ماذا قال عن السودان وماهي الامور الثلاثة التي يركز عليها… اوباما لماذا يستمر في التعاون مع نظام البشير ؟
ثروت قاسم
1- اوباما والسودان !
في يوم الجمعة 7 سبتمبر 2012 ، قبل اوباما ترشيح الحزب الديمقراطي ليخوض الانتخابات الرئاسية في اول ثلاثاء في شهر نوفمبر القادم الموافق 6 نوفمبر 2012 !
السياسة الامريكية المتبعة في السودان ، سواء من أدارة اوباما ، او من أدارة رومني سوف تؤثر تأثيرأ مباشرأ علي مجريات الامور في السودان ، وحتي علي مصير بائع التبش في سوق قرية جرجيرة في دارفور ! ونسبة لان اوباما متقدم ، حاليأ ، علي رومني في أستطلاعات الرأي الانتخابية ، وفي جمع التبرعات لحملته الانتخابية ( حسب القانون الامريكي غير المكتوب ان من يجمع تبرعات انتخابية اكثر ، يفوز بالانتخابات الرئاسية ) ، فسوف نستعرض ادناه ، في 7 نقاط ، بعض ملامح خطاب اوباما في المؤتمر الوطني للحزب الديمقراطي ( شارلوت ، نورث كارولينا ? الجمعة 7 سبتمبر 2012 ) ، وتداعيات ذلك علي بلاد السودان :
اولأ :
في خطابه في دنفر ، في كولارادو ، قبل اربعة سنوات تقريبا ، عند قبوله ترشيح الحزب الديمقراطي له مرشحأ رئاسيأ ، وعد اوباما بوقف الابادات الجماعية في دارفور ، وتغيير نظام البشير الأستبدادي ! ولكنه لم يذكر دارفور في خطابه الان ، كما لم يشر الي نظام البشير ! ولكنه ذكر دولة جنوب السودان بالاسم في توكيده لترقية مفاهيم حقوق الانسان ، وأنه قد ساعد علي أستيلاد دولة جنوب السودان !
سياسة اوباما ترتكز علي ضمان الاستقرار والامن في دولة جنوب السودان ! ونسبة لأن مصير دولة جنوب السودان مرتبط أرتباطأ وثيقأ بدولة شمال السودان ( تؤام سيامي ) ، فان الاستقرار والامن في الشمال شرط قبلي للامن والسلام في الجنوب ! ونسبة لان الرئيس البشير دكتاتور ينتهي الترتار عنده ، ويملي ارادته علي السياسات المتبعة في الشمال ، وكونه رهينة في ايادي ادارة اوباما لا يمكنه السفر خارج السودان بدون موافقة قبلية من ادارة اوباما ، فان رهان ادارة اوباما لتحقيق الامن والسلام في دولة جنوب السودان سوف يكون علي استمرار الرئيس البشير في السلطة في الخرطوم ، بدون تغيير خشن ، او حتي ناعم !
كما تراهن ادارة اوباما خلال الفترة الرئاسية الثانية المحتملة علي حمل تحالف كاودا الثوري لنبذ العنف والقاء السلاح ، والجلوس مع نظام البشير لأيجاد حلول سياسية لمشاكل الهامش عبر الحوار السياسي !
ثانيأ :
أكد أوباما في خطابه أنه سوف لن يدعدغ مشاعر الشعب الامريكي بما يريد ان يسمعه ، وانما بما يجب عليه معرفته من حقائق ، ليعرف التحديات الماثلة ، والفرص المتاحة لمجابهتها ?!
في هذه الحالة ، سوف يدابر الرئيس البشير الذي يؤشر شمال للشعب السوداني ، ويلف يمين ؛ والذي يقول الشئ في الصباح وعكسه في المساء !
فقد الرئيس البشير مصداقيته تمامأ ! ألم يقسم بأنه لن يجلس مع الحشرة الشعبية ، وبأنه لن يسمح بمرور البترول الجنوبي الي بورتسودان ؟ ثم غير مساره 180 درجة ، وقدم التنازل وراء التنازل في مفاوضات أديس ابابا ، تحت الضغط الامريكي ؟ وأخر تنازل كان قبول الرئيس البشير للخرطة الحدودية التي قدمها مبيكي ، والتي تضم مناطق شمالية ( أبيي والميل 14 ) لدولة الجنوب ؟ وقرار الرئيس البشير ببدء سفريات الطيران بين الخرطوم وجوبا ، وقراره بفتح الحدود بين الدولتين ، وأطلاق سراح التجار الشماليين الذين حكم عليهم القضاء بالسجن لمدد فاقت العشرة سنوات ، في بعض الحالات ، وبمصادرة لواريهم بما حملت من بضائع !
قرار الرئيس يؤكد ان القضاء اصبح مطية في يد الرئيس البشير فهو المشرع والقاضي والحاكم بامره ؟
ثالثأ:
أكد اوباما في خطابه بأنه سوف يتعاون مع الحكومات الديمقراطية التي أتت بها ثورات الربيع العربي في الدول العربية ، والتي أطاحت بالطواغيت العربية ! ولكن سياسة ادارة اوباما تستثني السودان من هذه المعادلة ، وكان حالة السودان الشاذ الذي يؤكد القاعدة العامة !
فسياسة اوباما في السودان ترتكز علي دعم نظام الرئيس البشير ، وتفعيل قرار مجلس الامن 2046 ، الذي أستبعد قوي الأجماع الوطني وحركات دارفور الحاملة للسلاح ، والتحول الديمقراطي في الشمال ، من مفاوضات أديس أبابا !
رابعأ:
يركز اوباما علي تقوية الطبقة الوسطي افقيأ ( العدد ) ، وراسيأ ( المهارات ) ، ليكون المنتوج الأمريكي هو الاول في العالم !
في حالة بلاد السودان ، نجح نظام البشير في خصي الطبقة الوسطي ، وتحويل المجتمع السوداني الي مجتمع ال 5% ، حيث تكون طبقة أغنيأء حرب الأنقاذ 5% من المجتمع ، وباقي المجتمع ( 95% ) تقع في حفرة الفقراء والمعدمين والمعوزين !
يحارب نظام الانقاذ الطبقة الوسطي لانها الطبقة الأكثر أستنارة ، والتي تقود حركة التغيير ، والتي قلبت نظام الحكم العسكري في ثورة اكتوبر 1964 ، وفي أنتفاضة أبريل 1985 ! يؤمن نظام الرئيس البشير بأن تدمير الطبقة الوسطي هو صمام الأمان لبقائه في السلطة ، لأنه بضعف الطبقة الوسطي تضعف قوي التعبئة والحشد والتنظيم لجماهير الشعب السوداني للاطاحة بنظام الانقاذ !
يؤمن نظام الانقاذ بان أستمراره في الحكم يمكن تأمينه من خلال أضعاف بل تدمير الطبقة الوسطي !
خامسأ :
أكد أوباما بانه لن يسمح لابن مهاجر فقير ان يفوته قطار التعليم ، وأن الحلم الأمريكي سوف يكون متاحا للجميع ! معظم قادة الانقاذ وصلوا الي مراكزهم الحالية بفضل التعليم المجاني الذي كان متاحا للجميع ، الفقراء المؤهلين قبل الأغنياء ! ولكن سياسة نظام البشير نجحت في خصخصة التعليم ، وجعلته منتوجا تجاريأ يشتري في السوق بأغلي الأثمان ، بدلأ من حق مشروع لأبناء وبنات السودان !
أختزل الشيخ راشد الغنوشي سياسة نظام البشير التعليمية بأن أشار الي أنها لا تعتبر التعليم كقيمة أضافية ، بل كوسيلة لتدمير الطائفية ، بنشر الوعي ، خصوصأ بين الشباب ! ولهذا فقد أهتم نظام البشير بالتوسيع الافقي للتعليم علي حساب الجودة ، وأهمال التوسيع الرأسي الذي يركز علي النوعية واكتساب مهارات مهنية ، ذات صلة ، تساعد في تقدم ونماء بلاد السودان !
الحالة المتردية في مرفق التعليم في السودان ، تنطبق علي المرافق الاخري الاكثر ترديأ كالصحة ، والرعاية الأجتماعية ، حيث يتم صرف أقل من 5% من الميزانية العامة علي مرفقي التعليم والصحة ، مقابل اكثر من 75% من الميزانية علي الأمن والدفاع !
سادسأ :
تضغط ادارة اوباما لكي تتوصل دولتا السودان والحركة الشعبية الشمالية الي اتفاقات حول ثلاثة أمور ، بحلول يوم السبت 22 سبتمبر 2012 ، في المفاوضات الجارية حاليأ في أديس ابابا ضمن أطار قرار مجلس الأمن 2046! يمكن للامور الاخري المتبقية ان يتم تحويلها لما بعد يوم السبت 22 سبتمبر 2012 ، في مفاوضات مارثونية ، والتركيز حاليا علي الأمور الثلاثة التالية :
+ تفعيل الاتفاق حول النفط ، بأن يوقع الرئيسان البشير وسلفاكير علي الاتفاق الاطاري حول النفط ( أديس ابابا ? السبت 22 سبتمبر 2012 ) لكي تتمكن دولة جنوب السودان من تصدير نفطها ، الذي تعتمد عليه في 98% من مداخيلها الدولارية ، وحتي توفر علي أدارة اوباما اكثر من 5 مليار دولار تصرفها كل سنة في أغاثة حوالي نصف مواطني دولة جنوب السودان !
من المتوقع ان يوافق نظام البشير علي أتفاقية النفط ، ويصرف النظر عن شرطه بالوصول اولا الي اتفاق حول الملف الامني ! رغم ان قادة الانقاذ يصرون علي الوصول اولا الي اتفاق حول الملف الامني ( طرد دولة جنوب السودان للحركات الحاملة للسلاح من الجنوب ، ووقف دعمها للحركة الشعبية الشمالية ) ، لانه يخافون ان تستعمل دولة الجنوب مداخيل البترول لدعم تحالف كاودا الثوري !
نعم … من المتوقع ان يوافق نظام البشير علي أتفاقية النفط ، تجنبأ لعقوبات أممية أضافية لا قبل له بها !
+ وقف العدائيات بين دولتي السودان بالأتفاق علي منطقة حدودية بعرض 10 كيلومتر شمال وجنوب الحدود ، وبطول الحدود بين الدولتين ، تكون معزولة السلاح ، ومراقبة دوليا بقوات حفظ سلام أممية ، لوقف العدائيات بين الدولتين !
في هذا السياق ، لم يوافق نظام البشير علي الخريطة التوفيقية التي قدمها مبيكي لانها تضع منطقة الميل 14 داخل حدود دولة جنوب السودان ، رغم أن الخريطة غير ملزمة قانونيأ للطرفين والقصد الحصري منها تحديد المنطقة الحدودية المعزولة السلاح !
من المتوقع ان يوافق نظام البشير علي وقف العدائيات واعتماد الخريطة الحدودية التوفيقية ، تجنبأ لعقوبات أممية أضافية لا قبل له بها !
+ الاتفاق بين نظام البشير والحركة الشعبية الشمالية علي وقف العدائيات بينهما ، وتوصيل الاغاثات الانسانية للنازحين في ولايتي النيل الازرق وجنوب كردفان ، بواسطة المنظمات الطوعية الأغاثية ، حسب أتفاقية نوفمبر 2011الثلاثية ( الأمم المتحدة ، الاتحاد الافريقي ، والجامعة العربية ) !
وافقت الحركة الشعبية الشمالية علي التفاوض ثنائيأ مع نظام البشير حول ولايتي النيل الازرق وجنوب كردفان ، تحت اطار قرار مجلس الامن 2046 ، في مدابرة لتوكيدها السابق بأنها لن تفاوض ثنائيأ حول ولايتي النيل الازرق وجنوب كردفان ، بل حول التحول الديمقراطي في السودان ، وتغيير نظام البشير !
ولكن ضغوط أدارة اوباما وضغوط الرئيس سلفاكير ، حملا الحركة الشعبية الشمالية علي تغيير موقفها المبدئي حول التفاوض مع نظام البشير !
سابعأ :
يفعل القارئ الكريم خيرأ بقراءة خطاب اوباما لمعرفة مزيدأ من التفاصيل التي تهمه في المقام الأول ، خصوصأ وكل المؤشرات تشير الي فوز اوباما في الأنتخابات الرئاسية القادمة !
يمكنك زيارة الرابط ادناه لقراءة خطاب اوباما الكامل :
[url]http://www.nytimes.com/2012/09/06/us/politics/president-obamas-full-remarks-from-the-democratic-national-convention.html[/url] [email][email protected][/email]
جننت مصطفى سرى يا محمد النور كبر هههههههههههه
ههههههههههههههههه
يا زول انت عفريت من الجن عديل كدا
انت ما سمعت انو الدنيا مقلوبة عليك يا ثروت ياقاسم جايي تحدثنا عن اوباما
حدثنا عنك انت
الا صحيح وين عنقالية رهيد البردي وابالسة الانقاذ والذي عنده علم من الكتاب في المقال دا
اني اري انكسارة والله في مقالك هذا
ايوة يا عمك ما تشتغل بكلام سري وعاصم دا ولقط لينا ولخبط لينا وونسنا حبة وطق معانا الحنك
حمدلله علي السلامة كنت منتظر منك تجيب لي اللوتري معاك لكن مامشكلة المره الجاية الكويس وريتنا راي الكابوي الذي عنده علم من الكتاب وده المهم وعلي رايك اي زول يشيل شيلتو مع خالص التحايا والاشواق
العيار الما يصيب يدوش
الان تاكد لثروت قاسم ان الكاتب مصطفي سري قد اخطأ الهدف
وهو الكشف عن هوية ثرة قاسم الحقيقة؟
لذلك نجد ان ثروة قاسم بذل جهداً لكي ما يكون هذا المقال موضوعي
وبعيد عن الخزعبلات والفنتازيا التي عهدناها من قبل….وهذا من اثر الدوشة
لكن دوام الحال من المحال
وسلم لينا علي مخلاية القس
dear USA has hidden agenda in support the Sudanese government and really with the stupid of Republic party policy and existing of USA sanction and up & down with Sudan – the losses is USA and Sudanese people and the winner is Chain and existing government – USD provided golden opportunity to chain to enter Africa through Sudan , and if you look right now chainese are everywhere – go to any place in Africa and you will find them – while USA is not showing any domination – they are struggling in the economy and this also part of Chain policy and strategy to penetrate the world economy –
بسم الله الرحمن الرحيم
يبدو انك تكتب ولا تبالي فالكلمة امانة ومسؤلية فانصحك بان تتقي الله قيما تكتب وتقول اتابع ماتكتب فكتاباتك فيها تناقضات كثيرة ومعلومات غير موثقة ودائما تشير الي الرجوع الي كذا والي مواقع او صحف دون ان يجد القارئ معلومة ذات قيمة حقيقة انا من الذين يرجون زوال هذا النظام بصدق واعمل لذلك لانة غير شرعي وافسد وظلم واسند الامر في كل ولايات السودان الي غير اهلة لاكنني اعارض بمسؤلية واكتب بصدق واعمل بجد لتحقيق اهدافي ان اسلوبك مشوق ولاكنه تضليل زفية غثاء كثير لايفيد المصلحة الا عوام الناس فانت توهم القارئ فلا اعلم لمصلحة من ولماذا تكتب واخشئ انك تنفذ اجندت المؤتمر الوطني خفية بالتضليل والتدليس هذا والله اعلم واتمني ان لاتكون من المدلسين فيما تكتب والله يعينك علي الحق والصدق
لقد ظهر الشبح
شنو الجدية دى ياثروت ياخي
وين خفة الدم, والدراما والعنقالية بتاعة رهيد البردى؟, حتي الانسان العظيم المحتهد الذى عنده علم من الهناي ماجبت سيرتو!
شوف ياثروت باشا, اسلوبك الاولاني ممتاز, والاختلاف لايفسد للود قضية , المهم زى مابتسرب لينا حاجات الصادق بلغو انو عموم عنقالية البلد منقرفين من مواقفو السندكالية دى وحالتهم المعدنية فى الحديد
عموما الحركة الشعبية شمال حزب كبير ذو جماهير عريضة , والتفاوض حول توصيل المساعدات والغذاء مصلحة لابناء السودان الذين استخدمت الانقاذ ضدهم سلاح الجوع, وهو موقف يحسب للخركة الشعبية, والتي ستعود سوا سقطت الانقاذ ام استمرت , وفى هذه الحالة ستسقط الانقاذ ختما فى الانتخابات ومعها جماعة الذى عنده علم من الكتاب وماشابه ذلك
امريكا موقفها معروف من الانقاذ , هي تريد تحسينه وليس اسقاطه, لماذا؟انت اللى تئول يامعلم
المهم دى سياسة معلنة وهذا مايجعلني اوكد انها ستضغط باتجاه عودة الحركة الشعبية وفى اسرع وقت, واتوقع ايضا ترتيبات بخصوص بقية الفرقاء بعد الانتهاء من شكلة النطام مع ناس سلفاكير والجنوب
ابو لمبة ظهر
يازول انت ماتعرف نفسك عشان التاريخ لايرحم
الكتابة بالاسم المستعار( pseuodonym) شائعة منذ القدم في الأدب والسياسة وتعاظمت في عصر النت:
+ هذا ما تتمناه الحكومة أن ينشغل معارضوها عنها بمن هو وكيف يكون ثروت قاسم وما هو أصله وفصله؟؟؟
+ الكتابة بالأسماء المستعارة لم يبدأها ثروت قاسم وهي موجودة من قديم الزمان خاصة في الأدب وفي السياسة(مثلاً الكاتب الروائي البريطاني جورج اليوت اسم مستعار لكاتبة أنثى ..وهناك أدباء كثيرون آخرون في كل أنحاء العالم- حكاية “جيميس بوند” مثلا !!! ) وقد مارس كتاب سودانيون كثيرون الكتابة الأدبية والسياسية تحت اسم مستعار في مرحلة من المراحل… وحتى عبد الله الطيب اعترف أنه مارس الكتابة باسم مستعار في شبابه .. وهناك الكاتب السياسي المعروف محمد على جادين ظهر أخيرا أنه اسم مستعار ..
+ بل أن الكتابة بالاسم المستعار تعاظمت بعد انتشار النت .. هل انتبه معظم الذين يكتبون الآن في الراكوبة وحريات وغيرها من المواقع, أنهم إنما يكتبون بالاسم المستعار .. والحقيقة أن الكتابة بالاسم المستعار تحتاج دراسة كاملة !!!
+ مقالات مصطفى سري لا تخرج عن اطار التكهنات العادية اتى بتداولها القراء العاديون.. عن من هو ثروت قاسم ..ولم يأت سري بجديد.. خاصة أن معظم القراء يعرفون سلفاً أن ثروت اسم مستعار وهذا لا يعيبه في شيء , فما الجديد في ذلك ؟؟؟؟
+ ربما المثير للاهتمام في كتابة ثروت أنه يكتب باسلوب جديد و مبتكر يقوم فيه بتوظيف آليات السرد القصصي والروائي في جوف التحليل السياسي.. وهذا الاسلوب غير مألوف في التحليل السياسي الذي عادة ما يكتب باسلوب ناشف وجاف.. وهو ما فات على سري وكثير من القراء !!!
+ كان أنفع لسري والقراء لو أنه كتب عن أفكار وآراء وتحليلات ثروت قاسم بدلا من هذا البحث المضني عن من هو (جيمس بوند)السوداني ؟؟؟
+ يظل ثروت هو الكاتب الأكثر قراءة وتعليقا في الراكوبة منذ سنوات.. وهذا باختصار ليس ممكنا ان كانت كتاباته مجرد (خطرفات) كما يحاول سري تصويرها !!!
وين مصطلحاتك العجيبة ديك انت مصطفى سرى عمل ليك نفسيات ولا شنو
نحن قبيلة المعلقين ماقلنا شى كنا على حياد
وهو كلو طق حنك
وصل الماسورة
ثروت قاسم انت مثل الشخص الذي ينفخ له في قربة مقدودة / عملت لينا نايم في موضوع الثورة ضدك
واير القاري الكريم ينسي امرك ويعفيك من ان تعرف نفسك / فاعلم يا ثروت قاسم نحن اشخاص سودانين فاذا كنت بتخاف من ان تكشف لنا عن نفسك وشخصيتك نطالبك ايضا ان توقف كتاباتك لنا.كما نجد ان المقال الذي كتبته عن اوباما ليس به فائدة والقاري يمر به لضياع الوقت فقط / فمقالك مقارنة بمقالات الكتاب مثل الكاتب الكبير المخضرم / مولانا حمدنا نجده يساوي صفر.
ونحن مع الكاتب المخضرم مصطفي سري قلبا وقالبا
الناس بقد تربط بين مقالتك واخر كلام لود ناس العناقريب ضد اخوانو بان هناك صفقات تعقد فى فى الخفاء
مش تبقى رئيس امريكا ! الكيزان دي يلبسوك العمة وانت فى البيت الابيض ديل الشيطان بقى يخاف منهم
والله العِمة ظابطة فى أوباما…مايجى يترشح عندنا
والله الشعب السوداني لو طلع الشارع والخرطوم جاطط والله الامركان ما ينفعوا الكيزان ولا شيئ ينفعهم اوقفوا المهاترات واطلعوا الشارع وخلوا اوباما اجي احلهم
هنالك تناقض واضح ففى الفقرة الاولى وافق البشير على خريطة امبيكي التى تضم ابيي والميل14
وفى الفقرة التاليه لم يوافق حزب البشير على خريطة امبيكي رغم انها غير ملزمة للطرفين ؟؟؟؟؟؟؟؟؟؟؟
يااستاذ حمدالله ع السلامه والله الدنيا مقلوبه عليك والناس بتسأل منك وحتى كبيرهم العامل عندو علم من الخطرفات (مصطفى سرى)؟ قالبين عليك الواطه!
+ المقال ده بعيد شديد من الاحداث الحصلت قبال يومين الناس فى حاله شمارات بين انت منو؟ واسم حبوبتك منو؟ تجى تحكلينا عن اوباما؟
+معناها طولتا ماقريت جريده الراكوبه؟
+او انتا زاتك ياهو شيخنا العركى ودكتور عاصم وعملتا رايح بعد ماضربتا مصطفى سرى؟
كسره:
+ يكون ياالله مصطفى سرى رسل ليك اعتزار فى ايميلك ولا شنو؟ عشان كده ماجبتا لينا سيرتو؟؟
ههههه_الأخ أعلاه _ذكر أن الشيطان يخاف من الكيزان_ودي بتذكرنا بقصة الشيطان في مطار الخرطوم_سألوهو إلي إين ذاهب _قال سايب السودان لأني بصاحب الكوز ولما يقرش ويركب سيارة وينشئ له عمارة _يكتب فيهم _هذا من فضل ربي__أنا البقعدني شنو ومع علمي بأن الله أوعدني بالنار___والخوف إنو أوباما يربيلو ذقن_هههههه
احسن نشوفو لينا واحد رامبو من الجمهورين او كايبوي من تكساس عشان نشوف الافلام الكيزان ديل شنو
الدكتور عاصم ولا العركي ولاثروت تأكد لى بانك مندس كبير وليس لك وجود الا فى دنيا الاسافير فهذا لايفرق عندى او يغير رأيي. فيك وهو ان انك تبدأ بمقدمات ولكن لاتصل الى نتائج وتجعل المتلقى كل يوم فى وأدى والله البقرا كتاباتك يقول ان الحكومة دى اسبوع ما باقي ليها لكن للأسف تحليل فشنك ساي …
ياخي فترنا معاك وقومت نفسنا بي مخالي القص والسبعة الف صوت وكمان زهجنا بي كترة الروابط البيش ومرات شطحات الانسان العظيم الذى عندة ……..
ابي ثلاثة عشر دينار تبيع ابن الانسان !!!!!!
الارتباك والتشويش واضحان في مقال السيد (قاسم) اليوم ..
(وأخر تنازل كان قبول الرئيس البشير للخرطة الحدودية التي قدمها مبيكي )
(لم يوافق نظام البشير علي الخريطة التوفيقية التي قدمها مبيكي لانها تضع منطقة الميل 14 داخل حدود دولة جنوب السودان )
عبارتان وردتا بمقال ثروت قاسم !!!!!!!!!!!!
ما لكم آ ناس خاشين بين التومة وقشرتها (ثروت قاسم ومصطفى سري) .. في حاجة في نفس يعقوب عند الاتنين (على ما اظن)
واي قارئ ما بيعرف ثقافة الكتابة تحت اسم مستعار خقو يمشي يكمل تعليمو حتن يجي يقرا اخبار ..
والمفروض يكون كاتب اسمو الحقيقي في التعليق هنا …
والمفروض ما ارد ليهو أنا لانو احد القراء المعلقين ما قصر…
لكن ياثروت ومصطفى حقو تورونا شنو الحكاية البيناتكم لا دايرين نعرف منو هو ثروت ولا موقف مصطفى منه .. بس ورونا بصدق طبيعة العلاقة بيناتكم وما خفي علينا وغاب الباقى بنفهمو ع الطايرررررررررررررررررررر
يا اخوانا ثروة ده عامل فيها ضرب الركب ده ما اثر معاهو بى شئ
مصطفى سري منتظرك ونحن زاااااااتنا منتظرنك
كسرة
يا ناس والله الزول ده من اوائل كتاباتو انا شكيت فيهو لانو اسم زي ده وباسلوب مختلف ما حصل سمعتو لا اذاة لا في ميكرفون لكن قلت الله اعلم ممكن ده متخصص كسير تلج للمهدي وتشتيت الكورة
رائع ياثروت قاسم انك تمتلك اسلوب متفرد في الكتابه وفي سرد المواضيع ما مهم تكون تروث ولا الفاتح المهم انك كاتب لا يشق له غبار (سر فلا كبا بك الفرس)ويا مصطفي سري اعمل نايم
جميل ياحبيبناالعوده استمر في الكتابه احنا سعيدين جدبيك
والله نحن ماعارفين نعمل شنو. لاخطط لا استراجيه ولا علميه سوق الملجه عارف الساعه كم حيجي لوري الباميه والساعه كم حيفرغ+تلوري الطماطم .مشكلت نا في الحاجه الكويسه .
الاخوان الاعزاء لكم كل التحية
انا اول مره اشارك بالكتابة فى الراكوبة لكن بخصوص صاحب المقال عايز اقول ليهو نحنا همنا السودان ونحنا اصحاب الوجعه لا امريكا بتحلنا ولاغيرها بيحلنا نحناالبنحل نفسنا بي نفسنا لكن كان منتظرين حاجة تانية نكون بنحلم.
بخصوص موضوع مصطفي سري والراجل ده احسن الناس ما تزيد النار وتخلي الناس ديل يصلوا لحل مع بعض اذا هم الاتنين همهم السودان والزعل ده سببو السودان بس مافي حاجات شخصية انشاءالله بيصلوا لاتفاق بس يكون الوطن هو الهم.