أصدرت فتوى سابقاً بأن سفر البشير فيه مفسدة..هيئة علماء السودان تفتي : سفر الفنانات الى شريف نيجيريا اساءة للدولة الإسلامية والاموال المكتسبة حرام..نبوية:لم يصدر من الشريف ما يعيب أخلاقياً
اثار سفر الفنانات السودانيات انصاف مدنى وعوضية عذاب ومونيكا روبرت ومنى الزينة وشريفة النور وفاطمة الجعلى ونجاة عطية وامال بابو ونجمة نجوم الغد فهيمة عبد الله الى نيجيريا لاقامة حفلات غنائية بدعوى من الحاكم الشريف، ردود افعال واسعة خاصة بعد ان صدرت اخيرا فتوى عن هيئة علماء السودان على لسان د.عبد الرحمن حسن أحمد حامد امين دائرة الفتوى بالهيئة، تؤكد ان السفر مخالف لشرع الله وفيه اساءة للدولة الإسلامية وان الاموال المكتسبة اموال حرام ، داعية السلطات لتكون اكثر حزما وتوقف الفنانات بمجرد عودتهن ومعاقبتهن.
واعتبر بعض الفنانين الذين استطلعتهم «الصحافة» ان السفر تحدٍ للسلطات التى خصصت اللواء شرطة عثمان عبد الله ابو سن لمتابعة القضية والتزم بمنع السفر حفاظا على سمعة البلاد، بينما طالب د.عبد القادر سالم الرئيس السابق لاتحاد المهن الموسيقية لاحترام العلاقة بين البلدين وتفعيل قانون مجلس المهن الموسيقية والمسرحية.
ودعا الفنان الامين البنا الى فتح تحقيق رسمى لمنع تكرار هذه السفريات وفرض ضوابط تمنع سفر الفنانات الى نيجيريا، وتساءل لماذا طلب الشريف هذا العدد من الفنانات، ووجه البنا سؤاله عبر «الصحافة» الى اتحاد المهن الموسيقيه، قائلا هل تم التعاقد لاقامة هذه الحفلات بعلم الاتحاد ام ان السفر تخطاه ، وقال ان سفر الفنانات بهذه الطريقة يشوه سمعة المرأة السودانية وانه فى حيرة تماما من تكرر السفر ، رغم ان السلطات قد اكتشفت عبر الاشرطة والاسطوانات المدمجة ما فعله الشريف عند دعوته لاحدى الفنانات.
من جانبها، دافعت الفنانة نبوية الملاك عن فنانات الشريف وقالت ان سلوك الفنان الشخصى شئ يخصه ويملكه لكن عند سفره الرسمى يصبح ممثلا للسودان ، وقالت سبق ان دعا الشريف مجموعة من الفنانات المتزوجات منهن وغير المتزوجات ولم يصدر منه او منهن ما يعيب اخلاقيا، وقالت من المستحيل ان يصدر عن الشريف أي سلوك سيئ فى ظل وجود هذا العدد الكبير من الفنانات السودانيات اللائى سافرن اليه، واتهمت الملاك بعض الفنانين والصحف بإثارة الاعراض والتحدث عن المرأة الفنانة باشياء لا تليق بها، واعتبرت ان سفر الفنانات شئ طبيعى جدا لان الفن رسالة ينبغى توصيلها الى كل العالم ،اما بخصوص الحادثة التى حدثت لاحدى الفنانات سابقا فهى قد تكون اشاعة وليست حقيقة، وقالت الملاك اذا كان سفر الفنانات لنيجيريا يؤدى لضيق وضجر الشعب السودانى فيجب البعد عنها وان السفر فى ظل هذه الاشاعات خسارة وليست مكسبا للفنانات رغم رجوعهن بالدولارات والمكاسب المادية.
وكان البروفسير الامين ابو منقة الباحث فى الفلكلور السوداني ونائب رئيس جمعية الصداقة السودانية النيجيرية مدير معهد الدراسات الافريقية والآسيوية قد تبنى الدفاع عن الحاكم الشريف، معتبرا ان له دورا كبيرا فى دعم الحجاج الى بيت الله الحرام، وقال الفنان ابراهيم حسين ان الشريف لا يستمع الى الفنانات السودانيات فقط بل يستمع ايضا الى الفنان محمد الامين.
الخرطوم :هيفاء الطيب:
الصحافة
ـــــــــــــــــــــــــ
[COLOR=blue]الصورة لمونياكا والتي اطلقت النيابة سراحها الشهر قبل الماضي بعد مشاركتها في عرض الازياء الذي اقيم بالخرطوم بإعتبارها " مسيحية "[/COLOR]
حبايبي الحلوين اهلاً جوني وانا ما ………..
عوضية عذاب ..
ومونيكا روبرت .. وغيرهن
شوفوا بالله الأسامي كيف مركبة .. بصراحة الفنانات ديل أصلاً شبه نجيريا وين عاوزنهم يروحوا القاهرة مثلاً ولا بيروت ولا دبي هناك ما بياكلن عيش مع اللبنانيات والمصريات عشان كده قالن نيجريا احسن .. لكن يا ترى حا يغننا بأي لغة اعتقد بلغة الهوسا يكونن تعلمنها قبل السفر ..
وبعدين ماذا يضير الدولة الإسلامية من سفر مثل هؤلاء ولا هو أصلاً في دولة إسلامية في السودان الناس دي بتحلم ولا بتستعبط ..
قال دولة إسلامية قال ..
اللختشوا ماتوا يابروفيسور أبو منقة
ناس مونيكا وعوضية عذاب ديل ما عندهم موضوع لكن فهيمة ونبوية شرطو عيونا وما كان في داعي للمشية دي من أساسو وماكان يخطو نفسهم في موضع شبهة
ويمشو مع الناس التعبانة وهم عارفين موضوع الشريف
انتو الامين البنا دا يطلع منو !!
حسبي الله ونعم الوكيل فيكم يا بنات حواء
اغرب نظام اسلامى على وجه الارض (الانقاذ) يرعى الغنايات ويخرجهم ويرقص معهم
بل يشجعهم فى شهر رمضان ويقيم لهم الافطار واذا انزووا فى مكان بعيد ومارسو مهنتهم الغناء والرقص زجهم النظام فى سجونه وفضحهم على الملاء واذا ارادو الخروج الى نيجيريا ليمارسو ا مهنتهم كالوا عليهم وتوعدوهم بل الادهى خرج علينا شيوخهم واصدروا فتوى /ارجو من كل عاقل فى هذا البلد المنكوووب ان بفكك هذه الطلاسم
عشرة فنانات بربطة معلم يسافرن لنيجيريا من اجل اقامة حفلات غنائية بلا حسيب ولا رغيب الكلام ده لايدخل عقل عاقل من قبل ذهبت الفنانة ندى القلعة شاهد لها بعض السهرات كان فاجعة بالنسبة لى و انت الى السودان غانم عربة فارهة و ملايين من الجنيهات لذا جن جنون الفنانات الاخريات عزمن الزيارة الى نيجيريا بطلب من الشريف
من هو الشريف ومن اجل ماذا يطلب فنانات فقط من غير اخوانهم الفنانيين والا فى الامر
ريبة .. لان واحدة منهن وهى فى المطار قالت ان الشريف دفع لهم القروش مقدما والان
ماشات يسددن الديون العليهن .! انا ارى ايضا فى الامر اغراء دفع مقدمآ
على العموم الفاس وقع فى الراس ان افتى شيخنا المفتى ام لم يفتى عشرة بنات مغنيات ذهبن الى نيجيريا دولة يكثر فيها الفساد هل تاتى كل واحدة سالمة غانمة ؟
انا اشجب و ادين و استنكر هذه الفعلة الدنيئة .
في الدولة الاسلامية التي تطبق الشرع لايسمح بالغناء اصلا خاصة للنساء لان صوتهن عورة خليك من يغنن في التلفزيون او الاذاعة !!! يعني مسموح لهن الغنا في ظل الدولة الاسلامية وبرة الدولة لا ؟؟؟؟ شنو الفرق يا ناس الدولة الاسلامية ؟؟؟؟ ثم اين هي هذه الدولة الاسلامية والله لا شايفين دين ولا شايفين اخلاق تعكس لنا هذا الدين لا في الشارع الغير منضبط ولا في سلوك الرجال والنساء في التعامل اليومي مع بعضنا ولا اي مظهر حقيقي لدولة اسلامية !! وحتى ما بنشعر بالاسلامية دي الا لمن يصحى واحد من زي ديل ويقول لينا الدولة الاسلامية والتوجه الحضاري !!! ياربي الناس دي بتتكلم عن السودان الواحد حقنا دة ولا في سودان ظهر في مكان اخر بحكموهوا الناس ديل ؟؟؟؟ !!!
شيلوا مرتباتكم وامتيازاتكم وطبلوا للسلطان وانفخوا في الكير دة ياكيزان لحدي ما يغتس الله حجرنا اكتر من كدة !!! قال دولة اسلامية !! من يهن يهن الهوان عليه ما لجرح بميت ايلام !!!
الشريف مبسوط منكن كلكن….
مساكم عافية طيبين ومبسوطين
نبوية يااختنا الشريف ده مادام بحب الفن السودانى للدرجة الببحبح فيها دولاراتو يمين شمال مايدعو ابو الزيك وكابلى وطرزان وعثمان مصطفى وفرقة الكمبلا والقمز بالوازا حقتم كمان والمالبو ولا اولاد المليجى يدقو ليهو كيتا لمن يامن تراثنا مليان حاجات ممتعه
لكن يقوم يعزل كدى فى الفنانات واحده واحده وهسع بقى بالجملة الوضع خطير ومريب تعرفى مرة ندى القلعه بتغنى مشيتلو محتشمه خاته توبى فوق راسى وهو بجدع ليها فى القروش فى منظر مقزز بتلذذ كمان مافضل الا يطلع لسانو ويعضيهو كمان المهم عاينت ليها وهى بترقص بى لبس لا فيهو احتشام ولا توب ولا حتى راس ذاتو مافى اى راس ذاتو مافى جسم بس بتراقص
امشو لى الشريف ولا للكلام الفاضى راسو عديل بس ماباسم الفن السودانى وسمعة البلد نبوية طبعا معليش انت الا يكلموك سمعتى بى بت لندن فى اثيوبيا واحد من الجمهور ساكت عمل شنو فيها قالت ماكنت عارفاهو طيب بتضحكى مالك ولى شنو ماوقفت الحفل وسجلتى موقف رافض للقصة اسف للبوسة قدام الملايين والانترنت والسيديهات والجوالات ارجعى لى شريط بت لندن وبت القلعه حتغيرى رايك اكيد
.كسرة على قولة جبرا البلد دى مافيها شرفاء ولا شنو ماتتكسرو قبلكن يكسر
استغفرالله
……….تصبحوا على وطن
من أين خرجن هؤلاء النسوة ؟ بمطار الخرطوم أم غيره ؟ ألا توجد شرطة وأمن بمطار الخرطوم ؟لماذا لم يمنعهن رجال الأمن؟ علي كل الحكومة نفسها تركتهن يذهبن إلي نيجيريا حتي يكون هنالك حدث يلهي الشعب عن الأوضاع في السودان لذلك فهي تزكي مثل هذه المواضيع وترعاها .
يا حامد يا أخوي لو في سفر مش أحسن يسافرن مع محارمن بدل الكلام دة كلو , يعني حرام و حلال و فتاوي و قومة و قعدة. هذه مسخرة و ضياع وقت ليس إلا.
مونيكا قشطه بس
يا بتى يا نبوية انت الشريف ده ما شفتيهو لانك معذورة ده بشبه الغول وشناتو مررررررررررررررررررررررررررره وكان باريتى المفتحات ديل بتضيعى ساااااااااى احسن تخليك فى عماك ده… بعدين الاسماء المذكورة دى كلها تدل على من سمى بها
يعنى ما غريب عليهم البحصل فى نيجيريا … فى واحدة مشت زمان وشايلة توبة فوق راسه بالعكس… دبايب
الى الذين يطلقون الدعوات بعدم سفر الفنانات السودانيات الى نيجيريا او غيره
ا
يجب عليهم ايضا اطلاق الدعوات بعدم قدوم الفنانات الاثيوبيات الى السودان لان بعض
. السودانيين (الواصلين)المقتدرين ال……….. كالشريف يستدعون الفنانات الاثيوبيات
ولكم الشكر
طيب اموال فهيمة وانصاف ونجاد عطية حرام
واموال مونيكايا فضيلية المفتي
ياخي ما تسيبو ا الناس في حالا السئ سئ حتي وسجنتو تحت الارض
سيبونا من عقولكم وخلي البنات يسترزقن مدام الله فتح عليهن ولا عايزين حاجة
أولا يجب على هيئة جهلاء السودان أن تفتى فى الامور التى تهم الشعب السودانى عامة وهى سرقة امواله بواسطة حرامية ودجالى المؤتمر الغير وطنى نحن نقول لهيئة جهلاء السودان والسلطان ما تشغلوا الناس بأمور هايفة نحن دايرين منك رجل شجاع لا يخاف فى الحق لومة لائم فى أن يظهر على الملاء ويجهر بالحديث على أن كل الاموال والثروات التى حصل عليها البشير وأخوته وكل الاموال التى حصل عليها اعضاء المؤتمر الوطنى كلها أموال حرام فى حرام أليس قيكم رجل رشيد شجاع يا ما تسمون نفسكم علماء نكرر مرة أخرى نريد أن نرى ونسمع من احد منكم يمتلك الجراءة ولا يخاف قول الحق ان يظهر للناس ويتكلم بكل أمانة وضمير عن فساد وخداع وزيف منافقى المؤتمر الغير وطنى وأكلهم أموال الشعب السودانى بالباطل فهل يوجد أحد قادر على زلك يلا أفتونا يأ عملاء وجهلاء السلطان
افتو يابتاعين الفتاوى تفلحون فى فتوى سفر الرئيس وسفر الفنانات ! ! ! عينكم فى الفيل وتطعنوا فى ظلو ياخوانا ما تختشوا شوية وتخلوا عندكم شوية دم ونحن ما دخلنا الرئيس يسافر والله ينحرق ما علينا الفنانات يسافرن او ينجعصن ماعندنا مشكلة مشكلتنا يا شيوخ الفساد المالى والادارى الذى ازكم الانوف انعدام العدل والمساواة بين المواطنين والباقى كثير وكثير بس افتوا لينا فى ديل كان اصلكم فعلا رجال وبتقولوا الحقيقة واياكم والنفاق واللعب بالدين والله يغطس حجركم لو تلاعبتم بذلك والدنيا فانية والموت راجيكم انتم ورئيسكم تذكروا ظلمة القبر وعذاب الحياة البرزخية لك الله يابلادى
ياناس ماتزعلو وتحرقون دمكم ساكت البنات ديل سافرو الى نيجيريا ومعهم محرم وسافرو فى حرمة السيد حسين شندى ومغربى تمامة عدد للبنات
وبكرة نجد الجرائد بعد الرحلة يطلعون لنا الفضائح وفلان لقط النقط ونام بها وفلان لبع الكاش وفلانة طلعت حفلة زاقة من الشلة وفلانة باتت بره اصبرو وانتظرو اخبارهم وفضائحهم
اسع قريبى حسين شندى ده مابخجل يبارى مغربى والفتوات المالاقيات الراجل البهرشن ويقرهم فى وروكهم ويقعدهم فى الواطة ديل ياخ شندى اتقى الشبهات انت ود جعل افو عليك
ياناس انتو مالكم ومالهم
الفنانة نبوية تدافع عن الباطل وتقول الفن رسالة ويجب نشرها يابت الناس اي رسالة واي نشر البتنشروها عند الشريف والذي يوزع في القروش لند ي ( البطل) من راسها لاخمص قدميها ويعطي الجوال حقو لولدها عشان يصورها (كلو شفناه في الشريط الذي مالي الانترنت )والله بتمهدي لنفسك عشان تمشي انتي وتنشري الفن (فن الفنانات الاصيل) وين ود الامين ووردي والكابلي والذين يحملون راية الفن السوداني داخليا وخارجيا وهم علي العين والراس وانتوا يا الفنانات تستاهلو تكونوا تحت المداس
منقه ده شكلو قابط بالدسته والحبه والكرتونه يامنقه شريفك ده ماشاف فرق المديح دى و فرقنا الكروية دى كان بحب السودان كده ده ماكلو فن وكلو سودانى
اوافق التعليق باسم عبد المنعم واضيف عليه اولا سفر الفنانات ده تم بموافقة السلطات واالامور دي كلها مصالح مشتركه بين الفنانات ومن يقومون بتسهيل السفر لهن00وبصراحه البلد حاكماها عصابه 00فاسقه فاسده00النفاق ديدنها00والشيخ الافتي ده لواخد الموضوع من ناحيه شرعيه بقول ليه انت منافق وارجي الراجيك لانو ماممكن يحرم الغنا بره ويحلل جوه00لومن ناحيه اخلاقيه شوف السهل ليهم السفر منووووو؟
بالنظر للاسماء المذكوره من اسماء من يسمين انفسهن فنانات لا استعجب لو ذهبن الي مرقص ليلي في تل ابيب لكن ما صدمت به حديث نبويه وهي صاحبة صوت واداء جميل فمثل هذا الكلام مردود عليك حسرة وتبريرك اعرج بأن بعض الفنانات متزوجات ولعل كل من شاهد حفلة ندي الخلعه يدرك تماما ان تلك الحفلات لها اغراض اخري غير (ترسيخ العلائق الفنيه السودانيه النيجيريه) . انعدام الوازع الديني والحاجه الماديه وعزوف الرجال عن الزواج هو ما أدي لتلك الظواهر التي جعلتنا نطأطئ رؤسنا خجلا بالخارج
والله عال العال…..دي زيادة الصادرات الغير بتروليه البيتكلم عنها المؤتمر الوطني … عمله صعبة وكده
نعم حسبى الله ونعم الوكيل يا ابو علامة ولكن لمن لولاة الامر وللمطبقين القوانين الخاصة بسفر المرأة يمنعون حاجات البيت الحرام الابرفقة محرم اوبرفقة رفقة مامونة لكبيرات السن ويسمحون للغنايات والرقاصات للسفر تلبية لدعوة من حاكم وليس لدعوة رسمية عبر القنواات الرسمية ارجو ياابوعلامة لاتخاف فى قولة الحق وكافية جبن وخوف خليكم رجال والساكت عن الحق شيطان اخرس
يا عالم يا هو انتو ما سالتوا لما ندي سافرت ليه وجلدتوها او منعتوها لكن لانها مقربة من الجماعة هن لو عندهم ولي كان ادبهم القنانة فنانة و نظرة المجتمع ليها لا ولا تتغير لما ندي مشت وين كان وليها مات ها ها ها وولدها مش كان المحرم بتاعها وبعدين البنا ده عامل فيها وصي ولا ولي والمغربي ده لو عارفين قصته مشي طلب اللجوء في امريكا وقال ليهم انا مثلي وفي السودان الكلام ده ممنوع تصوروا منحوه حق اللجوء والفن العندهم شنو الرقص الخليع ولا شنو والرقيص ده خلوه للزعيم الكبير المظلوب القبض عليه عرفتوه بهز ويرز في اي شئ واما العلماء ديل لا بفتوا في رمضان ولا العيد ديل بياكلوا اموالهم بالباطل لانهم ما علماء فالعالم من يتفقه في الدين ولا شنو??????????????
ياناس العشره البتقوا عليهن فنانات هم مرددات للاغانى فى وهم عشان يصلوا الى المستوى ون = تخيلوا كم من السهر والقهر عملو ودفعوا من سمعتهم ومن اى اسره معروفه هم ومعرفين حتى فى المستوى فىالحى البسكنوا فيه بعدين ديل ماعملوا حاجه بالنسبه لللكيزن وانتوا عارفين السلوكيات اكلوا قروش الشعب السودانى واستولوا على السلطه بليل يعنى بالعربى ارقص الشريف ولا الرئيس بعدين الرئيس ما بدفع قروش الآ الى قيقم العجوز اذا صرف والله المستعان :mad: :mad: :mad: :mad: :mad: :mad:
ياتو دولة اسلامية بتكلموا عنها هؤلاء ؟؟؟ وهم .. ما شايفين الثراء الحرام واكل اموال الدولة ؟ افتونا؟ عاوزين نسمع فوى هؤلاء في بيو الاشباح .. قتل الضباط في رمضان.. اعدام مجدى ورفاقه. تسيرح الناس لصالح اعضاء الجبهة. لو عندكم الشجاعة .. كلمة حق امام سلطان جائر.زززهذا النفاق ابعد الناس عن الاسلام والله كرهناكم ياعلماء السلطان
الناس في شنو والحسانية في شنو
البلد بيبيعو فيها وهيئة الاسمهم علما السودان يقولو الشريف وغيرو
والله كما قال المحجوب :
هذا زمانك يامهازل فأمرحى قد عد كلب الصيد قي الفرساني
وانا الله وانا اليه راجعوون
Ironically, right now in sweden, another kind of olmaa have been rewarded the noble prize, for their useful contribution to humanity, their discoveries and inventions in medicine and technology, while our olomaa are busy keeping watch on women singers movements,atleast they share the name incommon
اين اتحاد الفنانين من كل هذه المهازل يابلد العايزتنو ده موجود فى البلد بس بتنقصهن الدولارات @ودمتم بود @
صدقونى يا ناس سفر الفنانات دى ملعوبة سياسية وعبارة عن تضليل و تشوش
الشعب عن الاوضاع السياسية فى داخل البلاد
بالبلدى كده دقسوكم و ادوكم ماسوره
قال عشرة فنانات سافرن للشريف
ها ها ها
عشان تعرفوا موضوع الفنانات مشابه لموضع الصحفية لبنى و هذا النوع من الافلام السياسية مستوردة من مصر
و الدليل على ذلك
فى مصر عندما خرج الشعب فى تظاهرات مطالبين بتعديل بند معين من الدستور
فى اليوم الثانى
فكرت صحف النظام الحاكم بخبر
خرافى يقول وجد فى شجرة فى احدى المحافظات مكتوبة عليها اسم الجلاله
وبذلك الشعب كله سافر المحافظة لزيارة الشجرة ونسوه موضوع الدستور،
شوفو الفلم سافرن بي وين
و اين شرطة امن الدلع
ولماذا سامى المغربى بتاع السفارة الامريكية و ارجعوا لى كيس سامى
المهم بشو بشبش اب شبشب حرامى فاسد
و لاهاي لاهاي يارقاص يا فاسد ادارى
قال ابن مسعود رضي الله عنه : ( الغناء ينبت النفاق في القلب كما ينبت الماء العشب )
"الشريف" يبدو انه قد اعاد عهد الجواري المغنيات و نقل تجربة قصور الخلفاء ابان انحطاط الدولة العربية – و لا اقول الاسلامية – بما كانت تعج به من الجواري و الغناء و الخمور…. ما لا نرضاه ان تكون اولئك الجواري اللائي يغنين في قصر الشريف هن من السودان مهما كانت اصولهن في السودان فهن يحملن اسم السودان و رغم كل الخراب الاخلاقي الذي اصاب السودان في عهد التيه الذي تواصل لعشرين عاما الا انه ما زال فينا بعض نخوة و شئ من العزة التي يحاول المتاسلمون الجدد اصحاب " المشروع الحضاري" طمسها! و الله يجازي الكان السبب و اعني من " افترعت" حفلات "الشريف" ثم عادت بسيارة لكسس و مائة الف دولار نظير " غنائها الفارع" فالهبت خيال الغنايات! و يبدو ان الامر اعجب "الشريف" فصار يطلب المزيد و " التنوع" و "بالجملة" كمان!
ليس من الممكن ان يقبل احد بمثل هذا اللذى يحدث فى قصص سفر الفنانات السودانيات هل ضاقت المسارح فى السودان ام لقله العدادات فى البلد ما هذه الفوضى اتعجب لى اللذين بررو ان سفرهن شى عادى هل يقبل احد ان تكون اخته او زوجته فى هذا او ضمن الوفود المغادره بى ستار الفن ما هو هذا الفن لماذ كلهن فتيات والله لا نقبل هذا – ااااااااااااااين اولياء الامور واين واين
لا اود ان اطيل على الحروف لانها تابى ان تخط مثل هذه الجمل000000000000000