وهم الدولة العسكرية 

اصلا العساكر ديل لا بفهموا ولا يستحوا يعني الدكاترة ديل هم من نخبة المهنيين في البلد دي لاهم ولا اساتذة الجامعات ولا المهندسين لا طالبو ولا لمحو تلميح وقالو عايزين استثمارات وامتيازات ولم يطالبوا بوزارة في تخصصهم نفسه خليك من المطلبة برئاسة حكومة ويتكلموا مع شعبهم بكل ادب واحترام الواحد فيهم ما يرفع عينه على خفير لو اكبر منه ويجوك العسكر جماعة صفا وانتباه وضرب نار بكل وقاحة وقلة آدب يقولوا ليك انحناء اوصياء على البلد دي على شنو ما ادري على حلفا الغرقتوها ولا حلايب وشلاتين والفشقة التركتوها وهربتو ولا الجنوب الفصلتو ولا دارفور الدمرتوها ومليتوها مليشيات بس أنا عايز المنطق العايزين يحكمو بيه البلد دي ما ممكن يعني الناس دي لا تفهم ولا تستحي دي مصيبة شنو الوقعنا فيها دي.

دام هناك مستوى مخيف من الجهل والامية والطائف السياسية ممكن يكون حكم العسكر على علاته افضل بكثير من حكم المدنيين الانتهازيين الفاسدين.
انت تقول في الحكم المدني يد الحاكم غير مطلوقة وهناك برلمان وهناك محاسبة الخ
الكلام دا ممكن تخدع ببه الأطفال الذين يتظاهرون ولكن ليس من جرب حكم هذه الاحزاب
تتذكر لما سيدك الصادق حكم السودان بعد انتفاضة ابريل؟ ما بتذكر اول شي عمله هو سحب 19 مليون من خزينة الدولة بواسطة وزيره للمالية بشير عمر وهي تعادل بأموال اليوم 19ترليون.
ولما انكشف قال دي تعويضات لآل المهدي!!!!!!
وينو البرلمان وينها الشفافية وينها المحاسبة وينها الوطنية ام ان الفلوس التي ينهيها سيدي فيها البركة.
نفس الشي المنصورة لما جابوها الخارجية اول ما قامت به تزوير نتائج القبول للخارجية لصالح جماعتها.
للاسف نحن في وهم الدولة المدنية التي ظلت كلما تم تطبيقها في السودان تصيب الثوار بالاحباط والألم. القضية في تقديري هي حاجتنا لأسلوب حكم يناسب السودان يقوم على كاريزما الديكتاتور العادل غير المؤدلج وغير ذلك اوهام واضاعة وقت