جهاز أمن حزب البشير يعتقل الناشطة نجلاء سيد أحمد..هل هذا يعالج محنة السودان السياسية والاقتصادية؟

الويل كلاب الأمن. أسع بالله كلاب الأمن ديل الواحد بعد ما يختطف سيدة من بيتها و يوديها مكان مجهول بيدوه حافز و يجي بكل عدم إختشاء يأكل مال الحرام لزوجته و أولاده؟؟؟ حقيقة كلاب

أها ان شاء الله دا يحلكم من ورطتكم يا جبنننننننناء

نجلاء يابت القبايل .. ويابت دغريه … انتي اشرف منا جميعا واكثرنا شجاعه وعزه .. فالترفعي الرأس عاليا فالحرث يوشك للحصاد ,,, ارجو الا تليني ولاتجعلي الاحباط والخوف يتسلل اليك ..هم لايستطيعون اذلالك لايستطيعون قتل الرفض فينا …واجمل الايام قادمات لامحاله

يعجبني صمودك وصبرك على الأذى أصبحت معلمة أجيال رغم أنف كلاب الأمن، كان الله في عونك.

النصر الخلود العزة لك وانت تحملي سلاحك الفتاك في وجه اعداء الشعب لك التحية وفرج الله كربك وكرب كل من بداخل بيوت اشباح النظام وفرج الله كرب الوطن لك التحية والتجلة مهيرة الاعلام

التحية والتجلة والاحترام للاستاذة نجلاء سيد احمد والخزي والعار لكلاب الامن الضالة حسالة البشر ولكن رغم هذا لن يفيدكم اعتقال اي ناشط فالشرارة انطلقت ولن تقف النار الا بعد ان تاكل كل الخونة والكيزان
بس يا جماعة المسالة عايزة شوية تنظيم وانا بقترح انو الناس تتحرك بصورة سلمية في السوق العربي وتحتل ميدان الامم المتحدة قديما او موقف امدرمان القديم لانو موقعو استراتيجي جدا وبالذات لانو بقرب الجامع الكبير حيث تتوفر الحمامات وحنفيات المياه وبداية اعتصام سلمي لا ينفض الا برحيل هذا النظام الغذر واذا نجحنا في احتلال الميدان ممكن عمل اذاعة داخلية ومكبرات صوت ومن هناك يمكن ادارة الثورة بصورة منظمة

نجلاء الشجاعه رفعتى رأسنا يا بنت الاصول

.نجلاء سيد أحمد تدافع عن حقك كرجل لا يستطيع الدفاع عن حقه
وتدافع عن حقوق أمك وابوك واختك واخوك وجارك وناس حلتكم
هي انثى تساوي دستة رجال

فهل فهمت يا mokgoor؟

نظام الكيزان يترنح ، أصبح جهاز أمنهم يعتقل الفتيات ويطلق الصبية في الشارع لترهيب المارة ، هذا لن يجدي أيها الأوغاد ، لقد ولى زمن الخوف من سياطكم وبيوت أشباحكم وقنابل شرطتكم المسيلة للدموع ، سنقتحم جميع الميادين ولن تستطيع كتائب محمد عطا ولا مليشيات عبد الرحيم الأبله ولا فصائل شرطة النظام العام أن تصدنا ، الويل لكم أيها المجرمين ، على رئيسكم العبيط إما أن يسلم نفسه للمحكمة الدولية أو أن ينتحر ، ولن يجديكم الهرب أيها اللصوص ، القصاص القصاص القصاص القصاص القصاص القصاص القصاص القصاص القصاص القصاص القصاص القصاص

إضافة لإختراح اخونا ثائر حر يجب تكوين مجموعة مهمتها توفير الامداد للمتظاهرين من ماء ومأكل وبعض الوجبات لذوي المعتقلين هذه المجموعة تكون مهمتها فقط توصيل الدعم لاسر المقبوض عليهم وتوصيل الماكل والشرب للذين يقفون ويعتصمون امام البرلان وميدان الأمم المتحدة وحتى يكون لنا دور المشاركة على المغتربين ان يهبوا لنجدة اخوانهم بالمال ان أخواننا قدموا انفسهم وحريتهم ثمنا لحرياتنا كلنا فيجب عمل حساب فورا تهتم به مجموعة مشكلة من الثوار فورا فورا ويطلب من المغتربين المساهمة فيه وسأكون أول المساهمين مهم جدا السرعة ونشر الطريقة التي يمكن بها تحويل الأموال.
ابو المجد المحامي

الاعتقال لكل ناشط او معارض لن يجدى ولن يوقف الزحف والتظاهر و سبق أن اعتقل جهاز الامن فى عهد مايو عدد من المتظاهرين و اقطاب المعارضة ومن القصر توجهت الظاهرة الى سجن كوبر وخرج كل الشرفاء والاحرار وعدد من المحكوم عليهم بجرائم جنائية ؟
انها استراحة محارب والشعب كله محارب ومن سار على الدرب وصل ونحن سائرون فى طريق الحرية و الخلاص من هؤلاء الطغاة باذن الله وسنخلى لكم امكنكم فى السراية الصفراء بسجن كوبر ويخرج الشرفاء لينعموا بعبق الحرية و انتم تنتظرون القضاء بين اسوار كوبر وليست ببعيدة عن كافورى ايها الجبناء اللصوص اكلى مال الشعب …

انتو يااخوانا مسؤلين من الخير ويييين ناس ابو الشيماء وابو الاء وغيرهم ليهم زمن واحشننا وعايزين رايهم في البيحصل ده

انها لثورةً حتي النصر
انها لثورة الشرف والكرامة
انتي رمزاً للمرأة الافريقية المناضلة
انتي صورة لمندي بنت السلطان عجبنا
هكذا قد عرفناك يا نجلاء ،
فأنتي كما اسمك
ووقوفك ومناصرتك لنا كامسيحيين في
حادثة الاعتدا وحرق كنيسة الجريف
والدموع علي عينيك هو خير دليل علي
شرفك وحبك لهذا الوطن القارة
احييك اختي نجلاء وزوجك الفاضل
فهو ليس اقل اصالةً منك بصبره وتحمله
فارياح الثورة هبت والنصر لقريب
والكرة الان في ملعب الشعب و
يلا يالشعب شووووووووووووووووووت ضفاري في وش البوت
ويا الخرطوم ثوري ثوري كفاية نهب يالص كافوري
ياالخرطوم ثوري ثوري لن يحكمنا الدكتاتوري

التحية لك نجلاء والله ارجل من رئيسنا ذاتو البيعتقل فى النسوان وسحم خشمنا على الرجال

يا ناس الراكوبه الدنيا مقلوبه بالمظاهرات وما عاملين تغطيه … جامعه الخرطوم والثورات هسه مدورة

يا بت يانجلاء دة الكلام على الايمان ارجل من الكيزان البدقو المرة فى اهانة للمرأة اكتر من كدة موعدهم الصبح اليس الصبح بقريب

لا للسلطة ولا للجاه .. أثبتوا ذلك للشعب السوداني ؟؟؟

أحيك اختى المناضلة نجلاء والله بالجد شرفتينا ربنا يحفظك من كل مكروه قلوبنا معك لولا المرض لكنا معك اينما تكونى عزاءنا ان الله معك ولن يخذلك طالما انك على حق ولم تعملى شئ منافى للاسلام فسيرى فى طريقك الذى اخترتيه وعين الله ترعاك

الأيام دي الحكومة في حالة رعب شديد متوقع منهم بان يقوموا بحملة اعتقالات علي النشطاء.بس ايام النظام قربت!! لا لقمع المواطنيين الشرفاء.

نجلاء اشجع معارضه يتحدث الرجال فى النت ونجلاء فى قلب المعارك مع الشعب المغلوب.
ويخاف الامن الاجرامى من نجلاء لانها هى قناة المعارضه الوحيده وعشان تتحركوا ياسيد فاروق ابو عيس
ود حيدر ابراهيموكل المهموميين ياخوانا المرحله الحاليه والجايه دى لازم لازم الاعلام والقناة مهمه شديد والشعب كله جاهز بس عايز الاعلام والقياده للتخطيط والتنسيق .
فك الله اسرك يانجلاء والله يروع قلوب ابنائم ونسائهم وابشرى يا نجاة سيد احمد نجلاء باذنه منتصره وهى ترسم الامل فى شفاه البلد الذى طال حزنه ,اللهم اجعل كيدهم فى نحرهم سردا ,وشتت شملهم ,وكد لهم فانت خير الكائديين اكيين
تخريمه:
ياخوانا اضعف الايمان ان نسال الله النصر عليهم ونساله فى الصلوات الخمسه وخاصه عند صلاة الفجر.

اهداء لك ايها الثائر الغاضب .. ولكل وطني شريف : رجل ، امرأة ، طالب ، طالبة شيخ ، شاب أو شابة بل وحتي الطفل الذي صبر علي غيابك في المظاهرة لحين عودتك للبيت من الشارع …………هيا، هيا، فاهي ساعة الخلاص

قصيدة صالح عام

شعر هاشم صديق

************
هديمك يا وليدمقدود
و صابحنا الفقر
و الجوع
صبح باب التكل
مسدود
كمل حتي الملح
في البيت
وشن همّ
الملح في البيت
وكت ملح
الدموع موجود؟!
دحين يا وليد
هو ديل
موُ قالوا ناس
إنجاز ؟!!
وشن سّولنا
مما جونا
غير حرقو
الفضل بالجاز ؟
كّل شيتا
صعب في السوق
من الكبريتة
للطايوق
و كان جانا
البخت تموين
رطيل سكر
و صابونتين
نجيب من وين ؟
و اخوك مرفود
و عدمان الشهر
ملين ؟
أمس زازيت
اكوس الدين
مشيت لسمية
بت مامون
لقيت جابولها
تلفزيون
سمح بالحيل
تشوف الصورة
بى كم لون
وكت في نشرة
ألأخبار
ظهر مك البلد
يضحك
جضومو كبار
مزرر الكرش
بزرار
لا مهموم
لا مغموم
لا زعلان
و شيهو
يراري بالألوان..
وقّد في حشايا
تباق نار
طريت رفد
الوليد و الجوع
و سال
دمع الغبينة الحار
اريتك يا ملك
فد يوم
يخلى الجوع
عينيك ما تنوم
أريتك يا ملك
فد يوم
تحس بي غصة المظلوم
دحين يا وليد
هو ديل ما لهم
و مال الدين
وكت قولهم
كلام الله
و فعالهم
ما فعال صالحين
كتير فيهم
عديل حقار
و بالقرآن
كمان تجار
و كضابين
أكان بنزين
عدم .. أو جاز
وتعبوُ الناس
و ضاقو خلاص
صفوف واقفين
يقولولك
إرادة الله
وكان عدم الرخيص
و الغالى
في التموين
يقولولك
ده . غضب الله
و كان الموية
صبحت طين
يقولولك
ده من امريكا
والعملا
حمونا الشب
ولاد الكـــــــــــلب

عشان الشعب
يحرن تب
يقبّل
من صراط الدين
دحين يا وليد
هو ديل
ما لهم
و مال الدين
أكان كنزو
الدهب و المال
بلايينهم
تسوى جبال
وعرباتهم تخطف
العين
و بناياتم قصور
في قصور
وحاة الله
و كتاب الله
أكان ادونا
طوب فد سور
كان سوينا
الف أويضة
لي مسكين
فترنا من الخطب
يا وليد
و من طيش العقيد
و عميد
و من قل القرش
في الايد
و من تعب الوقوف
في الصف
ومن غبن الرصع
بالكف
و من حفر الدروب
و اللف
و من خت الحلم
في الرف
كل يوماَ
نقيحنا يزيد
دحين يا وليد
هو كم دغشاَ
عشان نلقاهو
دافرنا
و تعبنا شديد؟
و كم حولا
صيامنا صبر
عشان يشرق
هلال العيد ؟!
اح ح يا وليد
لا حتى الخبيز
إنضاق
و لا هدما
كسانا جديد
و شوف المغسة
يا وليد
سموُ شقانا
صالح عام
و كل دمعاَ
نزل من عين
و كل جوعاَ
سكت بالدين
و كل زيناَ
محاهو الشين
ختو وقعيتو
في الإسلام
حرامهم يا وليدي
حلال
وا نحنا حلالنا
كلو حرام
يقلبو الدين
نصّل سكين
و ناسين
الحساب قدام
اخر زمن
يا وليد
نشوف كل البشاتن
لون
يفوت هولاكو
دوب نرتاح
ينط في الكرسي
نابليون
اريتك يا أمير
حالي
جعيص في الكرسي
في الخرتوم
و ساويلك
الف والي
نبايعك للظلم و الجوع
نبايعك
وكل ضيم مشروع
نبايعك
و جيتنا جيش
و دروع
نبايعك و الحكم
مقلوع
نبايعك
و القسم مخدوع
نبايعك
من سجن عالى
أخر زمن يا وليد
حصيف العين
يلاقى و يشوف
زمان
ظلم السلف
بالسيف
و حسه السيف
كلاشينكوف
غير زمن
الهوان و الجوع
كمان طالع
زمان الخوف
ديل ما برتو
لى إنسان
كم ولداَ
وقع نشفان
وكم زهراَ
كِتل و اتحت
في رمضان
لا شهراَ حرام
إتصان
لا كفنا ستر صبيان
لا شاهد
قبر معروف
لا اماَ
برد نارها
سكت و إرتاح
نزيف الجوف
دحين يا وليد
أ كان حسع
ده ديش مصعب
و أكان بيرق
علي الكرار
منو الكفار ؟!!!
منو القاصدينو
بالتكبير
و بالتهليل
و ضرب النار؟
اخاف نحنا
و أكان نحنا
أخير نضحك
كتير سبب
الضحك بخته
شوف المغسة
يا وليدي
ديل ما حسه
ناس حُقار؟
ده ذى دق الطبول
للموت
وذي وقد البلد
بالنار
* *
إلا نشوف
أ كان ساهرين
معاك يا جوع
و أ كان ضيقنا
إتحفر في ضلوع
و أكان صابرين
علي الفجار
وحاة الله
و كتاب الله
وكت نغلي
و نكوس التار
لا سوراَ
بقيف في وش
و لا لهب الغبن
بترش
و لا صفاَ
يميل بالقش
كل ظالماَ
يقع و يندش
و سيل دمع البلد
ينقش
لا بحبس حلقنا
الخوف
و لا بترجع
اكان لعلع
كلاشينكوف
هديمك يا وليد
مقدود
و صابحنا الفقر
و الجوع
صبح جلد البطن
مشدود
شن بتسو
و أخيك
من شهر مرفود
قالو صالح عام
عشان قال
العوج في العود
* *
نان ما يقول
أريت يقول
عديل يا زول
هديك
البغلة في الابريق
ما هامينا
-صالح عام-
وديش مصعب
و لا الحجاج
و لا بكتل
قلبنا الجوع
و موت منقذنا
ولا الضاج
خلي الضيق
يزيد يا وليد
بكرة الضيق
يخلى الناس
تبقى عُصّار
علي الحقار
و تبقي حريق
* *
قريب يا وليد
صيامنا يتم
و يهل و يشرق
هلال العيد
نحس طعم الخبيز
و يتبدل هدمنا
جديد

النظام يتهالك وزبانيته يستعدون للهرب والاجهزة الامنية بعض زبانيتها امتلات كروشهم وقصورهم بالحرام
المعروف ان معظم اللذين يضربون الطلاب هم من قبيلة ابناء المايقوما احذرووووهم لان الضرب والتظاهر ضد هذا النظام يعتبر ضد اباؤهم لان زواله هو زوالهم من خارطة السودان الذى دمروه حقدا على ما هم فيه من عدم اهلية …
الشعب السودانى عليه التحرك بشراسه ضد هؤلاء الفاسدين وحصر ممتلكاتهم واموالهم التى نهبوها من الشعب المسكين انظروا كيف يعيش زبانية النظام اليوم كم يمتلك ضار على ضار من مزارع وبنايات له ول نسابته وعشيرته الفنادق الفاخرة فى الخليج وماليزيا وكبار القاده العسكريين المنضوين تحت عباءة النظام من ايتوا بالمنازل فى الرياض والمنشىة ومزاد جبرة كله ان شاء الله ليوم يشهده الشعب السودانى عن بكرة ابيه نسال الله ان يفرق شملهم وان يهزمهمهم وان يكسر شوكتهم وان يذلهم كما اذلوا هذا الشعب المغلوب انه يميع مجيب الدعاءيارب العالمين ….