الاتحاد الاماراتية : مطلوب “سيدات غير داكنات” يثير غضب السودانيين
الاتحاد نت
فجّر إعلان كويتي عن وظائف نسائية بإحدى الصحف السودانية موجة غضب عارمة وسط منابر الرأي الإلكترونية ومواقع التواصل الاجتماعي في السودان، بحسب جريدة “الأنباء” الكويتية.
وينص الإعلان، الذي نشرته صحيفة “الانتباهة” على وجود وظائف شاغرة بدولة الكويت خاصة بـ “الجنس اللطيف”، كما ورد لفظاً بالإعلان.
وأضاف الإعلان أنه يشترط أن تكون المتقدمة “جميلة الشكل، ذات بشرة غير داكنة”.
ومما زاد غضب السودانيين أن من أحد شروط المتقدمات للوظيفة “صورة من الرأس إلى القدم” ذات زوايا مختلفة.
واعتبر سودانيون غاضبون، في مداخلات وتعليقات، أن الإعلان يكرس لفكرة عنصرية، كما يتعارض وحقوق المرأة خاصة أنه اختزل مقدراتها ومؤهلاتها في جمال الشكل، بينما يرون أن المرأة السودانية تقدمت في مجالات العمل كافة، وأصبحت قائدة في مجالات كثيرة لكفاءتها وليس لحسابات مظهرية تُضعف من قيمة المرأة وكرامتها.
طبعاً دي (العقدة) الحائمة في العالم العربي كله وبالرغم من اعترافهم بأن الثقافة السودانية ليس لها مثيل إلا ان عقدتهم هي …… بس اقول ليهم :
بنحب من بلدنا ما برّا البلد
سودانيّة تهوَى عاشق ود بلد
في عيونها المفاتن شئ ما ليهُ حد
*****
التّوب المهبهب فوق أم الضّفائر
والخد المعطّر زي أحلى الأزاهر
والخطوة الأنيقة ترنيمة مشاعر
أنا بيك كل عمري بمشيلها وبسافر
*****
مين في الدّنيا ديَّ أجمل من بناتنا
الليهن قلوبنا والفيهن صفاتنا
الكامنات بروحنا والعايشات في ذاتنا
————————————
حلوة جميلة وزيك وين
في الكون كله مافي يمين
حشمة وتوبك وتملي العين
يا بت النيل أصلك سوداني
يا بت بلدي أصلك سوداني
طبعك هادي أصيل ورزين …
طرقت بي عزمك كل مجال
عملتي بعزة هزمتي محال
أديبة وعاملة وكان ده محال
بالعلم رسمتي طريق أجيال
يا بت بلدي يا فخر أوطاني
طبعا هادي أصيل ورزين،،،
تحياتي لبنات بلدي ومثقفات ومتعلمات بلدي والله شرف لي أن تكون أمي وأختي وزوجتي سودانية اصيله.
بين البائع والشاري يفتح الله ويستر الله وبيع الرقيق لدول النفط ليس جديدا فهناك الغلمان الذين كان يتم بيعهم للسعودية تحت ستار سباقات الهجن الى ان تدخلت منظمات حقوق الطفل فاوقفت عملية اشتراك الاطفال في سباقات الهجن ورحم الله الكرامة السودانية
صحف كويتيه ولا اماراتيه ؟؟؟ في الفيس امارات وهنا كويت
لم أنظر الى الموضوع من الناحية العنصرية ولكن أنظر اليه من الناحية الدينية والأخلاقية كيف يتم طلب صور للمرأة من الرأس الى القدم
يجب اغلاق الصحيفة ومعاقبة مسؤوليها حرام يا ناس نحنا مسلمين وفي دولة مسلمة
ده تلميح خبيث جداً , يعني كأنهم بيقولوا انو نحنا اعترضنا علي لون البشره بس , وانو لو كان الطلب بنفس الشروط للبشرة الداكنه ايضا ما كنا اعترضنا .
ودي تفاهة العرب دايما يستهتروا بينا !! والطيب مصطفي المستعرب ده اتفه من العرب زاتهم .
يا اخوانا كتاب الاتحاد الاماراتية ديل سودانيين وهم الجابو الكلام دافى الجريده
يا الطيب مصطفى صدقني المواصافات هي مواصافات بنتك بادر حتى يجري وراءك امثالك
مشكلة السودانيين يعتبرون انفسهم عرب
العنصرية موجودة في كل العالم وفي الخليج ومصر والأردن والشام يبخون بها دون مراعاة مشاعر الناس ويقولوا يا تكروني ويا حال ويا عبد ويا عبدة علي الرغم من انهم نهانا عنها الرسول (ص)
وقال دعوها فإنها ممتنة وفي السودان معروفة علي نطاق السودان حتي جنوب السودان جميعهم بشرتهم داكنة لكن التمايز القبلي فالدينكا يرون انهم اسياد الجنوب وعلينا أن لا نرمي اللوم
علي جريدة الانتباهة لانه هذا الواقع والسوداني مهما عمل في الخليج كسلان علي الرعم ان الرعاة في الخليج يعملون في درجة حرارة 60 فبتالي لا تؤثر علينا مثل هذه التفاهات وجريدة الانتباهة أكثر الصحف قراءة وتعتبر الجريدة الاولي علي مستوي السودان حتي في جنوب السودان يشتروا الاعداد القديمة وصاحب المنبر العادل يصلح ان يكون رئيسا للبلاد لحزمه وشفافيته ودهاءه الطيب ود مصطفي
رجل والرجال قليل
الرد على (المطوع) :
باين عليك انت ما (مطوع) بل: م ط و ع ،، يعني : ت ا ب ع افهما ،،،،،،،،،،،،،،،،،،،،،،،،،
حتي في السودان يوجد هذا اامساك الشائن . دعونا ﻻ نكابر واسألوا عن التعيين في الشركات الخاصه وبعض القنوات المرئيه . يعبي التعامل مع المرأة اصبح مسأله شهوه ليس اﻻ
السودان والصور المقلوبة وما اكثرها .
فيه يكون سلفي وزير سياحة..!!.. واكسح امسح قشو ما تجيبو حي..؟؟.. وزير شئون انسانية..!!..واقل الناس فهما ومعرفة.. رئيس جمهورية. ووزير دفاع على التربيب ..!!..
الاغرب من ذلك كله ..ان يبدا الخال، في اعداد نفسه، لخلافة ابن اخته في كرسي الرئاسة ..؟؟!!..وهذا ما لم نسمع به في آبائنا الاولين ..؟.وهو ضد طبيعة الاشياء، ولن يحدث، ولم يحدث، الا في السودان، بلد العجائب والمصائب.
والبعيش يشوف كتير ..؟؟
يا اخوان ده غضب ربنا على المفترى الاسموا الطيب مصطفى وزمرتوا عشان ربنا داير يوريهم انهم يفعلون عكس مايقولون ، يعنى بالضبط كده مقاصد الاعلان ده هى افعال الطيب مصطفى وناسو، تخيلوا لوكان الاعلان طلع فى اي جريدة تانية ؟؟؟ طيب بالاطيب ولامصطفى ما كنت زمان تكتب فى الغاشية والماشة مالك اتبلمت ؟؟؟؟
يا أخوانا الناس ديل دايرين النسوان ديل خادمات ولا عروسات؟؟؟
فإذا كانوا طالبنهن للزواج ممكن يجوا ويقعدوا معاهم بحضور أولياء الأمور لرؤية المرأة وبشرتها وخلافه، أما إذا كان الموضوع يخص العمل فما عندنا نسوان للفرجة والمسخرة.
يا المشكلة ما في اللون الداكن وبس! ديل بقولو صورة من الراس لحدي اخمص القدمين ! والاسوأمن كدا بكتير بيقولو ما عملت عملية جراحية يعني ………… تكون ما مخفوضة (ما مطهرة) تصورووووا؟؟؟؟؟ يعني تفتكروا دي دايرين بيها شنو؟؟؟؟؟؟؟؟
بين الحين والاخر نسمع من بعض الدول تريد خادمات من السودان بمواصفات معينة .
اللهم لاحول ولا قوة الله بالله العلي العظيم
نعمل شنو اذا ابتلانا الله بحمار عنصري ديوث فاسد لا غيرة له ولا هم له سوى تدمير انسان السودان نفسيا ومعنوياً وتشريده
الله يشردك في جهنم من لهب لحفرة في النار يا عمر البشير انت واللصوص المعاك
اللهم امين
سبحان الله العنوان فى صحيفة الاتحاد يوحى كان غضب السودانيين من الاعلان بسبب ان الاعلان يطلب سيدات غير داكنات اكيد قراوا اغلب التعليقات تصب فى هذا المنحى مع ان الغضب مفروض يكون من الاعلان ذات نفسو .لذلك اخوانى اتركوا هذه النعرات العنصريه وارضو بما قسمه الله لكم. اللهم اهدنا جميعا