أخبار السودان
الغرامة (6) آلاف في مواجهة طالبتين بالثانوي تعاطين البنقو
الخرطوم: مسرة شبيلي
أصدرت محكمة جنايات السوق المركزي الخرطوم برئاسة القاضي صلاح الدين عبدالحكيم عقوبة الغرامة (6) آلاف جنيه في حق طالبتين بالمرحلة الثانوية، وأدانتهما المحكمة بتعاطي الحشيش. وكشفت التحريات الجنائية بأن شرطة مكافحة المخدرات ضبطت المتهمتين إثر معلومة، داخل منزل بالصحافة وهما يتعاطين سجائر الحشيش «البنقو»، وتم اقتيادهن لقسم الشرطة ودون في مواجهتهن بلاغ تحت (120) من قانون مكافحة المخدرات والمؤثرات المتعلقة بالتعاطي، واكتفت المحكمة بفترتهن في الحبس وأخلت سبيلهما بعد فرض غرامة مالية قدرها (3) آلاف جنيه لكل مدانة على حدة، وفي حالة عدم الدفع السجن (6) أشهر كعقوبة بديلة وأمرت بإبادة سجائر البنقو المعروضات.
اخر لحظة
يعنى بكورى ده يغرموهو سته مليار ولا شنو !!!
يا عم بكرى دق المحلب جانا كلب سنونو صفر عيونو حمر مخالبو بنية ،لف سيجارة هنيه تفتح النيه ، تزيل الشحم وآلامك وتزيد الوهم تكتر أحلامك بخلافة الرئيس طيش الميس لابس درويش ملفحتو عويش ، أديهوا نفس ما نفسوا إنقطع من كتر الرقيص ولامى الصيص زى مغندر وفاتح برلمان ودكتور أسنان كديان وجداد إكترونى ساسونى وبشعوذة داعش يا الما ناقش ، ياعم بكرى دق المحلب جانا كلب سنونو ،،،،،،،،،
الصورة اعلاه بقى خبرها مع المخدرات وخلاص
طالبتين بالثانوي يشربوا بنقو ؟؟؟؟؟؟؟ .
I so surprised why always if there is any news concerning illegal usage of drugs you put the photo of Bakry H assan Salih
انتو يا اخوانا ناس الراكوبة مسئولين من الخير: اي خبر او مقال عن البنقو او المخدرات بتزلوا صورة نائب امير المؤمنين الفريق مجاهد بكري بن الحسن بن صالح … الحكاية شنو و علاقتو شنو بالمخدرات؟ هل جعل جهاده في مكافحة المخدرات ؟ هل قام بعمل مميز في مكافحة المخدرات حفاظا على عقول الشباب السوداني المسلم؟
ورونا حكايته مع المخدرات
الظاهر الطالبتين بشربو البنقو والقاضي يتسطل. هم طالبات حا يدفعو ليك غرامة 3 ألف جنيه من وين؟ ولا بس الموضوع جباية قروش؟ واحد عامل مفتح حا يقول لي جابو حق البنقو من وين؟ حق البنقو يا جماعة ما 3 ألف جنيه. يعني عادي ممكن يتوفر من المصاريف اليومية بتاعة المدرسة. وطالبة تدخل السجن ستة شهور في بنقو حاتطلع منو رابعة العدوية يعني. ما حا تطلع بخبرة كل النزيلات المسجونات معاها كان دعارة كان قتل كان احتيال. بلد عجيبة
غرامه سته ألف ليييييه ؟
لفوها الطياره قامت ولا؛؛؛شنوووووووو؟
وطبعا رجعن بيتهن عادى , ويكون الاب جهز ليهن بنقو زوم حفلة التخرج من السجن ,, والله البلد باظت ياجدع , , يعنى الواحد يتزوج ليه واحده مسطوله عادى , الله لابارك فيكم
بالمناسبةالحشيش يختلف عن البنقو من حيث القوة والتأثير على من يتعاطاه،وليس كما جاء في الخبر كأنهما شيء واحد.
أتخيل واحد مغترب يمشي السودان إجازة يعرس لية واحدة من الاتنين ديل امانه ما الرماد كال حماد
سبحان الله غرامة شنو وسجن شنو لبنات قاصرات- يعني ذي حا تجيب حق الغرامة من وين تبيع شنو بعد ما لمت مصاريفها واشترت البنقو- فكروا معاي طالبة وقاصرة ومسطولة ومحتاجة لقروش حا تعمل شنو؟؟؟؟؟؟؟؟؟؟؟ وكمان سجن!!!!!! ما يودوهم اصلاحية وعن طريق الاصلاحية يدخلوهم مستشفى رعاية مدمنين يمكن ربنا يهديهن
دحين مسعولين من الخير ناس حاويات المخدرات خبرهم شنووووووووووو ؟؟؟
اذا سرق الشريف تركوه واذا سرف الضعيف اقاموا عليه الحد !!!
اها ما ياهو زااااااتو !!!1
شرطة مكافحة المخدرات ضبطت المتهمتين إثر معلومة، داخل منزل بالصحافة وهما يتعاطين سجائر الحشيش «البنقو»
منزل بالصحافة …ساعة وقوع الجريمة اين هو صاحب هذا المنزل ومن هو وماهي علاقة البنات بالمنزل والجبان البلغ عن البنات ده منو وأسئلة كثيرة بدون إجابات؟؟؟؟؟؟؟؟؟؟؟؟؟؟؟؟