقتصادي)
وهي مدرسة الجدية في محاربة الفساد وإبعاد المفسدين ولو كانوا من الاقربين … وإلا فلا.
وجـدتهـا وعـنـدى لـك الحـل يا سعـادة الـفـريق / بكرى حسن صالح .
اعـمـل عـلى الأتصال بكل الـسـودانـيـيـن الذى اودعـوا اموالهم ويـسـتـثـمرونها الآن فى الخـارج , ويمكن ان تـتـحـصل عـلى اسمائـهـم بكل سـهـولة وهـم معـروفـين لأى واحد وما فى اسرار فى هـذا الموضوع , بأن يرجـعـوهـا ويـسـتـثـرونها فى الـسودان واعـطـيـهـم الأمان وكل الضمانات ” ممكن الحكومة تدخـل معهم فى شراكة بدل المستثمرين الأجانب الذين سوف يذهـبون بخيرات البلد الى بلدانهم ” لأنه هـذا هـو الحـل الـوحـيـد بـدلا من الـشـحـدة واراقة ماء الوجـه امام العـرب وكل يوم الرئيس مـسافـر يـشـحـد . اموال السودانـيـيـن تـكـفى وتـزيـد ” اكـثر من 60 مـليار . ما فى حـل غـير هـذا والله الـمـسـتـعـان من قـبل ومن بعـد .
طيب خلي الامريكان اعيدو الحظر تاني,,,,!!!!!
شماعة اخري وهي عدم رفع السودان من قائمة الارهاب هو الحظر الاقتصادي منع منكم الماء والهواء والبترول ماذا فعلتم بالاراضي الزراعية او الاستغلال الامثل للمواد البشرية في رفع الانتاج كل الكلام في الحظر الان قائمة الارهاب والله هذا الفشل بعينة وبعدين انت رئيس وزراء ممكن تشيل الفاشل وتحاسب الحرامي وتحافظ علي البلد الله المستعان عليكم
يا أخوانا النائب الأول دا شكلو “كتر المحلبية” اليومين ديل.. وين أولادو ما يتكلموا مع أبوهم دا شوية.
القصة ما رفع حظر ولا كلام فاضي
المشكلة فيكم انتو زااااااتكم ولو جاء مال الدنيا دا كلو اتكبه عندنا هنا الحال ما بنصلح مدام انتو ماسكين ومكنكشين ولامين الفاسدين والحرامية والمنافقين وتجار الدين كمان محلنها بشراميط ولوايطه وتجار مخدرات وقوادين
الشقله دي كدا ماااا بتمش لقدام ولا صنت
لازم الناس تقعد واطه والاجندة الوحيدة كيف الحكومه تتحلا
وجهاز الزفت الامن يتحلا المليشيات تتحلا السارق يرجع السرقو باللتي هي احسن النيه تكون صافيه الوطن والمواطن اولا
ناس الامه والشعبي والوطني والحركات كلكم تقطعوا وشكم من الشعب السوداني دا
خلو الشعب يتخار براااااو بنزاهة وحكومه تكنوقراط ونطبع علاقات مع كل دول العالم مع عندنا مشكلة مع دولة
حكومه ما تعدي سته وزارات فقط
تتعمل اعادة هيكلة للشرطه والجيش والتوظيف بالمؤهل
لكن هسي ٧٤ وزير كل وزير سايق اوباما سعرها ٢،٥ مليار ونص
دا غير عربيتين فى البيت بوكس دبل كاب موديل سائق
وكورلا ولا كاميري موديل للاولاد
ويكون جاغم كم بيت ومزرعة وحساب ملياري
دا العامل الضيق الاقتصادي
الصورة دي مقلوبة ولازم تتعدل عشان الامور تمش
قطعت جهيزة قول كل خطيب!يعنى هل سعد باشا كان محق..لمّا قالها.. مافى فايده!
*اذا سيادة النائب الاول ورئيس الوزرا قال..خلاص مسلسل العقوبات انتهى..ليه الشعب السودانى قاعد صاحى.. ! موش خلاص يقوم ينوم! لحد ما يبدا المسلسل التانى ..الديون الباهظه وبقاء اسم السودا على قائمة الدول الراعيه للارهاب! ودا يبدو انه مسلسل طويييييل! لا بد ليه من مروقات! برفع كافة حزم الدعم وشد الاحزمه .. 2020 هى الحل! مافى حل غيرها! وبلّه الغائب يكون فى حِل! موش هو قالها من الاول تصفرج على 31! تصفرج دى طبعن قصد بيها بداية جديده!
يعني ياريت لو ما رفعوا العقوبات ولا شنو ؟؟؟؟؟؟؟؟
أنا ما فاهم.
رفع العقوبات زاد العوائق الاقتصادية كيف يا رئيس الوزراء ولا أنت بتقول كده لأنك شارب ليك سيجارة حمراء كاربة ؟؟؟
يا أخوانا شوفوا لينا حل مع البنقو المنتشر في البلد دي.
بالغت يا بكوري.
والله الواحد لو بلبع كل المخدرات الفي الحاوية المهربة ديك ما يقول جنس كلامك ده.
كيف يحل الأمن اقتصاديا فهل فشلت العقول ومن المتعنت ومن هو السبب في هذه الحروب والفساد إذا لم تذهب هذه العقول الفاشله كلها فليس هناك حل جذري والمشكله واضحه يعرفها خمار بخيت قبل غنماية بخيته اذهبوا غير مأسوف عليكم
فشلت الحكومة في: –
1. رفع قيمة الجنيه السوداني مقابل الدولار
2. المشروعات الاقتصادية خلال الفترة السابقة
3. حكومته على استعداد لابعاد الطاقم الاقتصادي الذي تسبب في الأزمة واستبدالها بمدرسة جديدة قادرة على إحداث استقرار اقتصادي
4. تدهور الحالة المعيشية للسودانيين
5. وجود ديون على البلاد
كما تقرر رفع كافة حزم الدعم في موازنة العام 2018 وتوجيه جلّ مبالغ الميزانية لقطاع الأمن والدفاع بدلا من الفقراء والمساكين والمضطهدين
السؤال
الا يجب على الحكومة ان تستقيل ام ماذا
جابها ليكم من الآخر كده. يعني يا جماعة ما تصنو اضنينا برفع العقوبات أصلا هي لم تكن السبب في فشلنا نحن أصلا فاشلين ولو رفعوا عن كل العقوبات سنظل فاشلين لأن شعارنا الفساد والتمكين وما بنقدر نعيش برا الموية (اقصد برا السلطة) أقصد السلطة اقصد سلطة البصل والنبق والعواسة.
(وتوعدت الحكومة برفع كافة حزم الدعم في موازنة العام 2018 وتوجيه جلّ مبالغ الميزانية لقطاع الأمن والدفاع)
لا حول ولاقوة إلا بالله العلي العظيم أيها السوداني المسكين الفقير أنت مذبوح أصلا لكن ما تبقى للحكومة هو التمثيل بجثتك
بقوله إن رفع العقوبات زاد من العوائق الاقتصادية.
العوائق الإقتصادية سببها الذين تسببوا فى الحصار والحظر ووضع السودان فى قائمة الدول الراعية للإرهاب وفى سبيل الإبقاء على العوائق لديهم استعداد بقطع العلاقات مع امريكا مرة اخرى
وامريكا لديها الإستعداد للتعاون لأقصى درجة ولكن العوائق الحقيقية كامنة فى عقلية النظام واعوانه الداخليين
كما هو متوفع ,,,, النغمة الجديدة خلاص طلعت وهي وجود ديون علي السودان ووجود سم السودان ضمن الدول الراعية للارهاب.
ح يلوكو النغمة دي تاني الي ان يأذن الله …
هو بقصد ما كفايه يرفعو العقوبات مفروض يدونا قروش كتيره و يجو يصلحو البلد وبعدين يدونا ليها جاهزه وبارده ولا مافي فايده
دا كلام غريب وخطير با بكري صالح ، الطاقم الاقتصادي فاشل والحكومة أيضا فاشلة ومن يتولون دفة الاقتصاد اجهل ناس استقطبوا طاقم اقتصادي لا لون سياسي له وهناك فطاحلة في الاقتصاد موجودين بالجامعات السودانية أتوا بهم واسالوا عنهم وهم من اكفاء أبناء السودان في مجال الاقتصاد وهم علماء في الاقتصاد وكانوا يعملون مستشاريين اقتصاديين على مستوى العالم ابحثوا عنهم واعطوهم كل الحريات لكي يصلحوا اقتصاد البلد بمعرفتهم الخاصة واتركوا الامر عليهم دون تدخل الحكومة في تطبيق أي حزم يتلون تطبيقها لاصلاح الحال .
بكري صالح انتم فشلتم اتركوا مقاعدكم جميعا حكومة ووزراءً لمن هو اكفأ منكم لإنقاذ من تبقى من وطن ومواطن ؟
بعدين ما تعقلوا فشلكم على المواطن ؟ انتم غادروا غير ماسوف عليكم كحكومة وأحزاب وانتم سبب دمار الوطن بمن فيه ؟
الاميين معزوريين المشكلة في المتعلمين من الشعب السوداني شنو كان بتعني ليهم رفع العقوبات هل كانت تعني ان امريكا ح تضخ مليارات الدولارات في البنك المركزي السوداني ما عافية وصحة الاقتصاد معروفة انتاج و تصدير بعدين الدولار مش وصل 22 جنيه لا 22الف جنيه لان دي القيمة الحقيقية لعملتنا فالارقام الفي العملة دي ارقام مضغوطة عشان ما يجي واحد يقوليك جنيهنا ذي الجنيه المصري لا الجنيه المصري بعادل 1250 جنيه سوداني
المطلوب موش تغيير الطاقم الاقتصادي ولكن معاقبة كل من تسبب في العقوبات الاقتصادية على السودان وكل من كان سبب في دخول السودان قائمة الدول الراعية للأرهاب واولهم على عثمان محمد طه والزبير محمد الحسن وكل اعضاء الحركة الإسلامية النافذين بما فيهم قطبي المهدي ومحاكمة الترابي في قبره واصدار قرار بشأنه..
هؤلاء سببوا الاذى والالم لكل السودانيين وتضررنا مع عمايلهم مع العلم انهم قاعدين يبرطعوا حتى الان من وظيفة الى وظيفة ومن صحيفة الى صحيفة كانهم ليسوا هم السبب في الالم الذي يعاني منه الشعب
نعم (السودان في حاجة ماسة لاستحداث مدرسة جديدة قادرة على احداث استقرار اقتصادي)
وهي مدرسة الجدية في محاربة الفساد وإبعاد المفسدين ولو كانوا من الاقربين … وإلا فلا.
وجـدتهـا وعـنـدى لـك الحـل يا سعـادة الـفـريق / بكرى حسن صالح .
اعـمـل عـلى الأتصال بكل الـسـودانـيـيـن الذى اودعـوا اموالهم ويـسـتـثـمرونها الآن فى الخـارج , ويمكن ان تـتـحـصل عـلى اسمائـهـم بكل سـهـولة وهـم معـروفـين لأى واحد وما فى اسرار فى هـذا الموضوع , بأن يرجـعـوهـا ويـسـتـثـرونها فى الـسودان واعـطـيـهـم الأمان وكل الضمانات ” ممكن الحكومة تدخـل معهم فى شراكة بدل المستثمرين الأجانب الذين سوف يذهـبون بخيرات البلد الى بلدانهم ” لأنه هـذا هـو الحـل الـوحـيـد بـدلا من الـشـحـدة واراقة ماء الوجـه امام العـرب وكل يوم الرئيس مـسافـر يـشـحـد . اموال السودانـيـيـن تـكـفى وتـزيـد ” اكـثر من 60 مـليار . ما فى حـل غـير هـذا والله الـمـسـتـعـان من قـبل ومن بعـد .
طيب خلي الامريكان اعيدو الحظر تاني,,,,!!!!!
شماعة اخري وهي عدم رفع السودان من قائمة الارهاب هو الحظر الاقتصادي منع منكم الماء والهواء والبترول ماذا فعلتم بالاراضي الزراعية او الاستغلال الامثل للمواد البشرية في رفع الانتاج كل الكلام في الحظر الان قائمة الارهاب والله هذا الفشل بعينة وبعدين انت رئيس وزراء ممكن تشيل الفاشل وتحاسب الحرامي وتحافظ علي البلد الله المستعان عليكم
يا أخوانا النائب الأول دا شكلو “كتر المحلبية” اليومين ديل.. وين أولادو ما يتكلموا مع أبوهم دا شوية.
القصة ما رفع حظر ولا كلام فاضي
المشكلة فيكم انتو زااااااتكم ولو جاء مال الدنيا دا كلو اتكبه عندنا هنا الحال ما بنصلح مدام انتو ماسكين ومكنكشين ولامين الفاسدين والحرامية والمنافقين وتجار الدين كمان محلنها بشراميط ولوايطه وتجار مخدرات وقوادين
الشقله دي كدا ماااا بتمش لقدام ولا صنت
لازم الناس تقعد واطه والاجندة الوحيدة كيف الحكومه تتحلا
وجهاز الزفت الامن يتحلا المليشيات تتحلا السارق يرجع السرقو باللتي هي احسن النيه تكون صافيه الوطن والمواطن اولا
ناس الامه والشعبي والوطني والحركات كلكم تقطعوا وشكم من الشعب السوداني دا
خلو الشعب يتخار براااااو بنزاهة وحكومه تكنوقراط ونطبع علاقات مع كل دول العالم مع عندنا مشكلة مع دولة
حكومه ما تعدي سته وزارات فقط
تتعمل اعادة هيكلة للشرطه والجيش والتوظيف بالمؤهل
لكن هسي ٧٤ وزير كل وزير سايق اوباما سعرها ٢،٥ مليار ونص
دا غير عربيتين فى البيت بوكس دبل كاب موديل سائق
وكورلا ولا كاميري موديل للاولاد
ويكون جاغم كم بيت ومزرعة وحساب ملياري
دا العامل الضيق الاقتصادي
الصورة دي مقلوبة ولازم تتعدل عشان الامور تمش