العنصرية والقبلية.. وجنسك شنو؟

مين يسمعك لكن ؟ حسه بقوا يشككوا في مواطني الشرق يقولوا لك حبش مرة ومرة مصريين وطربقة شديدة وطبعا حال الغرب يكفي عن السؤال قضوا عليهم بإسم القبلية وكل يوم نسمع صلح بين فلان وعلان وبعده حرب تاني يعني شربكوا الناس في دوامة ما معروف لها نهاية .وقد بلغت المواصيل بالبعض بالتشكيك في رموزنا التاريخية كالمك نمر .
الله يصلح الحال ويهدي الجميع .

قد اسمعت من ناديت حيأ لكن لا حياة لمن تنادى

أضف إلى ذلك، التعصب الديني والعقدي
والطائفي، وتصنيف الناس وفق الأساطير
الدينية التي يوهمون أنفسهم بها.
ووفقها يرمون بالكفر فتوقظ الداعشية
المقيتة في عقولنا الباطنة لنسلبه حياته
بذبحه كما تذبح الشاه. لا لشيء إلا لأنه
لا يؤمن بالأساطير التي نؤمن بها…
والعجيب أن هذا يحدث في هذا العصر
رغم التطور الهائل في الفكر والعلم
والمفاهيم…
عجبي…

رايكم شنو ,انا شهاد عيان في حافلة من ام درمان للعربي الخرطوم واحد سكران أبي يدفع والسواق قال ليهو أنزل رفض برضو في النهاية اضطر يمشي قسم الخرطوم شمال لقاهم في تربيزة كوتشينة عصرية كاربة حكي الحكاية وقال ليهم نزلوه من الحافلة واحد من العساكر سالو وقال ليهو الراكب ودعرب ولا عبد السواق ما رد عليهو دور بعد أمتار من المركز طلع سكينو للزول السكران قام عليهو مسكوه الركاب ونزلو السكران بالقوة والحكاية انتهت علي كدة…..طيب السودان دا ماشي وين ونحنا في عصر الانترنيت عالي السرعة والقطار عالي السرعة والطيارة سيوبرميكانو جامبو وعندنا عسكر بوليس بسألوا عبد ولا حر معناهو في حاجة غلط إما نحنا غلطانين أو العالم التاني غلطان واذا الغلطان ما صلح الغلط دا ما حيكون في اي تغيير وأحسن نشوف لينا بلدا تانية يمكن تكون أحسن . دايرين رأى هيئة علماء السودان والاية بتقول( الذين تتوفاهم الملائكة ظالمي أنفسهم قال فيم كنتم قالوا كنا مستضعفين في الأرض قال ألم تكن أرض الله واسعة فتهاجروا فيها…..)

العنصرية والقبلية بلغت مستوى اكبر بكثير مما ذكر الاستاذ كاتب المقال . فالاستاذ يساوى بين كل اعضاء المؤتمر الوطنى ويوحى كانما هؤلاء الاعضاء يشكلون قبيلة قائمة بذاتها ولكن الحقيقة ان هنالك قبلية وعنصرية داخل المؤتمر الوطنى نفسه , فجل الوظائف الكبيرة فى جهاز الدولة محتكرة لفئات بعينها تنتمى الى جهة بعينها وماتبقى من وظائف صغيرة يعطى للجهات الاخرى . ولكن هنالك بعض الاثتثناءات القليلة جدا ,فاكثر العناصر تنكيلا باهلهم من الممكن ان يحتلوا مناصب كبيرة بقدر ظلمهم وقسوتهم ودمويتهم (حسبو واحمد هارون نموذجا ).

هل تعلم ان الشرط الاساسي في فتح اي بلاغ بأقسام الشرطة هو (معرفة قبيلتك شنو)، هل تعلم عندما تريد اخذ تصريح للسفر لارتريا السؤال المهم من جهاز الامن (قبيلتك شنو)
هل تعلم عند التقديم للالتحاق بالشرطة او الجيش السؤال المهم (قبيلتك شنو)
القبلية والعنصرية شيء بغيض، لاسف يجري في شرايين معظم السودانيين، ليست الحكومة هي المسؤلة عن ذلك بل المجتمع الذي صار يدمن الاستمتاع بالضحك حين يتم التحقير بقبيلة في اًفه النكات.
ايضا هناك عقدة اللون لديناكسودانين بحيث صاحب البشرة الفاتحة يجداحترام وقبول في المجتمع اكثر من صاحب البشرة السمراء مع العلم ان السواد الاعظم من السودانيين سمر، حتى البيض هم خليط، وايضا نعامل الوافدين من الدول علي اثاث عنصري، بحيث لا يحسب الوافدين من الدول العربية اجانب فقط لبياض بشرتهم بينما الوافدين من افريقيا السمراء هم وحدهم الاجانب.
هذه عقد مجتمع باكمله ليست حكومه او جهة معينة، جبلنا على استحقار السمر..

المشكلة فى عقدة البعض ,وهى مرض فى نفوس بعض الكتاب والمعقبين , ولو حصل شئ من اى شخص من الشمال او الوسط يقوموا يعمموا الموضوع , جلابة والصفوة النيلية وبطيخ وحسنين الخ, وانا بعتبر دى عقدة اما من جوا او من الشكل ودى خلقة ربنا

مقال جيد يوصف حال البلد تماما وماتفعله العنصرية النتة في المجتع لن نتهي مالم تدرس وتحقن بجرعات ممنجهة في
المدارس الابتدائية والجيل الجديد.وهي السبب الرئيسى للتخلف الذى نعيشه علي كل الاصعدة المختلفة

السلام عليكم.
واللة انا ماشغال بالمسألة دى. البقول أنا عربى او انا نوباوى او انا من الأشراف او انا فلاتى ….. الخ على كيفكم. لكن نحنا زى ما نحن لا غيرتنا ظروف و لا هزتنا محنة. نتعامل مع الجميع بصدق وشفافية و محبة و مسافات متساوية. سيرتد سيف العنصرية على عنق كل من امتشق بة و سيعلم الذين ظلموا اى مكروة ارتكبوة و سيندمون حيث لا ينفع الندم.
ربنا احفظ البلاد من شرور الظالمين ….. اميييييييييييين