تفوق الأزمة المالية العالمية..محافظ البنك المركزي السابق : ستحدث صدمة إقتصادية في البلاد عقب الإنفصال، وستكون مستدامة وخطيرة..وإنخفاض مُفاجئ سيحدث في العملات الأجنبية.
يحيى كشه
كشف د. صابر محمد حسن، محافظ البنك المركزي السابق، عن حُدوث صدمة إقتصادية في البلاد عقب إنفصال الجنوب، وصفها بأنها تفوق الأزمة المالية العالمية، وقال إنها ستكون مستدامة بخلاف الأزمة العالمية.
ودعا د. صابر لإعادة هيكلة الإقتصاد في السودان، وشدد على ضرورة تعاون الشمال والجنوب في الإقتصاد. وقال: لا يوجد خاسر ورابح في حال عدم التعاون. ودعا لتشجيع وإنسياب التجارة بين الدولتين. وأوضح د. صابر أن إنفصال الجنوب يمثل صدمة داخلية تتمثل في إنخفاض عائدات النفط من العملة الأجنبية، وتتمخض أيضاً عن الإنفصال مؤشرات وصفها بـ (الخطيرة) من إجمالي الناتج القومي وفقاً لدراسات أشارت إلى إنخفاض بنسبة (20%) من إجمالي الناتج القومي، إضافةً إلى تأثر العائدات الحكومية، وأشار إلى إنخفاض مُفاجئ سيحدث في العملات الأجنبية.
وأوضح د. صابر أن ديون السودان الخارجية بلغت (37.5) مليار دولار حسب الإحصاءات، وإنه يعد الأكثر ديوناً في العالم، وزاد: ليس لأنه الأكثر إستدانةً، ولكن تعامل المؤسسات العالمية مع السودان إضافةً لعدم إستفادته من مبادرة إعفاء الديون بحجة أنه لم يستوف متطلبات الإعفاء لأسبابٍ سياسيةٍ.
وأوضح د. صابر أن سقف الإستدانة بحسب (الهيبك) يصل إلى (100%)، وزاد: لكن ديون السودان تصل إلى (311%)، وقال إن مؤشر السودان وفقاً لمعايير (الهيبك) مضاعف مما يعكس صعوبة الدَّين السوداني، وأشار إلى أن الحصار الأمريكي المفروض على السودان حال دون حصوله على الإعانة من المؤسسات المالية، وأضاف أنه بالرغم من كل هذه الظروف إلا أن السودان تمكن من تسجيل رقم مناسب وفي إطار بيئة مالية مستقرة. وأوضح أن هذا الوضع جعل النمو الإقتصادي الذي شهده السودان متمركزاً في منطقة محددة، ولم يعم أنحاء البلاد كافة مما جعل الإقتصاد مركزاً على النفط وتجاهل بقية القطاعات الإقتصادية الأخرى، كما أن الأزمة المالية العالمية تركت حرقاً كبيراً على جسد الإقتصاد السوداني، وأشار د. صابر إلى أن كل هذه الظروف إقتضت تبني إصلاحات رئيسية للخروج من الإشكاليات التي ستنجم عن إنفصال الجنوب، التي تتمثل في إصلاحات مالية وبرامج للترشيد وأولويات الإنفاق. وأضاف د. صابر أنّ أهم القضايا الإقتصادية بعد الإستفتاء تَرَكّزت في النفط والعملة والديون والمياه والموارد الطبيعية. وقال فيما يتعلق بالديون والأصول فقد حدث فيها تقدم جيد مُقارنةً بالقضايا الأخرى، والطرفين إتفقا على مسمى الخيار الصفري وهو أن يتحمل الشمال الديون كافة وفق إستراتيجية يقوم من خلالها الطرفان بإقناع الدائنين بأهمية إعفاء تلك الديون، وأن يتحصل السودان على إلتزام صارم من (الهيبك) للحديث مع المجتمع الدولي لدعم الخيار الصفري. وطالب د. صابر الشركاء كافة وخصوصاً الإتحاد الأوروبي العمل على دعم مسألة إعفاء السودان من الديون. إلى ذلك، رهن فاسل لاند رئيس حزب الشعب النمساوي، عضو البرلمان الأوروبي، إعفاء ديون السودان بقضية السلام والإستقرار بين دولتي الشمال والجنوب، وقال: الإتحاد الأوروبي لديه شرط واحد لإعفاء الديون وهو قضية السلام والإستقرار بين دولتي الشمال والجنوب، ونقل لاند تعهد الإتحاد الأوروبي لدعم السودان والمساعدة في تقريب الشقة بين طرفي نيفاشا، وشدد على ضرورة تحديد الصعوبات التي تواجه الدولتين، وطرحها في مشاريع مشتركة يتم تمويلها من الإتحاد الأوروبي عبر تطوير النقل، والربط بين الدولتين، والتجارة، والتصنيع، والزراعة.
وطالب بضرورة تحفيز القطاع الخاص في السودان. وأكد أن الطلاق البائن بين الشمال والجنوب سيكون له الأثر الخطير على القارة الأفريقية بأثرها، وقال إن إستقرار السودان يخدم مصالح العالم كله بما فيه أوروبا وجيران السودان وبصفة خاصة مصالح أفريقيا. وقال إن ما حدث في الجنوب يفوق ما حدث في دارفور (50) مرة، ودعا للسعي بعدم حدوث كارثة جديدة في السودان. وقال إن السودان هو الدولة الفاعلة العربية الوحيدة، وزاد: إذا لم تدار الأوضاع بشكل جيد سيؤثر ذلك على كل المنطقة، وقال: علينا أن نساعد السودان في التنمية لتوفير حياة كريمة لمواطنيه، وتوفير إستثمارات أوروبية جيدة، وفتح سوق أوروبية، ودعا لاند إلى ضرورة التعاون ببناء شبكة قوية لحلحلة القضايا كافة.
الرأي العام
السيد صابر إنت لما كنت رفي موقع المسئولية ليه ماقلت كلامك دى . النظام بتاع الإنقاذ فصل جنوب السودان جزء من مقرراته وأهدافه أنتم مسوؤلون عن كل هذا الدمار والشعب السوداني عارف كل كبيرة وصغيرة وهذة المرة لن نترك الحقوق تضيع كما كانت سابقا الحساب عسير
يا د. صابر محمد حسن
الكلام دا كان وين لمن كنت محافظ بنك السودان
استقلت منها ،،، ما تقعد تنظر تاني ،،،،
(؟) (؟) (؟) (؟) (؟) (؟) (؟)
corupption….. corupption…. corupption…..
سبع البرمبه دحين ماكنت محافظ بنك السودان عملت شنو؟
كشف د. صابر محمد حسن، عن حُدوث صدمة إقتصادية في البلاد عقب إنفصال الجنوب، وصفها بأنها تفوق الأزمة المالية العالمية، وقال إنها ستكون مستدامة.ـ
انها نتيجة لسياسة المؤتمر التخريبية التي مارسها اكثر من 20 سنة… خراب .. فساد .. بلع ..ازمات.
تم تدمير الوطن الحبوب..
عندما كنت في الكرسي كلامك دا ماقلتو وكنت شغال صرف ثقيل وفقا لتعليمات كبارك الآن وبعد ان وقع الفاس فوق الراس وانفصل الجنوب وانتهى كل شئ كلامك دا وفروا لنفسك لأن الصلاة يوم القيامة مابتنفع
زمان ما قلتو مصريون …!!
"الأزمة العالمية دي بتاعة الدول الربوية" ..
بعد تلات سنوات جيتو تعترفوا بيها ..
ودي النقطة الأولى .. نظام لا تتوفر فيهو الشفافية والمصداقية
محكوم عليهو سلفا بسيطرة المافيات (الإسلامية) وتعميم الفساد.
دول الإستكبار والربا العديل (من دون دغمسة) مالكم ومالم …؟؟
تصلوا على بن لادن وتحتلوا ابيي وشريعتكم ما بتخلوها …
طيب الجرسة عليكم شنو .. ما تبلو راسكم واركزوا للجاياكم…!!
وهل الموضوع هو موضوع مالي فقط أم هي سياسة دولة كاملة بدون
ما تتغير الشئون المالية ما بتتغير فيها مهما كترت الترقيعات
الغريب ان نفس صابر الحسن الذي يتحدث عن الصدمة الان بالامس تحدث حديث هتافي عن عدم تاثر النظام الاقتصادي بالشمال من الانفصال تماما كما تحدث عن عدم تاثير الازمة المالية علي السودان لان السودان لا يتعامل بالدولار ؟؟ ثم جاء لاحقا وجعل الازمة المالية سببا رئيسيا لتدهور الاقتصاد في تقريره لسنة 2009 ؟؟!
الى متى يحكمنا هؤلاء الجاهلون ؟!!
بالله عليك عزيز القاري اقرا حديث صابر عن عدم تاثره بالانفصال ادناه ولن تجد ما تعبر به مثلي تماما …
فنّد صابر محمد الحسن محافظ بنك السودان في مؤتمر صحفي مشترك مع وزير المالية بالبرلمان أمس عقب إجازة الموازنة عدم إحداث تأثير سالب على الاقتصاد حَال وقع إنفصال حسبما يُشاع، وأكد أن نصيب الشمال من البترول سيظل موجوداً بنسبة «25 -30%»، وقال: إذا كانت نسبة الجنوب «70%» فإنّ الشمال يملك البنية التحتية، وقال إذا أراد الجنوب أن يستفيد من البترول فلابد له أن يتعاون مع الشمال، لافتاً إلى أن التعاون هو الحل الأمثل للجنوب، وأردف: (هل سيشربون بترولهم)، وأشار إلى أن التعاون عملية رابحة للطرفين، وتابع بأن التعاون لن يكون مجاناً، وأكد أنه سيكون على أساس الاقتسام أو المشاركة في بترول الجنوب. وقال إن الجنوب لابد أن يدفع إيجاراً لخطوط الأنابيب الناقلة ورسوم عبور في أراضي الشمال ورسوم موانئ، وأن تستمر تصفية البترول في مصافي الشمال، وقال إنّ كل ذلك قد يصل إلى «30%». وأوضح صابر أن التعامل سيكون أسهل بعد الإنفصال مُقارنةً بالأزمة المالية، وأشار لعدم انهيار أية مؤسسة إبان الأزمة المالية وَإلى وجود إيجابيات للاقتصاد على الواردات غير البترولية، وتوقّع أن تصل الصادرات غير البترولية إلى «2» مليار جنيه، وطالب بعدم الركون الى الأحاديث غير الصحيحة وغير المسنودة على معلومات في شأن تأثير الإنفصال على اقتصاد الشمال.
الراي العام
التولى يوم الزحف ليه يا سابر ما ركزت لحد ما تجى–:crazy:
هذا الصابر هو اول من قال ان الانفصال كارثة على الاقتصاد السودانى ثم تراجع وقال الشمال لن يتاثر بالانفصال اقتصاديا وها هو اليوم يتراجع ويقول سوف تحدث صدمة اقتصادية نتيجة الانفصال وقبلها قال ان الازمة الاقتصادية العالمية ليس لها تاثير على السودان ثم اصبح يعلق كل تدهور للازمة الاقتصادية العالمية على كل حال نحن بقينا ناخذ كل كلامه كذب وان قال الحقيقة وكذلك كلام كل متامر وطنى
بالامس قرأنا لقاء صلاح كرار وتنظيراته وكشف بلاوى جماعته __ اليوم طل علينادكتور صيرى
بنظريات لوقالها وهو فى السلطة لما كان هذا حالنا ___
الناس ديل أول مايتركوا المنصب يطلع المخزون والساكت عنه طيلة السنوات التى قضاها منعم فى
منصبه بامتيازاته وراحاته ___
ماذا يفيد الآن ؟؟؟؟؟_____ ماذا نفعل نحن مع الصدمات المتوقعة حسب رأيك؟؟؟؟
هل الحل الهروب ثم التنظير ؟؟؟__
نظام غريب وعجيب ____ الى اللقاء القادم مع قوش ___ ده لو نطق __ لانو احتمال كبير
يركبوه الطيارة _:cool: :cool: :cool:
هذا الدكتور مع الاسف لايفقه في الاقتصاد ولا في السياسه .مع الشكر
إذن لماذا تم تدمير مشروع الجزيرة…وكيف تم إفقار المزارعين؟؟
لماذا تم تدمير السكك الحديدية؟
أين سودانير و والنقل النهرى وهيئةالموانئ البحرية؟
إلى أين ذهبت المصانع والمؤسسات التى خصخصت؟
الإجابة بسيطة (عايزين نملأ جيوبنا ومش عايزين وجع دماغ)
أنا عايز أعرف صابر ده صابر على شنو؟
والإنقاذ دى أنقذتنا من شنو؟
و ال 37 مليار دى راحت وين؟
والعمارات دى قامت من وين؟
فساد فى فساد فى فساد
الرجل يتحدث بلسانين و سمعنا منه تحليلين متناقضين للازمة العالمية و انفصال الجنوب ، واحد حين كان في السلطة على راس المؤسسة المالية و الان نسمع نقيضه بعد ان نال غنيمته و حوافزه المليارية…. اي تحليل نصدق؟
لم يحدثنا الاقتصادي الكبير عن الاسباب الحقيقية التي جعلت السودان اكثر الدول ديونا مثل الفساد و اللغف و الفساد و الترهل الاداري و جيوش الوظائف السيادية مليارية الحوافز و الصرف بسفه و الحروب التي تخوضها الجكومة بلا مبرر الا لفت انظار الناس عن المشاكل الداخلية….
و ما لم افهمه كذلك قوله إن السودان هو الدولة الفاعلة العربية الوحيدة! و لا ادري اي نوع من الفاعلية في دولة مقسومة و حكومة تخوض حربين اهليتين ضد شعبها و رئيسه ا" محبوس" داخليا لانه مطلوب للعدالة الدولية و شعبها مشرد داخليا في معسكرات اللجوء و اطراف المدن و خارجيا بين دول العالم … ناهيك عن البؤس و الغلاء الطاحن و الكوارث القادمة التي يبشر بها الخبير الاقتصادي!؟
احسن حاجه تعمله تسكت و تمسك عليك لسانك يا دكتوز..انت واحد من اسباب الازمه…جاي بعد خراب سوبا تنظر
احسن حاجه تعمله تسكت و تمسك عليك لسانك يا دكتوز..انت واحد من اسباب الازمه…جاي بعد خراب سوبا تنظر
وين الفايده من سياسات الدولة من وقف السيارات المستعملة مش عارفين الجمارك 7 مليون ولا شبعت لغف الله استر مانرجع نقيف في صف العيش يا ناس الانقاذ ونشرب الشاي بي البلح من اعمالكم ومادام الديون معقده سياسيا ماتصالحو اسرائيل ولا انتو عرب اكتر من مصر والاردن وقطر
كل من فارق الكرسي يصبح ناصح وقلبه على السودان في حين أيام الكرسي كلو تمام يا ريس …… من كبيرهم الترابي …. قال توالي قال …… وصلاح دولار ….. واليوم صابر …. وبكرة مين يا ربنا
شماعة الازمة العالمية دي احتفظ بها لنفسك ؟؟؟؟؟؟ اذا كان مخصصات واحد مجهول زي مدير سوق الخرطوم للأوراق المالية هي اكثر من مليار سنويا ما بالك بباقي الجماعة اكيد دخل الواحد السنوي منهم اضعاف ذلك يعني لوكان هناك الف كوز من عينة بتاع سوق الخرطول للأوراق المالية يعني ذلك تحميل ميزانية الدولة لاكثر من الف مليار سنويا هذا لو كانوا الف فقط ؟؟؟؟؟ هذا زمانك يا مهازل فأمرحي ؟؟؟؟
هذا زمانك يامهازل فامرحي
ياناس ده كذاب كذب الابل:crazy: :crazy: :crazy: البلد بتتحرق وكل واحد بعد يتنهى دورو ينظر ويهرجل
لله درك يا بلد:mad: :mad: :mad: :mad: :mad: :mad: :mad: :mad: :mad: :mad: :mad: :mad:
عشرين سنه قاعدين تقلطوا في الجبايات وتدقعوا الناس الرسوم وقاعدين تفاخروا طلعنا البترول طلعنا البترول
اها وينو؟؟؟؟؟؟
وقروش الجباايات والبترول مشت وين؟؟؟؟؟؟؟؟؟؟؟؟؟
بعد البترول طلع قلنا الحكومه حاتركز على قطاع الزراعة والثروه الحيوانيه وتطورهم من خلال عائد البترول بعد ماكانوا متعلليين بحجة الامكانيات
ولكن بعد طلوع البترول لا دعموا الزراعه ولا فكوا رقبة المزارع من الرسوم
ياناس الجبهة انتو جيتوا باسم الدين
وقلتوا هي للله لكن ابدا عقيدتكم الدينيه ماكانت روحانيه بل كانت ماديه
وربنا امهلكم ولم ترجعوا
وماراعيتوا حقوق اللله في الارض ولم تراعوا حقوق الانسان المواطن السوداني
ماشين زي القطر الماعندووا فرمله لا بقيف ولا بهدي والضحيه كان الانسان السوداني
تفتكروا ربنا حايعفي ليكم ده؟؟ او حايخليكم؟؟؟
ولا مفتكرين بأنه سيجازيكم بخير الدنيا وخير الآخره؟؟؟
اهي المصائب تتوالي والضحيه برضو الانسان السوداني والجاي مامعروف وربنا يستر ويحمي الانسان السوداني المضطهد
لماذا لم تعيد هيكلة الاقتصاد السوداني عندما كنت محافظ البنك المركزي ، كنت احد اركان الادارة الاقتصادية في البلاد ، قلنا لكم مليون مرة بان العالم يقوم الان على المصالح الاقتصادية والسياسة الراشدة تخدم الاقتصاد ، اين فوائض البترول التي تحقق في السنوات العشر الماضية اين ذهبت لماذا لم تنعكي على هذا الاقتصاد الهزيل المشكلة انو في السودان لااحد يتحمل المسؤولية ولا احد يستقيل ولااحد يعترف بالخطاطبقتم سياسة التحرير والتي اضرت بالاقتصاد اكثرمما دعمته افقرت الشعب ولم تقدم للحكومة حلول جذرية لمشكلة الاقتصاد السوداني المزمنة افيقو وراجعو انفسكم وكفاية تنظير وتطبيق سياسة اقتصادية خاطئة
بعد ايه! الم تكن عراب البنك المركزي واحد اركان النظام المالي المتهالك!! والبنوك الفاسدة لا بل كنت احد الاعمدة التي سمحت للبعض الاستيلا ء علي اموال بعض البنوك من المتنفذين!! وصمت علي فساد البنوك وعلي المضاربة بالعملات من قبلها وعلي الاستيلاء علي اموال المودعين!!! واخيرا وليس اخر الصرف البزخي الذي كان يصرفه مدراء بنكك العظيم!! ومخصصاتك وامتيازاتك التي لو نشرت في الصحف لاستقال محافظ البك الامريكي حسرة!!! وما حزمة المرسيدسات الاخيره بالمليارات بخافية علي احد!!! فاي ازمه بعد هذا تعني!! ونحن مازومين خلقه!! لن تتاثر خادماتنا الاجنبيات مثلك بفرق العمله او مكيفاتنا المركزيه بانتقطاع الكهرباء!! ولن تتاثر عرباتنا ذات السته سلندر بندرت البنزين!! ولن يغضب نسائنا من عدم الاجازات في كولالمبور!!!
كل واحد بعد ما يدق الدلجة يعمل فيها ابو عرام فى الاقتصاد ، وين النصائح الغاليه وانت محافظ بنك السودان ، ولا كنت بتنفخ فى قربة مقطوعة زى ما المعلقين المية ديل بينفخوا فيها ، عشان تعرفوا ان الانقاذين ماقلبهم على البلد الواحد هموا يلقى هبرة جامدة ويدى البلد ظهره قال بعد عشرين سنة حكم جاين يحاربوا الفساد ، هوى يا ناس السودان شوفوا ليكم بلد تانى وحياة كريمة فى بلد تانى لانه مراهن واتحدى ان السودان عمره مايبقى بلد تانى سيظل رجل افريقيا المريض لقيام الساعة طول مافيه امثال هؤلاء
بالله شوف المتخلف ده ?إنت سبب كل البلاوى الإقتصاديه الحاصله دى ابعدت كل الكفاات من بنك السودان وجبت أهلك من غير أى كفاات حتى صار كل الإصطاف من جهه واحده وعنصر واحد كأن هذا البنك ملك لأبيك .
و الفساد الريحته طاقة ده ما عنده دور فى الأزمة ولا عشان هابر ليك هبرة ساكت عليه.
""""وقال إن ما حدث في الجنوب يفوق ما حدث في دارفور (50) مرة، ودعا للسعي بعدم حدوث كارثة جديدة في السودان. وقال إن السودان هو الدولة الفاعلة العربية الوحيدة،""
من أين أتى هؤلاء…
يا دكتور هذا الكلام خطير جدا ..وكان من المفترض قوله عندما كنتم تصرفون ببذخ على أفراد العصابات الكيزانية في الدولة الرسالية..ثم متى تنسون وهم العروبة والعرب التي جبلتم بها في عهد مضى…ولن يكون تأثير هذه الازمة إلا على الشعب المسكين المغلوب على أمره..
الخلاصة….أنت إقتصادي على غير نزيه…..لأنك سكت عن الحق في زمن الأزمة….
وقت عامل فيها إقتصادي كبير…ممكن تورينا أدوك مكافأة خدمة أربع مليار جنيه ليه؟؟؟ بس ورينا حاجة واحدة كويسة عملتها ولا أنجزتها ونسبوها ليك وقالوا والله صابر دا بيستاهل نديه 4 مليار….إنتا وشاكلتك بتستاهلوا حاجة واحدة بس، يختوك إنتا ورئيسك والعواليق التحتوا ناس ضار وما نافع وشيخكم علي والأهبل أبوريالة والحاز والأشكال الباقية الإنتا عارفها يختوكم في حفره صغيرة وما تكون كبيرة عشان مافي زول يزوغ ويولع فيكم بجاز وسخ…وبعد دا مافي زول يدفنكم عشان الزيكم ديل ما في زول هاينجس يدينوا بيكم………يا عفن:mad:
لما انت عارف كدة وعندك التنظيرات دي زغت ليه السودان طول عمره عايش بدون بترول ولما ظهر البترول المواطن بقي شحات دة كان للصفوة بس اقصد الصحابة هي لله هي لله ولما خلاص بقي مافي بترول كله عاوز يزوغ بس ماتخاف البلد فيها رجال ذو كفاءة عاليه وليس ولاء فقط علي حساب الكفاءة
يا اخوانا يا اهل الراكوبة نحن من زمااااااااااااااان قلنا ليكم كفرنا بهؤلاء الزنادقة المنافقين الكذابين تجار الدين كفرنا بهم كفرا بواحا ولا خير في بشيرهم ولا بصيرهم كلهم عجينة واحدة واي واحد اسوأ من التاني وما راجين منهم خير على الاطلاق فقط ننتظر الساعة التقوم فيها قيامتهم ومافي سماح ولا عفو ولا عفا الله عما سلف …….ثورة ثورة حتى النصر ……
ما قارق معانا الكلام مفلسين وجعانين وعطشانيين
الكلام انتوا
يا اخوانا ..سبحان الله…الجماعة ديل كلهم سماتهم واحدة…تحس لما تشوف واحد منهمبعدم الإرتياح….والغتاتة واندالة
أعوذ بالله
He is out of the post, so, its time to start talking !!!! rubbish
بالله هو نحن اتاثرنا بالازمة الاقتصادية العالمية؟ ما قلتوا لينا السودان ما حيتاثر بيها لانو السودان ما فيهو ربا وما فيهو قروض ربوية وانو الازمة سببها الربا لذلك السودان في مامن من تاثيراتها…. مش ده كلامكم يا دجالين يا حثالة
المعلق امين الشريف
كلامك صحيح مئه مئه
زى ما قلت ديل يمشــــــــــــــــــــــــــــــــــــــــــوووووووووووووووووو ده الحل الوحيد لا تعاطف معهم مهما كانت حتى غزو لاحتلال فى ظل حكومة البشير
والكلام ده ما قلتوهو من زمان ليه يا ضلاليين. كدى زيدهوا تانى والله تحصل انتفاضة
ربنا يستر الواحد من الان بداء يحس بكثرة الضرايب والجبايات التي ستفرض بعد الانفصال
على المواطنين لتغطية ميزانية ومنصرفات الحكومة , (شدوا حيلكم يا المغتربين من الجاياكم)
قال صابر:
وأشار إلى إنخفاض مُفاجئ سيحدث في العملات الأجنبية.
يا راجل قول غير كده…يعنى الدولار يرجع زى زمن صلاح ضورار ب12 جنيه بس…طيب المشكلة وين….يفترض تبطلوا دجلكم و تقولوها صاح…يعنى الجنيه سيعانى من انخفاض مفاجئ مقابل العملات الاجنبية…الدولار حيبقى ب20 الف جنيه سودانى و بالتالى الاسعار حتولع تانى…هى لله هى لله
كلام دكتور صابر دا إلا يتأثروا بيه هم المافاضيين من اللغف أما الــ 90 % من الشعب السوداني الفضل هم اصلا جعانيين لو زاد الدولار ولا نقص ما مستفيد منوا حاجة ؟؟
وبعدين الكلام دا من زمان وينوا بس الواحد من يخلي كرسيهوا دا يقعد ينظر ليك ما البلاوي دي كلها من تحت راسك
بكيان] [ 25/05/2011 الساعة 5:35 مساءً]
"عشرين سنه قاعدين تقلطوا"
يا بكيان اخطأت ولكن صدقت
ال37 مليار دولار عملتوا بيها كباري ولمشاريع استثمارية في ماليزيا وفلل في الخرطوم نعلة الله عليكم يا حرامية
أنت ما كنت محافظ البنك المركزي مالك ما قدمت زي هذا النقد الآن ،، المهم إن هذه صورة قاتمة ومتشائمة لمستقبل السودان ولكن هنالك سحب حبلى بالخير الكثير يمكن أن تفك هذه الضائقة وإنت ما ذكرتها وهي حقل بليلة الذي سوف يتجاوز إنتاجه أكثر من 250 ألف برميل بعد 3 سنوات وكذلك الذهب الذي سوف يتم تصديره إعتبارا من نهاية هذا العام بعد أن يتم إستخلاصه تماما في مصافي السودان التي هي الآن قيد الإنشاء . يضاف إلى ذلك الإستثمار الأجنبي في مجال الصناعة والزراعة . أنا أعتقد أن الوضع سوف يكون أحسن مما كان خلال 3 أعوام ، وأن الأزمة لن تكون أسوأ من الأزمة المالية العالمية كما ذكرت وأنها لن تطول .
لاحظتوا حاجة :كل محافظ من محافظي بنك السودان الحرامية
بعد ما يقرد خارج السرب يقوم يولول ويعمل فيها خبير إقتصادي:
درسنا في مناهج الأقتصاد حاجة أسمها التنبؤ أي بمعنى التوقع للمستقبل
وديل الواحد بعمل فيها بعلم القيب في حين كان هو المسؤول ما بقول التنبؤات بتاعتو دي لية …………
مدير سوق الأوراق المالية يصرف مليار وأنت كيف ما تتنبأ لينا الفقر والضايقة المالية .إذا كان دا المدير أمال المحافظ كان بصرف كم وزير المالية ……………
حليل زمن حارس بيت المسلمين وقت كان الصحابي يعزل للشبهة بس(أن تجارته إزدهرت وماله نما) ناهيك من السرقة وبالدليل كمان……وتقول لي برضو تنبؤ …..
;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;( ;(
اللهم لاتسلط علينا من لايخافك ولايرحمنا
لك الله ياوطني ………………………………………………………………………………………………………………….
مافي وجيع
سبحان الله عبقريات الانقاذين تظهر بعد طردهم من السلطة .. د/ صابر أول من أوجد الصدمة الاقتصادية فى السودان . كان مسؤل مفاصل الاقتصاد السودانى وولده أكبر تاجر عملة فى السودان كان يشترى كل العملة الصعبة من السوق من أين له تلك الاموال الطائلة لأبن صابر لو لا موافقة صريحة من والده ودعمه فى أحتكار العملة الاجنبية . تلك النظريان عند وجودك فى السلطة كان أنسب لكن بعد إقالتك من مواقع المال لا نعتد بتنبئاتك الما منها فايدة
عرفناكم الكل يتباكى عن المناصب الذى فقدتموه . من المتبع الوزير يستقيل عند الاخطاءالغير المقصودة لكن عندنا الوزير لايستقيل ولايقال وإذا أقيل بخطأ واضح يصرالحضور لمكتبه لمواصلة عمله تحدى و بالقوة زمن الانقاذ الوزير وزير حتى الموت لارقيب ولاحسيب منطق كل وأكل أستر وأستتر فقة السترة . الحريقة تحرق كل نصاب أكل مال الشعب حين غفلة مستغلا سلطته .قرفنا من كذبكم الله يخلعكم جميعا يارب ماعازين أى كوز منتفع يطلع من المنصب ويدينا درس عصر
نظريات و تنبئات ونصائح أحتفظو لنفسكم
اين المفاجأه وانت تقول حيحث انخفاض؟؟؟؟؟؟؟؟؟