الانجليزي في مطار الخرطوم (شاهد الصورة)

ياشيخ خاف الله ماهو ظاهر انها حروف ونقاط كانت موجودة ومع عمليات النظافة سقطت او اتمسحت لانها مكتوبة بالطلاء الزيتي وبنظام الاحرف النافرة. ققط نقدر نلوم الجهة الرقابية وهي قسم النظافة او الصيانة لعدم المتابعة، والمواطن من واجبه الابلاغ عن هذه الملاحظات من باب الوطنية يعني افضل من نشرها ومن ثم تتداولها وسائل الاعلام المختلفة ويكون فيها اساءة لنا جميعا.

من فضلك اضغطها . مَنْ هي ؟

خخخخخخخخخخخخ هههههههه

ياخي شوفوا ليكم شغلة غير هذه
هذه باللغة الاسبانية يا عالم
وحتى ولو اللغة الانجليزية ناقصة الحرف مما يجزم معه القاريء ان حرف ال(إي) تم العبث به ) وتمت ازالته
ياخي من الاخر كدا ما يشرفنا نتكلم انجليزي زاتو
المهم البشير يحكم البلد ونحن ما عندنا اي مشكلة نكتب بلغة النوبة المحس ادروب الفور الانقسنا
المهم نحافظ ع بلدنا امحاصرة ليها 30 سنة دي
يعني بالله لو سلمنا جدلاً ثلاثة كلمات فيها اثنين صح وواحدة واااااااااحدة غلط شنو يعني
بعدين تعال ياخي تستفيد شنو من كلمة (بليس ) دي خلاص انتهيتو سلمتوا …المعارضة بقت جمع اكياس ونبذ بس
بكرة حا يظهر علينا واحد اقول والله المقال دا في همزة وصل والتاء المربوطة كتبها مفتوحة
انتوا ما شفتوا مقالاتكم بالعربية كيف تمزقوها وتشرطوها على كيفكم حتى انك ما تفهم منها حاجة تفضل تقرا المرة الاولى والثانية والثالثة والرابعة عشان ترد ما تفهم حاجة الواو محل الالف والالف محل الجيم وحدث ولا حرج
ياخي الحكومة كله ما بعرف انجليزي وين المشكلة والخصار حا يتفك والبلد حا ينتعش حتى ولو بعد عشرين سنة والامريكان حا نديه قاعدة والان بيبني فيها
والمؤتمر الوطني وليس الكيزان الملعون حا يحكم ونحن رضيانين
فياخوانا بلاش فوض البلد ما نفرط فيهو نحن
عاشت حكومة الوفاق وطني وعاش السودان
والحلو والقائد جبريل جايين سلام انتو اقعدوا

اذكر في فترة الهالك الترابي كان يضحك على الناس بان هذه لغة الكافر وثورة التعريب والكافر لا نتعامل معه وشعارات امريكا روسيا دنا عذابها وووو وهذه هي النتيجة ؟؟

هههههههه شكله الزول ده قرأ في الحمام

الزول يتكلم عن شنو والا شنو مطار الخرطوم عار المطارات والا سودانير والمساخر اللى بتسويها فى المسافرين
اقسم بالله الخطوط السودانيه اخير ليهم يقفلوها عدددديل ولا المسخره اللى شوفناها فى رحلتنا من القاهره للخرطوم
ناس بور سودان حاجزين ومأكدين على يوم السبت يتم تأجيلهم الى الخميس وناس الخرطوم حاجزين على يوم الثلاثاء يتم تأجيلهم الى الخميس ايضا
رحله من القاهره الى الخرطوم تستغرق ساعتين ونص اخدناها فى 12 ساعه
ناهيك عن الاضرار التى اصابت الركاب الذين تم تأجيل رحلاتهم
سودانير سجم وعار الخطوط الجويه على مستوى العالم

السلام عليكم واضح ان الحروف كانت موجوده وهي عباره عن ملصق وعادة ما تسقط الحروف بعد طول زمان خصوصا مع الرطوبة والحرارة فالحرف الالف في كلمة اضغط كان موجودا دون شك وكذلك الحرف E في الكلمة الانجليزية PLEASE دون شك ايضا كان موجدا
وتلك ليس قضية تسير الاهتمام وسقوط حرفا او عدم كتابته اصلا ليس القضيه ولكن المحزن المبكي حال خزان السايفون نفسه وادوات الضخ فيه كيف ترونها واين الغطاء – ومن المدهش جدا ان ينتبه صاحب الصورة للجدار وما كتب فيه ولا ينبه لما هو أهم عجبي

هسه خلوها الكتابه مافي خواجه زاتو بجي السودان لمن يقرى مكتوب شنو في الحمام لكن بالله ده شكل حمام في مطار بس ما يكون بعد ده في زول خاتي طربيزه جمب باب الحمام و خاتي فيها فكه….

يأ أخوانا أنا جيث قريب في الشهر ده من الخرطوم والألعن والأمر هو جيوش الذباب “الضبان” في صالة المغادرة ،،، حاجة تخجل ،،، وتعاين للارضيات وبرغم من مسحها بواسطة عاملات النظافة إلا أن البقع السوداء تظل ملفتة للنظر ،،، بس ورونا ياتو مطار في العالم فيه كميات الذباب الفي مطار الخرطوم … طبعا نحن في الصدارة في الوساخة للأسف … وبعدين ده ما من قلة امكانيات ،،، فالحكومة شديدة ولضديدة في التحصيل .. ضرائب رسوم جبايات … الخ ،،، الحمامات دي عشان تتغير بتكلف الحكومة كم عربية لاندكروز … أقلعوا واحدة من الدستورين ديل وصلحوا حمامات واجهة البلد .. لا تشرطوا عينا …

يا اخوانا الحمام ما فيهو ترباس