راحت ضحيتها عربته الهمر : قصة أغرب حادث احتيال يتعرض لها الفنان أحمد الصادق
إنضم المطرب الشاب أحمد الصادق إلى ضحايا سوق المواسير بالفاشر بعد أن وقع تحت براثن محتال اقتنص منه عربته الفارهة وأوهمه بأنه يود شرائها بمبلغ 500 ألف جنيه، دفع له منها 60 ألف فقط وكتب بالباقي شيكات تبين له بعد ذلك أنها بدون رصيد، اضطر بعدها الفنان أحمد الصادق إلى الشروع في رفع عريضة دعوى جنائية في مواجهة الشخص الذي احتال عربته الفارهة وباعها بعد ذلك في سوق المواسير المعروف بولاية شمال دارفور.
ما يجدر ذكره أن الفنان الشاب أحمد الصادق سطع نجمه في السنوات الأخيرة حيث أصبح صاحب قاعدة جماهيرية عريضة وأحد الفنانين المرغوبين لاحياء الحفلات الخاصة والعامة الأمر الذي جعل وضعه المادي أفضل كثيراً من غيره من المغنيين..!
صحيفة فنون
يزهب الحرام من حيث اتي؟من اين لك بالهمر؟من كارو الي همر كترتها شوية؟
احمد الصادق دا منو وظهر متين؟؟؟؟؟؟؟؟
سلام
قالوا العربي لما يتفلهم بيعمل جيب في طاقيتو
همر شنو كمان؟
والله انت بوكس موديل 78 كتير فيك
طبعا مش حسد
لكن
عليكم الله شوفوا سخرية القدر وين وجه المقارنة بين ابو عركي البخيت والماداير اجيب اسمو دا؟؟؟؟؟؟
شوفوا وضعو المادي الجابو بسبب ترديد الاعاني ووضع الميدع (ابو عركي)
ودا بصراحة ما السودان
قالوا ياهو دا السودان
ودي طبعا نتيجة اعادة صياغة الشعب السوداني
نتيجتها اشباه المذكور دا
قال همر قال
ياخي عليك الله اتلهي
هم الاستاذه و كل مبدعين هذا الوطن لايجدون حق الدواء………. سوف يسالك اللة فى شبابك كيف قضيتة ومالك فى ماذا انفقتة….. ونحن ماناقصين عبط
يا ( زول ) يعني انت معقول ما سمعت باحمد الصادق ؟؟ انت قاعد في وين ؟؟ احمد الصادق ده تفتح التلفزيون بتلقاه وتفتح الراديو بتلقاه وتفتح الماسوره بتلقاه !!!!!!!!!! وربنا يوفقك يا احمد وتلقى سيارتك وبالتوفيق يا مبدع
تستاهل يا مفترى نحن ما لاقين حق الكسره انت تركب همر
الطمع ودر ما جمع راجع نفسك ياولدى وشوف القروش البتلم فيها بتنفق على شنو والله ما كنت قايلك غشيم وممكن تغشا بالسهولة دى عربة ب500 الف يدفع لك 60 الف حتوقع شنو ؟؟؟انشاء الله ربنا يعوضك بالحلال ويجعل سرقة العربة سبب لهدايتك:confused: :confused: :confused:
يا التميرابي قول الحمد لله ولو عايز حق الكسره ابقى فنان وامشي نيجيريا هاهاهاها وبعدين التميرابي معناها شنو ؟؟؟؟
عامل راسك زى المكوة
و جضمك زى كيس الدكوة
الشعر مضفر و الوش محفّر
حسى ده وش ولا طش ؟
هووووووى يا أب رِدا … وشّك كِدا ؟ وللا خَرَبو الشِتا ؟
عامل لَى فيها تفتيييحة و شايل مفاتيييحها
وبعد ده كله الهمر تضيع مفاتيحها؟
ما تعمل لَى فيها خطيييير و بتستحمّى بى موية الزيييير
امشى الحق الهمر فى سوق المواسييييييير
صحى الرجال ماتوا فى كررى , و الباقين فى تايتنك
تانى ما أشوفك بتغنى يا المصيرك تتخنق
( والله يا جماعة نأسف للشعر الدارجى بعد ان اقحمناه فى الموضوع ده لانه فى ناس أذى للناس …وناس بتمَوا بيهم باقى الناس….)
شعر علي شاكلة شعر الاخ زول
ناس كانت تسطح في القطر
وهسة مالاقية القطر
وانت راكب لى همر؟
ناس كانت عايشة في الرواكيب
هسة مالالقية الشدر
ناس مويتا طين عدييييل
وناس مالاقية موية المطر
وانت راكب لي همر؟
مصطفي سيد احمد الغنا للوطن
مات منفي في قطر
وانت راكب لي همر ؟
محمود محمد طة الكان بصوم صوم الدهر
عاش في بيت جالوص عيشة الصبر
ولمن فدا الشعب ومات راضي ومبتسم
ما لقي حتي القبر00000
ماسمعتو اخر خبر
الوطن حا ينشطر00
الوطن حا ينشطر0
ابو مدين الله يجازي محنك كتلتني بالضحك !!!
لك الود والتحية ،،،
ابومدين;) ;) ;) ;) ههههههههههههه دى قلبت فيها هوبة عديل كده وانا اقول اول مايظهر فى التلفزيون ريحة الغرفة تتغيرههههههههههههههههه.
وبعد عبدو الصادق ده موش عندو اخوه فنان برضو انا سمعت قالوا حتى غنماية البيت عندهم بتغنى والقريبة صوتا مجاز فى التلفزيون :mad: :mad: :mad: الحاصل شنو فى البلد دى
هذا زمن الكيزان
جنس ثالث (اطعم عدس )
ضقتو
وانا ماااااااااااااااااااااااااااالى
هذا السعلوك اكيد من حوش بنقا
60 مليون بتشتري كريمات وادوات تجميل ليك ولاشكالك اجمد ياولد لوقامت حرب ناس البشير معتمدين عليكم
والله احمد الصادق دا المفرض يصبحو ويمسو بالقدوقدو جلد صباح ومساء
;( ;( ;(
تعيش وتاخد غيرها ……………………….;) ;) ;)
يا عبدالمنعم من وين انت ؟؟
احمد الصادق راجل مفتري مش دا القال للضابظ اسال بتك الراكبة معاك انا منو لاكن الظابط طلع ماراجل والله مفروض يكسرة لقايت اسع يكون في المستشفي لاكن ظباط اخر زمن
يذهب الحرام من حيث مااتى والقرش بتعوض بس الرجالة مابتعوض يافارة
يذهب الحرام من حيث أتى