قطع رئيس الحركة الشعبية قطاع الشمال القائد عبد العزيز آدم الحلو، بأن العملية السياسية الجارية الآن في الخرطوم – بشكلها الحالي – لن تقود إلى حل جذري للأزمة السودانية، واعتبرتها خطوة يمكن أن تفتح الباب نحو الحل، في حال البناء على ما يمكن أن يتحقق من مكاسب في التفاوض.
وقال الحلو في حواره مع (راديو تمازج) بدولة جنوب السودان، إن الصراع بين (الحرية والتغيير المجلس المركزي – الحرية والتغيير الكتلة الديمقراطية) خلاف حول قضايا ثانوية وبعيدة عن المسائل التي يمكن أن تنقل السودان من خانة الحرب وعدم الاستقرار إلى سودان جديد.
وأعلن الحلو الدخول في مفاوضات سلام حال نجحت العملية السياسية في إنهاء الانقلاب وتكوين حكومة بقيادة مدنية، وقال: “إذا كان هنالك سبيل لحل عبر طاولة التفاوض لا مانع في ذلك – ولا داعي للحرب”.
وكشف الحلو أن الكتلة الديمقراطية اتفقت معهم على المبادئ التي تقود لإنهاء المشكلة، وقال: “وافقوا على أن يقوم الدستور على مبدأ فصل الدين عن الدولة واللامركزية، الإصلاح الأمني والعسكري، دمج قوات الدعم السريع في الجيش، والتحول الديمقراطي”.
وجدد الحلو التمسك بموقفهم من الدولة الدينية وتطبيق العلمانية، وأكد أنّهم يؤمنون بإقامة نظام حكم ديمقراطي يسمح للجميع بممارسة معتقداتهم.
السودان الحالي مصنوع من:
١. دولة سنار (كوش قديما)
٢. دولة دارفور( سلطنة دارفور) وتم ضمها لدولة سنار في ١٩١٧م
٣. اقليم جبال النوبة الذي ضم لسنار في ١٩٠٠م.
انتهي
كضباً كاضب ????
جبال النوبة كانت جزء من السودان ولمدة مئتي عام وكذلك كل جنوب السودان.
سلطنة دارفور ضمها الزبير باشا في 1875 ولم تنفصل قط عن السودان حتى على أيام علي دينار والذي كان يرفع علمي دولتي بريطانيا ومصر ويحظى بحكم ذاتي فلما انحار للدولة العثمانية تم اجتياح الفاشر وانتهى الحكم الذاتي.
ما تزور التاريخ..
ما أيي زول عنصري ومغرور يجي يزيف التاريخ ويخترع ليهو تاريخ من راسو ????
دا الكلام الصحيح ….الماعاجبه …يغادر ويخلى الامور لاصحاب البلد الشرفاء.
بالمناسبة انت البتزور التاريخ وليس هو رغم انه بيستخدم معلومات صحيحة مطيه لتمرير اجندته لكن تواريخه التي يكتبها هي الأصح من تواريخك المناطق الثلاث تم اضافتها للسودان القديم مؤخرا ولم تكن جزءا اصيلا منه
انت العنصري و المتفيهق يا اب شنب
دايما غبي و قبيح اللفظ و سباب و لعان
نعوذ بالله منك
ان كان للسودان أن يظل موحدا, لابد من ارساء دولة المؤسسات و حكم القانون العلمانية الدين لله و الولاء للوطن, الاتراك شعب مسلم يعيش تحت ظل نظام علمانى منذ نهاية الامبراطورية العثمانية و تأسيس كمال اتاتورك مؤسس تركيا الحديثة نظام علمانى ظل يحكم تركيا حتى الآن رغم أن من فى السلطة الآن حزب اسلامى اخوانى يرأسه يرأسه رجب طيب اردوغان ولكن النظام العلمانى لا يزال راسخا ولم يجرأ الحزب الاخوانى على تعديله, تركيا هى الدولة المسلمة التى كانت تسيطر على معظم بلاد العالم الاسلامى لعقود من الزمان.
الحلو انت راجل لا عقل ولا لمن معك من الجهلاء انت واحد عاوز تتحكم في بلد ٨٥/./. من سكانه مسلمون
هل البلد مشكلته الدين يا حمار الغابة
شوفوا مشاكل البلد الحقيقية وخلوها المواطن احترق وتوقفت حياته اصابه الجوع والفقر والعدم وانتم سياسيين غلف لا عقول لكم جميعا فمتى نصحو
لهذا الشعب وتخرجوه من أزماته
يا حلو ياخ والله الناس ملت وزهجت من الحرب خصوصا في زمن الجوع ده الناس ما لاقية تاكل ومناطقكم دي بالذات المواطنين تعبانين وحياتهم ضنك وغلابه وانت لازلت تتمسك بالقشور تارك الحاجات الاساسية للمواطن هو عليك الله زول جعان مالاقي ياكل يعمل بي العلمانية شنو؟ كدي اليشبع ويملا بطنه بعد داك موضوع العلمانية ملحوق لانه شي كمالي مش اساسي فليتك تترك هذه الافكار الهايفة وتشوف معاش وحياة المواطنين ليعيشوا في امان وحياة كويسه وتنضم للتفاوض وننتهي من الحروب الانهكت البلد دي
هو لا يزور التاريخ فقط، ولكن يثبت انه خالي ذهن ساكت!
يا العنصري الجهلول ومغرور كل البلد كردفان ودار فور… ‘!!! يربطوك من بيوضك وفي الضريسه يمرمطوك … فك ارتباط قال هههههاي تحلم !!!!!
مسألة دولة علمانية دي يقررها برلمان منتخب من الشعب وليس الحلو أو المر.. اذا لم يعجبكم الكلام ده ولديكم القوة لفصل الجزء الذي يخصكم اتفضلوا افصلوه ولا تترددوا.. هو انتو مصدقين انو نحن بكينا على الجنوب لا والله كنا سعيدين انهم ارتاحوا مننا بالرغم من عدم معرفتنا للضرر الذي فعلناهو بهم.. ربما وقع عليهم الضرر من الحكومات الشمالية ولكن منذ متى كان الشعب هو السيد والحكومة هي الخادم.
فعلا …هذه يقرره الشعب السودانى فى برلمانه القادم وحكومته المنتخبه الحره …ويا الحلو لو ما عاجبتك الديمقراطيه فى القرارات …امش واقعد براك مع الجنوبيين وتمتع بالذى تريده معهم …بس ما تجينا راجع كلاجىء زى ما هو حاصل الان ممن خدعوا بحلم الانفصال .
دولة علمانية يعني شنو؟ ثم نعرض على من يقرر فيها برلمان أو عنقالي!
والله انتا غايتو يوم القيامة حيجهزوا ليك جهنم براك ماشفتا لي سوداني بوقاحتك دي ضد الدين
دولة علمانية يعني شنو؟ ثم نعرض على من يقرر فيها برلمان أو عنقالي!
الحلو عايش في الحلو وما شايف المر الذي يعيشة اهله في الجبال
الحلو و عبدالواحد هما السبب الرئيسي في معناة إبناء قبيلة النوبة و أبناء قبيلة الفور في المناطق التي تقع تحث صيطرتهما , و هما المستفيدان الوحيدان من عدم إلقاء سلاحهم و الإنظمام لي لركب السلام لأان بسلام يفقدوا التمويل الغربي لهم و لأنه تخطيطهم غربي و أهدافهم غربية ولا يملكون قرار أنفسهم ولذلك يضعوا شروط التعجيزية للقبول بسلام مثل علامانية الدولة لي دولة أكثر من 95 في المئة من سكانها مسلمين و كان السودان هذا سودانهم و حدهم , لذلك يجب أن يثور عليهم أهلهم و يلقوا بهم في السجون لأنهم خونة لا يهنهم إلا مصالحهم الخاصة و ينضمون إلي السلام .
لا جيتك بتفرحنا ولا غيابك فاقدنا احنا متمسكين بدينا وانت خليك في خلاك بعلمانيتك
تركيا دولة علمانية الناقصة ولا الناقص الاتراك في دينهم شنو اتركو النفاق
العلمانية ليست معناها التخلي عن الدين و هي ليست ديانة بل هي نظام حكم تكون فيه الدولة تقف في مسافة واحدة من كل الأديان ، ودي مافيها مشكلة انها تطرح للنقاش بين كل أفراد الشعب من الداخل و يمكن يحدث فيها استفتاء او نقاش مستفيض، لكن من الخطأ الناس تقارن العلمانية بالاسلام لانو دي مقارنة خطأ زرعوعها الكيزان في عقول الجهلاء لان العلمانية كم أسلفت ما دين هي نظام حكم فقط ، و على فكرة السودان من الاستقلال و لحدي هسة يعتبر علماني لانو ما طبقت فيه الشريعة حتى في عهد بني كوز الكذابين ما طبقوا الشريعة الإسلامية، يجب على الناس تكون فاهمة بتناقش في شنو، و ربنا يفتح البصيرة.
المشكلة ياعدناني الشيوعيين ديل كارين العلمانية معاهم وخاتنها في كوتتهم ومتلببنها ومتلصقين فيها وخاربين سمعتها وهي منهم براء العلمانية لاتعادي الأديان وتقف على مسافة واحدة من كل الاديان وتحترم التدين وتفصله عن انظمة الحكم لكن الفكر الشيوعي مضاد للأديان ويدخل الاديان في تطبيقاته السياسية وانظمة حكمة الشمولية الدموية ويعادي الاديان بصفة عامة لانه هو في حد ذاته دين فالالحاد تدين ودين وان يكون عندك موقف سلبا أو إيجابا من دين بعينه أو كل الأديان فانت متدين حتى لو لم ترى ذلك الالحاد دين والعلمانية لا علاقة تجمعها مع الفكر الشيوعي الديني وهذا ما جعل الناس ترفض العلمانية لانه الشيوعيين خاربين سمعتها خخخخخ
الاخ العدنانى تحيه طيبه ياخى ما تتعب نفسك هم ما عندهم الإستعداد للفهم و تحكيم العقل كلامك المكتوب ده إتكتب مليون مره و الكل عامل أضان الحامل طرشاء . فيه مشكله فى الشعب ده غريبه و عجيبه الإصرار على الشئ الغلط و تضخيمه بس كده ما بغير كلامى و…. و… .
شوف ليك كتاب ولا مجله ميكى أحسن .
استخرج كلمة حكم ومرادفاتها في القران …
ووريني اذا القائد المسلم قبض مسلم سرق الحكم يكون شنو في الدوله العلمانيه ؟ وهل اذا قلنا انه الاحكام النزلت فيها حدود للمسلمين نحكم بيها المسلمين وحدود اهل الكتاب كل واحد يحكم بكتابه هل معناها نحنا كدا وقفنا على مسافة واحده ورضيتم ؟ ام هل مسافة واحده تعني اننا نسقط حدود الله والاحكام الانزلها …… ونضع احكام وضعيه….
ولا هل كدا بنكون بقينا دوله دينيه ؟
ولعلمك قبل زول يجاوب .. تفسير العلمانيه عندكم هو ما نفس تفسير العلمانيه عند الشيوعيه … نفس لفظ مدنيه مثلا… في ناس برا بيتاجروا به انه يعني علمانيه …
وحقيقه دوله الاسلام صعب جدا تقوم في السودان … فالراي اننا نشوف بقعه نقيم فيها الاسلام … الحلو عاوزها علمانيه ولا اي زول عاوز اي شي ما يهمنا لا بيضرونا لا بينفعونا الا بامر الله وفي النهايه كلنا ميتين في الاخره الراجل اليثبت على كلامه ..
ربنا يفتح بصيرتك انت يا العدناني
فلسفة فارغة الزول بقول ليك عديل ما عايز دين و انت تلولو في الكلام
وكون انه الكيزان ما طبقوا الشريعه دي حاجه جميله منك انك تذكرها …
لكن اقول ليك … نحن كنا تروس في الاعتصام على اساس اننا حا نقيم الاسلام … لقينا طلع باسمنا خيبة الدين عبد الباري وزير عدل … بالله تخيل البكا والجري والحزن في النهايه يجي دا ياكلها يحلل المريسه عشان زول سكران في النهايه يغتصب طفله … او يقتل صاحبه …
فيا اخي رجاء لفظ علمانيه ما تستخدمه لانه في اماكن اخرى بيجيك واحد يمنع الحجاب باسم العلمانيه … ممكن توضح نقطتك انه الدين قال كدا والكيزان ما طبقوه او نحن فاهمين النقطه دي غلط مثلا في تطبيق الدين ..
الليله حقيقي اذا مسكت الافتراء على النبي الكريم المسمى زورا “السنه” حا تلقى انك ما حا تقدر تقيم الدين بين الناس لاختلافه … اما اذا مسكت القران حا تعرف تتعامل مع كل فرد كيف وحتى اذا انت ما عرفت اخوك بيعرف ربنا ما حا يضيعنا اذا سعينا … لكن قصة اني اقيف على مسافه واحده من المسلم والوثني دي صعبه حبه وحقو تراجعوا تفكيركم فيها .. اهل الكتاب عندهم حاجه بتمنعهم من الاعتداء … بس الوثني زي الهندوسي كان لم فيك في مطب بعد تاكل بقره ممكن يقتلك زي دا انت اصلا تخليه في المجتمع كيف ؟ الاطفال ديل ما عاجبينك ؟ ولا حلكم شنو يعني … الاسلام بيحفظ المجتمع … الحلو دا بعلمانيته دي بيحفظ قروش فرنسا البتنهبها مننا …
الثورة الاسلامية ههههههههههههههه