عقوبات رادعة بالجلد والسجن على شاب مارس الأفعال الفاحشة
أم درمان – آمنة
أوقعت محكمة دار السلام الجنائية أمس الأحد برئاسة القاضي عبد الحميد مادبو عقوبة السجن لمدة عام والجلد (80) جلدة في مواجهة شاب أدانته تحت المادة (151) من القانون الجنائي بممارسة الأفعال الفاحشة وتعود تفاصيل البلاغ إلى أن المتهم قام باقتياد الشاكية إلى منزله بعد أن جاءت إلى محله التجاري لشراء رصيد وبعدها قام بملاحقتها في الشارع مستغلا عدم وجود سكان في هذا المكان وإجبارها على الذهاب معه إلى منزله لممارسة الرذيلة وبعد أن تمكنت الشاكية من الهروب منه حركت إجراءات قانونية في مواجهته وألقت الشرطة القبض عليه وأخضعته للتحقيقات وبعد اكتمال التحريات معه وجهت إليه النيابة تهمة تحت المادة (151) من القانون الجنائي الأفعال الفاحشة
اليوم التالي
لا حوله ولا قوة الا باالله العلي العظيم
والله يا امنة كتاباتك بس جعران في محبرة
في هذا المكان وإجبارها على الذهاب معه إلى منزله لممارسة
خبرك بالصورة اعلاه يفيد انه تمكن منها
طيب يا بنية كان من الافضل تكتبي
…. في هذا المكان محاولا اجبارها على الذهاب معه ………
شنو يعنى أفعال فاحشة!! دى جريمة اغتصاب عديل بدون لف ودوران.
افعال فاحشة ولا اغتصاب و بعدين اجبرها كيف يعني تهديد بالسلاح ولا ابتزاز ولا جراها في الشارع بس الخبر ناقص..
بكرة البشير بيرسل ليهو عفو ريئاسي ، ذى الرسلوا لمغتصب الفتاة الجامعية. اصلوا البشير بحب حكايات الاقتصابات دي عشان ” حلم الجعان عيش” ما فيهو شئ!
نعم الوصف اعلاه لا ينطبق على الماده 151 الاعمال الفاحشه
يا جماعة في أصحاب بعض المهن لو جربوا الغنا احسن ليهم
حيرتونا يا ناس دار السلام بس كيف استوعب انو شارع خالى و المنطقة كل ساعة فيها جريمة تانيا جراها و ادخلا غصبن عنها بهذه السهولة و لا جيران و لاكوراك..نفترض طيب دا الحصل هل يعتبر اعمال فاحشة و لا جريمة اغتصاب الله يعينك يا مادبو
امنه الصاغت الخبر ده درست لغاية سنة كم
رصيد شنو نصت نهار والشارع فاضي .. وافعال فاحشة .. طيب البنت دفعت حق الرصيد وله لا .. وهل البنت سمعتها لبش في الحله .. وهل بينهم سابق معرفة .. دي كلها اسئله يمكن ان تقلل العقوبة من سنه سجن و80 جلده الي لكزة خفيفه في مؤخرة الراس اذا ثبت ماتقدم زكرة ..-
خبر غريب !!!! اذا لم يكن هناك سكان فلمن يبيع صاحب الدكان هذا ؟ و من المعلوم ان الاماكن مثل دار السلام في الغالب لا تخلوا شوارعها من الناس .
يمكن ان يكون بيت الرجل مجاور للدكان و انه استدرج الشاكية الى البيت بحيلة من الحيل او طواعية و لكنها لم تكن تتوقع ان الرجل كان يخطط لممارسة الفاحشة.
عموما يمكن تسمية هذا الحدث محاولة اغتصاب او تحرش فاحش.
رأي ندي القلعة شنو؟ ده خبر شوومه. لو كان خبر شؤم ،كان عملنا شنو
يا ناس خلونا من السخف ده ،يعني الشريف مبسوط مني عمل شنو ؟؟؟؟؟؟
دار السلام ما شافت ليها يوم مره بسلام غيروا اسمها ممكن تهدأ شويه
اذا فى دار السلام فدى ابسط مشكلة تحصل فى السنوات الاخيرة.. يا ترى الاشكال الساكنة هناك كيف؟؟
ساومه ب مبلغ الرصيد وزاغت منه. دقستك يا فرده.
داااااااااااااار السلام اي سلللللللللللللام دا ؟
كل يوم مصيبه
قام باقتياد … عنز هي يا ناس ولو عنز بقدر اقودها لمن يدخلها بيته … امنة احسن ليك ترجعي الروضة